farchoi的個人專頁

中秋午市套餐,特式在有點心和名菜,加一盒迷你月餅,比平日的套餐貴30%,值與不值,見仁見智,整體而言,待應服務一流,食物有些偏鹹,落單上菜有些混亂,附近幾枱都上錯食物,春卷每人半條,普普通通點心來錯了蝦燒買和菜苗餃,換回蝦餃和帶子燒買,蝦餃吃不出有筍尖菜太油,吃不到薑汁味二弄玻璃蝦球,全單最好吃的一味追單才補上的逸東三錦碟,最好味是話梅車厘茄,义燒保持水準,燒腩仔真的不行,似咸肉燒腩仔,皮又唔脆海皇灌湯餃,待應說是落單才做,但我未食已見餃皮穿了,而且我食完,見我太太吃時才知我吃的一隻缺了蟹肉,湯內瑤柱是很多,沒有取走瑤柱枕是敗筆炒飯好食,偏油香芒糯米卷好味,千層棗皇糕也不錯…查看更多

出名的魚片魚蛋保持到舊店的水準,今午和太太兩人,見全條街只有這家店在正午已有一條小人龍排隊,生意应该幾好,排了十幾分鐘,入內馬上叫了魚片魚蛋河和紫菜四宝河,廚房煮得甚快,轉眼食物上枱,好食！未食完已叫定外賣一條炸魚片帶走.賣真材實料魚片魚蛋的粉麵店買少見少,大家要多持這些小店,大家才有好嘢吃,話這家是普通粉麵店的人唔識宝,唔駛理佢…查看更多

去完花展，當然去大坑小店尋寶。知道此店有超值新出品，當然一試。剛好有兩個位，不用等位。法式鴨肶即叫即炸，皮脆肉嫩不太肥，加隻太陽疍在上面，賣相有趣，配和夫蜜糖，份量剛好。知道鴨肶來價不低，所以全港法式小店只有這家有此菜式，要吃便要快！見旁邊的幾個小妹妹吃雪糕吃得不亦樂乎。我們年紀大，吃不了那麼多，飲品只要了最好喝的特濃咖啡，太太要了她最喜歡的花茶，滿意極了。…查看更多

有信用咭的生日月份優惠，試試重新裝修的薈景，午餐人流不多，只有三、四成客人。午餐可選麵餐，沙律餐或甜品餐，也可選兩種或全選(當然會貴些)，不選自助餐也有十多樣Memu選擇。最终選了麵餐，自選餸及麵再交counter廚師煮，餸及麵都極其普通，無任何貴價食材，$180加一只是食環景，食車仔麪的選擇可能重多些。最令我驚訝是其中的豆腐卜竟然有發霉，通知經理後火速換過一碗，不過真係唔敢試。另外雲吞餃子是冰硬的保持新鮮，雲吞內的蝦幾大隻，似是自家製，餃子是否自家製就唔出。最重要是廚師煮好拿回座位，一口咬下去中心還是冷冷的未熟，餐廳真係要想想辦法，不如試吓煮餃子等用計時鐘。最滿亳還是信用咭的生日月份優惠送的蛋糕和紅酒，waiter的招呼也很好，不過可能是分區制，waiter行開咗想找第二個，徐經理外個個好像視而不見，大慨是飲食行普偏現像。本來有意思試晚餐自助餐，看來可以省了。…查看更多

唔係好得。鵝肝三文治 - 大件不過有鴨羶味燒牛肉三文治 - 燒牛肉薄如紙，以為是火腿醃三文魚三文治 - 認到上面是三文魚子，下面紅色的食唔出係三文魚龍蝦芒果沙律 - 龍蝦淡而無味，亦無鮮味芒果忌廉撻 - 最似樣的一件檸檬撻 - 不過出現的是馬卡龍朱古力泡芙 - 如果依件都唔得，不如唔好做意大利芝士疍糕 - 唔夠酒味英式鬆餅 - 奇怪，不是牛油香味，而是芝士臭味，而且係幾臭吓咖啡 - 係幾好，不過咖啡到咗二十分鐘後 tea set 才到，凍曬。…查看更多

平日下午12:00pm 至2:00pm, walk in都有位，不過最好訂位。點心餐 All you can eat食物質優，環景一流。另外有張收費自選點心紙，不過八成與任食相同，可自由另加。我們order了25樣，下面先來八樣。香檳蝦餃…查看更多

見廣告做鮑魚節盛宴(特色小菜)，和太太兩人去試試，平日無人辦婚宴，都幾冷清吓，招呼十分好，要讚。裝修好新淨，很好。蜜餞磯燒鮮鮑魚幾好味，鮑魚個子略細，似油泡，唔似磯燒。要了一份澳洲六頭鮑魚扣鵝掌，鮑魚和鵝掌都略細，味道可以啦。鮑魚與蕃薯粒的炒飯，石窩上。飯乾身了小許，至飯粒被石窩烘得變硬，但又成不了飯焦，可惜可惜。湯略鹹，海皇有蝦，青口，帶子各四，足料。…查看更多

Cafe 103, 地方細小，但只有約80座位，所以坐得非常舒適，如想有view, 不如到102的中式或西餐廳，或到天際100。正門(左手藍色位置)對正是甜品，左右各有一枱熱食，近右面欄杆各有一枱泠盤，就是全部食物啦。部分冷盤，中間的蟹肉沙律最正魚生是小杯裝好的，補充極快，味道算可以啦。不過無生蠔！甜品樣樣都好食，不過無雪糕！部份熱盤，燒西冷扒普通，古老蝦可以，豬頸肉OK啦，右下是potata chip。算係幾貴，訂位都要訂好長時間後，食過就算啦，可能甜品HiTea會抵D。…查看更多

12月22日冬至,只旺中式洒樓,Factory99水淨鵝飛,大堂半滿,廳房無人,沒有午閒的吵鬧,very nice.Set dinner x 3南瓜湯微甜,夠熱,好味麵包非常好食煙肉焗紐西蘭青口味道唔差,牛油多咗D美式秘制BBQ醬燒豬肋骨微酸,好味又大份美國安格斯牛肉眼扒(12安士)5成熟,肉味濃,好食過澳洲牛,和牛太肥,不是我杯茶.扒帶子拼珍寶大蝦配香蒜汁帶子大虎蝦各二,帶子剛熟,very nice,虎蝦是很大隻的size,肉略硬,算OK甜品蕉糖疍,唔熱,可惜茶睌餐最好唔好用不銹鋼杯,賣相唔靚.…查看更多

$300 Set1.魚湯---鮮味2.東風螺---大隻細隻都有, OK啦(隣桌話唔熟)3.聖子皇---夠大隻，熟咗少少4.蒜蓉粉絲蒸元貝---好大隻, 厚肉5.油菜---唐生茉，都好大碟6.花雕蛋白蒸蟹---蟹蒸得剛好, 而且蛋白夠味好滑唔老7.鮑魚---好大隻, 蒸得岩岩好8.豉油皇蝦---爽, size有大中蝦咁大，每人有兩隻以上9清蒸東星斑---有兩斤以幾, 蒸得 剛剛好, d魚肉好滑lol, 應該係人多先有東星食10.金蒜瀨尿蝦---好大隻, 足足有8吋長，不過無膏11.龍蝦伊麵底---夠大碟, 十二個人一人一碗後仲可以再添食，不過只是波士頓龍蝦，麻麻地好食12.生炒糯米飯---好好味,食唔完要打包13.生果盤---細個左D酒水另計，啤酒唔知乜牌$15一支，貴咗DD而且上菜無次序，要記緊有乜未上。…查看更多

兩公婆帶埋個仔吃午飯，一點半過了午市最多人的時間，有位及等食物的時間較短(不過都要等稍長時間，須改善)，海南雞飯平與貴各一，試過後我們三人一致結論，$88龍崗雞大比數勝出，$66清遠雞可以唔試。飯的份量太少，唔夠食。咖喱吉列豬扒的豬扒算出色，兩大件夠厚又鬆化又唔油，與梅林等一級豬扒比可能稍落後，但只須三分一價錢絕對超值。加$8有即磨咖啡都好好味，朱古力都好吸引。埋單每人比咗張可用一次全單八折咭，下次要試千福大少炒飯。…查看更多

６點幾吃晚飯橫行羔蟹砂窩粥,推廣價$35,有一只細碼羔蟹,粥夠熱,味道唔錯.名人蝦子撈麵,推廣價$25,麵唔錯,好幼幾爽,蝦子都幾多,湯就好重胡椒粉味.咸疍义燒鈑,$36,好味,义燒好正.生磨疍白杏仁荼,$28,唔夠杰,可以一試.鮮蓮子桑寄生茶湯丸,$28,唔得,第一唔夠熱,湯丸心只是暖的,蓮子如石頭,一點也不鬆化,紅棗酸的,用料有問題…查看更多

呢度既服務真係，唔單止有個魁梧的哥哥同呀姐，對d客好似犯咁成日黑口黑面，企門口用Mac落單好潮的老細，趕客好似唔志在，以後重會唔會光顧，真係唔知。事源有個阿伯在午飯一人入來，因客不多，有兩張卡位無人，阿伯想坐其中一張，魁梧的哥哥要阿伯在大枱搭枱。午飯時間可能多客，這安排亦算合理。阿伯站在卡位旁遲疑一會，坐了落卡位，但個個當佢透明，最終阿伯起身走人。街坊小店招呼的大都是街坊熟客，如此服務，如何留客。我當日吃的是五香牛肉麵，麵還可以，湯底極鹹，牛肉數片薄如紙，重好so味。建議老細去李純恩的大婆牛肉麵試下，就知自己水準幾差。…查看更多

今天和太太到金鐘辦事，十二時十五分午飯前到達walk in。一問之下，告之只剩下兩張四人枱未有人訂下，可能要和人家搭枱。只有馬上有枱，無所謂啦。茶是不錯的，地方也很精緻。不過食物的選擇算是少，份量也小，而且午市才開始，有幾樣點心也沒有供應了。星洲炒米(很普通，超少)，龍華寺素卷(好味)津菜包(普通，一籠兩只)，菠菜餃(普通，一籠兩只)腰果花生糯米糍(普通，一碟兩只，沒有任何果仁香味，算是失敗之作)全體合照裝糯米糍的小碟倒是很可愛的…查看更多

到圓方看電影，下午一時，熱門食店都有一堆人在門外，路經此店，見有少量枱，二話不說，與太太馬上入內坐下。餐牌很破舊，有些看不清寫甚麽。找來待應一問，待應見我們左問右問，才對我們說還有兩個餐牌，你們再看看（共有五張餐牌，一張是主餐牌，其他是小食，冷麵，兒童餐等）。最後叫了一個冷麵及一碗平安健康麵。跟著便一肚氣了。等了近二十分鐘，見比我們遲落單的枱已有得吃，便叫待應追單，轉頭兩分鐘冷麵馬上送到，好明顯是漏單。冷麵有三隻凍蝦，一些肉絲木耳絲青瓜絲加麻醬，味道算幾好。那二十分鐘我們是白等。再等十分鐘，另一碗麵依然無影，再追，五分鐘後終於有得食，待應一邊放下碗麵，口說唔的意思，人已轉身兩步外，有得食都算了。好奇怪，如果叫多幾樣嘢，係咪要分幾次追單，每追一次嚟一樣。平安健康麵有兩片义燒，半只蛋，兩片魚片，豉油湯底。一看兩片义燒的肥肉是白色硬硬的，一試果然還是冷的，蛋也是冷冷的，湯底極咸，我太太試了也說勁咸。還後講講服務，店子不大有五六個待應，只見他們在你身邊轉，但茶杯空了永不會有人加茶，見待應抹枱，枱面有大件垃圾會掃入碗帶走，小件垃圾則隨手掃走，那管垃圾是跌在櫈上還是地上，我以為自己入了茶餐廳。高級商場高級消費低級服務中級品質。歡迎一試。…查看更多