CCMeg的個人專頁

重慶大廈係印度餐廳嘅集中地，喺香港想食印度餐，點都要嚟試一次。今次揀咗呢間網上曝光率幾高嘅珍珠皇宮餐廳試一試。Drink印度奶茶Indian Masala Tea印度凍奶茶Indian Iced Tea印度奶茶香料味濃郁，味道較甜；凍奶茶味道則較淡一啲。印度脆米球+ 乳酪脆米球Paani Poori + Dahib Poori呢個脆米球係餐廳推介，薄薄一層嘅脆米球外層脆卜卜，印度脆米球裏面有薯仔蓉，豆泥，淋上綠色嘅湯汁一齊食。乳酪脆米球裏面fill滿冰凍乳酪同鷹嘴豆泥，上面放咗粒紅石榴做點綴，口感好豐富。溫馨提示：上台後盡快食，放太耐脆米球會變林。椰汁咖喱魚Goan Fish Curry咖喱魚唔算太辣，超多汁，用嚟配烤餅或送飯都適合。蒜蓉烤餅Garlic naan烤餅鬆軟，蒜蓉味香濃，外層烤至微焦，配咖喱汁係Perfect match。印度番紅花杏仁雪糕Homemade Kesar Kulfi雪糕裏面食到粒粒杏仁碎，雖然話係雪糕，但口感似雪葩，上面仲加上番紅花醬。…查看更多

This bar and restaurant in Kwun Tong is really spacious and features a nature-inspired decor that gives off a forest vibe. The soft lighting creating a romantic and cozy atmosphere.It's not just a pet-friendly restaurant; it also doubles as a wedding venue, making it ideal for couples wanting a laid-back Western-style micro wedding.Recommended dishes:~French Style Baked Vanilla and ButterMashed Potato with EscargotsThe mashed potatoes are creamy and smooth, with a slight touch of vanilla, making them a great pairing with the French bread. The escargot is tender and has a nice chew to it.~Baked Huadiao Wine Drunken Chicken with Honey SauceThin and crispy chicken skin that's got a touch of sweetness，while the chicken is tender with a hint of wine flavor. …查看更多

觀塘工廈內，有間由台灣人主理嘅餐廳，地鐵站行過去5分鐘左右，位置方便。淺色木系簡約裝潢，配柔和燈光，感覺好warm。餐廳全日免收加一，午餐有一杯免費飲品；而下午4點後飲品係無限暢飲，有冰茶、綠茶和冬瓜茶可選，咁抵真係無得挑剔。手撕巨無霸炸全雞大大隻炸全雞即叫即做，熱辣辣送上枱；外皮香脆惹味，雞肉又嫩又Juicy，私心推介。👍🏼👍🏼👍🏼府城蝦捲滷肉飯府城蝦捲充滿台南風味，肥瘦相間嘅滷肉，油香十足，再加埋溏心蛋，送白飯無得輸。滷味五選麵 可以自選麵底同餸，我哋揀左關廟陽春麵，配雞中翼、豬耳朵、甜不辣、溏心蛋同花枝丸。配料夠入味。…查看更多

呢間上樓嘅新加坡fusion餐廳，簡約淺色系裝修風格，配大玻璃窗，採光度充足，地方闊落舒適。店員親切好客，又有禮貌。斑斕薏米水淡淡嘅斑斕香，微甜，薏米有咬口，清新解暑，夏天飲夠曬fresh。美祿爆炸如果想試重口味嘅特飲，可以選擇美祿爆炸，比美祿恐龍更高層次；上面有大量美祿粉，美祿可可球同曲奇，十分邪惡，啫甜嘅朋友應該會好鍾意。甜辣鷄軟骨自家製甜辣醬汁甜多過辣，上面撒咗芝麻，雞軟骨香口有嚼勁。不過食呢個小食要與時間競賽（趁熱食），因為凍左之後醬汁同雞軟骨們就會結成一團，難捨難離好難分開。😂老虎蝦喇沙喇沙材料十足，有大大隻開邊虎蝦、雞蛋、豆卜同埋好彈牙嘅魚蛋。麵底揀咗米粉加油麵兩溝，即「摻摻」。湯底唔算好辣，如果椰奶味再重啲，會更香濃，整體味道都滿意。肉骨茶肉骨茶藥材味唔算重，有蒜頭同胡椒嘅辛辣；排骨有好多件，份量足！加左白蘿蔔，令肉骨茶辛辣得黎帶清甜。油炸鬼凍左都好脆口，好味！😋…查看更多

上星期去咗呢間喺觀塘嘅Pet friendly酒吧餐廳，環境超級闊落，有園景露台同埋VIP派對房間，仲有好多玩樂設施：篤波、飛鏢、Beer Pong、唱K等等，有得玩又有得食，好適合唔同嘅派對聚會！DrinksAmericanoOrange Juice煙三文魚海藻沙律煙三文魚柔軟嫩滑，帶煙燻香味；拌車厘茄，紅海藻同綠海藻，口感清脆爽彈，又fresh又健康。水牛城雞翼雞翼酸辣開胃，外脆內嫩。乳酪醬同西芹條係最常見嘅配搭，乳酪醬可以平衡雞翼嘅辣味，而西芹清爽口感就可以解膩。另外，配啤酒或cocktail都好適合。美國安格斯牛肉漢堡個包夠曬鬆軟，牛肉Juicy之外，中間仲有熱熔芝士，新鮮番茄生菜同埋一大片微焦嘅菠蘿。紐西蘭青口鮮茄意粉青口圍滿碟邊，一啲都唔吝嗇；Al dente口感意粉配自家製鮮茄醬，酸酸甜甜好開胃。榛子朱古力香蕉酥批個批上枱時仲係微熱，好酥脆。上面加咗榛子朱古力醬，士多啤梨同香蕉片，再配多個雪糕球，有冷熱口感嘅效果。…查看更多

呢間位於銅鑼灣鬧市嘅海景中菜餐廳，地點方便，環境開陽舒適。邊嘆靚景邊用餐，大飽口福同眼福，雙重享受。菜式融合傳統概念同現代創意，十分多元化。除左粵菜之外，仲有其他唔同地方嘅中菜，選擇好多。一坐低就有花生魚仔同蕎頭做前菜，魚仔大大條又脆口，食到停唔到口🤣。鯊魚骨瑤柱用鯊魚骨同瑤柱熬成奶白色嘅湯，湯嘅質感較濃稠，裏面仲加咗啲杞子，每一啖都係精華。紅燒乳鴿乳鴿皮香肉嫩，唔使點淮鹽或醬汁都好夠味。新加坡胡椒蟹爪粉絲煲呢道菜式係張公館十大招牌名菜之一，螃蟹鮮嫩多肉，黑胡椒醬料嘅辣味又香又惹味，粉絲吸收曬醬汁，用黎餸飯就啱曬，嗜辣嘅朋友一定唔可以錯過。😍上湯蒸星班伴脆皮紫菜賣相矜貴又精緻，用蠟燭加熱一直保持溫度。上湯清淡唔油膩，配嫩滑嘅星班肉同豆腐，加多一片脆皮紫菜，增加口感層次。…查看更多

呢間喺銅鑼灣嘅德國餐廳已經開咗好多年。餐廳地方寬敞明亮，木系裝潢為主，充滿德國風情。試咗佢哋嘅春日人套餐，鍾意飲酒嘅仲可以選擇free flow兩小時無限添飲紅酒、白酒或盧雲堡啤酒。亦可以選擇加錢飲其他飲品。迷你黑森林火腿德式薄餅，薄餅足料熱辣辣，餅底邊微焦，外脆內鬆軟👍🏼。挪威煙三文魚沙律配柑桔，西柚，橙，藜麥，超FRESH。招牌烤脆皮豬手鹹香肉嫩，外皮脆卜卜，伴酸椰菜同薯角。帆立貝，鮮蝦，車打芝士蝸牛通心粉啖啖芝士，十分香濃。甜品係特濃朱古力蛋糕配燴雜莓，濃濃嘅朱古力配酸甜雜莓醬，果醬嘅酸味同朱古力蛋糕嘅甜相平衡。…查看更多

代代橙和柚子酒果味滿滿，酸酸地，清爽解膩，啱晒夏天飲。豆腐沙律胡麻醬配滑滑嘅豆腐同新鮮沙律菜，fresh得黎又可中和下食燒肉嘅膩。大判燒～黑毛和牛西冷大判燒～黑毛和牛西冷係必食推介，油脂均勻，切成薄薄一片，輕輕煎一煎就得，入口即化。如有需要，可以搵店員代勞。記住點埋蛋漿一齊食，口感更加滑，配飯或生菜都好夾。蔥塩味牛舌牛舌只用蔥同塩簡單調味，肉質爽嫩彈，唔會有油膩感。海鮮拼盤準。拼盤嘅蝦大大隻好新鮮，估唔到除咗牛，其他海鮮都有水日本蠔蠔唔算大隻，但脹卜卜好新鮮。佐賀米 飯口感Q彈帶微甜，飯凍左都好好味，用嚟送肉就啱晒。昆布玉子湯玉子湯味道淡返少少會更理想。黑毛和牛裏腹小排油脂豐富，油香十足，牛味濃郁。燒到焦焦地咁食就最正。食完正餐仲有甜品作結，係杏仁奶凍同雪米糍。…查看更多

位於觀塘嘅新派粵式中菜館，一開門就見到一張好吸睛嘅特色櫃檯。餐廳裝修簡潔，地方寬敞舒適。秋霧滷醉蝦醉蝦飽滿，蝦肉結實多膏，酒味濃郁入味。乾冰嘅煙就似秋霧一樣，好有意境。艷影蝦球香脆外皮沾滿香芒汁，裏面大大隻蝦球，新鮮肉嫩，超級彈牙。底層鋪咗檸檬，成道菜酸酸甜甜好開胃。公子牛肋排原條牛肋骨起左肉，醬汁濃郁。牛肋排軟嫩多汁，肉同脂肪分佈均勻，而且好夠腍，無牙都啱食🤣。推薦！海味桂花粉絲煲粉絲煲裏面有芽菜、花膠、海参、魷魚、金華火腿等食材。將全部材料切成絲，芽菜爽口，海味鮮味，口感豐富。金華火腿嘅鹹香味令粉絲煲味道更加提升。而滿滿嘅蛋黃碎帶濃郁蛋香，賣相就好似金黃色嘅桂花一樣。木瓜雪耳糖水清甜潤燥，食完甜品令成餐晚飯更滿足。…查看更多

喺大館對面有間黎巴嫩餐廳，裝修好有特色，充滿中東風情，環境氣氛又好，打卡一流！另外仲試在幾款唔同哦芝士菜式，味道各有特色DrinkOne thousand one nights～唔會太甜，酒精味剛剛好，玫瑰味道好突出。推薦👍🏼Zwin Zwin～果味濃郁，很適合啫甜人士。SHANKLISH CHEESE SALAD芝士沙律～Shanklish係一種中東地區嘅芝士，帶濃郁香料同香草味道，配新鮮蕃茄同青瓜，更易入口。HALLOUMI AND FIGS炸哈羅米芝士配無花果～哈羅米係一種半硬質芝士，味道帶鹹香，口感結實；配無花果，係一道鹹甜融合嘅輕食。PETA SPINACH BOREK菲達菠菜酥～中東同地中海風味嘅餡餅，酥皮卷配菠菜，底層鋪左菲達芝士，香口又適合素食人士。HUMMUS INAB葡萄乾鷹嘴豆蓉～鷹嘴豆蓉係中東嘅特色食物，營養豐富。鷹嘴豆混合芝麻醬及葡萄乾同橄欖油，口感綿密順滑；配pita bread係perfect match。DAILY CATCH - SNAPPER是日烤魚～鯛魚～原條起骨上，肉質仲好嫩滑，加埋檸檬汁更開胃。…查看更多

上星期試咗呢間位於Elements嘅英印fusion餐廳，環境舒適，裝修有特式，空間感十足。餐廳分左兩層，下層有outdoor area，上層有落地大玻璃，空間感十足。牆上面掛滿士兵嘅掛畫，又有槍同士兵帽做裝飾，好特別。試咗幾款masala嘅菜式，各有特色。沙律新鮮，naan同甜品都唔錯。個人推薦佢哋嘅烤餅，口感柔軟得黎有嚼勁，配埋個印度烤雞咖喱一齊食。另外飯球薯餅雜燴都好有特色，薯餅裏面係流心芝士，下面配鷹嘴豆咖喱同酸子。飲品方面個人推介masala chai punch，肉桂嘅香配印度拉茶茶香，帶微微甜，係一款清新嘅Mocktail。甜品試左開心果巴斯克焦香芝士蛋糕，蛋糕上面撒咗開心果碎，蛋糕外層唔算好焦脆，裏面微微濕潤軟綿綿。其實試咗幾款菜式都覺得好好味，呢間值得一試再試。…查看更多

呢間位於尖沙咀The One嘅西餐廳，華麗宮廷風裝修，高高嘅樓底配水晶吊燈，環境優雅，打卡一流。Steak Dinner Set 火焰牛扒套餐Caesar Salad凱撒沙律SOUPSoup of the day + Lobster Bisque (+$38)是日餐湯係南瓜湯，另外可加錢升級轉招牌龍蝦濃湯Crab Meat Risotto蟹肉意大利瓜番紅花意大利飯～精緻份量，適合女士們Beef Steak Flaming Cognac Flat Iron 8 oz干邑火焰平鐵牛扒～牛扒有濃郁嘅酒香，煎至五成熟，肉嫩juicy 。French Crepe 法式班戟（+$58）Apple Cinnamon Crepe 蘋果肉桂可麗餅～餅皮柔軟，肉桂味濃郁DrinksLemon Tea (Ice)Set - Lemon Water (Hot)…查看更多

呢間位於30樓連海景天台嘅酒吧餐廳，裝修華麗又夢幻，周圍都有打卡位。精選cocktail飲品更令人帶來讚嘆嘅視覺體驗。ONE THOUSAND & ONE NIGHT 一千零一夜• SAKE • PASSION FRUIT • EARL GREY新鮮熱情果配合伯爵茶香，代表魔幻的雞尾酒～果香味比茶味濃，適合女士KAMO RIVE 鴨河川（餐廳signature cocktail之一）• KINKAN • CUCUMBER • ELFERFOWER清爽的日本金柑酒、青瓜、接骨木花，代表神隱的雞尾酒～味道清新微甜而不濃烈，好易入口WAGYU BEEF CARPACCIO意式薄切生和牛片～將牛肉切成薄片，口感柔軟。上面鋪滿火箭菜，配黑醋，橄欖油同芝士，清新開胃。DELMONICO STEAK (AUSTRALIA M3 WAGYU RIB EYE)澳洲 M3和牛肉眼扒肉眼扒煎至五成熟左右，保留肉質鮮嫩，配少量海鹽令肉味更突出。SEAFOOD MARINARA SPAGHETTI IN LOBSTER BISQUE雜錦海鮮意粉伴香濃龍蝦汁海鮮足料，意粉軟硬度剛剛好，龍蝦汁夠香濃。…查看更多

前日去食燒肉午餐，燒肉店位置喺黃埔站附近，C2出口行大概5分鐘左右就到。呢間人氣燒肉店中午有午餐定食/午市特惠燒肉定食。大判燒～黑毛和牛西冷係餐廳重點推介，海外店限定。餐廳會根據牛嘅唔同部位，切成不同厚薄，務求保留和牛最原始嘅風味同口感。和牛西冷油脂豐富均勻，切成大大片，每邊輕輕燒一燒，好快就可以食，肉質鮮嫩而且牛肉味濃，再加埋溫泉蛋汁，口感更嫩滑。牛板腱肉牛板腱肉脂肪比例相對較少，肉質紮實得黎又唔會韌，而且肉味重。壺漬 KAKURA牛胸腹肉用一個大壺上，裏面放入一塊用壺漬處理過嘅厚切牛胸腹肉，肉塊比手掌還要大。上面撒咗蔥花，下面放咗洋蔥。燒好之後再切返細細件食，保留中間嘅肉汁，肉嫩又juicy。個人覺得走汁食，淨係落少量鹽同胡椒都好夠味。牛肉壽喜燒烏冬呢個係lunch set，包埋飲品，小食同沙律；壽喜燒烏冬嘅牛肉同配料份量足，讚岐烏冬超彈牙，好食！😋😋😋飲品檸檬威士忌梳打～味道微酸清爽，好易入口白桃乳酸梳打~酸酸甜甜似果汁，識合愛甜人士餐後仲有甜品送，係杏仁奶凍同雪糕泡芙，食完甜品令呢餐午餐更加圓滿。…查看更多

琴晚宵夜去咗食潮州打冷，呢間潮州菜館位置喺越秀廣場一個轉角舖位；舖頭牆上貼左一大幅中式復古壁紙，環境舒適新淨。地方雖然唔算好大，但都設有獨立房間。九點後過嚟食宵夜仍然坐滿人，好熱鬧。～滷水鵝件拼鹽香雞滷水鵝件帶少少肥膏，肉嫩多汁，而且滷得入味。鹽香雞雞皮軟滑，肉厚嫩滑，鹹香味濃；適合送酒或送飯。滷水豆腐襯底，吸收晒滷水汁嘅味度同鹽香雞嘅鹹香。～蠔仔粥蠔仔粥新鮮足料，一大碗大概係二人分量。蠔仔粒粒飽滿漲卜卜；飯粒完整，粒粒分明。配料有方魚，肉碎同芫茜。方魚烘至香脆，又可以用嚟提鮮，個粥食落更加鮮味。～竹炭豆腐竹炭粉做外皮，炸過之後特別酥脆，裏面包住嘅豆腐依然嫩滑。外面撒上蒜蓉粒同金箔，即時令簡單菜式變得矜貴。…查看更多