cookingmama1888的個人專頁

上個星期六約左朋友係銅鑼灣傾計，又知朋友中意食抹茶，所以就揀左抹茶館。朋友話佢之前食過銅鑼燒覺得好食就推介比我啦...其實我都好中意食抹茶，但係e個抹茶紅豆銅鑼燒令我好失望。整體黎講，佢太甜太膩，冇咩綠茶味! 粒栗子好硬! 連cream同兩塊餅都係得個甜字!!亳無層次可言，唯獨紅豆蓉可接受，但係冇左好味嘅抹茶雪糕就有d哂啦!btw佢個地下唔知點解好滑，我差d sin親，真係好失望.....…查看更多

聽同事講深水埗都開左間譚仔，所以齊齊去西九龍中心食LUNCH!我食左個雞肉酸菜米線3小辣麻辣湯底，我至愛雞肉酸菜E個配搭，因為雞肉本身淡味，吸哂D麻辣湯底，好入味。仲有個酸菜本身夠哂酸，配埋麻辣湯底，酸酸辣辣，好過隱!整體米線夠彈牙，新分店都可以保持水準!正!…查看更多

放假好想去旅行，但又去唔成台灣，唯有去咖啡弄一解相思之苦啦!我同3個朋友去食，叫左至愛鴨胸沙律、豬扒三文治、士多啤梨鬆餅。鴨胸整到夠入味，又粒粒大粒厚肉，沙律醬配沙律好好味!而且菜嘅份量多，4人都差D食唔曬!豬扒三文治最值得推介係放係旁邊嘅蛋沙律，蛋黃入口好香，同台灣嘅一模一樣!而且豬扒係SO FAR少食到嘅口感~而個鬆餅一貫咁好味，一人一塊熱嘅鬆餅，再加凍雪糕，係PERFECT MATCH!野飲我叫左洋甘菊花茶，仲可以自己調校甜度，同放生果，浸住水果D味好出~PS 每人都MINIMUM 叫一杯野飲~我D 朋友就叫左水果茶，紅棗茶同抹茶歐蕾~…查看更多

身邊唔少朋友都係食過半熟蛋糕，仲周不時有人post相上網!久仰大名，今日終於去買黎試試~去到先知原來有咁多款口味嘅蛋糕!我呢個有選擇困難症嘅，係舖頭前面揀左好耐有比利時巧克力 融心乳酪蛋糕朱古力半熟蛋糕伯爵紅茶半熟蛋糕半熟蜂蜜蛋糕(原味)抹茶半熟蛋糕，由於係忌廉哥特別版，所以我去到已經賣哂啦!見佢咁搶手，我都係即刻要左個半熟蜂蜜蛋糕(原味)!另外諾亞仲有抹茶鮮乳捲，下次再試佢!店員好貼心咁解釋點樣食個半熟蛋糕，雪櫃上亦有溫馨提示!WA! 個盒都好靚啊!我返到去比兩個仔食，佢地都好鍾意食~我都真係第一次食E種質地嘅蛋糕，口感好似蛋漿，蜂蜜味好突出，甜甜的岩哂我D仔食，唔怪得之佢地食完又食啦~你地都快D黎朝聖啦!…查看更多

今日Lunch同同事兩個食，同事話好掛住北京拉麵嘅回鍋肉，佢去親都係食回鍋肉，簡直係NO.1 Fan!!佢入到去餐牌都唔洗睇就揀到@@ 我就揀左咕嚕肉~我地兩個餐都有一碗冬瓜湯、一碟花生、一碗飯同一杯野飲。(我另外加左$3轉菜飯)我試食左回鍋肉，辣味適中，d汁好香又夠正宗，送飯一流。不過，我個咕嚕肉都唔輸，佢炸得熱辣辣，哈哈!搞到放入口都唔可以即刻咬開d肉。而且肉又夠大，唔係似出面果d得粉冇肉~我個菜飯夠哂健康，同事都後悔冇轉到食完個飯同餸已經7、8成飽，飲埋碗湯同熱檸水就飽哂啦~埋單都唔洗$40，抵!…查看更多

琴日lunch好掛住薩莉亞嘅芝士，於是又去左西九龍中心食~我地兩個人都好中意食芝士，本身叫左個芝士煙肉薯角，因為佢D芝士好夠份量配落煙肉又唔太肥正!!但我地太唔夠喉又叫多左個另外我地各自叫左個蝦多利亞同雞肉多利亞，又係有好多芝士，好正!D飯又夠軟，蝦又爽，實在太好味…查看更多

星期二同同事好晏先去食野，於是決定食下午茶啦~西九龍E間都算多人，好彩我地早下午茶小小去就唔洗等，一到下午餐就入到~元氣下午茶最抵食!我叫左個壽司盛，壽司有火灸蝦，火灸三文魚，三文魚，辣味三文魚同蟹子沙律加烏冬同蟹子沙律。火灸壽司燒得岩岩好，入口即溶三文魚新鮮，辣味三文魚夠哂辣鳥冬係稻庭好爽口，沙律都好新鮮，但如果大份D就好啦~同事用我個餐追加左個軟殼手卷，再另外加多個~咁樣食佢話好抵!佢仲食左火灸左口魚邊壽司同必食炸蝦卷，左口魚邊壽司變左做一份一件@@不過佢話燒完D魚油出哂黎，好好味，叫兩份咁叫都抵啊!炸蝦卷就裏面D醬同蝦好夾，蝦炸得外脆內爽…查看更多

情人節諗住去西九醫下肚，但見到有驚喜!Bulgogee Go! Korean BBQ 有優惠! Light size 特價$38話就話Light，但女仔食絕對夠!我叫左soy source pork，韓國人整嘅醬汁好好食，唔太鹹，甜甜地，同d豬肉(佢燒到D肉味出哂黎，差D以為食緊牛肉)、金茹、洋蔥同生菜等等都好夾，撈飯簡直一流啊!!  仲有佢隻沙津醬好好味!!…查看更多

又到星期五可以放假啦~同事提議食好d行去西九龍中心7樓蘋果商場入面嘅Cafe Dream原來有間咁靚嘅cafe，等左一陣就有窗口位坐，lucky lucky~我地4個人叫左2個卡邦尼意粉，1個明太子意粉，我個同事一個人食哂5隻瑞士雞翼，3個芝士薯皮就夠哂飽佢話雞翼係食過最入味 而薯皮好夠芝士味~我個卡邦尼意粉size岩岩好，而且夠哂濃!同事個明太子意粉少少微辣特別正!飲品就叫左蜜桃茶，焦糖鮮奶咖啡，特濃咖啡同玫瑰花茶玫瑰花茶有蠟燭熱住好正啊!之後我地仲叫左個太極窩夫，叫太極係因為佢有兩朱古力同士多啤梨雪糕、香蕉同士多啤梨，好特別啊!而且擺得好靚好夢幻，我地4個係咁''相機食先'' 窩夫夠哂熱配埋凍雪糕一流!好開心有咁豐富嘅午餐啊~btw 女侍應好熱情nice係咁比suggstions我地…查看更多

星期六無約人老公又要返工一個人好懶甘訓到12點先起身漫無目的唔知食咩好於是去佐永誠食下午茶常餐都幾多人食所以要搭枱但一個人無所謂喇$30到又一個面、一個奄列又有野飲牛肉有d韌，但個麵都正常，奶茶夠多奶!加埋奄列大件夾抵食香港嘅茶餐廳真係好! …查看更多

上個星期四同同事行佐去西九龍中心買外賣食一向喜歡食台灣野嘅我上到8樓見到呢間叫阿里山嘅餐廳決定証試一試我叫佐個「脆皮雞扒滷肉便當」再加一杯阿里山紅茶只係$35個便當就okay喇(因為台灣個正宗個啲真係太無敵好味了)不過以香港黎講個滷肉汁同d滷肉就算正宗架啦~但個阿里山紅茶真係好抵讚雖然未exactly 台灣個個味但都有8-9成似茶味夠哂濃而又唔會澀口!又夠冰凍真係好飲如果行開西九龍中心口渴買杯野都抵$10 一杯…查看更多

上上個星期日行行下旺角好想食甜野，醒起有間cupcake 好好食，於是再去~今次買左兩個返屋企同妹妹share~係芒果同蜂蜜朱古力$15 一個蜂蜜朱古力我上次食過，唔太甜又有朱古力同牛油味芒果係老闆娘介紹，佢話佢果日一個人食左3個緊係即刻買黎試啦~好香芒果味，都係唔會太甜…查看更多

身邊好多人都Share I Cremeria,話佢正過VIA TOKYO, 果晚食完飯終於去試到啦~未行到都見到有好多人圍住，好彩都係等左10分鐘姐原本想食大福抹茶雪糕芭菲，但已經賣哂 不過紅豆白玉都好好食綠茶雪糕好Creamy，又唔會太OVER，比Häagen-Dazs的更好食啊!下次要早D黎食大福~~…查看更多

朋友介紹先知大埔有抵食又好食ge西餐於是拉左妹妹陪我去試!朋友話得好少位，我地6點幾就去到，岩岩好有位~我地坐底冇耐就有幾Pair 人想入黎，但已經FULL了真係好好彩~我揀左意大利乾酪雞扒配煎薯($38)，妹妹就揀左牛扒配黑椒紅酒汁配薯蓉($43)~雖然舖頭得爸爸同個仔煮野食，但係點完野食好快就有得食~煎薯超好食，淡乾酪配雞扒都係第一次食，但都幾夾。妹妹個牛都正，不過我就想個薯蓉再溶d就好啦~btw見到佢地有好多熟客，佢地揀左好耐都揀唔到食咩，老闆都好耐心咁隻隻羊扒拎比佢揀，心諗真係好開心搵到e間正野!! 希望佢長做長有，之後可以繼續食~…查看更多

上個星期五同同事一齊行佐去西九龍中心食飯因為大家都想食唔同野結果上佐food court個日好想食上海野於是就揀佐食唯一面家叫佐個香炸雞翼飯連豆漿先$29因為想嗜甜所以外加了一個豆沙餅一共都係$39因為係即叫即煮所以好熱好新鮮個雞翼好脆!個豆沙餅好足料一個lunch$40唔晒，食到爆晒實在是開心星期五!!!…查看更多