Jessischong的個人專頁

今日朋友心情唔好，要飲酒啤一啤，行吓行吓去到熱記，入到去都好多人，坐左2人枱開始點餸，黎到熱記必叫的餸蜜椒鱔球～入口甜蜜蜜，爽口好味，必食鵝片拼盤～拼盤都算豐富份量多，鵝片，墨魚，紅腸，豬耳，豬腸，豆腐,可惜個鹵水汁唔得，如果個鹵水汁加多少少花椒，八角去煮個鹵水汁會較好，浪費左個大拼盤。薑蔥桶蠔煲～好似有6粒，都好食同大隻，夠味道，用沙煲上。椒鹽鮮魷～鮮魷夠新鮮，外層個皮唔厚粉，脆身，唔係間間做椒鹽鮮魷都好食，呢間做得唔錯。如果大家想食大排檔，呢間服務都唔錯,價錢正常，又多選擇。…

食完飯睇完戲，最仲要的環節黎啦…衝去食甜品，今次呢間想試好耐。係食梳乎厘，行到去見到原來係做外賣，正想調頭走，好彩靚仔老闆話可以坐低食，有2個坐位。我點左個櫻花 梳乎厘，我朋友點左個開心果個櫻花食落好有去日本的感覺，個開心果係老闆介紹都好食，但我會較喜愛櫻花口味。下次路過黃埔試埋其他甜品先…

朋友話今日想食炒鱔糊，仲一定要銀芽炒，就搵左王家沙，好多年前都食過王家沙，幾唔錯。 今次去黃埔呢間，入到去裝修好雅緻，2個人坐張4人枱，好舒服，咁大張枱俾我，當然要叫多D餸食啦…先黎左個三絲粉皮～有微量的雞絲，幼身火腿，青瓜絲，成碗最出色係個醬，調控得好好食，係食個汁醬。招牌蟹粉小籠包～5粒～ 個皮厚左少少，咬左啖見到有黃色蟹粉，但唔夠蟹味同爆汁，都係點返個醋有返個味道出黎。炸黑毛豬扒擔擔麵～湯同豬扒是分開上的，睇個名同餐牌張相，好似好好食咁，點知，一食個麵同個湯底係無味用清水煮，應該鹽都無落，可以較個雞粉湯底會有些味道較好，個炸豬扒話就話炸黑毛豬，面嗰層個炸粉，餐牌張相係麵包糠做炸粉，但出品，祗係輕輕有麵粉喺面囉…食落仲要無豬味，同無味。叫左4個餸最期待係黑毛豬，點知咁失望。黑松露清炒蝦仁～ 炒蝦仁係最好食，炒得好好, 晶瑩通透，又有黑松露味道，唔會太咸或無味，個芡汁炒落個蝦仁唔會黐埋一齊，係粒粒分明，呢個好食。韮王炒鱔糊～雖然無銀芽炒，但呢個炒鱔糊都好食，個醬汁都較得好 好，望落個鱔糊都夠色香，但食落唔會太咸，好食。因為叫左個麵，所以，無叫到個飯黎撈飯食，兩個人，食唔到咁多。總括都唔錯，係個黑毛豬失準，其他都好好。…

這間牛大人由疫情到現在都人頭湧湧， 座無虛席，每次跟我食素的朋友必到的店鋪，一來可以邊食邊，睇暢談，二來這店的疏菜，疏果，好新鮮，你係唔會見到有爛，或者唔靚的蔬果出現。今次黎到有期間限定-三椒酸菜鮮魚鍋‘’，問店員可否微辣，員工話可以微辣，我便試試，我好喜歡食唔辣或微辣酸菜魚，湯底到，跟魚是分開上，湯底微微辣接受到，我唔太食得辣，不過，呢排太潮濕常落雨，諗住食少少辣去濕氣。攞左枱面隻碗去蔬菜區，攞淮山，蘿蔔，萵筍，南瓜，寛粉，冬菇，豆腐,支竹，生菜，淨係食蔬果都好飽。叫左碟靚豬，真係好有豬味， 唔會好騷，我朋友唔食豬都覺得好食。叫左3個小食， 魚香皮蛋豆腐， 糖醋甜不辣，梅甘酥脆薯，豆腐係最好食。再行多轉蔬菜烚烚，經已好飽。店內的服務員態度很好，工作很迅速，每次叫幫忙加湯都很快加湯。到朋友最期待的雪糕出場，我叫左曲奇雪糕，朋友叫左士多啤梨，成餐飯，食2個鐘，都係6佰幾蚊埋單，好低食。…

喺open rice買左個150分鐘厚肉龍蝦海鮮蒸氣鍋+澳洲M5和牛，手工點心，火鍋放題。67折$329／位，今晚19：00，2位入座，坐低員工向我scan coupon,然後上醬油$48／位，我個人唔太喜歡點鼓油，所以沒攞蒜，蔥，椒絲，跟住出去雪櫃攞飲品，有汽水，玄米茶，啤酒嗰類選擇，跟住放低蒸籠，準備開餐，服務員會幫客人放食物到蒸籠然後計時蒸海鮮。～頭盤龍蝦，每人半隻，份量都大隻，肉質蒸得剛好。～生蠔，鮑魚，蜆，呢3個食物，食唔到有其鮮味，如果生蠔加小小蒜蒸，鮑魚加少少果皮蒸，可能食品效果更鮮美。～元貝有沙食到好似磨牙咁，沒食到，蝦都正常～M5和牛 攞出黎都溶溶地雪咁，一睇就知係扮和牛，雖然我唔食牛，但平時見朋友食開的出品，未煮熟，睇個樣都知，唔會好食。～黑毛豬 肉旁邊係出左水，見得嗰4塊都費時換，煮熟後係無肉味，應該係普通豬肉。任食小食～酸蘿蔔係壞左，拍青瓜一般，炸魚皮，無論烚前食係淋，烚完後係韌，好彩份量少，如果唔係，我都唔知點食晒，唔想浪費食物。火鍋料～芝心丸食落沒有芝心感覺又無芝士味，鮮豆皮一般，蘿蔔一般。成個任食流程最好食係任食點心，燒賣，流沙包，馬拉糕，薑汁糕，棗皇糕，蜂巢糕。好耐無食過蒸海鮮，見今次做特價咁平去試吓，睇海鮮食材係對得住個價錢，但食物質素真係麻麻。…

難得放假，同最愛姨甥女去食飯，問姨甥女想食咩…話想食龍蝦伊麵，咁我地去左海王漁港食飯近屋企，我地3個人去到，同姨甥女睇魚缸揀做緊優惠$198/斤西澳龍蝦，2斤幾，然後伊麵加$68，芝士再另加$100，小朋友喜歡食便照加。先黎左個叫花膠腐皮豆腐煲$148，個煲打開蓋香噴噴，花膠腐皮豆腐冬菇都煮得入味，唯獨個 類似秀珍菇類酸左壞左，我見我地食左一半，費時叫人換，祗好夾起菇類沒吃。然後到左藍瓜子斑魚$168／1斤，條魚蒸得剛好，很滑，點埋豉油好味，條魚唔多骨，小朋友都食得開心。小朋友最盼望的龍蝦伊麵到左，但黎左個烏冬底，小朋友見到唔開心，因為佢唔喜歡烏冬，同原來一心係黎食芝士伊麵，個經理知道錯左都即時免左個伊麵費用，但小朋友難免會失落，我又唔想食餐飯去理論點解唔換俾我，小朋友又唔食，最後將嗰2斤幾龍蝦外賣帶走，埋單$918，這間食物質素其實幾好，可惜錯單。…

經朋友攞介個這間花膠雞湯，同經Open rice 訂枱送象拔蚌，專登落黎試吓，晚19：00入座3位，即送象拔蚌一碟份量正常都新鮮嘅，之後上左傳聞中的花膠雞湯底，即飲碗湯試試先，湯底好飲，但未有骨膠原的感覺，然後落湯料～～～～～海圍蝦$138／6隻～海蝦新鮮，都大隻，無蝦腸冲繩活水飼豚梅花卷$238／7片～呢款梅花肉好食，好快熟，唔會好韌，正鮮蝦丸拼墨魚丸各3粒$120～蝦丸同墨魚丸都彈牙有鮮味鮮蝦雲吞拼水餃各3粒$68～雲吞同水餃都新鮮淮山麵$30/2個～每次打邊爐都必叫貴州A3級竹生皇2條$88這款竹生皇好大條，放入個花膠湯好入味雞泡魚乾2條$58娃娃菜$38這裡的員工服務一般，全場得返我一枱客，叫佢幫手酙埋尾水嗰支啤酒，收埋個樽走，都扮聽唔到轉身走，其實喺呢個地方開鋪，都係做附近街坊生意，全場3個員工，全場3個客，都唔去溝客或做好服務，好難有下次光臨…

雖然我住土瓜灣，唔係朋友生日帶我黎，我都未必會去這間鋪食飯，經常落半閘，今次朋友慶祝60歲生日，約左11位朋友到場，可以叫好多個餸。等朋友陸續到場，當然叫餐前小食先食住等，傾住等朋友到椒鹽鮮魷～用細魷魚鬚炸，份量都可以，加椒鹽味道不錯。沙薑雞腳～以為係凍食，原來即煮，唔會太咸，好食。小炒皇～韮皇，大蝦乾，腰果同魷魚炒夠鑊氣椒鹽粟米～無諗過粟米都可以炸得咁好食雞軟骨～都炸得唔錯，份量都大份鹵水鵝腸～我唔係好食鵝腸，朋友夾左1條俾我試，估唔到咁爽口，同唔難食，食埋底下芽菜覺得好正，可能之前食太多炸物已感油膩。沙薑雞～生日當然要食雞，個雞入味同夠嫩滑蜜糖牛柳粒～呢個朋友話必食，因我唔食牛，唔知好唔好食，我食左2粒薯仔，薯仔外脆，面層係蜜糖味，我覺得味道都不錯。烤魚～終於到啦…等左成晚，朋友話烤魚必食，我試左一塊都覺得好好食，好香烤魚味牛仔骨～我無食到，但最後我見清晒應該係好食西蘭花炒蝦～呢個菜好難煮得唔好食，正常，唔會太油，好怕炒菜落太多油家鄉炒米粉～呢個餐牌無，出黎係圓餅形，一夾係散左米粉，炒得好好食，唔太咸。長壽麵～生日當然要食麵取意長壽今餐飯個個都食得好開心，價錢唔太貴，同每個餸都好食。…

跟朋友入過幾次店內，每次都遇到客滿，今次朋友生日，帶佢黎試下，其實上幾次入店都覺得烤味很香想試，今日終於有位，同埋今日心思思想食串燒，又想食酸菜魚，又想打埋邊爐，呢間啱晒我。叫左餐前小食串燒先～～海蝦$28／2隻～燒到很香肉質剛好，唔係燒蝦乾～燒生蠔$33／隻～夠大隻用蒜蓉鋪面夠鮮味～鹵水豬腸$45～咬落爽口細細粒容易食事前已講會打邊爐，所以，轉左鍋加$30，等左一陣到左金湯酸菜魚片～黑魚片$248我唔太食得辣，叫佢整左個BB辣，個煲內有好多好多魚片，魚很滑，一夾係成塊魚片，好好食湯內有大豆芽，蓮藕片，寛粉，職員話可以當湯飲，我驚飲完會口乾無飲到。當食完所有魚其實都飽飽地，之後加水打邊爐，落左2個火鍋料新加坡白魚蛋～好彈牙同魚汁好食豬板筋～豬板筋都是爽的，切勿煮太耐今日2個人，食完都飽飽飽，太豐富但滿足到，串燒，酸菜魚，打邊爐，太好啦…價錢正常。…

朋友生日話要再黎食，今次同埋小朋友一齊食，我地有7個人，叫左好多個餸食。～先黎個自家制金湯豆腐，外脆內軟，一碟有8件有兩款錎，一款係豆腐，另一款係玉子豆腐，底層係南瓜汁，我通常都會淋汁一齊食，好有口感又脆又軟，面層的紫菜又好食。～煎蠔餅，煎到很金黃色，圓形餅，面層似蜂巢入口很鬆化，唔同平時食潮州菜的蠔餅，可以一試啊…～灼蝦，必叫，蝦又大隻，份量又多，呢個價錢，其他地方食唔到，真係好低食。～蒜蓉粉絲蒸聖子，個聖子都大隻，煮的時間剛好，唔會過熟，好入味。～蒜子骨，剛到已聞到很香的味道，入口有些辣，我用紙巾印乾面嗰層辣味，我唔係太食到辣，但朋友話唔算辣，但都係嗰人口味啦…值得推介。～脆炸金沙蝦球伴沙律，必叫，面嗰層咸蛋黃漿很脆好入味，內層的蝦都很大隻，十分推介啊…～最後叫左個白菜仔同豉油皇炒麵，個炒麵，一定要食，炒得好好食，但要等好耐，次次叫都要等差不多半小時，下次一定要落頭輪單，即刻叫定炒麵先。…

很久沒去食潮州食品，但每次食都一定會去四點金，除左價錢公道，服務好，坐位都舒服，最緊要係屋企樓下，近，叫朋友黎陪我食，今次2個人，去到見到個餐牌$338超低呀…～杏汁白肺湯加$20，個湯的杏汁好飲到會飲到個杏味好重，好好飲，份量都大煲,我跟朋友每日飲左2碗半…飲湯都飲飽～潮州凍烏頭，條魚份量都夠啊…但可能我唔太慣凍食，覺得味道一般，要點黃豆醬先有味，下次叫煎魚，會較啱我。～咕嚕炒潮州粿肉，好耐無食過粿肉，諗住試吓，碟餸炒出黎係美觀，但唔知係咪粿肉同咕嚕個味道唔太夾，有些怪怪地，下次試其他先。～鹵水鴨拼盤，佢個鹵水真係，好好食，仲叫左碗白粥一齊食先配搭，好味道，拼盤又擺得好精美。唔知係咪同朋友，一路食一路傾，我地再叫左個薑蔥生蠔煲，個煲蠔焗到很嫩，很甜美，但蠔好似唔太多，好似得6隻，不過，都好食。最後甜品出場啦…蛋散一份，每次我食完飯，都必定食埋甜品先叫完美。…

新明記 打邊爐真係好食，每次去到必叫象拔蚌刺身，就算得我地2個人去都會開一條食，真係好新鮮，擺盤有心機，食完後開始打邊爐必叫豬肺湯底，夠足料，湯黎到先飲一碗潤下先，豬肺好好食，然後開始落花竹蝦，蝦好大隻，最鍾意食咁大隻蝦，同埋無黑色腸，最怕食蝦有黑色腸出現，另水餃係店內新鮮包好，餡內嘅蝦都較大隻，我比較喜歡食素，故每次都會叫竹笙食～台灣蠔都大隻厚肉有蠔味，～淮山麵每次都會叫兩個麵，一個堂食，另一個麵會煮好後打包返屋企宵夜啊……

朋友生日提議食雞煲，我地去左間新開的雞煲試試，我地有6個人，入到店個裝飾很特別，望上天花有好特別的燈飾很襯托周圍。去到我地叫左支白酒慶祝吓先，支酒很甜，再上個雞煲，雞煲有幾款不同的辣度，我唔太食得辣，叫左個小辣半隻，味道也不錯，問過店員工，雞是每日新鮮到店，不是雪藏雞，這點值得加分。然後叫左個鯛魚湯底，我地先飲湯，食豆腐，很濃郁的魚味，我地開始落蝦，北寄貝，墨魚滑好食啊…今次我地預訂左個𩶘魚刺身，條魚好低食啊$568,我地先食刺身後烚魚，條魚好新鮮。輪到我最愛的豚肉出場，因為我唔食牛同羊，所以，都係分開烚，個豬唔錯，原來係日本豚肉。再細心望望個鍋，是日本火鍋常用的鍋shabu shabu,最後食左個芒果雪鈀甜品，食得出係用新鮮芒果做。…

之前跟朋友食太多西餐同雞煲打邊爐，提議不如食泰菜啦…好耐無食過，之前疫情都跟朋友食過幾次，都覺得很出色，這間叫泰式生香，今次5個人叫左，每次黎都必叫的食品，要點餐啦…泰式生蝦～個生蝦係用泰國草蝦，連埋店舖專用的酸辣汁，食落蝦有咬口厚肉，味道很好，雖然我唔係太食得辣，但都食左一隻，因這款生蝦跟其他泰菜館用養蝦基圍蝦出品不一樣，如食過便知，真係好食。鮮蝦金柚子沙律～成個沙律好開胃，食左柚子成個人好醒神，酸酸微微連埋個沙律汁食開胃菜。沙爹串燒～ 1打 雞／牛／豬各4串，個沙爹汁無得頂很香濃，因為我唔食牛我淨係食左豬同雞，覺得豬較爽口同有豬味，雞都可以，但會較喜歡豬串，朋友有食過牛，佢話首選牛，豬，雞排列燒白鱔$138／3串～燒鱔真係唔係周圍有得食，呢間燒鱔仲要係厚肉，1串有3小件，我覺得好抵食，平時出街食1小件都要$25，呢度燒得很有火喉。原個菠蘿炒飯$98～呢個炒飯好足料，新鮮菠蘿，提子乾，三色豆，腰果，仲有好好食的臘腸粒，食落似厚身豬肉乾，我落單時話走菠蘿壳方便食，真係無得輸。仲叫左個安格斯牛扒$148 我唔食牛，望落都吸引嘅，朋友話一定要食，好好食仲有炸蝦餅，個蝦餅好彈牙，一定要配甜酸醬先好食。最後我地叫埋個炒雜菜，好夠鑊氣。講漏左朋友仲帶左條馬友去加工啊…條馬友好大條啊…，師傅都好有心機放左好多料落條魚內燒很入味，而本身店舖的燒烏魚，側魚都好食嫁總括黎講，佐敦地鋪價錢親民，出品質素高，用料上乘，問過原來係泰國師傅主理，怪不得咁有泰國風味啦…會再去…

早兩星期經Open rice 預訂,太跨張啦，我地有5個人,再提前一日落定幾個預訂食品。爵士湯～6位份量，夠分10碗，個湯好甜好清潤,有蜜瓜，豬𦟌，雞腳，金華火腿。鳳尾蝦球～6件,蝦球好足料啊…啖啖蝦肉味好彈牙啊…芝麻雞1隻～傳統食品怖滿芝麻，隻雞上下部分應該腌得唔均勻，上部份有咸味，下部份無味道，要點芝麻醬先有味，如果要試可以叫半隻試吓荷葉蒸蟹膏炒飯～用荷葉包住上層係原隻蟹，下面係臘味，潤腸炒飯，將蟹蓋膏撈埋炒飯食，簡直一流原本已預訂埋黑松露蝦多士，然後店員跟我講原來跟鳳尾蝦球同一樣食法，祗係有多士同無多士的分別，最後便睇餐牌轉食其他咕嚕肉～用新鮮菠蘿炒，個咕嚕肉外層脆的，正常味，沒太大驚喜黑松露墨魚餅～個墨魚餅都好食，同蝦球一樣彈牙，一定要叫啊…然後叫左個炒豆苗正常，喜滿樓標榜少油少鹽，都算係嘅。最後店員問我地要唔要甜品炸糯米糍有5粒內有芝麻，花生，紅豆味道都好食的…