13妹的個人專頁

睇到食評話健康，澳洲自營農場，farm to table, 特登嚟試食。首先個burger個包ok，軟淋淋我鍾意，但係肉本身好油淋淋，另外仲要牛肉部分位置煎唔熟，睇到明顯係生的。由於當日舖頭冇乜客人，啲員工就係喺度玩手機。…查看更多

質感完全唔似雞蛋仔, 似係蛋糕質地. 唔知點解好多油, 食完成隻手都係油. 真係未試過咁難食嘅雞蛋仔. 連小朋友都唔鍾意食, 冇辦法可以食曬一底. 又唔似蛋糕又唔似雞蛋仔嘅嘢食…查看更多

上星期食完呢間野個LUNCH之後就好似上左隠咁, 之後都食左幾次 (在兩星期內).我發覺呢間野除左壽司之外, 原來佢D熟食都幾得, 我同我D同事都禁不住ENCORE左幾次今日我試左佢個午餐. (燒牛肉定食)表面睇, 佢係一個牛肉飯, 但係原來D牛肉個底係有意大粉. 真係估佢唔到. 首先我想講講D份量, 對女士黎講, D飯真係太多, 重要us到好實, 跟本無可能食得哂. 食物味道方面係OK的, D牛肉好野味, 而個意粉唔知用左D乜野醬汁, 係好特別好好味的, 但係我食唔出係乜野黎. 三十幾蚊有咁既質數真係唔錯既CHOICE…查看更多

之前去做產前檢查, 成日經過呢條街, 好多間食肆都試過, 唯獨是呢間未試過, 因為佢好夜先開. 今日因為同朋友去護協買野, 終於有機會試啦. 店舖唔算大, 坐位大概有20個. 食物種類都幾多, 有d好特別既item. 我想推介既係燒香蕉& pineaaple, 初頭以為會怪怪地, 因為我對煮過既生果無乜好感. 但原來燒過既香蕉加朱古力醬係咁得, 正呀! 而燒pineapple都好好食. 還試左燒生豪, 但係隻豪燒完後缩到好細隻, 唔抵食啊!由於我同個friend比較細食, 今次試左唔係好多item, 下次等多d朋友食飯先再黎試其他. …查看更多

因為公司生意好好, 出左BONUS, 加上明天是假期, 所以我同幾個同事決定LUNCH食豪D, 賀一賀佢!由於大家想食日本野, 而其中一個同事極力推介這間店, 我地就決定叫外賣回公司吃. 指定動作當然係三文魚, 鰻魚, 帶子, 吞拿魚啦, 大部份都好新鮮, 料都好夠, 不過舊飯我覺得太大舊, 攪到食幾舊就覺得好飽. 其實壽司舊飯團係細細舊先好食, 最重要係面頭件餸要大件!其中我最欣賞鵝肝壽司, 塊鵝肝好大件又夠淋, 正. 其次係和牛卷, 和牛份量都幾多, 幾好食. 整體黎講算唔錯!…查看更多

上星期五經過土瓜灣見到間新開既米線舖, 就同老公走去試下. 點左口水雞, 涼拌皮蛋, 肥牛牛展米線. 個米線ok, 唔會好似譚仔咁淡貿貿, 亦唔會好似傷心xx粉咁濃味, 對我黎講, 味道o岩o岩好. 口水雞係我至愛, 幾大碟幾抵食, 涼拌皮蛋係我第一次試, 我未試過其他的, 不過我老公話ok, 幾好食. 整體黎講, 咁既價錢同食物質素都算唔錯.…查看更多

之前都幫襯過兩次. 呢度d蕃薯, 真係隻隻都咁甜. 在寒冷既日子, 食住熱騰騰既蕃薯, 感覺特別正! 今日賣蕃薯個哥哥仔好好人, 見我大住個肚, 特登送多個小番薯比我肚裡的bb食, 食物又好, 服務又好, 抵我再幫襯你!…查看更多

去到銅鑼灣食lunch,唔知食乜好. 見到有烏冬或拉麵就諗住試下啦,見個價錢又唔係貴.點知一試就出事! 叫左個午市M9和牛鍋燒定食,有前菜,烏冬及甜品.先講前菜,係一碟似是過左期既醃制青瓜加肉丁, 而甜品就係無乜味既綠豆糕, 兩樣都係試左一啖已經唔想再食.主菜是和牛鍋燒烏冬,兩片和牛都算是正常,但係個湯底係極怪,似係中式既蕃茄紅蘿蔔湯,完全同烏冬係唔夾亦唔好食.服務方便亦有待改善,明明叫餐飲少冰,最終出黎都係fully ice.這種質素,就算唔洗錢都唔會再去食…查看更多

成日都見到有好多人在店外排隊, 今日就同同事去試下. 叫左個午餐, 有五香肉丁公仔麵, 菠蘿油, 火腿奄列. 個菠蘿油只係一個極普通既包, 碟火腿奄列成碟都油淋淋, 蛋皮又煎得過火, 真係唔得. 個主菜五香肉丁公仔麵只得3 粒肉丁, 乜肉丁好貴咩. 真係完全唔覺得d食物有乜特別, 點解咁多人在店外排隊呢, 真係唔明!!!…查看更多

今日第一次來試, 見到用Ben & Jerry 做 milk shake, 咁high class, 當然要試. 自己本身鍾意食Ben & Jerry 雪糕, 今日試左Fatburger 既chocolate milk shake, 用雪糕做既milkshake果然係特別好味. 我還點了洋蔥圈食, 估唔到真係homemade, 而唔係好似外面d快餐店咁用frozen貨. 此外, 我還試了chicken sandwich, 這個比較普通. 總括來說, 雖然價錢係貴一d, 但係milkshake & 洋蔥圈真係真材實料, 值回票價. …查看更多

本人第一次到這餐廰午膳, 點知未試就已經一肚氣. 第一, 我和我男朋友在門口企了幾分鐘,雖然好多侍應擦身而過, 但好似無人想接待你咁. 結果我地唯有問一個好似經理既物體, 之後佢就帶左我地埋枱放下menu就走了. 張櫈污穢不堪無人理, 張枱又好似無抺過咁. 都算啦, 打開menu又唔知食乜, 想食lunch set又剛過了時間, 但係佢tea set同lunch set個價錢又差唔多, 最有創意都係"安格斯牛肉炒河"要成$78元未計加一, 咁咪即係乾炒牛河, 要成七十幾蚊, 個環境又勁嘈喎, 好多小朋友在餐廳裡走來走去哇哇叫, 只係一個格局好少少既茶記. 當我地睇完menu諗住order既時候, 只見幾個侍應同一時間收拾一張枱, 根本無人見到你舉手. 結果等左一段時間, 我同我男朋友都頂佢地唔順, 野都無叫就走左啦. 今時今日咁既服務態度真係不知所謂.…查看更多