Jeffaty的個人專頁

食完好耐都對呢餐意猶未盡，係值得去食的葡餐～攜媽咪過大海搵食，喺官也街附近睇咗唔少同類型葡國菜館，最終選擇行入呢間位於地堡街嘅小店😜第一眼吸引我嘅係道門啊🤣兩個人嗌咗三道菜，沙律、葡式乳豬釀飯及白酒蛤蜊意粉。沙律不過不失，但廣東人食飯一定要有菜~葡式乳豬釀飯 上檯個賣相已經好吸引，令人食指大動雖名為釀飯但只係乳豬鋪於飯面，米飯粒粒金黃香氣撲鼻，食落亦十分香口😋乳豬皮薄且脆，皮肉間未見脂肪因而不覺肥膩；肉質嫩滑有少許乳香，甚是喜愛！白酒蛤蜊意粉 蛤蜊十分清甜亦唔會有沙，白酒汁清香之餘完全吸收咗蛤蜊之甜味，大讚美中不足係意粉未能很好地吸收醬汁，有些許寡淡甚至格格不入。…查看更多

探店前喺網上見到YouTuber話正，心諗有機會過大海一定要嚟一試‼咁啱冇耐就心思思搞咗個澳門春遊，又咁啱行開大三巴附近search有咩食，見到Google Map話行過去先10分鐘路程，梗係去馬啦🤗事實係…大三巴行過去雖然唔算遠但係有啲隔涉，急急腳都真係行足10mins🤐去到已經夜晚7點幾，見到“吓，鋪頭冇人嘅”，膽粗粗入去嗌咗幾聲阿叔先出嚟蔥花雞蛋腸 $33阿叔十分嫻熟咁鋪布倒粉漿打蛋撒蔥花，一氣呵成👍係名副其實布拉腸，見到腸粉身嫩白通透，已經覺得好食！反卷腸粉令金黃色嘅蛋皮喺出面，甚是好睇。食落腸粉真係又軟又滑，令人食完仲想食，蛋皮較薄火候剛好同樣滑溜正！美中不足係我外賣走，食時已經凍咗，熱食相信會仲正！P.S. 蛋腸比其他肉碼價高，我唔係好明 阿叔貼咗個WeChat Pay二維碼，相信平日會有唔少遊客到訪，唔想排隊可能稍夜時間去食會比較好…查看更多

今次終於有機會去試試大名鼎鼎嘅貓山王雪糕，盛惠$68一盒，都頗貴㗎。開蓋就有陣濃郁香氣傳出，但香得嚟又怪怪哋，有種刻意嘅感覺而非榴槤應有之自然香氣。“不”落去有冰粒唔太雪糕，食落去feel到唔對路wor😰😰成個口都係劣質榴蓮糖味，覺得自己好似食咗個元素週期表咁我的天😫真係老老實實畀多幾舊水買個貓山王好過唔知其他product會唔會有驚喜對得住“盛名” ，但榴蓮系列真心不值一試各位榴蓮fans都係食返榴蓮算了…查看更多

老友話想食seafood buffet咁啱我自己又超有興趣，於openrice稍稍做咗下功課之後定下今次目的地！book咗禮拜六晚7點，準時去到未算多人亦毋須等位，提前print咗coupon有28%off.入到去見到食品擺設乾脆舒服，甜品部分更是好得意十分吸引，唯行咗一圈發覺食物種類未算多垂涎海鮮嘅我一開波就主攻海鮮，首先試兩種生蠔同龍蝦，友人則選擇凍蟹腳及三文魚。共有三款生蠔供應，個人最偏愛體型最細但蠔味及海水味亦最為濃郁者，遺憾未能試出是什麼蠔；另兩款體型較大的是美國蠔，味道尚可但不夠吸引。波龍肉質結實，蝦子豐富亦十分誘人！友人很滿意凍蟹腳謂之肉質鮮甜，唯我食之時比較難拆肉影響體驗自選沙律亦十分豐富但其中一款炒雜菜中之蝦仁不新鮮有啲“煤”，非酒店菜應有，但一款蟹肉芒果撻則搭配fresh甚有驚喜。每檯一份的焗蟹蓋內有乾坤，但較為重口味非本人所好不便細評。encore亦嘗試咗多款熱盤但都未留下太深刻印象，除咗燒鵝皮脆肉香亦比較多汁很令人回味。稍作休息再戰甜品部！我試咗香橙芝士同粟蓉蛋糕(…兩者都非具體名稱，具體唔記得咗😥)感覺都唔錯，但友人試的布朗尼則表示過分甜膩dislike另外見到鄰座取得梳乎厘賣相似乎十分吸引，唯供應有限足足等咗30分鐘先有，可惜取得之時發覺佢中間裂開且很快collapse容器底部亦有較多水分 另外望見前菜亦有多款芝士供應十分誘惑，可惜當身體不適不能一試值得一讚的是食品補充很迅速，侍應姐姐們都很友善，服務態度好好…查看更多