SusannaaV的個人專頁

唔知開左間拉麵店，知道左二話不說就要試下啦。望下價錢，其實都屬平價之選。有前菜，一件唐揚炸雞+芝士年糕，甜品。初次試麵，當然係order d basic 野啦。麵要普通，湯要味噌。👀觀感其實都唔錯既。前菜都好新鮮。雞件唔算juice，但都唔太乾。白蔥配味噌湯真係出奇地match wo.可惜麵略為軟身了一點，定係本身個麵都係偏幼呢？！總之唔喜歡食軟麵的就要order 硬一度了。另外，唔知係唔係麵底較大，家湯比較少。兩者既比例唔多match.肉也稍為薄了點...…查看更多

係見到呢間特色既cafe，好想試下。環境其實唔錯，裝修都有特色。服務員都好nice，係唔夠人手。原本想試下個全日早餐，但店員話因為係lunch hour ，呢個製作時間比較耐，所轉左叫lunch set。兩個人叫左3個sets，好似誇張左少少，不過諗住同朋友慢慢傾計，都ok la.個set 有湯有野飲，先呢個湯，忌廉磨菇湯，係有驚喜既，因為菇味都幾重，唔似有d餐廳淨係得忌廉同水味，明顯放左d心機。Main 我order 既係意大利飯，呢到我係呆一呆既，因為真係出乎意料的...細，感覺真係我得兩啖。相對地個意粉既份量睇落會多返少少。講返個飯，個人覺得似燴飯多d。無risotto 個種滑同膩。而且飯粒都好分明。至於個意粉，好濃既茄味，但香料都多左d。無左扁意粉既滑。另一個驚喜位會起個bagel 度，一般都會配cream cheese。當發現沒有跟配個時，係會唔知點食。點知原來裡面係會有個咸蛋黃?!真係唔知那裡來的想法。不過本身個bagel口感都較硬，如果可以焗返熱，感覺會好少少。Salad 都好新鮮，唔錯。所以2個人食3個sets 都係岩岩好。咖啡方面，混合豆，沒有太多的comment.至於會唔會再想試下個 all day，看緣份吧。…查看更多

朋友介紹呢間火鍋，就決定試下。服務員介紹左個小食 "老友鬼鬼" 俾我地食住先，呢個其實係油炸鬼加蝦滑。個油炸鬼好香好脆。食完都好想reorder。呢個真係推介。有別於一般的火鍋店，呢度有好多魚產品食。特別仲有大魚頭同魚鰾。魚不新鮮很容易會腥的。睇下個魚眼，就知新鮮。加上椰子湯底，就特別鮮甜。魚鰾同魚片，都很爽甜。另外都有叫"特級手切肥牛"油脂分佈平均，好林。還有一個都想推介的是竹笙露笋卷，吸晒湯既味道真係好正。除左一般既響鈴，豆卜，仲有鮮腐竹同蜂巢豆腐。菜既種類，又有淮山同皇帝菜。呢度真係一般出面火鍋店食唔到既野都食到。而且分量都唔少。原本以為以牛為主，點知仲有咁多野食。店的環境也很好，坐得舒服，波有壓迫感。…查看更多

點指兵兵揾野食。呢間食steak 既comment 好似唔錯wo...望下餐牌，真係岩食肉獸。見到有威靈頓牛柳，好想試。1)唔係度度有得食，2) 好食的更加難。所以決定試一試。估唔到有意外驚喜，個牛柳煮得岩岩好，仲好juice.，之前係出面食都係overcooked既。個農夫包湯其實應該都唔錯既，可惜我唔太欣賞個 南瓜湯，個人覺得如果係蕃茄湯，或其他湯會好d。Shake shake 海鮮個醬唔錯，撈左d薯角幾好味豬仔脾個汁比較濃，搶左d甜品有紅酒煮梨，可惜小小偏酸…查看更多

聽聞呢間芋圓已經有一段時間，但之前一直都夾唔岩佢既開店時間，所以未有機會試。今晚係附近食完說，終於可以一試。都幾多人排隊，得8個位，所以都係外賣為主。先落單俾錢的。order 左個黑糖桂圓，已經包左3色芋圓。糖水不太甜，本人就覺得岩岩好。3色芋圓分別有蕃薯，紫薯同芋頭（如果無記錯的話)除左好QQ，同好好味，已經唔知點形容好了。因為已經急不及待要KO 佢。…查看更多

原本跟朋友3-4星期前約好食飯聚聚的，當時亦快快訂左廣華街一西餐廳。點知BOOK 左再等30分鐘後，都無檯俾我地。一肚氣，又從新覓食。印象中呢度有間新開既小店，初時都以為淨係飲酒，點知原來仲有正餐食。基於饑，忟，攰，加上個MENU 都好吸引既關係，唔理LU。沖左入去。2人SET 中，有SALAD，小食，主菜，PASTA (錯手DELETE 左張MENU 相 )我地4個人就叫左2個SET。真心感覺每樣都好好食，用心之作。牛扒同羊架都煎得好香，而且好JUICE (除左個邊邊位，係有少少DRY) 仲有佢個生蠔，我們點了法國及愛爾蘭石蠔。完全係我喜愛的海水，及鮮味。較普通的會是洋蔥圈，是一般現成入貨碎洋蔥混粉炸的那種。有點遺憾。…查看更多

約左朋友仔去行山，出發前當然要食個令人開心的早餐啦。荃灣區食Brunch 首選當然是荳子。當牛油果控遇上荳子呢個MENU，不加思考的都點了這個牛油果蟹肉 Benedict。滑又濃的牛油果帶點LEMON 的清新，真係好有口感及味道。正! 跟餐的飲品只有3款，點了1個美式咖啡。屬普通級別吧。…查看更多

岩岩睇完關於贊岐烏冬既節目，同妹妹就好想搵烏冬食。但路過金田家，好似新開了都沒有試過，於是改變主意了。選擇都幾多，有麵有飯。本身麵質都偏軟身，普通都已經夠淋。份量女孩子來說算是普通，都可以叫多個小食SHARE。男爵薯餅 (1 客2個) 唔同味道的，一個是薯蓉，另一個是係紫薯。幾好味。驚喜的，會係柚子辛口拉麵，帶點柚子的清新，解去油膩感。…查看更多

本身就特別喜愛 Ginger Latter，見到呢度仲標名係 Fresh 既，急不及特要一試。可惜有點失望，薑的味道始終不夠，反而被糖漿的味道擔了。不過底的咖啡還是不錯的，或者下次都係點基本咖啡會好一點。…查看更多

都開左好幾年，之前都有黎食過幾次。唔知係唔係轉過手。近呢幾次好似有些不同。之前主力都係串燒，家下做埋雞煲。其實又真係食唔到咁多。個人比較偏好串燒，夠多選擇。原隻燒茄子，蒜容應該係超市個種，好多油。其他都唔錯，驚喜位會係個羊架同燒菠蘿。雞煲又食唔到太多，未打邊爐已經飽。味道尚算可以。價錢方面，串燒好似偏貴左少少。…查看更多

每隔一段時間都好想好深水埗搵野食。朋友介紹呢間蛋牛治好食，又去朝聖先。識食真係要食烘底。牛肉係鮮牛，加埋雞蛋，真係好香。烘底黎到仲好脆另外仲有豬手麵都係推介架。值得一試。…查看更多

成日搭車麵見到呢度有幾間好似唔錯既餐廳，但呢個位置人流又真係唔多。呢間小店又好似幾特別喎。凍凍地，又落緊毛毛雨。雖然樣樣野都想食，但最後都係要個生牛河先。湯粉要試就先試個湯。嘩! 除左好濃，好鮮之外，就真係好好味。明顯感受到店主落左好多料去煲呢個湯底。牛肉真係好有牛肉味，仲有牛腩，好林。唔係講笑。。個人覺得份量多左d。小店主要以外賣為主，而且支持客人自備盒。而佢地用既外賣盒都係可分解的。真係誠意十足，同夠地道。…查看更多

剛剛見到報道介紹這間緬甸小店。喜歡試各地菜式的急不及待馬上要來一試。眼見餐牌，每款都覺得新奇，每樣都想試。今次初黎，先試最近推出的"酸辣雞絲米線"因為初嘗不知辣度，所以先來個小小辣。湯底好特別，個種酸味似是加了檸檬汁，很清新。米線的質感也很好，很彈身的會再來試埋其他的…查看更多

店內裝置都充滿了文青氣息，滿是乾花的佈置。分室內及室外的。午餐的選擇都頗多，由於第一次來，西冷配意粉看似簡單而不的，可看功力。西冷的軟熟剛剛好，而且不太乾。意粉不過不失，屬彈口一類。個人比較欣賞個汁，好好味。午餐只係配一小杯熱綠茶。但我見店內有部炒咖啡豆既機，而且仲有咖啡豆賣。心思思想試下佢地既咖啡。$15/杯，也不為過吧。就來一杯ice drip coffee 吧!eee... 不錯。很清新，而且淺淺果香。單看上檯的杯也加了點分。題外話，我發現店內既凍飲，都是用環保飲管的。很意外，而且欣賞店不怕麻煩，為環保出力。…查看更多

如題， 好食到喊。幾廿年老鋪，我真係遲左10幾年先知。雀仔園公仔記既炒麵真係好好食。落單即炒，新鮮熱辣。雖然我甘坐正係個冷氣風口位，麵快左凍，但都仲係好好食。最後叫左支細cola...真係完滿，prefeito…查看更多