ngbaku的個人專頁

忙碌的一星期, 搵個舒服而優閒的地方, 選了 "雲海", 喜來登酒店內, 位置方便, 私人空間十足, 台與台分隔遠, 光線亦柔和, 服務真係一流, 態度有善, 而且反應快 !! 食物, 兩人分別選了"雲海餐盒" 及 "魚生飯定食" 頭盤係凍凍地既菜及姑, 清一清個口先.. 主菜既魚生飯, 壽司, 也相當新鮮, 但我最欣賞既係炸物, 皮薄, 脆口, 入口仲有微溫, 蝦很爽口, 而雜菜蝦餅, 有著很香的姑既味道, 脆口爽口... 好味道 !!  …查看更多

路經元朗, 見OPENRICE COMMENT 不錯.. 即管試試, 叫了4人餐, 五餸 $325... 蠔餅脆脆的, 唔會只得粉, 不錯, 羊腩應該鐘意食羊既會喜歡, 因為食淨朋友打包走, 佢話夠味, 雜菜海鮮煲好足菜, 唔會煮到淋晒同變色(尤其西蘭花仍爽口),  梅菜扣肉, 唔係淋晒有咬口, 夠晒入味, 朋友亦打包走, 因為真係份量好足, 又或者我地唔大食... 加2支啤酒, 1汽水, 1白飯.. $499... 抵食... 仲有西米露及桂花糕送, 坐得舒服又有電視睇, 咁既價錢, 適合一家大細...…查看更多

上次朋友帶來, 覺得不錯, 今日路過, 再食... 今次食既同上次完全唔同... 所以出事了.. 清湯牛腩湯底... 相信牛腩整得太入味啦, 我地仲全碟放左入湯底, 於是超級咸, 咸到加了"水" 三次, 仍然咸, 其實食物新鮮的… 墨魚滑, 蝦滑, 黑栢葉, 什菜望上都OK 的, 但加入了我咸爆湯底, 完全得咸味, 而當咸到入唔到口再同場加上嘈爆環境.. 好辛苦.. 七時到達清靜的, 八時全場滿坐後, 就嘈到... 快快走人.. …查看更多

尖沙咀飲完野, 想食潮州菜, 上網一搵, 搵到都就近的華苑, 地置果然方便, 成日行過都唔多覺.. 係門口等了一陣, 因為細晒間, 又接近晚上八時, 但門外圖片很吸引, 樣樣都想食, 可惜得2個人, 下次一定要大班人再黎. 今次試左3樣, 都很好.. 蠔餅, 普寧豆腐, 鵝肝拼鵝片, 加1支啤酒.. $375.. 下次要黎試埋其他名菜... 順道一贊.. 老店員服務很好, 很有禮 ... …查看更多

朋友夜收, 近佢開餐, 兩個人都係小炒啦...味道..唔係話超級好 ... 叫中中啦... 環境就茶餐廳門舖, 大排檔街位, .. 地道.地道... 千層咕嚕肉比較喜歡, 因為冇骨, 又脆脆地, 如果個醬汁再調一調, 會更好.. 水煮牛肉, 唔夠辣, 只得個紅, 食得辣既我... 唔LIKE LA... 蒜蓉豆苗.. 普通 .. 唔太差 …查看更多

上次經好友介紹後, 今天順路再來, 為的是..乳鴿...  皮脆.. 很入味.. 香.. 真的一流. 星期日晚大約8時多到來, 不用等位, 很好彩 ! 最近天氣涼涼地, 吹吹水, 飲飲啤, 正.. …查看更多

昨天的一肚氣, 今天要好好補償 ~ 窩蛋牛肉飯!$60 有牛肉味, 不會淋晒, 加上生蛋, 飯香, 味道一流 .. 火腩飯!$58 芽菜仔炒火腩再放上熱飯煲上, 耐熱, 芽菜爽口,火腩不會過咸.. 無味精的例湯!$18..蓮藕湯, 足料, 住家FELL....  回味中~~ 價格可以算貴, 服務很好(因為是常客), 但食物用料, 製作認真, 今時今日的香港, 這類食店買少見少  物有所值!…查看更多

沙士年代已經幫襯, 服務,食物都不差, 今天重遊, 就遇上”惡形惡相”的老闆娘.一坐底就好快叫了雲吞牛腩河 $44, 隔離姍姍來遲都有得食, 我都未有, 午市時間唔出奇,食物OK,算貴價. 當朋友路過, 打算停5分鐘飲杯咖啡, 老闆娘就惡形惡相地 “冇留位! $31最低消費”但一杯凍咖啡 $20, $44+$20=$64” 夠$31啦, 跟住再三強調 ”一位最低消費$31,有寫明嫁”(係牆上一個角落有, 但餐牌,餐枱都冇, 即是一入雲吞麵店, 最好要望晒四周先)”態度差到不得了, 明白午餐時間人多, 但當13:10已經有吉位, 可能好多人入都因為唔駛等位. 但打工仔而言,食午餐作小休, 仲要受氣. 真係希望劉X華可以幫忙去教教佢. 灣仔中環價錢, 我以後都唔會去, 唔想 “貼錢買難受”...…查看更多