bigbiggirl的個人專頁

因為恆生咭的原因, 所以選左上海姑娘試試, 點知, 因人太多, 佢叫左我地2個人去坐隔離恆香棧間野坐底, 其實坐在恆香棧我都無咩意見, 最大問題係, 你叫恆香棧的伙記落order, 佢地會答你"吓, 你叫上海姑娘的菜, 我唔識落單bor, 要叫番上海姑娘的人先知bor" 真係"小你啦吧". 係你地的reception 安排, 唔識做就唔好叫人入去坐啞嗎. 我地叫左醉乳鴒, 時魚, 富貴雞, 酒嚷丸子, 雷沙湯丸. 我地等到頭盤上來, 連茶同碗筷都未有. 恆香棧的人可以當你透明, 完全唔理. 仲有嗰隻富貴雞間直連酒樓的糯米雞都不如, 正價要$190, 諗住半價後都唔會差成咁, 點知見到佢放底隻荷葉包雞, 入面得1/4隻雞+少少冬菇絲同炸菜絲. 人地糯米雞都有d米頂下肚. 間直不知所謂.…查看更多

我睇到Mega Box 在報紙賣廣告, 話promotion 期間, 去指定的食店<所有晚餐餐牌> 半價(飲品, 加一除外). 我之前都就此廣告宣傳去過Mega Box 幾間食店消費過. 都如廣告宣傳一樣. 點知8月6日去了Woodstone, 一坐底佢就比左2個menu 我. 一個寫明有恆生咭半價. 而另一個menu 什麼都無寫. 我覺得奇怪, 宣傳廣告明明寫明<所有餐牌> 有恆生咭就會全部半價, 為什麼會特別分開寫?? 於是我都係多口問過一句是否所有半價. 點知Woodstone 真係出古惑, 只係寫住恆生咭有折張menu係對現. 結果我想食的野就無半價, 得d cheap cheap 地的野就有半價(仲要好鬼難食). 叫左個$128 的牛扒, 上菜時好似得一半咁細, 就算半價後都覺得好細. 真係有比人騙入坐的感覺. 我亦眼見有很多人找數時先比佢玩起. 人地其他MegaBox promotion 的餐廳都真材實料, 新開張等人去試菜. 係得Woodstone 借半價之明騙人入局. 實在太差.…查看更多