GloriaLo2152的個人專頁

之前喺新蒲崗買過呢間都幾好味，所以就一次過買咗金莎朱古力格仔餅，流心蜂蜜雞蛋仔，同埋問我加唔加套餐嘅飲品 嘅西柚綠茶。飲品會減4蚊，佢自動幫你揀左大杯。變相都係16蚊，冇減到。其實係嘥左14蚊，建議唔好買。或者試下其他飲品(可能好飲)但個人覺得所有嘢都唔好食🥲🥲唔會有下次😂平時snack express 嘅格仔餅同雞蛋仔都好味過佢，只係冇咁多口味選擇最後，杯嘢飲同水冇乜分別，我仲寧願飲水添然後我飲左2啖就掉左，雞蛋仔同格仔餅都冇食哂，轉頭仲立即去咗青玉買多杯嘢飲…查看更多

我第一次飲係飲白桃冰號，係好好飲架，又fresh但係第二次就試左奶茶，今次係第三次買衣間真係算幾抵(⁎⁍̴̛ᴗ⁍̴̛⁎)但係我唔知係奶蓋唔掂定係咩問題，我飲左兩次奶茶都係麻麻地。我兩次一飲都覺得有陣壞左既味道，唔知點解直情有想拎去或者打電話去換(｡ ́︿ ̀｡)不過都懶得再去😂只好下次唔再嗌衣類既飲品，可能係奶蓋問題，可能係芋圓問題，你地試下再話我知另外，烏龍茶係唔出的，唔係好飲到茶味不過我對佢既白桃冰號係覺得好飲既，所以我都會再去試…查看更多

之前一直聽朋友同事推介食衣個包飯，遲遲都未試，因為驚當lunch唔夠飽。今日黑雨之後返工既時候終於買左黎試喇，覺得唔錯同埋飽肚最好既係，可以自選配料，因為係即叫即整我可以走哂啲青瓜同蘿蔔，唔洗揀得咁辛苦下次會再食，試下牛肉先…查看更多

我第一次食衣間Mr.Steak，因為疫情關係，有唔少餐廳外賣都有優惠，所以今次就試左佢。一路見到個外賣餐牌都想食左好耐，但遲遲都未試。終於，今晚既外賣就叫左兩個餐，其中一個係海蝦蕃茄意大利飯，另外一個就係雞肉野菌忌廉意大利飯。其實我會想叫呢個外賣嘅原因就係我都見到有其他食評嘅外賣個賣相都唔錯，咁我就成日心郁郁想試，點知事實自己買既係冇咁靚既每個餐都會跟一個湯，今日既湯就係蘑菇湯，唔知點解拎到返屋企都差唔多即刻食，但係啲嘢都唔算話好熱。一開始覺得好難飲，可能因為真係唔熱，但係之後飲落都算OK，而且有粒粒蘑菇。不過佢哋嘅賣相真係一啲都唔討好，一開始見到其實都唔係幾想食味道就普普通通， 我諗我自己下次都係食其他外賣啦不過我諗遲啲都會再試下堂食，睇吓會唔會好少少…查看更多

由唔知幾時開始，將軍澳分店衣間既小方糖既質素差左咁多，所以我地一開始係去左都喺將軍澳既蜜蜜見，不過基於係星期五既晚上，太多人冇位。逼於無奈去左小方糖一去到見到有一乍人喺出面以為冇位，最後係有位既，一入到去問啲staff可唔可以坐卡位，佢話有人留左，唔可以，咁我地都冇咩，就照坐入去嗌嘢食。嗌左野食冇幾耐，有另一位職員就叫我地坐去頭先我地想坐既卡位，仲話坐果度可以慢慢傾，佢地要清潔。咁我地依然都冇咩野既到啲甜品上左喇，首先餐具係幾污糟架，係有漬而家疫情，衞生仲要麻麻地，好彩我地有帶消毒餐具既清潔液，自己清潔啦啲甜品上齊唔夠5分鐘，同地講5分鐘之後我地要走，因為要閂門！？然後我先影底啲相寫食評，連污糟既叉羹都冇到實在太嬲喇，衣間野好離譜，未食完就叫人走，食多一陣仲同我地講話{撘10我地要收工｝勁無奈、啲職員仲要勁嘈勁大聲傾閒計！ 落單時間43分，50分你話要收工！？有冇搞錯？你地可以唔比我地入黎，但冇理由入到黎食左一陣同未食得哂就叫人走囉！進哂譜！！冇下次！ …查看更多

睇完戲，有啲鋪頭都last order，所以就黎左衣間食。嗌嘅野食同平時差唔多，嗌左蛤、雞翼、pizza、湯、魷魚同飯。啲野食質素正常，都好食嘅，係啲蛤多沙，其他ok，唯一唔好嘅係食物唔夠熱，只係暖暖地。可能因為已經夜晚九點半，冇平時咁好食。因為食過好多次，其實都唔會點打食評架喇，但因為服務態度唔好先忍唔住要打。話說見到魷魚果樣咁，有啲白色既野，友人望下隔離枱發現人地冇白色嘅野喎，於是好奇想問下侍應點解會有。即使衣啲白色嘅野係原本正常會有，你都可以態度好小小，咁樣我地都接受到。我地平時叫開冇見到有，問下姐，點知侍應話咁你想點？所以就好嬲，搞到冇乜心情食，原本開開心心，希望下次唔會再遇到衣啲侍應啦。野食正常，但環境真係麻麻地，有好多小昆蟲飛飛，搞到比野咬好痕。而且餐具都洗得幾唔乾淨，要用熱水洗同大力用紙巾抹先乾淨啲…查看更多

以前都叫成日食，都覺得好好味。但今日食覺得完錯唔好食，而且覺得完全唔值衣個價，質素有啲太低喇，成70蚊食一個冰，啲芝士蛋糕仲要得五六粒😭個冰係綿係幼既，但係真係只係完全靠哂個煉奶調味。以前我覺得個芝士蛋糕好正，而家完全唔得有陣其怪既味道，真係好懷念以前既味道呀😫😫😫最重要既係食一個冰竟然要等35分鐘先有得食，等到已經冇哂癮相都唔太想影。最後，我地坐喺垃圾桶附近，都覺得衛生麻麻，執野既侍應將碗碟放入膠桶時好嘈比較失望，應該冇下次…查看更多

行過見有少少肚餓 又未食得飯既時候 就覺得啲撻好靚好吸引 就嗌左兩件撻 一件鮮奶撻 一件黑芝麻芝士撻鮮奶撻就好好味嘅 不過個酥皮就不過不失啦以為最出名係個酥皮 但個酥皮就正常 冇乜特別但最唔開心既係明明嗌左芝麻 但因為外賣既關係 返到屋企先知比錯左我 都懶得再落去換 唯有食埋佢 但就對芝士撻好失望 可能個人唔太中意咖啡味同埋食落酸酸地 又溜又滯 所以扣左好多分希望下次小心啲 自己都要留意下有冇比錯左 唔係就會好似我咁 咁失望下次再試返黑芝麻味好唔好食先…查看更多

10點同朋友食完飯，8個人一齊食甜品。咁多人好難搵位，其他甜品鋪都好多人，我地竟然唔洗等位就入到去😱嗌野食果陣，落單果個人已經好唔友善，好似成村人得罪佢咁，非常無奈🙄落完單仲好冇禮貌咁扔張單喺枱面😠個樣就幾靚既，但味道就⋯🤢🤢🤮本身好期待個乳酪雪糕，但真係未食過唔好食既乳酪雪糕，所以好失望🤕個乳酪奶凍就正正常常，冇乜味道，又唔濃😪雲尼嗱士多啤梨奶凍就正常，不過其實唔值55蚊🤕寫明紅豆，但唔知點解冇紅豆，個奶凍仲要有渣，友人話一粒星都唔想比🤢衣個都係正常，個乳酪雪糕都係奇奇怪怪好難食😖🤮啲裝潢就幾靚既，但係個廁所其實都好近食客，都唔太好😐最好都係留返喺下面果層👀…查看更多

第一次黎到尖沙咀既分店 為既就係試下衣間先有既沙冰 銅鑼灣分店係仲未有架見到有櫻花味既沙冰好想試 不過最後都係試左焙茶口味附送兩粒白玉上面果層"泡泡"好靚 成個沙冰都係入口即溶 唔會好飽而最底下會有小量既紅豆 同白玉一齊食就最好喇 不過個人認為偏甜 而且唔算好特別 應該唔會再食 都係食返雪糕比較好(要食快少少 因為食到最後好多冰都溶哂)食完之後覺得未滿足 就點左一個皇室奶茶雪糕 用杯裝要加兩蚊 可以慢慢嘆 溶左都唔驚好重茶味好正食幾多次都係咁好食 雪糕先係最正既 不論係焙茶抹茶芝麻定係奶茶都係咁好味 下次我都係嗌雪糕算喇 真係好正 …查看更多