星期日比較多人，求其搵間餐廳，屋企人（年紀較大）1:50去餐廳，當時職員比左QR code佢哋，佢哋想叫午餐唔係好識掃code，叫職員落order唔肯幫手落，之後我到餐廳幫佢哋係電話叫，當時落單時間2:06，menu已經轉左下午茶時間，無左佢哋想食嘅午餐，因為個時間比較尷尬，落咗個雲吞麵加油菜，我之後先發現下午茶餐一模一樣，而且平啲（怪自己睇漏眼），叫個職員問佢可唔可以轉做茶餐，個職員講嘢態度好差，話係跟入坐時間計，無得轉，留意返哩間野啲價錢唔算係平，有得轉又一模一樣當然想平啲，我話你地個電子menu都轉左做下午茶啦，點解無得轉，而且落單時間係2:06喎已經可以當係下午茶啦，然後個職員話如果想食下午茶再出返去排過隊，真心嬲，比錢食飯係受你氣？岩岩無排隊入黎食？（午餐）唔幫人手動落單都算，啲職員懶懶行，下午茶轉唔到都算，當自己睇漏眼，仲加多句受氣？真係唔想寫差香港啲餐廳，不過請埋啲咁嘅職員等執笠啦，之後有個男職員過咗嚟，我問個女職員叫咩名，個女職員都走左過嚟我睇左全名（佢自動消失），個男職員係哩間餐廳嘅經理，問發生咩事，我話要投訴佢（女職員）態度，佢（經理）話唔好，佢（經理）都解釋咗因為係計入坐時間所以改唔到茶餐，表示唔好意思，佢（經理）應該見我幾火，都有同我地道歉話會同返個同事講（講真哩啲職員講黎都嘥氣過一排咪又故態復萌），我見個經理年紀都有啲大，而且唔關佢事，態度都好，所以唔想為難不必要嘅人，佢（經理）仲話請我哋飲豆漿酸梅湯，講真受唔起，亦拒絕左佢好意，都驚佢哋會加料⋯4個人埋單$306ps 如果咁不幸迫住要食哩啲大型連鎖餐廳留意個電子menu ，fake fake地…Read More
