老鼠的個人專頁

諗住買個正正常常嘅外賣，不如食泰國嘢。係Openrice 上面見正評都唔少。。點知。。。。17:58俾錢，18:38 攞到。 人好多？ 唔係囉。。。。啲drinks 返到屋企漏哂，好古怪咁平放。。。。蟹肉炒飯，see photo.....如果唔係見正好似米粒咁大嘅蟹肉我以我叫咗三色豆炒飯。。。另外嘅雞翼進菜兩餸飯。。。。see photo.....果啲紅色肉嘅雞翼。。。想點呀咁嘅質素，究竟呢40分鐘發生咗咩事？？？…查看更多

本身係街坊，呢一個舖位都成日改朝換代。對上一次係飲wine 嘅小酒吧，就好似喺呢一頭不斷都係飲啤酒嘅地方之中有一個奇妙嘅存在感樣……而家佢又重新裝修過，變咗係一個食雞翼嘅地方。雞翼款式好多，個老闆好似想蒐集全世界唔同地方嘅食譜咁樣。有巴西、台式、美式，當然梗係有香港style啦。。。。試咗幾款，都冇逐一影相啦。。。我最鍾意食嘅有：Honey garlic 味——蜜糖加蒜呢一個組合簡直無得輸，蜜糖味又唔會太搶或者太甜。。。魚露雞翼——本身老闆介紹嘅時候仲心諗：吓？魚露？ 點知個味係超surprise ,有啲咸香，又唔會太over鹽酥雞味——真係咁佢同一般嘅鹽酥雞係唔同，唔識講，自己試吓啦。巴西雞翼——呢一個我覺得係必試㗎！ ！ ！佢係有甜有咸嘅組合，但係就會令你好想太多杯啤酒，同埋想大叫"唔該再嚟多一份呀"當然仲有好傳統嘅Mac and cheese 同chicken Alfredo ....好食又好懷緬以前讀書嗰陣時食過嘅感覺。。。。噢。。香點。。。所以嘢食都係fix price $35...Drink 就睇你叫咩啦 xD同埋，可以借game 玩。。。。真係隨時玩到唔捨得走🤣😅…查看更多

晚飯唔知食咩好， 碌Openrice 嘅時候見到咁多好評就特登去一去啦。。。。。餐牌只有電子版，慳返啲印刷費👍加好似$20 有湯，餐飲同甜品👍呢個係南瓜湯，ok我叫咗豬鞍，嫩滑香口，帶啲燶味👍老公叫咗帶子海膽risotto....賣相唔錯，食落，硬掘掘，味道出奇地淡，有雞粉味。帶子只係煎咗一邊，半熟，好似有海膽嘅。。。Well...如果呢個係招牌菜的話，咁，都唔駛再去。。。甜品係cheesecake, 好似放咗落冰箱急凍咁，食到碎冰…查看更多

因為成日幫襯，根本就無影相。。。。所以😅通常會食： 腸粉～如果你會特登去深水埗食xxx 的話，嚟呢間呢，都ok 㗎。 勁鍾意佢啲麻醬，夠香燒賣～好鬼魚肉燒賣，佢彈牙炸魷魚鬚～明明買腸粉叫到好似好正咁，買埋。。。。炸到卜卜脆，又椒鹽。夜晚經過必買炸豬大腸～好過份囉，整成個鑊係度吸引你嚟買。。。。。牛雜～成條街佢最好食。完。又，短頭髮姐姐爆好人。。。又，呢檔比前面豪大大對面果檔好食太多。。。又，本身只係落街買腸粉會end up 買多咗嘢。。。…查看更多

知道outback 開始呢間快餐版，當然要搵機會嚟試吓啦。睇到張餐牌就知價錢平過平時嘅Outback 一截啦咁話到明快餐，係啦，你就係係門口cashier俾錢落order,之後攞個牌去坐低嘅。。。叫咗Aussie Chicken Salad, 揀咗炸雞。個雞seasoning 好惹味，非常討喜～叫咗個Classic Burger . 塊burger 煎得啱啱好，不過就略嫌個包有啲heavy.... 個side 叫咗fries, 唔錯同埋叫咗US Wagyu Beef ,配 kettle chips...落單叫咗medium rare, 嚟咗嘅係咁。。。個表面就比well done 還well done,少少似落多咗鹽嘅beef jerky....入面。。。有一塊係medium rare....不過。。。KETTLE CHIPS 超級好食！！！！！！有口感✅有薯片嘅感覺✅但係你又清楚佢係薯仔✅脆卜卜炸得啱啱好✅總之就係，為咗呢個kettle chips, 我會再encore! (不過唔會食個steak...)…查看更多

朋友係西環人，所以就算離開咗香港，返親嚟都一定要食百味鮮。佢一直都係whatsapp 叫菜，今次都係。。。。跟佢嚟過兩次， 醉花螺又好食又鮮味，頭盤之選。朋友係美國，可以煲嘅湯水唔多。所以嚟到會叫猴頭菇湯。 一個飲兩人分量，我地唔會同佢爭啦。。。我其實真係無係度食過辣蟹，不過次次都會叫蟹。竹籠蒸，又大隻又多羔。。。連啲肉都變咗黃色😳(努力擦蟹嘅人係無手影相嘅😅）直到。。。蒸鱔出現。。。。我literally 放低手上嘅蟹，抺手，攞筷子。夾，夾，夾。。咁食咗幾件。新鮮，肥美，蒸得啱啱好。朋友本身唔食鱔嘅，一食佢就呆一呆，話同之前食過嘅唔同， 佢話以前以為鱔係泥味重嘅嘢，好似食泥咁喎。。。😓都要叫返個菜嘅。。。👆👆Sorry 無調返轉，食蟹中嘅人隨便影嘅。。。呢個係鱔嘅兩食嘅第二part.將啲炸咗之後落醬汁，個口感同蒸鱔完全唔同。鍾意口味重啲嘅會鍾意食呢一味多啲。嗰個汁甜甜地辣辣地，味道比較平衡。朋友嘅最愛——冰鎮排骨。我唔識太甜嘅中菜，呢一道菜唔係好啱我。但係每次朋友都一定會叫，開頭我以為下面啲冰只係裝飾，之後先發現係真架！🤣因為之前睇住餐牌預先落菜嘅關係，見到呢一個火焰菠蘿芝麻雞覺得好有趣所以就叫啦。其實食到上面嗰幾碟嘅時候，已經飽到上心口，幾個人心入邊都諗呢個計最好唔好黎啦，但係又取消唔到喎，希望唔好大大碟啦。。。點知一嚟到，就俾個賣相吸引。一份份咁樣食，諗住都OK啦。芝麻醬同菠蘿嘅配合令到味餸超好食，令人意想不到咁好食！（不過都食唔哂。。。。）…查看更多

太夜想食嘅舖頭閂咗， 係附近搵吓嘢食咁。 因為鍾意食雞湯拉麵， 係門口見到諗住： 雞湯拉麵喎， 又串燒，又居酒屋，應該ok 掛。。。一嚟就炒麵。。。。睇相你都知咩事啦。。。。相信同random food court 食到嘅應該無分別。。。（可能food court 嘅會平啲好食啲）一睇都似唔太好味。。好味嘅雞湯係會有強烈嘅香味， 會有雞油好味嘅感覺。。。。不過呢碗呢。。。真係唔識欣賞。。。。。。。。都有雞味嘅。。。。因為想睇質素先，所以只係叫咗雞肝同雞皮。。。。諗住居酒屋，點都唔會太差掛。。。。結果： 三個字- 直升機(見到連相都唔想影。。。）呢個辣雞翼。。。。等咗都一段時間。。。。我打字比較慢，大概一分鐘十個字。。。打到呢度佢就嚟啦正常，算係咁。。。唔錯，味粉可以落多少少我無收錢，唔係打手。。。只係去咗唔好食嘅店。。。又： 因為坐counter, 店員執碟數碟係我隔離。。。。又： 好有性格嘅廚師掉咗將單俾店員話： 過咗一分鐘都係遲落單，唔會做嘅…查看更多

係附近諗緊食咩好， 見到openrice 附近有呢間未食過諗住去， 但係星期六晚好多人等，所以end up 今日星期日去食lunch.1 點都係得三枱，非常好，唔駛等 Menu 都係果四個選擇， staff 有介紹每一個option 嘅肉 同埋煮法 , 同埋recommend 幾成熟。兩個人分別揀咗第一款嘅Herbly Flat iron steak (recommend 5 成熟）同第四嘅豬鞍架（recommend 9成熟）。 本身豬牛都鍾意， 但係因為食過好好味嘅豬鞍架，所以非常期待。主菜未上，先上薯條。 幼薯條+脆卜卜+黑松露seasoning , 唔錯，心諗。。Yeah 今日有食神～加住salad 同忌廉蘑菇湯， 個湯非常creamy 同smooth ,蘑菇都好味。 (不過我唔鐘意奶味重嘅嘢，同行友人好鍾意）Salad 係真常嘢主菜出現， 首先係steak.海鹽係畫龍點晴嘅。。。蒜頭如果燒耐啲會好食好多，呢個係半生嘅。到我期待嘅豬鞍架。。。。第一眼。。。好似無咩調味喎。。。白哂哂嘅。。。塊皮。。。。點解連住嘅脂肪。。。有必要留住咩？？(緊本係肥膏。。所以唔食得。。。。）食一啖。。。under season 到一個點， 無咩味。。。。係墊底嘅veggie 有啲味 (似係fajita 果啲調味）重點。。。。又話recommend 9 成熟嘅？？？？？？？（以下係中間位）😓因為點咗甜品， 所以食埋先。。。。就係個 passion fruit tart....令到我想負評呢間餐廳。…查看更多

因為轉左工嘅關係，我而家係中環金鐘附近返工。朋友約食飯，就介紹呢一間佢好鍾意佢嘅意大利’餐廳‘。開頭我心諗：吓！係Taste 嘅Basement度咋喎，唔係有其他更加好嘅選擇咩？不過既然朋友話佢成日去啲嘢又正， 咁我就跟埋去啦。就好似你睇圖片咁，佢只係一個好似好普通嘅foodcourt，你問我我都會寧願走去對面食burger咁我朋友話啲酒喜酒都OK咁我哋就叫咗杯，同埋叫咗啲嘢食。個老闆娘非常之好人，有講有笑同埋都好努力咁介紹嗰啲酒同嘢食。我哋叫咗兩個starter , 我覺得要講一講呢樣Vitello Tonnato , 係Veal 加tuna sauce. 一上菜，嘩！啲牛仔肉仲有少少粉紅色好似好好味咁（佢真係好好味架！ ）Parma ham 同melon 就係啲好正確，唔太咸唔太油melon 又甜又fresh 果種。。。另外叫咗pasta同 ravioli ，都好好味同埋絕對係Al dento 㗎～（我懶打字，你睇相啦。）值得一提嘅係啲酒，根據同老闆娘傾計所得嘅資料，老闆娘本身係買酒嘅批發商，同埋做pasta 嘅廠嘅老闆。。。開呢個餐廳仔因為佢覺得可以同人客溝通。 (我偷睇到老闆娘自己都整咗碟牛仔肉😆😏）所以你可以問佢介紹，而佢會好樂意咁同你講每一隻嘅backgound 同配襯嘅美食。我frd 話Tiramisu 好味。。不過去到嘅時候已經無哂。叫咗pina cotta 同 lemon tart....個pina cotta , 一樣不得了。我唔鍾意牛奶，呢個係朱古力味，又滑捋捋。。。。…查看更多

對香港人嚟講，食飯最緊要係好食，抵食，重要影相睇落好好食， photogenic 係一個must!今日去咗呢間店仔細細嘅法國菜，一開始仲諗。。。食pasta 嚟聲稱嘅法國餐館？？得唔得㗎？？？先嚟一個Pumpkin soup....南瓜？十一月啦喎，仲南瓜？南瓜唔係只係用嚟雕個樣上去㗎咋咩，煮湯會唔會好怪㗎？飲一啖，ok 喎。 Creamy, 仲以為會好甜又唔會，濃淡度適中。。。有啲對南瓜改觀。再嚟係Chicken Linguine . 好香，賣相唔錯。 再望，平時食pasta,好多都會係好明顯嘅sauce , 但係呢個tomato sauce 係比較乾身嘅感覺。。。不過都係要睇個味啦。。。個pasta 係 al dente, 煮得唔會太over 或者under (即係just right) , 非常有咬口。個味唔錯， 入面仲加咗garlic, 香味就係因為啲蒜頭加埋蕃茄，再加埋煎得啱啱好嘅雞，所以非常吸引。 朋友問，garlic 好似好多咁？ 係咪大廚halloween 果時除咗pumpkin 之外都入咗好多garlic? 😆😆 不過我又覺得啱啱好喎， 可能因為我鍾意蒜頭帶出嚟嘅香味啦。 加咗個side - Fresh avacado tartine, 作為鍾意食牛油果嘅人嚟講， 我相信呢個係必叫嘅。佢嘅感覺就係張一個牛油瓜濃縮再放上塊toast 上面咁。。。（如果唔係因為份linguine 俾我清咗碟，而個frd 又細食，應該會encore 叫多份. )Ice passion fruit tea... 係一個好好嘅alternative to normal lemon tea. 當平時飲凍檸茶飲得太多嘅時候， 絕對需要叫呢一個。 下次會再去😬…查看更多

因為工作關係，已經幾次見顧美的。第一次走進去是早餐時段。新餐廳，當然有新裝修、新餐牌，不過還有大電視，餐具也是新的－－不鏽鋼匙的背面幾乎可以用來照鏡！硬件是新的，軟件又如何？幸好不是新的。水吧、廚房上菜速度快，經得起午飯時段的考驗。茶餐廳，最重要就是上茶快嘛！食客、老闆兩得益。侍應的招呼也不錯，應該不是新手。早餐是典型的三件裝：湯麵、牛油方包+炒蛋、餐飲。基本沒有可以劣評的地方，但不會有驚喜。午餐那次點了楊州炒飯，夠味、飯粒乾身不太油。平凡菜式，醫肚就算。新張期間照單八折，感覺價錢好象時光倒流一十年。因為早餐折後$16，午餐$24~26。…查看更多

星期日來到西貢遊山，歸家前先在市中心醫肚。首先是環境不錯，一來座椅空間並不狹窄，二來晚上六時半入座，食客不多，環境自然寧靜。點了$288的二人套餐，包括餐湯、餐飽、主菜(燒羊脾)、pasta、甜品和餐飲。平心而論，食物的味道和質素實屬一般、沒有驚喜。這個價錢、這個質素，公平交易。只是侍應生只有兩個，食客多起了就顯得有點應付不來。在西貢搵食的選擇多的是，而我又喜歡到不同的地方嘗試，似乎再光顧的機會不大。…查看更多

晚市時段和朋友來到釗記享用小菜，都已經光顧好幾次了，但這次一定要評一評。兩個人，點了蒜蓉白菜仔和咸蛋蒸肉餅，還有兩個白飯。白菜仔淡味，受不了，要另加豉油。蒸肉餅味道可以，但肉鬆粉落得太多，令口感和味道像山竹牛肉球。惡夢是兩個人回家後都肚痛，朋友上吐，我就下瀉，都不知是那道菜出事。雖然情況很輕微，未需要求醫，但我想以後還是避之則吉。…查看更多

都不是第一次遇上餐廳出左名後出現種種令人沮喪的情況，這次也不例外。由於腸胃不好，想吃湯粉麵的關係，來到群記。味道依舊是不錯的，但價錢已經飆升至$27，再看那隻細細的碗，雖說成本漲，但仍實在太不合理了。下午一時才開店，河粉或麵隨時提早沽清，爽腩亦然（但奇怪的是賣$54的爽腩會仍然有貸），再加上店員那種氣燄……如有有一日我發左達，食麵唔計較價錢，仲要係叫司機提早排隊買外賣的話，我諗群記係唔錯既；可惜我未發達。…查看更多

由於地段關係，我不常到元朗。但原來在元朗又新街/阜財街附近有很多食肆，從openrice的搜尋結果便可略知一二。上星期日(1-13)的晚上，又新街新順興潮州滷味專門店更是大排長龍等買滷味外店，不過我的目的是要找堂食，所以來了陸記。星期日晚上六時半，還可以輕易地找到位子。點了晚餐\(雞絲飯)，賣相可以，味道不錯，最正難忘的是那隨晚餐\附送的水晶涼粉。雖然說是涼粉，但卻是半透明而不是黑色的，不加糖漿而加淡奶，沒有黑涼粉那種苦味，感覺比黑涼粉更上一層樓。…查看更多