Wavve的個人專頁

嗌咗個花甲粉，一打開碗嘢見到啲花甲肉勁奇怪，我從來未食過亦未見過花甲啲肉會係咁嘅樣，我試食咗個，嘩！又腥又臭，同客服反映返佢話同餐廳溝通咗我可以直接申請退款，點知餐廳拒絕退款喎，話啲花甲係新鮮㗎喎？😂😂我都幾佩服呢間嘢，真係幾唔知醜⋯啲花甲咁嘅樣都夠膽講得出係新鮮嘅👏🏻👏🏻👏🏻同客服講叫我直接申請退款就可以，轉個頭又拒絕👏🏻👏🏻👏🏻大家嚟睇睇相，睇下啲花甲嘅靚樣🤣🤙🏻…查看更多

Lunch同人落嚟呢到食麵，同時嗌咗個紅油抄手，送到上嚟見一滴紅油都冇，而係用豉油代替，我心諗：咩事呀？紅油抄手邊係咁㗎？紅油呢？？？我同個呀姐反映返，佢理直氣壯地話：紅油抄手就係咁！🤭笑死我，我真係未見過有餐廳嘅紅油抄手手會係用豉油代替辣油。連墊枱紙上印住嘅都係紅卜卜有辣油，有咩理由實物係黑媽媽嘅豉油！？仲要特登叫佢拎返碗辣油自己加上去，但個辣油1滴辣味都冇，離晒譜！！！👎🏻👎🏻👎🏻👎🏻👎🏻…查看更多