同朋友飯聚，首選當然係打邊爐。呢次黎呢間新開嘅火鍋店，店面光猛乾淨，招呼很好。等緊朋友嘅時候，老闆過嚟推介薑蔥涼拌魚皮同埋惹味冰火魷魚，非常好食，結果朋友黎到都差唔多俾我食哂。之後，店長推介佢地嘅海鮮刺生，呢度係有專屬開放式設計，睇住師傅點樣切啲刺生。我哋叫左條深鯭同一條細象拔蚌。之前未食過，估唔到條深鯭咁肉爽味甜，象拔蚌就食得出係新鮮靚貨。食完刺生，叫個火焰花甲牛皇湯底，啲花甲好大隻，湯底鮮甜。再叫左啲牛肉、丸、餃子、水蓮菜等，都唔錯。食飽之際，老闆又過嚟推薦試個鍾華記生麵，原來老闆家族係製麵嘅，食落同一般嘅生麵唔同，無嗰浸鹼水味，結果最終又食哂個麵。老闆好好人，送埋個生果盤。呢間絕對有下次😋…查看更多
