colin91hk的個人專頁

同朋友食生日飯，見OpenRice 好多好評就決定試吓。上到去座位都算寬鬆，又無咩油煙味。可能係平日，晚市只坐1/3人。唔使等位，即刻有位。叫左和牛套餐，係任食放題，有沙律吧和甜品但款式唔算多。主打和牛燒肉，但肉質好一般，無咩肉味，其他肉比和牛好食。呢個算係最好味嘅肉，其他和牛不推薦，唔似係和牛級數。最差既係海鮮，唔新鮮，放唔到入口可能生意差，放左好多日咁。另一個伏位係泡菜，千奇唔好叫，你會夾一口就唔會再食了🙊🙊…查看更多

得知陳根記租約到十二月中就結業，就打算再次約友人前去食飯回味一下。自己搵位、自己下單已經是陳根記傳統文化。星期日人數亦沒有往時人頭涌涌。好快就有位坐低下單半小時都未有菜起，起了幾次身問伙記都無人理會，無奈繼續等。等多十分鐘左右，終於上菜。點知...已經沒有過往的鑊氣，不太熱，有D凍左、無麥味後來上的紅燒乳鴿都皮包骨及肉老了。完全不是以前陳根記的水準，好像是非常普通的大排檔。三個人每人一碗都未食完就決定離開了…查看更多

來開旺角，肚餓就去女人街搵食。無意中發現有間有特式的羊肉粉店，裝修都好中國，依家特色餐廳越來越少，就希望入去食D地度野！入到去係自助搵位，可能係午市的尾段，有座位，只係要答枱。但坐左一陣發現無人過來招呼，無水無餐牌。要自己周圍搵餐牌，舉手🙋🏻‍♂️叫餐都無人理，有職員只低頭按手機無理D客舉到手軟終於有人過來下單，叫左羊肉粉（職員介紹係當地特色粉）和凍奶茶。個職員推薦$200的秘制羊排（心諗中午時段一個人點會叫？ ）上菜都算快，但果杯凍奶茶如果10分滿分共可以俾2分，似凍淡奶多D。可能唔識港式奶茶碗粉都算好吃，羊肉有點蘇味但可接受。特式粉似係粗米線多D，有口感。…查看更多

今日去左越式餐廳食，其實入到去裝修和佈置不太有越式的感覺，野食都有唔少一般茶餐廳的菜式！ 成間舖掛滿不同的野食，有點亂，你會唔多想睇。寧願直接睇文字的午餐餐牌，快好多。個午餐真係好平民價，四十蚊左右有埋野飲！店員推介G餐話原隻燒春雞，$68係抵食。但我得一個人肯定食唔曬，唔想浪費就點左C餐。原隻豬脾，超大份！ 大食既人都肯定夠食！ 見到隔離左右點既野食都大大份，好足料！ 杯奶茶都算幾好飲。大食既朋友，Lunch可以有多個選擇…查看更多

新蒲崗出曬名多餐廳，如果每日食一間都有排試！ 今日決定去試下定食8，D人話幾抵食！落到去見到$48有魚生飯，個樣好似唔錯咁，就決定入去食好似快餐店咁先落order和俾錢，之後有人送餐。最後同朋友試左芝士豬排和豪華海景定食，堂食有加一服務費。芝士不多，同埋無麥芝士味，但個豬排炸得幾脆！ 豬排旁邊的沙律就唔多想夾，左邊的三個小吃，下面兩個可以，第一個就欠佳！左上角的甜品清清地，幾好食！魚生就係爭鮮的級數，對有要求的朋友就唔好試啦！ 呢間的茶、飯和湯是自助形式的，任拿！總結：以$48的定食來講都算豐富，味道要求唔高既還可以！…查看更多

行開黃大仙中心，就周圍找間餐廳坐下和食個下午茶先！！ 見到周圍餐廳都無麥人食，但經過呢間就坐滿曬人，人多仲要等位好奇就入去試下。只係下午茶就已經咁多款，可以講麥都有！ 價錢由$21-$38任君選擇！點左個7052，不到幾分鐘就有野送來。先來杯奶茶，大大杯都覺得抵。平時外面落一包糖都夠，呢度要包半先夠，好明顯真係大杯d，唔係得個樣！五六分鐘之後先來野食，但見到件Pizza真係有d失望，小得可憐呢個價錢係可以接受既！環境都算坐得舒服，最難得既係人手非常充足，最少有一個待應係你左近！係一個朋友聚腳和傾計的好地方！…查看更多

睇到佢唔少的宣傳話係全越南最好味的越南湯河，於是專程去食一餐！去到兩點左右，但都排長龍，要等成半個鍾先有得入三點左右就截人無得入去話無湯啦，要5:30pm 先有返。好彩我拿到位入去補充一句排隊方式係無分人數排的，會儲到夠位俾d客入，呢個可能係排長隊的另一原因！碗湯河拿過來，d河好明顯係無煮過，只係加熱湯上去，成塊公仔麵咁要自己搞散D河一搞就斷，感覺麻麻！ 湯底清清地，還可以！感覺同在其他越南餐廳食無麥太大分別！食一次就夠，無下次！…查看更多