kotoya0416的個人專頁

之前咁岩去開元朗，聽講e間涼皮好食就已經想試～可惜只有外賣，住得遠驚攞到番屋企唔好食，企係街食又呢hea...然後終於有堂食啦！餐廳位於黑布街，旺角/旺角東站行過去都近👍🏻店內以白色為主，睇落好光猛空間感大。但只有兩旁對牆既座位，目測大概十幾二十個位。今日係食早飯時間5點幾去唔洗等位。第一次試叫左個招牌涼皮(微辣)+夫妻肺皮(金錢肚，豬耳，豬脷，豬肚絲)。🍜涼皮好滑，淋得黎又唔會一夾就斷。但食完個碗仲有好多水/汁？估計係調味料或者費事d涼皮痴埋一舊？但整體好食同唔油膩👍🏻碗豆脆、青瓜絲都爽🤤🤤🌶辣度方面店員提示如果BB辣比較接近唔辣，所以我叫左微辣。不過個人都覺得唔太辣或者下次可以試高一個辣度～🍴夫妻肺片好食～爽脆有口感。睇社交平台講e家係試業期間，開12:00～20:30。支付方式：現金/八達通。堂食冇加一。餐牌：食物：門面：…查看更多

係ig見到好似幾吸引，咁岩黎開炮台山就去試下。今日係平日（星期四），下晝2點幾已經排哂隊，可能撞正下午茶時段，好彩唔算等好耐。去到見有2條隊，首先要係近“xx叉燒“個邊排，排隊其間伙記會問你食咩，未諗到都可以睇多陣menu先。排一陣，伙記就會安排你排去對面，之後等安排入座。［個人覺得分2條隊，可能對於第一次黎既食客有d混亂，因為都冇指示牌之類，我都係問排隊前一位食客先知。但2條短既隊又確實冇咁塞死條街或擋住隔離餐廳門口，所以覺得冇咩問題。本身online見到係推介菠蘿包，但排隊聽到好多人order焗飯，所以又心大心細，叫左個下午茶L餐，蔥油雞脾意粉（$42）。下午茶黎講，份量都好足，感覺比較接近午餐，好夠食。雖然門外已經落左單，但坐底後都等左一陣，食物係熱辣辣既，唔係整定再等人入座。意粉冇咩特別，但個蔥油同雞脾都幾好食，個雞脾炸完都冇話好dry/乾/柴。餐飲叫左凍奶茶少甜（凍飲+$3），正正常常，都有茶味既。p.s.同對面搭檯既姨姨傾左幾句，佢原來都係朋友介紹先過黎食，係九龍特登過黎食，已經食左2年。佢推介炸魚柳／牛脷🙈等我下次有緣再黎既時候試下先。環境：目測都乾淨，座位空間都ok，但檯與檯之間未算太闊落。員工：勤力。坐底會比張紙巾食客先。之後一路食見有食客落單要水要餐具，員工都即刻幫。最重要食完都冇催食客走👍🏻食物款式：我見是日午餐得4款，唔算多。但下午茶有A至M餐10幾款🤣👍🏻性價比：4/5感想：一間餐廳除左食物既味道，重要既係人情味。…查看更多

平時去港式粉麵店都有食下牛筋麵，但第一次見到咁多毛🥶🥶揭極都有🥶兩條筋個表面都挑左十x條毛，真係唔敢食，最後食左個麵就算。咁我孤陋寡聞就問下google大神la, 原來未處理嘅牛筋真係好毛。咁姐係間食肆冇去盡力處理la...視覺影響食慾，咁多毛點食。。。👇🏻d毛真係卡係條筋度，挑極都有🤷🏻‍♀️🤷🏻‍♀️2條筋挑出黎既毛：環境，開櫃桶見到都唔係好乾淨，咁但又可能係上手污糟，店員冇睇到：總結：唔會再幫襯🤷🏻‍♀️…查看更多

環境：坐得闊落既，裝修都新淨。候餐時間：週末晚餐但坐唔滿既，入座率大概一半，叫左個risotto同中式小菜都等＞30mins。後面枱叫左pizza話半個鍾未到，伙記先話要等40分鐘。味道：1. 椒鹽金沙骨，好！唔！掂！！白飯好乾，金沙骨好柴又韌，冇鍋氣，食左兩啖已經食唔落。2. 龍蝦汁海鮮risottod海鮮真係炒哂落去零擺碟，味道普通，但竟然食食下見到頭髮😓😓😓總結：一個失望既晚餐，第一次幫襯所以唔知係一時失手定點，但我就唔會再黎啦。…查看更多

早幾日中秋同長輩揸車去左e間餐廳食泰菜，早早地5點幾冇咩人👍🏻不過車位唔算多，揸車去既建議早少少去👍🏻餐廳裝修比較簡約，餐桌係雲石紋，似cafe咁🙈大時大節高興得濟，又想試哂d招牌菜，所以叫左比較多野，印象中叫左7樣野食3杯野飲🤣勁多，3個人食完全食唔哂，最後打包左d走。［sum up一下：］菜式：1. 酸辣去骨鳳爪🧡好食，好開胃～食親泰國野都會叫。2. 大蝦冬蔭功湯🧡份量都ok, 每人飲到～2碗。3. 泰式燒雞 （半隻）🧡e個比較後上菜，所以大部分都打包走。個人覺得隻雞肥左d d有少少膩，但味道醃得唔錯。4. 沙嗲串燒（6串）🧡叫左豬牛雞各二，豬略為鹹左d d, 但沙嗲醬好好食。5. 燒鱔（3串）🧡🧡🧡推介！！！我平日唔太食魚，驚骨。e個鱔好食到唔記得影相，好厚肉，魚油好香，唔腥。皮有少少脆，好好食。不過都係有少少骨，食要小心d。6. 馬拉盞炒雜菜🧡有椰菜，西蘭花，椰菜花，紅蘿蔔，菜心等等。7. 咖喱軟殼蟹 （加包）🧡e個係店員既推介菜，但個人覺得麻麻地，蟹炸得over左。飲品：1. 椰青 🧡清甜之選2. 龍眼冰🧡龍眼得兩粒少左d3. 珍多冰d fd🤣唔記得叫咩名🧡有d綠色遮喱個隻甜品：椰汁西米糕 （free）甜品係餐後餐廳送既，成餐食左900幾。以份量同味道黎計，CP值都OK, 可以一試。…查看更多

夏天熱熱地想食涼拌，係毅力見到e間細細間就買個外賣試下。有得揀辣/唔辣。因為基本上已經整好哂，係要啊姐撈一撈d sauce,所以都好快攞得。$38 冇餸，除左涼皮同d醬，得幾條青瓜莞茜加小小蒜，送多包蘋果綠，都幾貴下。味道正正常常，但應該冇下次啦。…查看更多

4月尾既時候，咁岩行去福安個頭睇牙醫，先發覺原來開左間新麵包店(因為如果唔係住個頭好少會經過個個位)。第一眼，係比佢個蛋糕吸引左。💓 因為個排都臨近母親節，又唔想買連鎖店個d咁一式一樣，最後訂左個比較少見既抹茶紅豆蛋糕。佢除左黑森林/鮮果蛋糕外，仲有好幾款cheese cake. 有別傳統麵包店，佢d蛋糕外表真係好靚，好岩打卡，價錢相宜外，重點係真係好食!!! 唔會太甜，平日d蛋糕係界2層，中間1層cream,佢e個係3層蛋糕2層cream勁多豆! 我媽唔好甜食都好滿意。但因為蛋糕同個盒都比較高身，如果食唔哂就難d入雪櫃(我之後剪矮左個盒之後放工唔太夜既話，都會去買定第二日早餐/買下甜品。(最近多左好多款切餅)小總結~試過既款式：😍(大蛋糕) 抹茶紅豆蛋糕(切餅/甜品) 抹茶泡芙，栗子山(慕絲)，雜莓芝士蛋糕，藍莓芝士，unicorn cupcake，伯爵茶蛋糕(凍櫃)蜂巢蛋糕(熱櫃)杏仁酥，蟹柳薯蓉杯，蜂蜜蛋白撻(麵包)心型豆沙包，意式香草包，小法包，雪山叉燒包，蒜蓉多士，忌廉芝士包，紅豆沙翁，肉鬆卷，芝士軟包[大致係記得咁多]樣樣都好食，不過法包/多士放過夜會差d d，又烘番熱 👐🏻 最近最鍾意係杏仁酥，因為我原本唔食杏仁，但個酥好鬆脆anyway,放工去發掘新野已經變左日常既小期待🤣👐🏻💪🏻💪🏻motto bakery!!雪山叉燒包沙翁 $5左：伯爵茶， 右：栗子 $20/1蟹栁千島醬薯蓉忌廉芝士包$8…查看更多

第一次去係年三十晚，因為臨時決定去冇bk到位，去到話要bk位先得，所以今次就乖乖地bk左位。兩個人叫左：一個燉湯, 方魚炒通菜，椒鹽九肚魚，籠中乳鴿，一支啤酒，一個白飯燉湯每人都飲到2細碗，都唔錯。不過有雞免不了多左d雞油。但整體都清潤方魚炒通菜，方魚偏硬，我個人唔太中意。椒鹽九肚魚一定要襯熱食!好好食!好鬆好香口，皮唔厚籠中乳鴿，係因為見到e個先決定黎食 😂 冇咩特別，就係想打下卡最後啤酒竟然係用碗!別俱風味雖然冇食到招牌菜/平日食開個d潮州菜,兩個人食到既又好有限，眼見隔離大檯又鐵板又一煲二煲好開心咁，下次真係要試下!…查看更多

唔知大家對九龍城既食肆有咩印象呢？應該唔少人都會覺得係專食泰國野既地區，但其實除左泰式餐廳都仲有好多選擇。今次係openrice search到間cafe,第一眼就比佢個牛油果toast吸引左，決定去試下。開頭我都以後係普通既打卡餐廳，點知2pm倒去到，都多人到要等一等位。眼見除左係後生情侶，仲有不少既係可能住附近既熟客，放下狗黎買咖啡既又有，帶住暖壺黎既都有。如果只係普通打卡cafe,估計客人未必會一次又一次咁番黎，所以係等位既途中，已經令我好期待。我地2個人，被安排左坐係bar檯。其實我個人幾鍾意bar檯，因為可以睇到咖啡師製作中每一步既心思。我地叫左一份牛油果蛋吐司，all day breakfast 同一杯hojicha latte. 因為男朋友唔飲咖啡加上我好鍾意hojicha,所以冇叫咖啡(但好多人叫，下次都係要試下)飲品有個好靚既拉花，可惜太興奮唔記得影相。orz食物方面：feedback 係真係好有心思。普遍係街食既沙律都係雜菜配凱撒汁，但rings coffee e個仲加左蕃茄，蜜桃同杏仁片，成件事colorful左，口感又豐富左。個sauce亦唔會太膩，食哂成份沙律仲感覺好fresh 。職員方面：親切👍👍👍除左咖啡師被我熱切既眼神打擾左，特登比我睇其他拉花外。食完野後仲主動問你岩唔岩胃口。又主動斟水收碟比你慢慢坐，完全唔趕客。e d細位雖然好微不足道，但做到既餐廳真係唔多，e方面真係好有好感。衛生方面：每檯客走左之後都有噴野抹檯，環境擺設等整潔。總結，rings coffee係近黎食過既餐廳，最有人情味同心思既一間。絕對會再幫襯同推介比朋友。但都明白小店既空間有限，如果將來menu再多d不同款式就好la~加油呀 💪💪💪…查看更多

舖頭細細，但等位都唔算耐排住隊睇menu+落單入到坐底一陣就上菜！（快👍兩個人叫左一個湯飯>>豬求其（豬雜）+龍蝦一個撈油麵>>及第上菜先知原來及第撈麵較係豬雜😂本身想點唔同款，試多danyway,2款都好食既個麵份量好足，一上菜都嚇一嚇，佢唔只個盤望落大，個量都真係好夠飽開頭睇落個醬得一pat仔仲驚撈完唔夠味，但係加左少少湯撈開左，我食到最後一啖都夠味，份量岩岩好面飯個方面，冇睇清楚，原來e個唔係龍蝦湯底，係試豬雜煲出黎個d.不過都夠味既，唯有下次再試番龍蝦湯不過不得不讚係個半隻龍蝦一反轉真係好多膏，都鮮甜👍最後仲叫左份南乳雞翼$28/4隻（冇影相已經食哂）香脆，入味！推介不過個人認為如果另外再比個南乳汁沾下，就食落冇咁油🤤…查看更多

女人街一向多野食，今次經過e隻見到頗有特色就試一試。麵食主要分左牛/雞。飯就有2款。（款式唔算多）我地叫左十三飛麵（牛）+手撕雞飯。麵同飯各有唔同既醬油配合，麵食既醬油較甜&傑身；配飯的淡而有一點酒味，我個人都幾鐘意。雞飯（大）好多蔥，雞油好香不過食到飯底會有少少膩湯底濃味，但份量唔算大，男士可能唔夠食總結，如果想食雞飯，建議早d去。上次食個陣，有枱8點鬆d黎想食雞飯已經賣哂。可見係人氣選擇。環境方面寬敞舒適。另外一讚既係店員親切友善，e家好少可飲食業既店員會有眼神接觸&笑，e一點抵讚。下次會再去食雞飯🤤…查看更多

兩個人叫左一個蠔仔粥$50，鹵水三拼$100，蠔油生菜$30，一個白飯$10，一個白粥$10，一罐可樂$10。 （$210冇加一）蠔仔粥真係真係一定要食！！！！d蠔好大隻！又新鮮！好滿足！唔夠食可以叫多個白粥，好綿！唔會水還水，米還米。鹵水方面單/雙/三拼均一$100，我地叫左三拼，豬耳+鵝腸+腎，平日出邊食好多都係好多芽菜花生係底，相對少餸，但e間真係好足料！又好食又唔會太鹹！之後一定會再黎食😍😘打冷推薦…查看更多

經過門口見到話“可以飲哂湯底既米線”，又主推藥膳湯底好健康咁，就入去試試。叫左”健康之選”&“養生之選”既黑蒜雞同椰子雞。首先，椰子雞我expect係鮮椰子片既，點知一上見到中間pat椰絲就已經感覺麻麻la。不過so far個湯都清清地既，起碼好過黑蒜。個黑蒜湯簡直係失望，冇咩味。椰子個個起碼都有椰絲，黑蒜e個唔好話原粒蒜，蒜片都冇，個湯睇落都清，真係冇咩味。如果用健康黎講，係食得清淡既。不過味道就一般般。比較欣賞既係d雞件幾滑，不過始終有雞油，會令到碗湯都油。同埋d雞骨有d碎，要小心啃親。兩碗麵埋單 $117…查看更多

經過長沙灣/荔枝角個頭，見到間裝飾（其實都睇得出d擺設係淘x)(不過其實都唔緊要，重要係店主都有花心意佈置下咁）走韓風， 紛紅系， 環境都悠閒既cafe，就入左去食d野位唔算多，雖然keep on有人黎，不過野食上得都快，人流都去得快，所以teatime去都唔算等得耐但都擺明係比d女打卡既（一入去真係得廚房有一個staff係男，全部都係女），d枱比較近，d人行黎行去影相其實都冇問題既，但下下影幾十張，作為隔離檯又好心就一就既話，成日避下避下咁都有d d攰所以真係食完就即刻走，如果想悠閒傾下計既話，個人並不推薦價格就中位la，味道一般正常，但唔會好突然。叫左個all day breakfast C $98, 柚子雞翅 $30 （4隻） ，水蜜桃梳打$38，加埋一，唔知點計total係185la,(98+38+30)*1.1我就計到182.6 （咁2-3蚊我又唔係好care la)咁整體味道正常既，唔會話伏，只係冇話特別好食，所以會覺得比較普通柚子雞翅偏甜，但因為雞翅本身有微微炸過，所以覺得個柚子醬cover到個油膩感。比起平時d蜜糖雞翅會特別少少總結，如果你為左張相厄下like/普通食下野都ok既，但我個人就應該唔會再去第二次因為去得cafe都係想悠閒少少，同朋友食下飯傾下計，而唔係聽住d快門聲密密食。…查看更多