rebeccak0805的個人專頁

黎慶祝，無飲酒，人均使左$1800，但換來一肚氣，極無奈，完全係騙案，無可能叫自己做「Fine Dine」1: 服務態度極差- 服務員就咁隊張餐牌黎，就走左去，完全無介紹任何野- 問飲唔飲酒，放低ipad，又直接走左去- 中途上菜有極快咁講下啲菜名，好細聲又唔清楚，完全無眼神接觸，講完算數- 叫服務員幫手影相，佢快手影完隊返部電話黎，直接走左- 走時啲服務員自己傾計，離遠望住人走，byebye都無講2: 野食好難食- Signature係一碟salad, 佢會放好大盆蔬菜道具係度，但食落其實只係一堆蔬菜加啲難食沙律醬- 加左$148 左右轉日本和牛，係一堆極油既汁+極肥既牛，份量好少，但都油到食唔哂3: 衛生環境欠佳- 張枱有明顯污跡- 但佢就咁放啲餐具係枱，無用枱布…查看更多

雞煲等左接近半個鐘先到。一上枱好似好大盆咁，但件件都係骨，又硬又唔入味。個雞煲盆唔比heat住，話個爐唔岩咁用，食到中途，啲雞已經開始凍啦。之後打邊爐，啲料又細碟又唔新鮮，絕對不會再去。…查看更多

用餐體驗好到要特登黎寫食評，可惜無影低食物既相。.食物：海鮮都好新鮮，肉質鮮嫩，就咁蒸都好好食。而海鮮盤份量十分足夠，蔬菜類直頭可以任添，好抵食。.服務：服務員態度好殷勤，會好主動觀察我哋嘅蒸法、時間，並提供協助，勁專業。外賣啲粥走，都好用心講解之後點整返熱會好食啲。.環境：裝潢簡潔，空間舒適，令人感到放鬆同舒適。仲有live 表演，而表演者亦唱得好聽，唱完歌仲會去每張枱向我哋感謝掌聲。.整體感覺非常好，值得去！…查看更多

牛展，個份量極少，得4塊好薄，都算。個職員仲要收完錢，又按下電話，又執下啲舖頭器材，再係客人面前徒手係雪櫃拎呢幾執肉放落個鑊度，幾過份個職員好後生，可能係part-time，但都應該要教教佢😅…查看更多

叫左十幾串串燒，有生蠔、菠蘿、韭菜、雞皮、一口牛、羊架、魷魚等等。佢竟然用一個大發泡膠盒裝哂全部！蔬菜果啲明顯會出水、有汁，完全浸哂其他要脆既食物（例如雞皮，魷魚）。成堆野炒埋一堆，我完全唔知食緊咩，咩味打咩味。 再講，9成串燒都係燒焦既味道，好誇張。其實，店員燒完自己睇都應該見到出事啦？點解仲可以比人食？太過分了…查看更多