Kathe_ho的個人專頁

有台灣朋友來香港玩，特地帶佢地去廟街試下大排檔，體驗快要沒落的香港風味～ 出發前已經先係OP research過，呢間御希大排檔比較少食評，同時每個食評都係positive，咁應該真係organic的好評～ 所以當日鐵定要食呢間！結果～係much more than we expected!首先小菜價錢相宜又大碟（～$88-108，海鮮另計），另外味道係好食嘅 - 西檸雞係生炸，好少炸粉，煲仔飯有焦香味，蝦醬炒通菜唔太油，濃濃的蝦醬味🦐之另外老闆娘+員工們+顧客們都超熱情，見到係台灣來嘅朋友，好主動地幫我們合照，每個大排檔嘅位置都打卡🤣，仲用港普進行有限度嘅文化交流😆😆😆最後最痴線嘅係，老闆娘太想台灣朋友試下佢地嘅招牌蠔餅，主動送了一份給我地，要跟台灣的蚵仔煎比教一下🦪咁熱情嘅餐廳和隔離檯客人，作為local嘅我都表示unbelievable! 一間好有人情味嘅店大家都要多多支持喔！…查看更多

本身船皇嘅船麵都很好味，由TST厚福街幫襯到呢度～ 係門口見到佢個小小poster話$48就可以任食串燒（仲有個$68高級一點嘅選擇），心諗「認真咩？？」佢個requirement好簡單，嗌碗麵（都係平平地～$50）就可以追加呢個串燒option~質素大家可以睇圖，我覺得對得住個價錢，當然肉燒得/炸得有點乾，但對於主食燒蔬菜嘅我，就很OK👍🏼 同埋出菜快，唔會燒十世都未有～大家可以趁佢呢個期間限定try try~ …查看更多

星期五LUNCH想係觀塘搵個地方靜靜地食個lunch，睇本書 - 談何容易呀～醒起朋友之前有提過一間牛頭角商業區嘅隱世Cafe，結果就為美食豁出去，做步兵由觀塘行過去～ 兩個字總結：「值得！」- 裝修：日系木風，靚 + 舒服- 背景音樂：全部都係廣東歌～ 有JER (仲有應援poster!!)，MC，家謙~ 開心💛- 服務：貼心，見我一條友，俾個靜靜嘅角落位me-time下- 食物：質素很好，食得出係用靚食材同用心煮，唔係9 hea cafe food~ （詳情睇相description)- 飲品：飲左「自釀檸檬茶」，好瘋狂！沒有檸檬片，但勁香檸檬同茶香，唔知係咪自家製檸檬concentrate (?)- 價錢：正常cafe價，但份量好夠飽～ （大食女認證👍🏼）咁正嘅CAFE，要大推，大家好好去懲罰呢間用心嘅小店💛…查看更多

1. 怪獸壽司抵食，係double份量of一般壽司 ，一人食6件都已經好鬼飽2. 炸蝦芒果卷即叫即炸，高質（不過如果少dd沙律醬會好d)3. 支持裸買，接受自帶盒，抵讚 (裸買貼士：帶幾個大size盒，方便師傅擺壽星擺得靚靚～ 唔會炒埋一碟）4. 店員姐姐又nice又好傾，同路小店係溫暖d嘅～5. 處理order快手，15分鐘內有得攞。6. 店門口有咪錶位，駕車人士買外賣好方便～希望大家多多支持良心小店，一起捱過第五波💛…查看更多

觀塘唯一素食三餸飯(可以嗌夠5個餸，都係$40）～ 不嬲都有自備飯壺的習慣，冇諗過靚姐夾餸夾到最後，無啦啦講一句：「自己帶盒咁乖，要獎勵下」跟手夾多條素春卷俾我食（！）所以決定寫番個食評支持番呢間環保小店👍🏼D餸係好食嘅，唔太油，又多款揀。每一個餸係相對細少少，但睇番價錢，佢5個餸都只係$40！我嗌左4個餸其實已經夠飽～ 盛惠$37😍推介大家去試下喔！P.S. 環境的話，由於係熟食中心入面，唔會有好decent嘅地方坐。所以建議自備盒，買完去旁邊公園食～ 享受下涼風同陽光☀️…查看更多

今晚搵左間良心店食～ 冇諗過咁好彩搵到間隱世高手！店細細，人少少，老闆有點cool cool的，但原來超級好吃！仲要老闆很nice, 煮野仲好乾脆利落，不得鳥！本身冇諗過要寫食評，d食物相照得好求其，大家唔好介意🙇🏻‍♀️…查看更多

今次係第3次去食～比起上一次去已經有成8個月，個餐牌多左好多選擇。除左主打芝士烤盤同埋pizza，今次我同3位姊妹淘嚟試下其他菜式～ (我第一次同爹地媽咪嚟都有寫食評，大家可以爬文一下）好，介紹番今次我覺得好好食嘅新菜式：1）呢個係全熔芝士配法包（個名我作嘅，唔記得左本身個名），個芝士味好特別，有d blue cheese feel。個包又外脆內軟，記得兩樣野都要趁熱食，凍左芝士個硬身番。2. 白酒煮青口個青口係肥美嘅～比起買超市一袋自己煮果d係1個層次～ 個白酒汁超香，忍唔住係咁偷飲（雖然我見到有牛油同cream嘅蹤蹟...orz）3. 油封鴨腿完全係signature dishes! Slow cook左嘅鴨腿d肉超淋～個配菜薯片又好香～好食！推介！（訂檯記得要問定有冇，因為唔係routine menu)4. 最後係奶凍每次嚟都要食，CP值極高，廿零蚊但食得出入面用嘅cream係靚野，又滑又香。（怕肥嘅人可以搵1-2個FD子share食，分享卡路里）其實我地4個女仔要有點到洋蔥湯，pizza，同埋意大利飯。食到肚爆都係圍番$200 per head，誠心推介！CP值極高！…查看更多

今日去左同爹地媽咪試下法國菜，平時佢地淨係識去酒樓食特價三寶，趁Xmas終於搵到機會捉佢地食下新野。The Local French係朋友食過推薦的，話d pizza同烤芝士套餐都好好味又大碟，所以鎖定呢度同爸媽食聖誕大餐~D人成日話法國餐又細碟，又食得耐，不過呢度可能係主打家庭菜，所以overall都好大碟同埋好快就有得食～ 我地叫左2人芝士套餐加多一個Royal Pizza, 最後為食追加一個法式奶凍，每一款都很好食！芝士質素不是我們平日在連鎖店的貨色，Pizza個餅底好有空氣感同crispy~ 奶凍的cream係法國入口的~ 既香且滑～真心推介這真正由法國人主理的家庭小店！…查看更多