crystz的個人專頁

正如其他評論所述，食物優質，無論係燒肉、湯、沙律甚至配菜同飯嘅食材同口味都非常唔錯。但lunch time的服務質素實在係有待提升，令人未能好舒適咁享受優質食物。1. 坐低左好耐都等唔到人黎落單、斟茶。譬如有個侍應就企係隔離檯，但佢落完單轉身就走，完全聽唔到我哋嗌佢。亦有多個侍應路過但無人睇到我哋揮手，對於各檯的顧客不夠關注，令顧客感到受冷落。2. 通常去親日本居酒屋/日式餐廳，侍應都會係坐低後、落單之前主動斟茶，但呢度係落完食物單之後先問你要飲咩，不會主動offer茶水，唔夠體貼。3. 有位女侍應唔知係因為太忙定點，見到我哋揮手，表情好唔情願咁行過黎，都未行到埋檯就話搵同事幫我，之後一見到有另一位侍應黎上餐，即刻轉身走開。雖然呢件事係茶餐廳經常發生，但個人覺得一個lunch set 超過300嘅餐廳，服務質素唔應該向茶餐廳睇齊。從顧客角度黎睇，其實佢完全可以先聽下我哋需求，再搵同事幫我哋，感覺會更體貼。我哋個需求好簡單，都係一句講曬：要落單。萬一我哋真系有好複雜嘅需求，你先再搵其他人黎聽都得，唔會耽誤好多時間，但可以避免令顧客感受到你唔願意招呼我哋。…查看更多

因為間鋪係屋企附近，所以幫襯左好多次外賣，魚腩粥、及第粥、雲吞麵、豬手麵款款都好味。我特別鐘意食菜，去親粥麵鋪都要加油菜，呢間算係用料最滿意，通常都好嫩好甜，蠔油都好鮮甜。生滾粥用料會保存係門口雪櫃，落鑊之前先取出，食落feel到好新鮮（魚腩魚片唔會腥，豬肉都好鮮香）。近日腸胃不太好，問老闆及第粥可否煮熟d，佢仲好貼心問我要唔要加多d姜，油菜洗唔洗走油。啱啱食落d肉真係熟過平時，但又未變柴，非常滿意。有品質又有服務的老店，值得幫襯！啱啱食完先唸起要評價，所以無影到相…查看更多