janiceuu的個人專頁

大年初一自己走去食好啲，好艱辛終於搵到間開門嘅日本餐廳 ，一去到係包場，師傅幾好招呼，$380有8件壽司，飯壓得幾實算偏細舊，魚生算新鮮調味也OK，只係8件真係唔夠飽，再加多件海膽壽司都算鮮甜。可惜9件我都係唔夠飽。😂…查看更多

見到餐廳個名我諗係咖喱菜式比較出名，但我唔想食辣，所以叫咗煎三文魚定食試試，估唔到三文魚份量超班，唔會煎到好乾身，味道不錯。定食亦有齊前菜 甜品 湯同飲品，喺鬧市中$128食個一人晚餐，份量亦算豐富，性價比算高，絕對係會回頭幫襯嘅餐廳。…查看更多

2:00嚟到餐廳，等10分鐘左右就入得，2:00依然可以嗌午餐或者下午茶，多個選擇唔錯，我哋兩個人叫咗個黑椒蜆肉意粉，豬扒蔥油公仔麵同西多士，仲有熱奶茶同熱檸水，食物份量適中，蜆肉意粉偏辣，熱奶茶絲滑濃味，埋單$174，旺區嚟講食lunch價錢都抵食。…查看更多

天氣回暖返少少想食壽司，由落單到送到屋企只係用咗26分鐘，呢間已經係食咗超過10次，不過第一次食評，最欣賞呢間店嘅壽司性價比高，叫咗八件壽司一份玉子小卷埋單都唔使$200，最鍾意食火焰左口魚壽司，絕對係入口即溶，鰻魚壽司亦都比較厚身！…查看更多