Bochu8026的個人專頁

之前堂食覺得呢間野唔錯，諗住今晚經外賣平台叫外賣，冇諗過呢間野基本常識都冇，即使唔係落雨，你包外賣正常都會封一封個外賣袋口啦，點知個外賣黎到既時候，成個袋都濕晒，你地唔係茶餐廳，人地外賣都識扎住個袋…等啲食物唔好倒瀉…唔該教下啲員工啦…查看更多

今日第一次黎試呢間既點心，見網上食評賣相都唔錯，點知名不符實🥹，呢間點都算中價既餐廳，你唔會諗到佢會比啲咁既質素既食物你食，個麻椒蚌2百幾蚊（圖5）點知用2隻貴妃蚌仔，下面一堆萵筍墊底，咁就收二百幾蚊，唔講份量，味道已經唔掂，以為有幾驚為天人，點知個蚌仲要過熟有啲韌😢。亦都冇麻椒味…跟住到個海鮮芋角，裏面竟然用蟹柳扮海鮮都唔緊要，仲要最cheap嘅蟹柳（圖6）有圖有真相，其他就so so, 呢間嘢食一次都嫌多，唔怪得知啲人會返大陸食嘢😅香港經濟差係有原因，做好自己先啦唔該🙏🏻…查看更多

我諗啲人真係冇食過好野啦，心諗Openrice一個負評都冇咁正，咁應該水準都唔錯，所以今晚就叫外賣試下，點知伏伏伏、價錢已經唔算平，而最想食既回鍋肉咸到嘔，啲油又多，個酸菜魚個魚又唔新鮮，酸菜有膠味，個麻婆豆腐啲油可以用黎敷mask, 冇樣野好食呀，陰公，所以希望其他人睇到呢個comments, 唔好瀨野，有時見到咁多好評都真係最好諗清楚，或者身邊有朋友試過會安全啲，我都想做返件好事😮‍💨🙏🏻…查看更多

疫情時候幫襯，覺得呢間小店都ok吖，雖然係茶記咁既舖面但味道都唔差，但今日叫外賣，回鍋肉同酸菜魚…個酸菜魚都$150蚊架..好彩有coupon🥹..衰啲講，真係垃圾…可能人地會覺得你比幾錢呀，但我想講食物都有尊嚴，而我真係有比錢….唉..唔會再幫襯，從來未食過咁難食既酸菜魚..回鍋肉冇咁差囉，好過垃圾少少🥲…查看更多

一向都口碑好既brunch, 當然今次都無寧我地失望啦，生蠔依然咁新鮮雖然size係細啲，其中之一fine de claire 依然都係咁crispy，main courses 又係唔洗講，lobster 同salmon都係咁正😋..特別係salmon個皮真係好crispy, 好好味...係我食個咁多間處理得相當唔錯既一間👍🏻👍🏻dessert 都好好味。服務依然貼心，未試過既朋友、如果鐘意食蠔同埋愛酒之人，週日既首選❤️…查看更多

今日同屋企人食生日飯，去左我最愛之一既韓燒，今次已經第二次黎呢間分店食，本來仲諗住應該唔會有啲咩唔妥😒屋企人好鐘意食餐前小食海帶，三催四請叫佢幫我refill, 叫3次先黎到、但其實店裡當時一啲都唔多人，由於屋企人唔食牛，所以叫左個食豬既set ，寫明話包埋龍蝦...點知上枱變左魷魚，我問個侍應點解，佢就話無晒龍蝦喇、我問落單前又唔講聲？？跟住佢無答我、仲要態度唔太好咁問我，咁你要唔要？.....一句唔好意思之類既說話都無，不過最正都係啲魷魚一啲味都無、合埋眼既話真係估唔到自己食緊咩，個蝦都唔係好得去邊...無味😣個豬set除左個豬腩肉同豬護心好味啲之外其他既野食...如果無點啲sauce..都唔知自己食緊咩，好彩啲菜夠新鮮囉，同埋圍邊既芝士keep住好食之外，總之就已經無以前咁好食喇...所以都唔會有下次。…查看更多

由於朋友介紹，同朋友食生日飯，所以訂位既時候已經同餐廳要求在dessert上寫祝福語，去到時候亦再三提醒、我地order左白酒蜆、salad, 4個湯分兩round, 但個湯係唔熱既😅連最基本溫度都處理唔到😑仲有order澳洲安格斯，豬同埋truffle cannelloni...第一樣上既菜式係白酒蜆..好咸，沙律普通，安格斯叫左兩份，我地叫medium , 但第二份變左medium well, 跟住最後dessert係唔記得寫祝福語，令大家都好尷尬..最後收回再寫返，已經無左個意思，最後餐廳職員已經收工，大部份坐係廳餐好似催我地走咁，整體係令人失望…查看更多

其實食飽左飯...再又為食...無意間經過呢間舖頭..諗住通常廣告同事實不符...但卻帶來驚喜...紫菜都係脆既👍🏻😏加拿大海膽都好鮮甜...仲有我最愛既左口...好好味😋…查看更多