Picky Couple的個人專頁

long time no visit Genki Sushi since the closing of the branch in Windsor House. recently saw this branch reopening, moving from the previous basement floor to the current second floor.ordered mostly $12 for two pieces of sushi, with reasonably good quality and great value for money. rice seemed a bit smaller than before though.we came here at 3:30pm on Sat with not much need to wait. service was great because a server offered to take photos for us when she saw us taking photos ourselves.four of us, including two adults and two kids spent less than $100 per head eventually. my kids had a great time.沙律軍艦三點 $24富山灣熟螢光魷魚 $12熟蝦沙律 $12玉子 $12甜玉米 $12蟹柳卷 $12針魚 $12炙燒目鰺 $12小肌 $12炙燒穴子 $12炙烤赤魷 $12魷魚 $12生風乾火腿 $12炙燒刺身蝦 $12炭燒牛肉蛋黃醬軍艦 $14炭烤雞肉 $12小柱 $12豪快甜蝦 $20沙律軍艦三點(吞拿魚、甜玉米及熟蝦沙律軍艦)$12…

餐廳：純一地點：大角咀塘尾道菜式：日式拉麵餐牌：六款拉麵、小食、丼飯、飲品，無加一。味噌拉麵 $88飲啖湯先，味噌味濃而不鹹，好清冇油。拉麵幼身，叫左正常硬度，口感唔錯。叉燒厚切兩大塊，燒得燶面，香口啖啖肉。伴有一隻流心糖心蛋、椰菜同京蔥加蔥花。辣牛肉拉麵 $108辣牛肉拉麵可揀大中小辣，我哋揀左小辣，呢個辣度醒胃又惹味，調得好。材料比味噌拉麵就多左牛肉同藏紅花條。西京銀鱈魚 $88西京銀鱈魚好大件，燒得濕潤，好入味。小食拼盤 $35雞皮雞軟骨雞腎小食拼盤可任選三串串燒。雞皮串薄而脆；雞軟骨串又香又脆；雞腎串彈牙有嚼勁，加上少少黑椒已經好惹味。信州汽水 $24信州汽水有3種口味，我哋揀左白桃味。香甜中帶少少酸，解渴！呢度拉麵果然健康，湯底唔會太油或者濃，無加味精，食完無口渴。而呢度拉麵份量幾多，叉燒又厚切。小店座位唔多，入面有幾張枱，有一張大大富士山壁畫，廚房係半開放式，可以見到廚師整野俾你食，好有家嘅感覺，好舒服嘅一餐。…

餐廳：Qué Pasa Tapas Y Vino地點：大坑銅鑼灣道菜式：西班牙菜餐牌：Bites, Tapas, Rice Paella, Mibrasa Charcoal Oven, Cured/Cheese, Desserts, Sangria & Some, 0% Alcohol-Free兩杯mocktail都用高身大杯裝。Sangria 0%, cranberry, orange, extracts, soda $58 另加一呢杯色水呈橙紅色，飲落係好香甜橙味，面頭加上檸檬角同青檸角，甜度適中，好解渴。Agua Fresca De Pina, pineapple, passionfruit, soda $58 另加一呢杯色水就呈橙黃色，飲落係香甜菠蘿汁味加熱情果味，面頭加上好多香橙角，香橙味濃。Tomato Bread, evoo傳統蕃茄多士 $28 另加一傳統蕃茄多士一客兩片，多士上面放滿冰凍蕃茄碎，加上豐富橄欖油，清新夠味又消暑。Rusa Salad, potatoes, tuna-mayo傳統薯仔沙律配吞拿魚蛋黃醬 $58 另加一傳統薯仔沙律配吞拿魚蛋黃醬用長碟上枱，脆口薯仔粒撈好紅蘿蔔粒，雞蛋粒等，灑上紅色調味粉同蔥花，個吞拿魚蛋黃醬汁味道唔錯，唔會太濃或者膩，食落味道微微辣，配有兩片法包比你餸沙律食。Truffle Bikini, cheese黑松露比堅尼三文治 $48 另加一黑松露比堅尼三文治一客四件三角形size，烤得燶面超脆口薄身多士夾住熱熔芝士同黑松露醬，口感外脆內滑，口感味道都一流。聞都聞到好香黑松露味。Patatas Aioli, smoked paprika西班牙脆炸薯仔粒 紅椒粉 $58 另加一西班牙脆炸薯仔粒熱辣辣上枱，炸得外脆內軟薯仔粒，簡單加上紅椒粉同香滑沙律醬已經好好味。Gambas Al Ajillo, garlic, chilli 橄欖油蒜片虎蝦 $158 另加一橄欖油蒜片虎蝦用鐵板上，一客六隻去殼虎蝦，加上大量橄欖油同蒜片，仲有香草同辣椒，味道少少辣，好惹味，口感爽脆。伴有兩片法包。Octopus, potatoes, paprika 八爪魚，馬鈴薯，紅椒 $168 另加一好多新鮮八爪魚切片，食落又鮮又有咬口，煙煙韌韌，下底有大量淋身薯仔，加上紅椒粉同香草味道好好。Quarter Chicken, mojo sauce烤雞件，西班牙紅醬 $138 另加一烤雞件有一大件雞上髀，雞下脾配雞翼棷，熱辣辣上枱，雞皮脆口，雞脾肉嫩滑。個西班牙紅醬味道惹味，唔辣，加上香草，有咖哩汁感覺，伴有一件檸檬。Seafood, mussels, clams, shrimps 西班牙海鮮飯 $188 另加一西班牙飯有三款揀，我地當然揀配海鮮！預備時間30-40分鐘，真係要預留時間。成盤熱辣辣上枱，一大底飯上面有連殼鮮蜆6隻、連殼大蝦三隻同連殼青口三隻，蔬菜有紅椒段。蝦頭有汁，蝦肉鮮甜，蝦殼非常吸汁。蜆肉都好嫩。飯粒粒粒分明，好al dente，海鮮醬汁濃郁，加有大量香草，每粒飯粒都好夠味。份量適中，兩個人食剛好。Expresso Flan咖啡布丁 $68 另加一滑溜帶啖啖咖啡味布丁加上糖漿，口感滑溜，味道甜絲絲。Churros, chocolate sauce 西班牙炸油條，自家製朱古力醬 $48 另加一西班牙炸油條一客兩條，長長又凹凹凸凸，加上滿滿糖霜，口感一流。個自家製朱古力醬係稀稀哋，有朱古力奶感覺，唔係一般朱古力醬，唔會太甜或膩，帶微微酒味。呢度菜式好似細細碟，其實碟碟都好多野食，都有carbs，覺得食到地道西班牙菜式。餐廳高樓底，裝修好西方，音樂輕快，好有外國feel。外籍服務員態度友善。呢餐飯食得好開心。…

餐廳：尚海人家地點：上環摩利臣街菜式：上海菜餐牌：招牌生煎、健康菜飯、湯麵類、拌麵類、煨麵類、賞味小食等，都有人氣熱賣皇牌套餐。皇牌四色生煎包 $72呢個皇牌四色生煎包正，好有特色！首先我覺得外賣無咁熱先食仲好，因為唔會辣洗個嘴！先咬開包皮少少，然後吸左啲湯汁先，入面啲湯汁吸極都有，絕對係爆汁，而個湯唔會太油，啲肉都鮮，份量唔少。個底好脆，面頭灑上蔥花同黑白芝麻粒。另外附上獨立包裝醋。皇牌四色包括：皇牌生煎包：肉鮮爆汁頂級黑松露生煎包：好香黑松露味，真係見到黑松露醬爆汁瀨尿蝦生煎包：好有海鮮味蟹皇生煎包：蟹皇都好香特別欣賞呢度配有少少胡麻醬沙律雜菜可解膩。 鮮雞湯小雲吞12粒 $37小雲吞塊皮又薄又滑，個雞湯好清，味道唔錯，唔似有落味精，伴有一條小棠菜同蛋絲。袐製上海炸排骨 $27袐製上海炸排骨一開多件，炸得外脆內嫩。配有少少胡麻醬沙律雜菜可解膩。麻醬手撕雞絲粉皮 $40麻醬手撕雞絲粉皮好大碗。粉皮份量最多，質素正常。加有幼條青瓜絲同粗雞絲，雞有雞味。叫左麻醬另上，自己加最好。麻醬青瓜絲粉皮 $30麻醬青瓜絲粉皮有更多粉皮，已經撈好麻醬，醬汁勁多！無糖可樂 $10低糖豆漿$12無糖可樂同低糖豆漿都夠凍。服務員效率好高，大概5分鐘左右就有得攞，包裝都實淨衛生。 …

餐廳：越北牛肉粉專門店地點：西灣河太安樓菜式：越南菜餐牌：下午茶餐超多款，有湯粉、湯檬、撈檬、飯類等，包熱飲，凍飲加$3，可以以優惠價追加小食。順化香茅牛肉撈檬 $59 另加一香茅牛肉份量好多，整得脆脆地，好香口，味道都唔錯。伴有好多幼身檬粉，凍檬撈枱上魚露好正。仲有青瓜絲，生菜絲，酸紅白蘿蔔絲，薄荷葉，脆脆同蔥油，材料豐富，夏天消暑之選！越北招牌手切牛柳湯粉 $68 另加一呢款越北招牌手切牛柳湯粉係限量，大大碗熱辣辣上枱，手切牛柳薄薄地，已經加左黑椒調味，口感好嫩，又瘦。湯粉類可選河粉/檬粉。河粉好幼身，非常嫩滑，分量好多！配個清清地既牛肉湯好味道。配料有白蘿蔔一件，芽菜，洋蔥圈，金不換，蔥條同蔥花，加添口感同味道。另上青檸同辣椒比你。越式酸辣鳳爪 加$28 另加一越式酸辣鳳爪一共7件，好爽脆，配有紅蘿蔔絲，洋蔥絲，西芹，墊有生菜絲，味道酸酸辣辣，唔會太辣，好開胃。越式烤豬頸肉 加$28 另加一呢個越式烤豬頸肉係跟餐小食。豬頸肉一客6片，熱辣辣上枱，燒得外脆內嫩，好食呀。面頭加上脆脆同蔥花，伴有酸甜蘿蔔絲同墊有生菜，可解膩。水晶芒果冰沙 加$8 另加一水晶芒果冰沙係芒果冰沙面頭加上好多水晶珠，再加上一棵可愛樹苗。芒果味唔會太假，口感滑溜而食到粒粒脆水晶珠，特別！椰汁紅豆冰 加$8 另加一椰汁紅豆冰好香椰奶味，口感食到有碎冰，下底吸到香甜紅豆，係一杯好正既甜品。今餐食物唔錯。茶餐特別抵食！地方光猛乾淨。服務員態度友善。…

餐廳：CA Restaurant & BAR地點：鰂魚涌英皇道菜式：特色西餐餐牌：有多款晚餐套餐，都有散叫前菜沙律湯主菜同甜品。晚餐套餐包湯，主菜三選一同餐飲。白松茸忌廉湯白松茸忌廉湯用隻好靚既湯碟上枱，碟邊有一片法包。個湯熱辣辣香噴噴，聞到好香菇味，加有少少忌廉同白松茸，飲落好滑溜而帶好香菇味，仲食到菇碎粒。塊法包非常脆，送湯一流。欖油蒜香意粉 $106 另加一欖油蒜香意粉既幼身spaghetti口感一流，滑溜夠al dente，蒜味好香，仲有蒜子食，伴有沙律菜同車厘茄。龍蝦汁海鮮意粉 $158 另加一龍蝦汁海鮮意粉超大碟，幼身spaghetti好滑溜，加上適量龍蝦汁好好味。海鮮有連殼青口三隻，去殼蝦兩隻，帶子，連殼蜆同魚柳等，材料豐富。蔬菜有雜菇片，燈籠椒絲，洋蔥片同沙律菜。雜扒餐 $148 另加一雜扒餐賣相一流，居然有羊架，牛扒，豬扒，雞扒同香腸一條。羊架超淋又唔蘇。牛扒淋身有牛味。豬扒煎得燶面豬味濃，肉質都好嫩。雞扒好香又嫩滑。另上一碟燒汁入口就更濕潤。伴有滑溜香甜薯蓉，車厘茄4粒，烤翠玉瓜幾片，三條蘆筍，仲有薄脆蕃薯片加添口感。呢碟主菜質素高又抵食。餐飲有咖啡，奶茶，果汁，汽水，檸檬茶同檸檬水。白酒 $70 另加一白酒好香，味道好易入口，唔錯唔錯。Happy Hour仲買一送一。菠蘿汁菠蘿汁大大杯，甜度適中，清甜解渴。七喜汽水都係用杯上，加上冰粒。朱古力心太軟拌雲呢拿雪糕 $42 另加一朱古力心太軟拌雲呢拿雪糕賣相好正，上枱已經聞到好香朱古力蛋糕味，一切開入面d朱古力醬就流出黎，食落係暖笠笠帶香濃朱古力味，配溶緊既雲呢拿雪糕一流！仲有一兜新鮮西瓜同哈密瓜粒配忌廉添清新感。今餐食物質素唔錯，價錢都好抵食。餐廳裝修光線，座位舒適。服務員態度非常友善。…

餐廳：Pizza Max Bistro地點：佐敦上海街菜式：印度菜、意大利菜餐牌：午餐有沙律、意粉/意大利飯、薄餅、卡巴卷、卡巴飯、咖哩、炒飯、燒烤類等，包括餐湯，加$5配飲品，可以加午餐配菜。冇加一。餐湯係忌廉西蘭花，熱辣辣，味道都唔錯，帶微微黑椒味。墨西哥辣椒辣肉腸薄餅 $88墨西哥辣椒辣肉腸薄餅8寸，一客4件大大件，薄薄餅底加上好多辣肉腸片、番茄醬同芝士，灑上香草。味道鹹香又唔乾，芝士仲拉絲𠻹，好食！蒜香番茄乾三文魚意粉 $88蒜香番茄乾三文魚意粉賣相不俗，加有三文魚碎、一粒半車厘茄、紫洋蔥碎。幼身spaghetti整得好滑，加有好多胡椒，味道好辣！烤羅勒大蒜番茄 $20烤羅勒大蒜番茄一客兩塊，加上羅勒同蒜蓉，夠味又健康。今餐特別鍾意個pizza，平日午餐呢個地點黎講都算多人喎，入面裝修都唔錯，磚牆同石灰牆掛上抽象畫裝飾，好有格調。 …

店名：拮街小食地點：西環堅尼地城菜式：港式小食自家製瑤柱蟹皇雞湯翅 細 $28  呢度少見用自餚雞湯整碗仔翅，仲加左大量雞絲，木耳絲，冬菇絲，粉絲同瑤柱絲，非常足料，而且個湯底好甜，真係飲到雞湯味。我只係簡單要左d醋同麻油，已經好夠味。推介。冷盤：生腸，火雞腎，墨魚 $18x3串火雞腎我第一次食，原來口感非常爽脆，肉質唔會好似鴨腎死實。我都係第一次食生腸，一直好怕有怪味，不過呢度完全無異味，口感係超爽口。墨魚都係極爽口。呢度用左秘制冷盤汁，味道唔過火，已經好夠味。而每串份量超多，好抵食。手撕雞腸粉 $35手撕雞腸粉賣相一流，膠碗底放滿腸粉，面頭係滿滿手撕雞絲，再加上白芝麻粒。腸粉即叫即整，加上秘制醬汁，滑溜惹味，而雞有雞味，足料好味。脆皮芝士腸 $15 脆皮芝士腸一串五條，面頭淋上麥芽糖，食落皮脆肉多汁，味道甜甜地，配腸仔好夾。而且熱辣辣，口感味道都唔錯。瑞士汁雞翼 $20 3隻呢個價錢有3隻，雞翼都好大隻，瑞士汁好入味，而雞翼肉質好淋，唔錯。咖哩魚蛋 $10 5粒呢度咖哩汁味道好惹味，帶少少辣，配彈牙魚蛋係絕配。當然要整返罐汽水解解渴。好少會食港式小食，呢間小食店食物高質，選擇唔少，而且店員姐姐服務態度好好。…

餐廳：西貢街頭越南牛肉粉地點：灣仔克街菜式：越南菜餐牌：茶市套餐有傳統撈檬，湯粉，法包，米飯，選擇都唔少。另加一。可以用優惠價錢加小食。跟餐包基本熱凍飲品，好多選擇。亦有特飲升級優惠。街頭生牛肉湯粉 $56 另加一街頭生牛肉湯粉大大碗，生牛肉好多片，生住上枱，呈粉紅色，食落非常粉嫩，唔會太薄。湯粉可選河粉，檬粉或者金邊粉。我地選左河粉，係幼身兼非常滑溜，其他配料有洋蔥圈，蔥花，同芽菜等，個湯味道都唔錯。質素係幾好。另配青檸同辣椒比你自己調味。西貢牛肉丸湯粉 $56 另加一西貢牛肉丸湯粉就一共有八粒，雖然唔大粒，不過食落非常彈牙多汁，好好味。其他配料同生牛肉湯粉一樣。可以用優惠價錢加小食。會安烤豬頸肉 加$38 另加一半分會安烤豬頸肉一共七件，非常爽脆惹味，好厚切，仲有燶邊。配菜有酸紅白蘿蔔絲，椰菜絲沙律同沙律菜。面頭加上少少脆脆。蒜蓉牛油雞翼 加$28 另加一蒜蓉牛油雞翼一客兩件，炸得脆皮而肉嫩，牛油味適中，如果蒜蓉味濃d就更好。伴有酸醃紅白蘿蔔絲，沙律菜同椰菜絲沙律解膩。跟餐包基本熱凍飲品，好多選擇。亦有特飲升級優惠。薄荷青檸梳打有好多薄荷葉，夠解渴又健康。香茅鮮橙茶叫左少甜，我覺得都夠味，茶味中帶橙香，好清新。總括而言，今餐食物都唔錯，價錢都唔算貴，茶餐份量似正餐。餐廳環境光猛乾净，座位舒服。服務員態度非常好，會主動問你要唔要碗仔同送糖比小朋友。…

餐廳：咖吔地點：北角匯菜式：新加坡菜餐牌：午市套餐選擇好多，有好多款飯麵，配冷熱飲品，可以加錢升級飲品，設有加一服務費。新加坡喇沙 $88 另加一新加坡喇沙摻摻即係黃色粗麵加幼身粉絲，前者有咬口又滑溜而後者幼滑吸汁，加埋係好正嘅口感。個湯又香又滑，梛汁又夠，都頗辣。配有去殼蝦四邊開邊，彈牙魚蛋三粒，同唔少魚蛋條，其他配料有半隻熟蛋，爽口通菜，吸汁豆卜4件，紫洋蔥絲同爽口芽菜，口感豐富。另配青桔一件同參峇醬。海南雞飯 $88 另加一海南雞大概有十幾件，半胸半脾仲有半隻雞翼，雞肉都算嫩，伴有4片青瓜，跟有大大碟三色醬汁。雞油飯大大碗，熱辣辣，好香。仲有一碗鹹香冬瓜雞湯。新加坡鹹蛋黃單骨雞翼 $32 另加一新加坡鹹蛋黃單骨雞翼一客四件，熱辣辣上枱，整得外脆內嫩，鹹蛋黃味十足。街頭雞串燒 $28 另加一街頭雞串燒一客兩串，熱辣辣上枱，燒得皮脆啖啖肉，撈埋個參峇醬微微辣，好惹味。伴有車厘茄半粒，洋葱絲同青瓜幾粒解膩。馬來芒果汁配芒果雪糕 加$12 另加一 馬來芒果汁配芒果雪糕有濃厚芒果汁面頭加上大大球芒果雪糕，芒果汁味道唔假，都唔會太甜。呢個價錢好抵。海鹽雪糕椰汁珍多冰 加$12 另加一海鹽雪糕椰汁珍多冰就係微鹹藍色海鹽雪糕伴香甜椰汁，直頭係一杯甜品。仲有綠色珍多冰加添口感。今餐食物質素幾好。呢度上菜快捷，座位舒適，平日下午茶時段都好滿座。…

餐廳：曾三仙米綫地點：太子花園街菜式：四川米綫餐牌：超多湯底配唔同配料既米綫，湯底包括番茄、滋補、酸菜、籐椒、酸湯、泡椒、雞湯牛油配料有午餐肉、肥腸、蝦滑、酥肉、腰花、嫩肉絲、豬肝、鮮魚片、全素、黑豆花牛肉。可以加菜。另外都有特色必點、霧都粉麵、小食、甜品、飲品。落單用QR code。肉臊土豆泥拌米線 $40第一次食拌米線，米線底上面加有一半滑溜原味土豆泥，唔少夠味肉臊同少少酸豆角碎。用成個鍋上枱，滑溜米線再加上又滑又綿密土豆泥口感獨特。酸豆角帶少少辣，味道唔錯。酸湯鮮魚片米綫 $56酸湯即係比冬蔭公風味酸少少嘅湯底，有油姜辣、大蒜、番茄、檸檬、山棃做出酸度。個人覺得好特別，真係好似冬蔭公，但係湯底係有好濃厚鮮茄味，食到好多新鮮番茄肉。酸湯除左鮮番茄，仲有韭菜同海帶，口感爽脆。幼身米綫分量足，非常滑溜。鮮魚片有幾片連魚皮，嫩滑鮮甜唔會太薄切。黃金炸手打蝦滑 $35黃金炸手打蝦滑用傳統款式碟上枱，好特別。一客7粒，雖然細細粒，但係炸得外脆內彈牙，同甜酸醬同食更好味。五香腐竹 $20呢款小食係新品上市，一客多片，味道唔錯，唔會太辣或者太鹹，健康好味。糍粑油條 $18糍粑油條係一條脆皮小油條包住拉絲糍粑，灑上黑芝麻更香，味道少少甜，有驢打滾風味！紅糖豆花 $9用印有雙囍嘅碟上枱，係一大件白色豆花，加上桂花碎，杞子三粒同紅糖汁。豆花好似布丁，又滑又香，豆味唔會過火，配紅糖漿食夠嗮甜。小吊梨湯 $10小吊梨湯係加左雪耳嘅梨汁，梨汁清甜潤喉，食到爽口雪耳，口感唔錯，好厚身，而且好養生！獨立密封包裝，仲附上獨立包裝紙飲管。呢度有自助調料吧，包括芫荽、蔥花，仲有酸蘿蔔片比你自己攞。今餐食物好有特色，食物質素唔錯，食完唔覺口渴，感覺天然！餐廳環境好乾淨，冷氣好夠凍，服務員態度友善。#曾三仙米綫#太子花園街#四川米線…

餐廳：龍百味大厨地點：油麻地菜式：小菜餐牌：喺門口自己攞個托盤，之後排隊揀餸、飯、湯同飲品，最後去收銀比錢，自己搵位坐，有水機同膠水杯，仲白飯任裝添。蒜蓉蒸白鱔 $68蒜蓉蒸白鱔一客七件，整得皮彈牙，肉鮮甜，每件都加有適量蒜蓉調味，仲有蔥花同辣椒，不過味道唔辣。伴有好多雲耳仔，吸左個汁更好味。呢個餸我推介。豉汁蒸蒼魚 $55原條蒼魚單餸黎講好大碟，肉質好嫩，面頭加上好多豆豉、蔥花同少少辣椒，好夠味，下底仲有雲耳仔。鳳梨咕嚕肉 $28有超多件咕嚕肉，多過十件，味道調得唔錯，伴有少少菠蘿、燈籠椒同洋蔥，好開胃。菜心炒牛肉 $26幾片牛肉口感味道都唔錯，菜心好嫩，個汁好味得黎唔油。老火靚湯 $6今日老火靚湯係冬瓜紅蘿蔔湯，飲落肉味好濃，不過好清，絕對有阿媽靚湯風味。有冬瓜又有紅蘿蔔，好足料。白飯 $5白飯好濕潤，係我鍾意既口感。凍汽水收銀有雪櫃。餐廳裝修光猛，地方企理，午市好旺，不過人流去得快，有阿姐幫手搵位。食物質素唔錯，我見大家個d餸都係好大碟。可以望住啲餸黎嗌都幾好，上到枱唔會太熱，不過都唔會凍冰冰。平民價格高質小菜！…

餐廳：LeeLaksa地點：上環皇后大道中菜式：新加坡馬拉菜式餐牌：茶餐14選一，有多款飯粉麵，仲有多士同沙律小食，配冷熱飲品8選一。另收加一。星期日下午茶時間由三點半開始。新加坡喇沙 $62 另加一新加坡喇沙有去殼蝦兩隻開邊，炸魚蛋3粒，彈牙炸魚蛋絲幾條，吸汁豆卜4件，半隻糖心蛋，好多爽口芽菜，通菜同紫洋蔥，面頭灑上脆脆，材料豐富。個喇沙湯好香滑，辣度剛好，梛汁又夠，好惹味。白色麵條滑溜煙韌都吸湯，唔錯。另上青桔一粒同參峇醬比你自己調味。海南雞飯 $68 另加一海南雞有十幾件，有雞脾，雞胸同雞翼，肉質好嫩滑，雞皮有彈性，點甜豉油最好食，另外仲有辣醬同薑蓉。配4條爽口青瓜。油飯好香，暖暖地上枱，都大大碗。跟有一碗冬瓜湯，飲落鹹鹹哋，好濃雞味，仲有一舊冬瓜食。串燒拼盤 $68 另加一串燒拼盤有雞肉同大蝦各3串，擺盤唔錯。串燒熱辣辣燒起，蝦已去殼，肉質好爽脆，連蝦殼都勁脆。雞肉串好多肉食，咖哩味濃，係香辣黃咖哩味，外皮整得少少脆。辣醬另上，點埋味道更惹味。伴有青瓜粒，紫洋蔥同車厘茄可以減減膩。小食都跟飲品。香茅橙茶 （跟餐）香茅橙茶有大大條香茅同大大片鮮橙，飲落係好香甜橙味，茶味唔濃，有d似果汁，叫左少甜都夠甜。香茅青檸荔枝梳打（跟餐）跟餐飲品都有幾款揀。香茅青檸荔枝梳打真係有大大枝香茅，味道完全唔甜，似梳打水，解渴得黎又唔會太肥，荔枝味道主要係底部，建議搞起先飲。桔仔話梅水（跟餐）桔仔話梅水有大大粒青桔同話梅，仲有好多桔皮喺底，味道甜甜地，感覺養生。凍馬來拉茶 （跟餐）馬來拉茶冷熱都得，唔洗加錢，叫左走甜。馬來拉茶飲落好滑溜，味道甜度適中，唔甜唔苦。總括而言，食物質素保持一貫水準，主食價錢特別抵食，星期日下午茶都有好多食客。…

餐廳：瘋狂小面地點：中環士丹利街樓上餐館菜式：川菜餐牌：主打小麵（即係傳統重慶小麵），餐牌基本上就係三款組合既麵餐，麵+飲品 $87麵+飲品+小吃／甜品 $98麵+飲品+小吃+甜品  $109另設加一。飲品同小吃都可以加錢升級。另外可以再加料。麵可以揀乾撈麵或者湯麵，同埋麻度同辣度。自己剔紙落單。瘋狂擔擔面 瘋狂擔擔面用新鮮水麵，餐牌寫明非油炸或掛麵，又真係食得出，好健康。d麵都唔會話太軟身或一pat pat，分量足，加有足量肉醬，好惹味。我叫左BB辣同BB麻，肉醬辣度剛剛好，只係微微麻辣，撈埋青瓜絲，蔥花，脆花生，仲有兩條菜心苗，口感味道都唔錯。我另外加左幾款料。大排 加$21 另加一呢個價錢有三件大排，肉量唔少，軟骨完全可以食，都有唔少肉食，非常重滷水味。牛肉 加$15 另加一呢個價錢有三大粒牛肉粒，係帶筋架，口感唔錯，味道都係非常重滷水味。煎蛋 加$9 另加一煎蛋基本上全熟，皮脆唔乾，唔錯。鐘水餃 加$52 另加一大份鐘水餃一客10件，唔太大隻，整得皮滑餡靚，最正係個汁係少少辣而帶甜味，味道唔錯。檸檬冰底Zero 加$15 另加一罐裝Zero配一大杯冰加三片檸檬，解辣一流。紅棗銀耳湯 一大碗滿滿雪耳，加有幾粒杞子同兩粒紅棗，質感厚身，味道味甜，可以就咁倒落口，感覺養生。今餐超級大滿足！呢度d麵都唔錯，上菜超快速，果然係中環效率，地點又方便。…

餐廳：劉興記生煎包專門店地點：上環永樂街菜式：上海菜餐牌：生煎包類、新品推介、皇牌套餐、菜飯類、湯麵類、拌麵類、蟹粉類、小食類、涼拌類、小籠包、飲品。落單掃QR code。糖醋炸排骨湯麵 $48糖醋炸排骨另上，一開9件入口size，炸得外脆內嫩，有豬味，糖醋味夠，味道酸酸甜甜好醒胃，面頭灑上白芝麻粒。麵一大底有咬口，味道清淡，好味得黎又健康。伴有小棠菜一條同蛋絲。個湯好似係雞湯，好夠味。雞湯小雲吞 $36雞湯小雲吞熱辣辣上枱，個湯超熱，好厚身。小雲吞一客12粒，皮薄滑溜，餡料就細細粒，伴有小棠菜一條同蛋絲。麻醬青瓜雞絲粉皮 $45麻醬青瓜雞絲粉皮好大碗。粉皮份量最多，質素正常。加有幼條青瓜絲同雞絲，面頭加上白芝麻粒。叫左麻醬另上，自己加最好。招牌炸豬扒 $28招牌炸豬扒一開7件，炸得外脆內嫩，啖啖肉，都好香口。可以加枱上既豬扒汁同食，味道更好。仲有豆漿送。豆漿夠濃厚滑溜，豆味剛好又唔太甜。除咗生煎包，呢度其他食物質素都唔錯，價錢實惠冇加一。平日午市遲過12:45到要等位。…