DEMIKASUMI的个人专页

星期日朋友約我黎食午餐，大約十二點半到場。本來已經預料會多人，但無諗過多到排出馬路呢~只能說香港人真係超有愛🥰坐低我地都唔浪費時間即刻叫野食！朋友叫咗個炒意粉，我叫咗個公仔麵常餐，原本諗住冰室味道都差不多，但有驚喜地好食！⭐️吉列豬扒都好大塊下，炸得啱啱好，脆卜卜點沙律醬食好好味😋⭐️公仔麵轉茄湯，唔會太咸，入面有薯仔粒⭐️平時唔太鐘意食茶記炒蛋，但呢度個蛋好滑⭐️多士相當有份量，烘到脆之餘奶醬亦無慳料，啖啖都食到醬，正👍加埋加埋比想像中飽，超乎意料地滿足~🥰順帶一提，裡面嘅員工雖然個個都做到踢曬腳，但都仲好有禮貌，抵讚！又好食又有良心，大家多d黎幫襯下呢d小店啦！💪…查看更多

起初鐘意飲皇茶係因為佢嘅桃香芝士烏龍，因為可以飲桃香烏龍嘅地方比較少，雖然佢地芝士份量係唔多但都幾好味。我係住係附近，所以簡唔時都會飲。但真係同一開始開店嗰時比，越黎越少芝士，到今日心血來潮再試一次，d芝士直情唔係杰身嘅，係好似水咁🤦🏻‍♀️😨店員態度都由好好到懶懶閒（不過店員都換過好多人，最初好似係老闆係度，會吹下水同推薦你入去飲野），同最初比真係好大分別⋯⋯可能真係要說聲再見了😢要去揾下間芝士啦！…查看更多