Daphnechanky的個人專頁

假日出開APM買啲嘢，唔想行太遠就喺返APM搵食啦。知道神山拉麵其實前身就係麵屋武藏，印象中唔係話出色，但都不過不失，所以就揀咗食神山，諗住都正路，起碼對得住80幾蚊再加一嘅價錢。叫咗角煮豚肉拉麵，無諗過可以咁乾。諗住一件乾咗啲唧，另一件睇落都幾肥，應該會好少少，點知：好啦，溏心蛋應該唔會出事喇啩？咬嗰時都小心啲，唔想個流心融於湯中，但點解咁熟呀…不過講真，湯同麵都仍然不過不失。朋友叫沾麵，麵條比湯麵更好，但佢哋話勁鹹，反而湯麵就還好。服務態度嚟講就好個別，上菜位侍應心情似乎麻麻，黑口黑面掉低碗麵就走咗。但其他侍應都有啲ok嘅。…查看更多

臨時約了好姐妹晚飯，選擇旺角是為了交通方便，但一向對旺角食店的印象較一般，多數限時、人流多、嘈雜。。好姐妹提議到此店，我沒有異議，於是便臨時訂枱。晚上7時，竟然只有兩枱客人。。先說說店舖環境，是小清新風格，說不上高級豪華，但反而有一份舒適自在：）可能是晚人客不多，店員完全不會急忙收碟趕客。而上菜時間一如其他食評所講較慢，但因為我主要為了和姐妹見見面、吃吃飯、聊一下，所以上菜速度完全不會令我不耐煩。。主食方便點了一客意粉、一客咖哩飯；另外點了三色單骨雞翼作小吃。白汁黑松露煙肉手工意大利麵：味道稍稍偏鹹，但很欣賞手工麵，口感是我喜歡的al dente，有嚼勁👍🏻吉列豬柳日式咖哩飯：咖哩是日式辛口味道，香而不會太辣。但吉列豬柳肉質較乾，希望日後有改進。三色單骨雞翼：外脆內軟，我們不消一回就吃個清光。只是完吃仍未能吃出三款是什麼口味😅。另外，我們亦點了飲品：焙茶朱古力：餐牌註明所用茶葉均由日本近江直送，茶味濃郁。果然沒有令人失望！這杯焙茶朱古力有濃濃茶香，亦可以喝出淡淡巧克力味，非常值得推介👍🏻焙茶拿鐵：茶味較焙茶朱古力更香濃，喜歡茶的朋友不能錯過！。原本想再點一份甜點，但實在太飽了，唯有留待下次☺️…查看更多

由於食物上檯都無乜特別，所以一開始無影相，但食食下覺得好鹹。講真，唔係話勁難食既，但都未好食到要再幫襯。味道鹹之餘仲好重味精，成個下晝不斷飲水都搞唔掂。我呢d千年CD-ROM都走出唻寫食評，一係就好正一係就好劣，今次就正正因為服務態度極惡劣喇~早幾個月同同事想去試下，一行三人，但嗰個疑似老闆既中年女人就話要2+1分開坐(?!)，咁我地就問可唔可以等一張差不多食完既4人檯，佢話唔可以，然後問我地究竟入唔入，我地都未答佢，已經叫左後面等位既熟客入去，非常無語，唯有放棄唔食。今日同事二人經過，見無人等位就諗住畀多次機會啦，可能上次佢地只係太忙燥底姐。當時店入面有幾張空既4人檯，但侍應都示意我地去搭一張已經坐左兩個人既4人檯，呢點我地明既，留返張4人檯招呼4人客。隔籬兩個女仔食得好快，我諗佢地大概15分鐘食完，諗住慢慢飲杯野傾下偈，但呢個時候店員已經急不及待要去收野，搞到個兩個女仔好唔好意思咁走左。環境睇落四四正正，不過勁迫，傾偈差不多要嗌出唻咁，因為人同人之間太密集，每一檯客都傾緊偈，非常局促。我同同事繼續食緊個兩碟好鹹既意粉啦，然後呢個時候個男侍應走唻問我地可唔可以轉去二人檯，我話我差不多食完喇，可唔可以畀我地食埋就走？佢話佢幫我搬d野去二人檯。然後個中年女老闆走埋唻問咩事，個侍應話我地唔肯搬檯，個中年女老闆就立刻提高聲量單單打打。跟住我同事因為由畀錢買野食已經開始受氣，佢再忍唔住喇，就講返上次我地想等4人檯都唔畀等，今次就要我地讓座，係咪睇人唻蝦？個女老闆繼續用非常有骨既音量語氣話唔緊要，你咪唔好搬囉。再之後有另一檯4人客食完走，佢又無啦啦提高聲量話唔該晒人地，非常小學雞。…查看更多

星期日睡到自然醒是常識吧。之前睇viutv劇集，其中一幕個場景好靚，朋友話畀我聽係葵涌嘅cozy cafe，於是我一直記住咗。早前見疫情暫緩，都心郁郁出去搵食，於是就醒起要嚟打下卡！結果真係無令我失望，個場真係好多打卡位，我最鍾意係佢對街嗰一排座位，由出面影返入去非常之靚，係文青必到嘅地方！至於杯咖啡都好好飲，飲到底個拉花都唔會化開。個三文治唔可以話好出色，但味道都好唔錯呢～有機會要再嚟試下晚餐先得！…查看更多