johnny.lo的個人專頁

服務態度好差，自問都唔係特別要人招呼定點，但做餐廳最基本既嘢都錯晒。1）叫佢落單等成3個字先嚟落 重點餐廳已經唔多人，唔明嚟落張單要幾難2）一路落單又一路離遠同其他職員講嘢，我地都唔介意等你講完先，但結果落單錯漏百出，好似叫椰青咁，上杯椰子Smoothie比我地，同佢講落錯單，又扮晒嘢話椰青賣晒喇，賣晒你都應該問我地想轉飲D咩，唔係幫我地決定埋丫，重點係後嚟既食客又有椰青飲3）叫左幾款野都話無，最叻就係叫人食蝦餅，我地唔係唯一一枱客叫幾樣嘢都無4）食到後尾想加單叫杯野飲，都已經唔想做，話要等好耐架唔好喇唔好喇，泰國餐廳想叫多杯泰式奶茶都話耐，咁你開乜泰國餐廳..？5）叫埋單，又係例牌等3個字先嚟走既時候隔離三枱客都係食到嬲爆爆無下次 咁唔憂做既餐廳大家都唔洗試…查看更多

夜晚10點幾想打邊爐，上op搵左呢間，見咁幾多好評就試吓，唔知有幾多好評係買返嚟嘅呢？個鍋同野食都好快上，個雞件有7件，其中3件係下欄位，雞頸雞patpat，冇野呀嘛？係嘅，寫話係雞件啫，相嗰幾件都係雞嘅部份之一，不過我唔會食囉。午餐肉，鯇魚片，鴨血都切到紙咁薄，真係好意思出俾人。鵝腸好似像筋咁差啲咬唔開。牛肉已經算係最正常個樣。睇返張單原來有7折。由訂位到入座都冇人同我地講過有折，如果因為做折而出啲咁嘅嘢俾人食，我寧願唔要折。將貨就價得咁離譜，以後都唔會幫襯！…查看更多

鮨幸已經係我第5次拜訪之前試過一次dinner，都係覺得lunch抵食好多😅今次都係由文師傅招呼我地白子，生蠔好肥美不過白子個汁可能太稀，比較淡味啲香霜蟹，蟹膏好香👍壽司方面kinki/鰤魚同筋子都好好食當然唔止得咁少，不過係呢幾件比較深刻燒過嘅kinki魚油出晒黎，好香👍👍👍鰤魚柔軟，差唔多入口即化筋子好鮮甜文師傅好細心，嚟過幾次就記得我有啲咩唔食。唔怪得依家開咁多omakase店，呢度都依然坐無虛席😊…查看更多

自從疫情後都好少食omakase，咁啱出開中環同行朋友又突然話想食，即刻打俾經常出沒中環嘅朋友睇下有冇介紹。咁佢就介紹左呢間，不過佢話都係食開lunch冇試過夜晚，好，即管試下。打去問話得返table冇吧枱，星期六冇一早book位都預左唔會有吧枱坐，table都照殺啦。舖頭細細，壽司枱加埋兩張卡位都係得十幾個位。好彩張枱係4人座，都坐得舒服。佢地得1個set，侍應問完我地有冇野唔食就開始上前菜喇。三文魚子配蘿蔔蓉以為蘿蔔蓉會苦澀，點知呢個又冇，加埋魚子一齊食好甜7款刺身隻蠔好大隻好creamy秋刀魚/白子夠肥美，完全冇腥味象拔蚌好爽甜👍👍👍北海道飽魚配肝醬，鮑魚煮得幾淋，個醬帶啲牛油香味，好夾值得讚嘅係呢度嘅壽司係逐件上。留意到師傅係見到我地食完一件先再整下一件，好細心😊不過有幾件食完先醒起唔記得左影。下面呢幾件比較深刻呢個切法嘅帶子比較少見。上面加左海鹽同檸汁，非常鮮甜。我地食完成個餐之後再追加多一件野生Toro有少少筋但係咬得開嘅，吞拿魚味重唔會食落成口油。比起腩位我都係鍾意赤身多啲，不過都好好味。馬糞海膽煮到好淋海鰻魚，配埋個汁👍👍👍最後有個碎蔥吞拿魚腩手卷同埋蜆汁湯，不過冇影到😅甜品係蜜瓜/抹茶奶凍我本身唔係好食甜品嘅，不過朋友試完話呢個奶凍唔係好甜，所以我都食左一啖的確個抹茶醬好濃，奶香味好重。細細個幾啖就食完，啱啱好，冇罪惡感😎成個環境氣氛幾安靜，好適合傾計。服務幾好，有時出去食唔係坐吧枱都怕唔知自己食緊乜，侍應有耐性介紹每道菜。加茶都好密，我杯茶冇試過少過半杯。😂臨走師傅都有一齊出黎送我地。傾左幾句，佢話平日嘅吧枱會易book啲，叫我地下次試下平日黎😀總括黎講呢餐食得幾滿意，真係要多謝朋友介紹👍…查看更多