tungtung24的个人专页

其實黎食之前上openrice睇呢間野食評好負評，心諗有冇甘差呀？好！諗住幫佢平反一下既，點知........今晚同個同事放工去到19:00都未到 舖頭未坐滿人 一入到去 完全零招呼 自己搵個位坐低 自己行去拎Menu 到諗到食咩都冇人理你！直至問佢點落單先有人行埋黎問食咩囉！我叫左一份豬扒餐 同事叫左份牛扒餐 再加左$20 所謂既沙律+薯條+湯 （所謂任食）但黎到你面前肯定唔會再追加囉 我份豬扒黎到 係熱既 不過放落口 完全咩味都冇！又鞋又韌唔知想點！同事份牛扒表面熟既 但要利用佢塊鐵板煎熟自己想要既成熟度 但我同事都話唔得 好韌好韌！最離譜係....由頭到尾都冇招呼過 拎醬汁拎刀叉拎水拎紙巾 一手一腳都係自己去拎（除左塊扒）佢竟然收我加一喎！…查看更多