Shanna Yeung的個人專頁

之前試咗個羊肉全餐，由羊煲到內臟再到羊架，整體感覺都ok嘅，個羊肉煲一上枱，傳來陣陣藥材同羊肉嘅香氣，湯底飲落暖身，味道清甜，如果鍾意濃味嘅可能會覺得可以再厚重少少。羊肉份量適中，肉質有咬口，鍾意食腍身嘅朋友或者可以烚耐少少羊雜處理得幾乾淨，冇咩令人擔心嘅味道。羊肚同羊腸食落爽口嘅至於羊架，係今餐嘅主角。外面煎得金黃，切開見到誘人嘅粉紅色，生熟度掌握得唔錯。肉質保持到嫩滑，能夠食到羊肉本身嘅味道。如果表面可以再香脆少少，或者調味再突出啲，整體感覺會更加圓滿總括來講，今次羊肉宴係一個穩陣嘅選擇，各方面都交到功課，冇咩出錯…查看更多

到咗間舖頭真係超多人，人氣爆棚，估啲嘢食應該真係好正先會吸引到咁多人嚟食。我一坐低就叫咗個招牌銅鍋米線，再加咗炸海蝦寶同香炸豬扒兩款餸，跟手叫埋支豆漿，最後仲同自己加多個甜品（爆漿紅糖糍粑）。 一上枱真係嚇親，份量多到呢，我仲懷疑緊呢份係兩人份量嚟㗎！食物方面都好有驚喜，好似個睇落平平無奇嘅蝦寶，裏面竟然係原隻蝦肉，誠意十足！塊豬扒又超大塊，其他舖頭邊有咁大份量啊？最後個甜品真係冇得頂，竟然真係做到爆漿效果，大家真係要嚟試下！ 不過真係超多人嚟食，所以都要預多少少時間等位…查看更多

之前已經聽過呢一間雞煲超好味，咁啱附近經過就決定去試下係咪真係咁正，我哋叫咗至尊惹味雞煲 ，上到嚟個份量爆多，個份量似4人份量，但我哋得兩個人🤣仲要飲品任飲，無限加雞，又可以寫紙叫埋其他野食，胃口細少少都試唔到咁多野，而啲雞肉係好嫩滑，一啲都唔鞋口，重點係真係冇改錯名，個味道係超級惹味，食下食下本身以為食唔晒啲雞，點知都食得落跟住就加湯去打邊爐，不過可能因為前期俾我揀晒啲辣椒出嚟，所以加湯落去嗰陣就變咗個湯底冇咩味，下次都係亂咁嚟🤣🤣🤣🤣以咁嘅價錢食到晚市放題其實都已經買少見少，重要啲雞咁高質，下次真係要搵多啲朋友去encore …查看更多

街坊小炒王對決：魚香茄子 vs 黑椒牛柳粒，邊個更惹味？講起港式小炒，魚香茄子同黑椒牛柳粒絕對係「白飯殺手」級數！今次就同大家拆解下呢兩道街坊至愛～ 🔥 魚香茄子：平民嘅極致享受一上枱就聞到陣陣蒜香同豆瓣醬嘅鹹香，茄子煮到淋而不爛，入口即化，但竟然仲keep到完整嘅賣相！師傅手勢夠晒老練～ ✨ 重點：魚香用咗鹹魚、蒜蓉、豆瓣醬爆炒出嚟嘅靈魂醬汁，撈飯真係無得輸！ 💡 小貼士：叫多碗白飯，因為啲汁真係會令你忍唔住「清碟」！ 🥩 黑椒牛柳粒：鑊氣十足嘅肉食者天堂牛柳粒香濃美味，仲要粒粒都啖啖肉，食落仲有微微嘅焦香，證明師傅夠鑊氣！ ✨ 重點：牛肉醃得夠入味，咬落去仲有肉汁爆出嚟，加埋洋蔥同青椒嘅清爽，平衡得剛剛好～ **🍚 終極對決：點揀好？** - 想**重口味送飯** ➔ 魚香茄子 - 想**食肉獸大滿足** ➔ 黑椒牛柳粒 - 成年人都要揀？**叫晒兩碟**，再打包返屋企宵夜！ **📍 溫馨提示：** 呢兩道菜式間間茶記都有，但鑊氣同醬汁先係決勝關鍵…查看更多

同男朋友喺附近經過見到佢出咗新嘢就立即去試（可能佢已經出咗好耐，不過我真係比較少過嚟🤣），一坐低無耐姨姨已經好快手俾咗兩杯豆漿我哋，喺出邊行到熱辣辣飲番杯豆漿真係好舒服，呢個服務態度真係一流#瀨尿蝦生煎包我想講呢個包真係冇得頂，一樣一咬開就會噴汁，跟住就見到大大嚿瀨尿蝦肉，超級足料，而且食落仲有啲鮮甜味，都幾有驚喜而#麻醬青瓜雞絲粉皮 同上次一樣，都係麻醬任加，份量極多，熱辣辣食返啲涼野真係一流我哋仲叫咗個#招牌炸豬扒拌麵 ，第一次是拌麵冇諗過佢個醬係咁好食，同埋食吓食吓個份量都幾多，所以到最後我哋係食唔晒，而個炸豬扒都好厚身，加埋個醬一齊食，反而仲開胃今次我哋仲叫埋#小籠包 ，佢嘅皮係超級薄，薄到可以睇到入邊啲湯汁，食落真係皮薄餡靚，肉汁超濃，啱晒重口味嘅我…查看更多

經過附近又再嚟做下回頭客，其實早兩個月都同朋友嚟過，不過當時唔記得咗影相，而計埋之前嗰兩次，呢一間餐廳嘅食物質素真係一如以往嘅好今次我哋就食咗個 #香煎蟹餅伴沙律配油醋汁 ，我本身係因為好鍾意食蟹嘅人，所以見到今次有新Menu立即叫咗呢個嚟試吓，佢嘅蟹肉真係不得了，完全啖啖肉，一啲殼都冇，令我哋真係食到好滿足Pizza 方面我哋就再翻撻咗 #煙三文魚配千島醬薄餅 ，因為真係大件夾抵食，而當然佢個味道係冇得輸，啲芝士仲要可以拉絲，正呀🤤而主菜方面我哋就叫咗 #烤美國極佳級肩胛牛扒 ，今次就簡咗最大路嘅黑椒汁，首先個擺盤係冇得輸，而當中嘅菜同蘿蔔都好甜，睇得出本身嘅蔬菜係好高質素，而主角牛扒都唔執輸，肉質軟淋得嚟又有牛味，食呢碟菜真係一種享受❤️以小店嚟講呢一間真係好高質，地址又近地鐵站，如果大家過嚟荃灣你都去試吓❤️❤️…查看更多

📍 悦川 住附近都唔知原來有呢間野🤣係咁啱係悅來坊行行下搵野食先搵到佢，一試完真係發現認識得佢太遲，我哋就叫咗個晚市三寶，質素真係好高#避風塘辣炒龍蝦仔 呢個下次嚟食真係要encore ，係超級惹味，龍蝦仔開邊之後令到味道更加入味，龍蝦肉爽口彈牙，每咬一啖完全感受到蒜香與辣味嘅完美結合，而隻龍蝦油炸過之後連啲殼都食得，食落真係好香口#酸辣魚皮魚皮經過特製嘅酸辣醬調味，酸味同辣味恰到好處，唔會淨係得個死辣，而魚皮好酥脆，結合埋蘿蔔絲同青瓜一齊食真係令人忍唔住一啖接一啖#小炒黃牛肉呢碟餸最欣賞佢就係啖啖肉，啱哂我，成碟餸拎上嚟真係超級香，而牛肉切成薄片，炒至剛剛好，肉質鮮嫩，口感滑順，一啲都唔硬，而且仲落咗芹菜、辣椒、蒜蓉一齊炒，令到辣味適中，食落好開胃地址：荃灣荃華街3號悅來坊2樓201號舖…查看更多

📍狎鷗亭居酒屋嚟到尖沙咀同朋友飲杯野之前想食啲韓國野，不如嚟試下呢間居酒屋啦，現場環境都比較寬闊，食完野落去happy hour 夠哂方便，而野食方面都份量十足，味道唔差㗎，一落完單就會上6種小菜，每種小菜都各有風味，味道較清嘅係食到中後期真係起到個超大作用，好解膩#燒黃花魚 $188本身魚有醃過，所以食落帶有少少鹹香，再點埋個醬汁嚟食真係絕配，令到成個味道昇華哂，估唔到望落普通嘅醬都可以咁好食#炸八爪魚雞 $288呢艘船上嚟個陣真係嘩一聲，冇諗過個份量會咁多，淨係八爪魚都有3隻，店員俾我哋影完相打完卡之後都好細心幫我哋剪細舊啲，方便我哋食，而八爪魚個本炸粉唔算厚，感覺好似有少少椒鹽味咁，而炸雞都保持住鮮嫩多汁，店員向我哋建議蜜糖味，果然冇介紹錯#牛筋湯 $128飲酒前想暖下胃，所以就叫左個熱湯飲下，開頭咩都冇落個陣就會覺得個湯好淡，但當我哋落左鹽之後發現成件事唔同哂，啲牛筋份量好多，又煲到好淋，真係一流其實呢一間嘢啲食物質素都唔錯，而且份量十足，同朋友相聚食飯傾偈都係一個唔錯嘅選擇，我哋仲叫咗 #高杯酒，開頭第一啖飲落去唔係好習慣，不過越飲就越覺得好味，所有嘢都唔錯，不過就係韓仔（唔知佢係店員定老闆）嘅服務有待改善，開頭walk in入嚟見到我哋又冇反應，由得你企下，企係隔離叫埋單又冇咩反應，都係要你企一段時間先會望你，咁樣個觀感就麻麻地🙈…查看更多

自從去完新加坡之後就對個度嘅麥片蝦念念不忘，朋友話試過呢間好食就一於嚟試下，呢間餐廳有舒服嘅氛圍，完全係放鬆心情嘅好地方#羅惹 $88第一次食羅惹估唔到係呢個口感🤣當中嘅水果好特別，酸酸甜甜咁，好清新好開胃#麥片軟殼蝦 $188呢個菜式做得超級好，軟殼蝦炸到金黃香脆，外面包住香脆嘅麥片，食落去口感超級豐富，蝦肉嫩滑彈牙，配合上麥片嘅香脆感，真係好好味，入面仲有少少甜味，完全唔會膩，食完仲想再嚟一份#辣椒蟹忌廉醬義大利蛋麵 $178蟹肉鮮味十足，份量都唔錯，忌廉醬濃郁，辣味剛好，唔會太過火，而義大利蛋麵煮得啱啱好，口感彈牙，配合上蟹肉同忌廉，真係一流！面頭仲有大大隻蝦，帶有少少香脆都好好味#美祿爆炸 $58呢個係兒時回憶，細細個已經好鍾意飲美祿，今次呢個真係不得不叫，完全冇改錯名，濃濃嘅美祿絕對係必試#玫瑰露恐龍 $48呢杯野飲粉紅粉紅好少女，飲落去濃濃嘅玫瑰香味，都幾特別…查看更多

本身諗住試第二間泰國嘢點知冇開，過嚟買蛋撻見到對面有間泰國嘢就打算試吓#肉碎生菜包 $88呢個生菜包辣辣地所以相對嚟講都比較惹味，而佢嘅辣係食第一啖唔覺，食食吓就開始滲出嚟，到後尾直頭嚟料🤣🤣🤣搞到要係咁飲水#燒豬頸肉 $98豬頸肉係呢三樣嘢入面最好食嗰樣，本身豬頸肉都有少少調味，加埋個醬汁真係冇得頂，又帶有少少甜甜地，令人忍唔住一舊接一舊#泰式蝦炒金邊粉 $118呢一個粉真係最唔推薦，首先食落個味道剩係得個甜味，其餘咩味都冇，就算吱咗青檸汁都補救唔到，啲粉好似煮得太耐，有啲過腍甚至爛爛地咁搞唔掂，真係唔會再嗌呢樣…查看更多

深水埗多野食就大家都知，而佢附近嘅長沙灣原來都唔差，起初真係俾佢個名吸引到，點解個名會係美味的泰國菜🤣到底係對自己啲出品幾咁自信先會改呢個名🤣真係一試便知龍與鳳#泰式燒牛肉沙律 $108見佢係new arrival已經想試下，嚟到見到嗰份量都好多，個醬汁好好食，我係最後將海南雞啲雞肉浸埋落去食，可想言之幾咁正，而牛肉方面大部份都係比較冧身，只係得伶仃幾舊相對較硬要咬好耐，但係整體嚟講呢個我覺得可以再encore#泰式青檸蒸魷魚 $149呢個魷魚嘅味道就相對比較清，如果食開重口味嘅就可能會覺得佢個味唔係好夠，但係如果你本身都鍾意清淡嘅話呢一款就好啱你食，成條魷魚個肉質都比較冧口，唔會硬到好似橡筋咁，軟綿綿幾好咬#泰式海南雞飯 $70呢個飯嘅性價比超級高，因為啲雞肉嘅份量係好多，只係個醬汁就相對比較少，點到最後仲剩返好多雞肉，如果佢啲醬可以多啲就好啦，所以就點咗另外一款醬（燒牛肉個醬汁），結果出奇地都好夾#芒果糯米飯 $58呢個芒果係用咗水仙芒，所以食落去都會比較香，而成個芒果糯米飯係即叫即整，所以糯米飯送上嚟仲係熱辣辣，煙煙韌韌好好食，真係還原泰國嘅風味整體嚟講呢一間舖頭嘅性價比都好高，食物嘅份量好多，味道都唔差，所以見到佢長期都坐滿客人，雖然見佢樓面侍應唔多得一個，但係出餐嘅速度都好快，如果大家喺呢一頭不妨去試吓…查看更多

早起幾年前就已經成日過嚟食韓國嘢，嗰陣覺得好好食，之後冇再過嚟就冇食到，事隔幾年見表姐過嚟玩就諗住帶佢試吓，點知食落真係好失望，完全唔係嗰回事，首先我哋叫咗個炸雞同埋魚介湯鍋，兩樣野都大為失望#半半炸雞 $218我哋叫咗原味同埋蒜味，份量對比以前已經少咗，以呢一個價錢咁嘅份量完全唔合乎性價比，原味個味道好難以形容，係得個蒜味OK少少#魚介湯鍋 $258呢一個鍋簡直不知所謂，首先送到過嚟嘅時候係冇火，叫極人都冇人理，終於有人嚟嗰陣點着過火都等好耐先滾，食落啲嘢食係冇味，唯有叫侍應拎啲辣醬嚟舔吓，不過真係完全唔夾，如果有得再揀一定唔會再食呢一樣…查看更多

一直都好想試川菜，但係自己又食唔到辣，朋友講呢間可以揀唔同嘅難度，啱晒我呢啲食唔到辣嘅人#夫妻肺片 $68夫妻肺片煮得剛剛好，口感滑嫩，搭配上特製的麻辣醬汁，既香又辣，令人食指大動，再加埋青瓜口感更加豐富同清新#辣子雞 $128辣子雞色澤紅亮，一見就令人垂涎欲滴，雞肉炸得金黃酥脆，再加上滿滿的乾辣椒和香料，辣得嚟又唔會只係得個辣字咩味都冇，真係好好餸飯#渝家小炒肉 $88渝家小炒肉真係一個唔可以錯過嘅美味，呢道菜用新鮮嘅五花肉炒至金黃，肉質肥而不膩，搭配上青椒、紅椒同埋蒜蓉，色香味俱全，而且佢嘅調味非常到位，微辣中帶有點點鹹香，真係令人食到停唔落口…查看更多

夜晚想搵間有氣氛嘅餐廳同姐妹傾下心事就搵到呢間位於旺角嘅天台酒吧餐廳，成個環境都充滿着墨西哥風味，仲有好多靚靚嘅酒可以打吓卡#串燒拼盤串燒一共有六串，分別係雞肉同埋豬肉，點埋秘製醬汁簡直一流#炭燒肉眼牛扒 炭燒肉眼牛扒有豐富嘅肉香同埋多汁嘅口感，而成塊牛扒油花分布均勻，經過炭燒之後外皮帶有少少香脆，內裡則保持嫩滑，搭配埋海鹽同埋醬汁更加突顯牛肉的鮮味#黑松露野菌薯團黑松露野菌薯團真係好特別，口感軟糯，而且每一嚿薯團都充滿濃郁嘅黑松露香氣，以墨西哥菜嚟講都值得一試…查看更多

心思思想食燒肉，但係又唔知邊間好食嘅話不妨呢一間燒肉801試吓啦，今次我哋就去咗位於尖沙咀嘅分店，喺地鐵站行過嚟都係幾分鐘嘅事，超級方便而我哋就叫咗個#志盛2人前 ，當中有鹽味牛舌、黑毛和牛腹柳小排、黑毛和牛上肩肉、極上厚切牛胸腹柳、蔥鹽味雞腿肉同埋黑毛豚無骨小排，當中最最最吸引嘅當然係黑毛和牛，兩款牛睇落油脂都好豐富，食落口軟綿綿，就算煎耐咗都唔會韌，簡直一流，其餘嘅肉都唔錯，不過係個牛舌質感相對較硬，比較難咬開，較為失色，仲有個厚切牛胸腹柳嘅肉質都稍為有啲啲硬，個比起牛舌嚟講都算好因為驚唔夠食，所以我哋都加咗個冷麵，佢個味道都好好食，食肉食到有啲漏嘅時候食返啖冷麵加泡菜就會清新返少少，只係個份量就真係有啲少，下次都係嗌多少少…查看更多