Wa_Wa_Maw的個人專頁

好多食評介紹炒麵好食。今日特登過嚟試吓，門口姐姐好好禮貌，不妨試吓。入邊仲係播緊 Viu TV😀有品味！淨係咁都值得再幫襯。港式70年代裝修，最鍾意喺地下啲紙皮石。真係買少見少👍有免費例湯都幾好飲。叫咗個豉椒排骨炒麵，熱辣辣，汁份量啱啱好又唔太鹹，麵好脆。豉椒洋蔥同埋肉比例啱啱好，份量都算可以。最緊要就係啲排骨冇雪櫃味好入味。唔似一粒粒固定size 嗰隻冰鮮肉樣。平靚正，值得推薦。見到佢有巨型炸雞髀🍗，下次一定要試吓！…查看更多

要陪屋企人去藍店，冇辦法。睇過啲食評都話服務態度差唔相信。點知係真嘅。10分鐘先至有人過嚟落單，落完之後3分鐘唔夠，我哋發覺原來石榴一字骨$72，有孖寶優惠。加$76多條海班。去問服務員。佢話入咗電腦唔開得。但係我話加餸都唔得？跟住仲要俾佢鬧話唔得。最後要搵部長搞。搞咗成10分鐘先得。一般酒樓叫菜嘅時候落單都會建議叫個套餐，今次完全冇提過真係唔好。餸菜都幾快到，味道都幾好。不過真係好細碟。4個人（有兩個老人家）5碟餸都唔係好夠飽好彩都有幾個紅豆沙甜品送，但係味道真係唔好。最後臨走前服務員建議我哋比多$10要埋隻鴨殼。點知冇貨，但係照落單。一時睇漏眼，俾佢呃咗$10…查看更多

今日星期五，滿心歡喜，諗咗放工去食個漢堡飽跟住再出去玩。啱啱掛咗1號風球，狂風暴雨，都趕落嚟食。但係今次真係中伏，用Apple Pay比，發現係大快活集團。免費花生已經冇咗。花生，花生！我最喜愛的，已經冇得食啦出邊完全冇指示話冇花生食，陰公豬。可能因為係咁，今日星期五，食飯時間，小貓三兩隻。食物味道其實幾好，價錢可以接受。不過今次係我最後一次幫襯香港店😢以後去外國先至可以食到大快活周圍開可能好快做唔住？…查看更多

網上搵，想食潮州嘢，元朗區。就搵到呢一間野。要等位就係事實，完全值得。招呼好，服務態度滿意。最鍾意係個柯仔炒蛋，我鍾意佢脆卜卜。另外楊氏烏頭，好耐冇食過咁正宗嘅潮州菜。唔介意等過嚟試吓。…查看更多

早幾年嚟過，回憶好好。今日再過嚟，直情覺得中伏🤮。排隊人少左以為執到，原來又貴又唔抵。雲吞冇晒，雞翼冇晒。連個湯底都淡味🤢，盛為$59。辣味得個辣子，完全冇香味。完全覺得俾人搵笨。試過對面間川麵，幾乎半價相雙倍享受。大家自己諗。除非有改善，我一定唔會再來。可能租金貴，要縮皮，但係都唔係要搞到我要嗌救命。咁樣嘅價錢，半價就可以。真心要反醍。衛生環境相片自己睇。搞到我Trip Advisor 都要寫多一篇。呢度廁所同埋環境不嬲都唔好有大期望。但係咁多年完全係退步左。唯一最好嘅，起菜快。…查看更多

突然心血來潮，想食印度菜。開飯搵到呢間，星期二，7點可以滿座，一定唔簡單。睇睇餐牌，價錢超合理，點都要試吓。小弟英國長大，食完之後覺得返咗屋企。真係唔係講玩。叫咗以下餸菜;Chicken Tika TandooriChicken masalaLamb KhahiLamb Biriyani Naan Bread 除咗Biriyani 之外所有嘢冇得頂。Biriyani 味道比較淡，但係都可以接受（7/10）。建議唔好叫。埋單$365兩個人，超值注：穆斯林餐廳，冇得飲酒…查看更多

星期一，一般餐廳都冇乜人。不過基本上係包場。餐牌價錢嚇親我，如果可以有特價一定係好。例如買一送一，我相信生意會更好。望咗個餐牌好耐都唔夠膽叫，開得咁嘅價應該會大份點。因慶生日，最後諗住死就死啦！服務基本上好好，好有禮貌，起菜好快。食物擺放同上菜觀感都好好。味道都屬於中上。叫咗嘅菜都好味。不過可能我孤寒所以覺得貴。我最鍾意個牛肋骨，值得推薦。其實每樣菜都好味，只係份量細或者係價錢高。整體來講，裝修好好，環境安靜，四圍好乾淨。值得一讚。最後埋單，如果分量大少少(20%), 價錢其實可以接受😀…查看更多

星期日晚飯見到佢裝修好靚又唔使等位所以入咗嚟。地方環境乾淨，新潮，舒適。服務一般，坐得八成滿，要等好耐先落單，連擺枱同攞杯水嚟飲都要叫幾次。最後漏單，埋單又慢。以上都算啦，食物味道都可以但係真係細份。點心又細件又少，計返嚟真係貴成倍！尤其是個濃湯牛肉煎餅，迷你裝，一客只得兩個，加埋一，M記食成個餐冇咁貴。個小籠包就值得讚，味道好，不過只得四隻，最後要買兩籠先夠皮。如果大食，記得要打底先來，或者每樣要叫兩份。…查看更多

店內裝修有特色、有格調。空間大，乾淨。一個很好的用膳環境。新開張，生意好忙，但係服態度同上菜速度非常好，直得一贊餐牌設計精美，圖片吸引，好似樣樣都好食。點菜時，老闆親自介紹，好窩心。但叫咗好多餸！同貴價菜少食湖南菜嘅我都覺得好好食，唔怪得佢哋係米芝連推介啦！每道菜都好食，最正係個乾蒸雞同乾鍋包魚仔湖南菜比較棘，落單前記得講清楚，包掂。如果叫普通菜，晚飯$150都可以…查看更多

朋友介紹，新開張上嚟試吓！一坐低就有湯飲好好味添！真係有個大大鑊，賣相非常之新穎，特別。店員韓國人，仲會講好好嘅廣東話，感覺新鮮！味道一般同我食開嘅韓國菜好唔同，叫一份晚餐專人係你面前煮，所有味道即時落，鍾意點就點😊…查看更多

本來同朋友來睇波鞋，聞到好香濃嘅咖啡味，比佢深深吸引到。見到佢門口部咖啡機都知佢勁。坐低叫咗杯 cappuccino，真係好好味。朋友叫咗杯 Piccolo, 淨係個賣相都值回票價。跟住見到隔離枱食啲食物好靚，順便叫埋來食。叫咗意粉同埋牛扒順便加多啲薯條食。都物超所值。特別推介係啲薯條醬，又香又好味。下次要再返嚟食。…查看更多