proprocat的個人專頁

鼎泰豐其實真的只有名氣,價錢好貴但食物實在很一般,尤其碎雞,蝦餅,擔擔麵,炸豬扒,去其他台式小店或食上海野的店舖都比佢好食,唯一覺得值得的,就是碗杏仁豆花,粒士多啤梨係點晴之作,豆花係好滑嫩嘅。…查看更多

本來都期待呢間台式食肆可以食到正宗台灣味道不過....還是沒有期待才沒有失望比較好下午茶的份量比較少就預咗嘅不過魯肉飯似係罐頭汁倒落去雞翼就似只灑上七味粉珍珠奶茶的珍珠少得可憐只可以是醫肚之選吧…查看更多

玩獨木舟划到去鹽田梓,當然要試一試這裡的「鄉誼茶座」啦,其實他們最出名的是土窰雞,不過因為我們尚未肚餓,只是休息抖抖,所以只點了豆腐花及茶果。其實豆腐花沒有特別超級好食同滑口,不過此店地王佔據優勢,彷彿經過的都要來坐一坐般,小店經營就支持下啦。…查看更多

午市時間來到這裡當然不是吃火錮,而是嘗嘗他們的米線定食,尤其主打的養生湯農場雞米線。一上桌估唔到份量都幾大,米線好多一定夠飽,雞肉亦不少,雖然說不上好嫩滑.但也不鞋口,而且湯底真的真的非常好喝,值得一來。…查看更多

去開西貢玩水上活動,太早出發唔想食太飽,想搵小食黎醫下肚,都一定會食林記,滑嘟嘟嘅腸粉真心推介要食,加埋甜辣醬同芝麻粒,好味道!魚蛋同牛丸亦算大粒夠爽口彈牙,呢類街頭小食真係食極都唔會厭啊!…查看更多

坦白講,價格的確係偏貴,不過食材都幾新鮮亦好食,值得豪一次,但唯一食得唔多舒坦的是侍應招呼太「貼」心,總是企在檯旁邊望住你燒野食,其實想同朋友傾下計都講得唔暢快,因為好似俾人監視住嘅感覺。…查看更多

本來都頗為期待呢間餐廳嘅野食,所以同朋友食生日飯都揀呢間,不過呢,沒有期望就不會失望,菜式係幾創新得意,但味道就真係麻麻。威靈頓三文魚完全唔match,分開食會好味啲;乳豬卡邦尼意粉係幾特別,不過乳豬份量真係少得可憐,皮唔脆又無肉;然後黑松露帶子炒西蘭花味道一般都算,個賣相就真係.....有圖有真相,呢間試過就算。…查看更多

方太糕點轉了新店舖,特登去支持下,因為整懷舊糕點的店已經不多,可能漸漸不再見到,尤其是好似菲林筒形狀的芝麻卷,出面已經無人會整,真係幾香又滑口的。不過呢,價錢確係變得貴了一點,芝麻卷要$35一條,其他糕點就$21三件,但都係個句,小店是要支持下,經過就買件食下。…查看更多

呢間餐廳都有好多分店,今次黎到日出康城店見人少少就去試下,朋友話蔥油豬扒煎雙蛋飯好食,所以即管一試,我覺得豬扒的水準不過不失,價錢唔算平,所以佢再切厚點就更好啦,現在係比較薄,煎蛋蛋味濃既,蛋汁送飯幾好味,佢地落蔥油都幾孤寒,真係得好少,仲有杯奶茶用既茶杯亦都好細杯,整體來講,我會嫌貴了點囉。…查看更多

試過好多間台灣食店,但覺得味道最正宗的,還是這間桂花小幸。今次點了份蕃茄酥炸排骨米線,如果是麻辣湯底的話,真的不少輕易大大口飲湯,辣倒是不太辣,但好易嗆喉,不小心飲了一大口湯就咳到眼淚水都標埋,所以記得輕輕地一小口咁飲湯就可以了。酥炸排骨同麵分開上,排骨炸到金黄酥脆,夠厚身肉亦軟林入味,麵的份量亦多,食完好滿足。…查看更多

老實說句，呢間餐廳嘅食物選擇唔算多，亦都稱不上有咩特別菜式要慕名前往，不過勝在餐廳環境真係舒服，座位寬敞，而且絕對唔趕客，仲提供超多board game俾大家一班人盡情玩，開心玩樂聊天暢飲，呢度絕對係首選。提提記得要預先book位。…查看更多

芫茜同榴槤一樣，有人鍾意食，有人聞到氣味都已經怕怕。本人沒有特別喜愛但也不會抗拒，早前南記出咗芫茜蓉湯底米線套餐，見到幾特別所以試一試。因為外賣，所以只係普通汽水，唔知芫荽可樂到底會係咩味呢?至於草綠色的芫荽蓉湯真係好濃郁好好味，其實都幾開胃架，除咗有香口炸豬扒同爽彈嘅芫茜丸外，酥脆可口嘅豆卜同皮蛋都唔錯。…查看更多

係百老匯電影中心睇完戲已經晚上十點幾，想食個宵夜，行到廟街附近見到呢間小店，老闆好熱情係門口招呼，所以即管試試。點了豬扒餃子手工麵，豬扒煎得香口，不過不失，餃子是店內員工親手包的，所以都幾大粒幾足料，他們自家製的麻辣醬都真係幾惹味。小店經營不易，經過的朋友們可以入內支持下。…查看更多

來過東歐餐廳幾次，其實此店真的很特別，除菜式外，佈置都相當有情調，真的像置身外國的食肆一樣，最適合慶祝生日，周年紀念及約會而來，唯一不好的是沒法坐太久聊天，始終位置有限，不要阻住別人做生意，見到長期客滿狀態。食物方面，每一款都充滿貫國的特色，最推薦是招牌芝士焗牛脷盅，雖然看起來份量好似好少，但盅內的牛脷都好多件，每件都算切得厚身，炆得好淋，滿滿芝士醬連酥皮一齊食，好正！焗蘋果鴨胸就幾開胃，果醬酸酸甜甜，鴨肉切嘅厚薄適中，食落不鞋口，不過蘋果比鴨肉更好味。至於餃子都ok，可以一試，始終跟中式餃子不一樣，試試無妨。…查看更多

其實呢度食火鍋對比去火鍋放題店係貴好多，不過一分錢一分貨吧，佢嘅肥牛真心好食，我唔會用入口即溶來形容，但它真的肉味重亦都好咬口，其他食材由蝦滑、丸類及餃子等，全部都有質素，貴得有價值。…查看更多