嘉菲～＊'s Profile

訂8pm，7:55pm到達，佢哋睇都唔睇booking 就講：出去等啦一等等到8點半，佢再講：訂咗枱就排隊慢慢行入嚟啦一坐低唔知有冇2分鐘，menu都未睇完就催人落單 落野飲 連有咩飲都未睇到～（最後野食到咗野飲仲係未到～咁急要落單做乜？要心理準備？？）唔知邊位得罪咗個落單女侍應，塊面黑到好似全世界對佢唔住咁～上菜個女侍應係幾好嘅催單後終於野飲到，同枱朋友見佢有好多杯，就好心話我哋係3杯，個阿叔：「你想要幾多杯都得㗎～俾你 哈哈哈」真好笑😒到食物～最好食係雜菜煲同麻辣雞煲～都好難難食嘅⋯黑松露蝦多士個醬～伏到爆！其他唔講喇～呢間野無下次，野食可以忍，侍應好惡頂…Read More

真係冇諗過買個外賣⋯佢錯晒，都係我受氣，只可以講而家啲阿姐真係夠晒惡🤗我都有唔啱，我買嘢嗰陣淨係同佢講要1碗碎牛粥加炸兩～佢話$54，我就拍卡俾錢；買完見到張單上有（大），我先至發現原來個炸兩係有分大細⋯⋯如果有大細分，我又淨係嗌一碗粥，其實佢係咪應該都問一問係要大定細呢？定係市道唔好，賺得$5就$5？原本以為故事完咗，點知我等咗15分鐘呢兩樣嘢都未到，但係單號碼喺我10個位後面嗰啲都已經攞晒啦⋯⋯於是我就行埋去問佢，請問呢張單有未？佢望都冇望我就話枱上面有就有冇就冇我：張枱喺我嚟之前已經冇嘢佢：你有你咪攞囉！冇就冇㗎啦⋯⋯我：你見到張枱上面有嘢食咩？佢：冇咁你就等啦（其實我一直都冇見過佢擺外賣上嗰張枱）然後我如是者，我再等多10分鐘我見到佢哋出餐位 係有我要嗰兩樣嘢，都好耐㗎啦～咁我就問另外一個出外賣俾後我十幾個單號碼客人嘅人：請問呢張單係咪漏單？佢見到，就開始扮嘢話你碗粥出咗嚟好耐㗎啦，係冇炸兩住（但當時出餐位起碼有三盒炸兩，我亦都睇住佢出咗起碼兩個堂食嘅炸兩），我問佢咁你枱面上面嗰幾盒係？——其實我個餐得咗好耐，係佢哋漏單！咁等咩呢？我又買嗰刻已經企喺度等等咗咁耐，難道睇唔到？希望我唔會搵到佢公司個投訴電話，如果唔係我一定會投訴，個阿姐嘅態度真係世界級差！…Read More

這半年多了在荃灣上班～這家外賣幾乎成了飯堂⋯那天一如既往叫外賣，香鍋肥腸和香鍋五花肉，五花肉的伴菜未熟，肥腸似沒有炸過，味道跟之前不一樣了⋯⋯希望轉廚師不是永久的吧⋯⋯…Read More

星期日要嚟附近返工，喺車程上面已經用foodpanda叫定外賣，諗住落車就直接攞到早餐再去做野，最後架車早到咗，我去到係要等幾分鐘～～～但係等到夠鐘之後都未見有任何外賣出嚟～我就去問仲有幾耐～門口個recep就用walkie問個餐仲爭啲咩?? 隨後等多一陣～有另外一個職員拎袋袋鼠出嚟問係咪我嘅？我話唔係，佢話：「foodpanda？冇喎！我哋冇收到單喎～你係咪去錯餐廳呀？你叫咗邊間呀？熊貓都無單！」然後就入返去（？！）我亦都離開咗，因為我夠鐘返工，路程上我就㩒取消訂單，個理由係間餐廳冇喺預計時間出到餐俾我，熊貓客服幫我打咗俾間餐廳起碼兩次，佢都係話間餐廳冇人聽電話，叫我返去繼續等（當然熊貓都有問題，因為佢一直都俾唔到個實際時間我要等幾耐，又證實唔到呢間野有冇收到個外賣order）我返公司露個面之後，只好再行返去等/攞餐～去到，個餐已經準備好（又話冇單？）跟住我問個recep，點解你哋唔聽熊貓電話？勢估唔到佢發惡想咬人咁話「🔥_🔥我俾你睇丫！個電話冇響過！」，你有冇響過，或者係咪得呢部電話，我無從得知嗝⋯冇辦法之下，我返到去又要搵埋佢哋意樂總公司個電郵去投訴埋呢個receptionist ，加今朝串串貢話我去錯餐廳嗰位～想食個早餐啫⋯真係心很累！如果平時嚟到附近返工，我多數都會食意樂，但去到先嗌真係等勁耐～今日個receptionist我都認得佢，因為有兩次我食乜佢都話賣晒～係今日先知原來佢係咁惡難怪身邊嘅朋友越來越多人鍾意北上消費，就算深圳物價開始唔算平，計服務都應該爭一大截～根本自己做漏嘢，仲要鬧個客，呢間分店真係世一！…Read More

平時去開逸月軒，今日想轉下新地方，第一次去呢間，如心廣場三樓平時好靜，入到去發現都比想像中多客，點心質素OK，本來覺得下次可以有多個選擇⋯點知埋單先知收費取巧，Tick點心紙黃紙黑字寫明$138 ，埋單收$158，話要收午市價(離座時12:10pm)，無下次。…Read More

喺香港米線關注組知道有呢間米線，好多人讚好，最近搬咗過嚟荃灣，終於都搵到機會嚟試吓～（幸好唔駛排隊等位）朋友叫咗個酸辣腩肉腐竹米線，我諗唔到食咩之下聽到另一個客好熟練咁叫「酸辣腩肉豬腸米線」～決定照跟！我食咗第一啖之後個腦有好多想法⋯就係⋯⋯點解咁難食嘅？點解咁多人排隊？米線個質感係我從來未食過咁難食嘅質感⋯我朋友嗰碗佢形容為好似喺垃圾桶撈翻上嚟俾人食咁樣⋯⋯酸菜食唔到酸菜味 酸辣但係又唔辣（朋友唔係好食得辣但佢都講～點解唔辣嘅？）佢準備嚟解辣嘅支裝茶成支無飲過～成碗麵就喺「好似辣油其實唔辣嘅厚厚一層油」裏面夾啲米線上嚟食咁樣⋯⋯真係無下次，食食下又要起身俾人出嚟（都唔緊要）坐低繼續食一陣又要起身俾佢執枱⋯⋯兜匙羹無蓋就咁放喺枱中間，湯汁、傾偈啲口水都隨時污染到啲餐具⋯對於咁多人讚好 又話必食 到底有幾多人真係食過覺得真係好食？米線好難煮得難食，但咁難佢都做到，係叻嘅⋯⋯…Read More

第一次去係剛剛開張冇耐，有日經過見好少人排隊，就去等位試試，那次已經覺得唔好食兼⋯侍應掟碟落枱（一坐低發現個豉油碟好似冇洗咁有污漬，就問侍應拎個新嘅，佢係大牌檔式飛掟個碟仔落枱，勁大聲😒）事隔咗咁耐，上星期去行完Donki經過發現冇人等位，仲要係12點幾1點食飯時間～即管俾多次機會再去啦⋯⋯平日飯市時段但入面冇乜人，心諗冇乜客佢地應該唔會躁底啦⋯⋯但個menu大部份野都售罄⋯⋯包括佢期間限定嗰啲，12點幾1點就售罄？另外唔知幾時轉左用一個茶壺裝住一個乾嘅茶包咁樣俾客自己攞水斟落茶杯，但係個壺嘅設計係好有問題，正常斟茶係會俾滾水淥手+啲熱水流到成枱都係，後來發現到打斜個茶壺去裝水，勉強都裝到水，但隻手指就要夾喺個掣同個茶壺中間忍受住個熱力⋯⋯設計真係好反智⋯⋯（後來問侍應，打斜夾住手指呢個裝法確實係佢地建議裝水嘅方法）諗諗下，不如叫個侍應示範一下其實佢哋係點樣斟水啦，㩒個iPad叫侍應過嚟，個iPad 話「服務員馬上過來，請稍等」～等咗10分鐘，期間㩒多2次，完全冇人，結帳出去問佢地，收銀話唔好意思呀無人手（咁你唔「售罄」嗰個選項？）出到門口見到有人手㗎，坐喺門口玩緊手機📲⋯⋯唔會再食第三次了。…Read More

外賣由落單到開嚟食都係13分鐘，整個便當（雞、蛋、飯）都是冷的（沒有微暖，似雪櫃拎出嚟）想打去問番是不是凍食但無人聽～想食熱食的要留意了，餐廳走日式便當路線，味道是好吃的。…Read More

食物非常非常非常咸，咸到「確」喉，如果佢哋由古到今都係咁咸⋯⋯咁真係試一次都太多。。燉雞湯：🧂🧂🧂🧂滑雞粥：🧂🧂🧂🧂🧂豉油王乳鴿：🧂🧂🧂🧂🧂（呢個咸都正常～）紅燒乳鴿：🧂🧂🧂🧂豉椒炒蜆：🧂🧂🧂🧂🧂咕嚕肉：🧂🧂四季豆：🧂🧂🧂🧂同埋要注意佢係一次過上齊所有餸～好似我哋咁，叫咗套餐，如果專注食咗乳鴿先（或是但一樣先），其他嘢就會變攤凍食，凍咗食就更咸⋯…Read More

約左朋友去旺角食飯，算是早到，6PM就到越興園，下層都坐滿8成，服務員叫我哋上上層，原來上層都有2枱了⋯但不知為何樓上店員堅持要我們坐好像後欄雜物房/廁所門口那邊，然後問我哋滿唔滿意（我估計如果個位正常嘅話佢唔會咁樣問），朋友話想坐出面（光猛啲 而當時又有位其實）但店員說 那坐前一張吧🙂環境其實⋯真係好差勁👎🏻發霉、有up味，好似廢墟如果下次有位之下又堅持要人坐廢墟，請離開吧⋯⋯越坐越痕⋯⋯而家只想快點食完快啲走⋯⋯…Read More

從前覺得泰菜都幾難整得難食（果然沒有比較沒有傷害😂😂），前個星期試食完另外一間所謂泰菜之後，一直覺得心情有啲缺失😂，今日終於約齊上次一齊中伏嘅屋企人再去食過，食番有保證嘅AROI THAI😋😋食咗好多次，第一次為佢寫食評🤣食泰菜，肉碎生菜包係必點，枱枱都嗌，肉碎有剩要嗌個白飯撈汁清底😋泰式豬頸肉炒茄子第一次叫，味道唔太咸好惹味～可以再encore！咖喱蟹肉農夫包⋯佢一到，連鋪喺面嘅蟹肉都係熱～蠔餅估佢唔到咁大份！同埋因為後到，所以食到尾有啲漏～咖喱蟹肉農夫包同蠔餅真係建議多幾個人嚟可以叫，一人食少少就滋味+唔會太飽啦☺️最後必點係芒果糯米飯，個芒果🥭勁甜完全唔酸，個飯如果涼少少就好⋯比較驚喜係佢連個椰汁都係熱～非常好食！AROI THAI有專人企喺出餐位等出餐，所有菜式嚟到都係熱辣辣嘅，食到底都仲係好熱👍🏻👍🏻熱食唔熱真係好影響味道同感受，所以我好強調佢真係樣樣都熱👍🏻（唔會好似另一間店咁，啲食物一落枱就全凍，你問佢佢仲要答你冷氣太凍、風太大 等等唔成理由嘅理由）嗌埋特飲埋單都係$53X！好食又抵食，而家多咗間伏店神助攻，呢排又比平時更多人等位⋯要食又唔想等位就真係要早啲食喇！…Read More

未食完就打食評了服務極待改善，一入門口服務員叫我自己去坐卡位但行到去卡位全滿，此時一名女職員走過來，我問她「sorry請問卡位係呢邊定⋯邊度？」女職員：「幾多位呀？我問你幾多位呀！」（有需要咁惡嗎？）食物方面生菜肉碎包～啲肉碎不是泰式味道，有住家飯感覺軟殼蟹咖喱農夫包～落單後5分鐘內就到咗，裡面都係暖偏冷嘅（不過當時我哋唔知點解覺得食到中心內裡可能會暖啲⋯又肚餓所以就食咗😂⋯⋯但食到底都係凍）味道係⋯唔係難食但又唔係好食咁～normal鐵板蠔餅～算係最好食，喺呢度食到熱嘅嘢好難得⋯⋯蒜炒椰菜苗～佢炒咗好耐好耐，一上菜，勁呀，係凍㗎！我哋問左店員，呢碟菜同個農夫包其實真係凍食㗎？佢話唔係⋯係因為冷氣太凍😂😂😂What!!!!?椰香焗飯～可能因為係焗，呢個飯係熱嘅⋯最後，睇下隻匙，好彩我拎去不飯之前望一望遮⋯乾淨到咁～…Read More

燒賣蝦餃一味得個大字，味道極普通，仲要一籠只有兩粒～我哋點咗兩籠，嚟到以為佢少咗籠，佢話係將兩籠裝埋一籠俾我哋⋯⋯（原來唔係因為佢哋對燒賣蝦餃要有要求～兩粒兩粒咁蒸，而係可以將四粒放番埋一齊蒸嘅⋯⋯咁除咗為搵笨之外，點解要set一籠得兩粒？）菜苗餃（一籠三粒）算係最好味——同出面啲酒樓差不多（但佢都係淡過人）腸粉難食春卷用萬年油炸炸到深啡色流沙包落枱2分鐘內食已經無流沙⋯⋯🙄信錯網上食評⋯⋯完全唔知佢好食嘅point喺邊⋯⋯早知係咁食番屋邨酒樓仲好～總結係佢浪費咗我個早餐Quota⋯⋯唔會再嚟。同埋飲茶食點心真係去番酒樓仲好～…Read More

如題～真係從未食過咁難食嘅牛扒！自從韓國嘢嗰間離開咗⋯加上之前以為酒店做左隔離酒店會唔開餐廳⋯都少嚟咗，今日喺附近行街，又再嚟食，見到原本韓國菜嗰個舖位轉左一間新嘅食牛扒嘅嘢，年少無知，又見係Dockyard⋯就叫睇嚟試吓⋯⋯嘩⋯呢間岩盤牛扒 ミディアムレア ステーキ（MediumRareSteak）真係試一次就要Black list！！叫咗個燒西冷溫泉蛋牛丼，唯一一塊肉就係勁韌，其餘全部都係筋嚟，咬唔到，飯又少，跟餐罐橙汁細罐到⋯⋯正常食量食完都係得四成飽！好空虛！結論係如果未見識過牛扒可以難食到咩地步就嚟試吓啦！本想公平啲⋯個評分畀Dockyard整體～Dockyard其他都好食，除咗岩盤牛扒 ミディアムレア ステーキ（MediumRareSteak）。但OpenRice唔俾出，要我俾劣評。。我再澄清，劣評只係俾岩盤牛扒 ミディアムレア ステーキ（MediumRareSteak）。不代表整間food court～…Read More

晚餐時間，不用等位⋯就入去試吓～2人食叫咗「黑松露薯蓉湯烏冬配吉列豬扒」、「燒咖喱牛肉飯（激辛）」、煎餃子🥟黑松露薯蓉湯烏冬配吉列豬扒一嚟到，個湯係微暖偏冷⋯我已經知伏已中⋯對呢間野無希望⋯但佢又勁嘅～由頭食到尾都係keep到微暖偏冷（即係無因為食耐咗而攤得再凍啲⋯）食咗都無暖胃感覺⋯😮‍💨吉列豬扒硬到唔知講咩好⋯燒咖喱牛肉飯（熱嘅）不過無端端加隻溫泉蛋喺面⋯唉～煎餃子由於都係交貨嚟，味道同出面食差不多（熱嘅）杯野飲唔駛試，快快趣食完出去買廢水好過～我地同隔離枱都感受到，佢地係咁密密收走你枱面啲野想催你走⋯杯野飲飲咗一半～唔係嗌住就收走埋⋯坐低咗一個鐘都無呀～…Read More