一直都好鍾意食浜燒, 呢日興起就搵下銅鑼灣邊到有得食啦, 點知比我搵到佢一入到去坐低就送咗2杯清酒做welcome drink, 然後佢個staff都好好咁介紹幾款唔同既清酒比我地, 而家仲做緊買一送一之後就開始叫野食啦, 一開始我地首先叫咗個特上漁獲浜燒盛合(二人前) $698包括 珍寶大蝦, 松葉蟹腳, 鮑魚x2, 蠔x2, 帆立貝x2再另加$100 將嗰2隻帆立貝轉做日本活帆立貝, 因為佢本身嗰個係冰鮮既隻蠔鮮甜又肥, 隻活帆立貝夠大隻又好味, 隻蝦既Size係夠2個人食既份量, 一啲都唔算少其實我地個重點都係想食佢個味噌蟹甲羅燒 (配多士) ($78/1pc)亦都無令到我地失望, 有啲地方蟹膏既份量唔算多, 但係佢燒完係成個蓋都有膏食係等緊佢幫我地燒海鮮既期間, 我地叫咗2隻火炙帶子海膽包($98/1pc) 食住先, 佢係一整粒帶子包住啲海膽, 然後有啲黑魚子係面, 底係一塊紫菜, 一隻起碼要分3啖先食得哂, 一個字 — 正！最後仲叫咗一條伍魚一夜干(馬友)浜燒 ($198/1pc), 好多舖頭如果你想食一夜干都一定要預早訂, 無諗住我地walkin都可以叫到嚟食, 可惜佢一嚟到就掛住食, 唔記得影相. 佢地會係廚房燒完直接拎出嚟比你食, 整體嚟講唔算乾有啲汁, 啲肉夠淋, 2個人食啱啱好食完上面嗰啲已經夠飽食唔到其他野啦整體嚟講都係一間高質既浜燒餐廳…查看更多
