cat1030的個人專頁

好似去咗韓國嘅大排檔一樣，色彩繽紛嘅枱凳，大量玩味擺設，周圍都係打卡位。前菜係泡菜及醃芽菜，仲要係大大碟，非常開胃。每次食韓國嘢都一定會叫嘅醬油蟹，一般都係撈飯，原來簡單加上香脆嘅紫菜都非常惹味。而且非常多蟹膏，食落啖啖新鮮甘甜。海鮮煎餅食得多，第一次見有大大粒蠔的蠔×海鮮煎餅。用料好豐富，每粒蠔都非常大粒，加上八爪魚粒，韭菜同紅蘿蔔絲，令到口感同埋味道層次都非常豐富。五花肉燒到外層金黃，但唔會覺得乾。配上特製的韓式辣醬，再用新鮮嘅生菜包住，食落唔覺烤五花肉嘅油膩感。包左滿滿材料的紫菜飯卷，食韓國嘢必點。點左熱情果啤酒和芒果啤酒，仲有燒酒混合而成的熱帶雨林，果味香又唔會太甜，非常容易入口。…查看更多

去居酒屋第一時間先點飲品我地點左冰菠蘿梳打同洋梨燒酎冰菠蘿梳打有原條冰菠蘿超級新鮮，味道清甜磯燒係侍應幫手燒埋燒嘅時候會加埋唔同嘅調味唔使驚自己唔識燒甲羅燒係每次去磯燒居酒屋必點嘅今次係芝士蟹肉味的甲羅燒濃厚嘅蟹膏配埋芝士同蟹肉仲有爽口嘅蟹籽同青瓜絲回味無窮焱丸活貝大盛超級豐富嘅貝類磯燒生蠔、帆立貝、鮑魚都好大隻，又厚身鮑魚用醬油燒起，已經好入味厚身得來好容易咬開，肉質彈牙白蜆好鮮甜自慢焱丸號 勁豐富嘅海鮮刺身，配上青瓜小卷有三文魚、蟹肉、魚子、滿滿嘅海膽賣相超吸引蟹雜炊侍應會即場幫我哋煮呢個蟹雜炊將米飯煮到非常綿密加入蟹件蟹肉同埋蟹籽入口啖啖都非常鮮甜…查看更多

平時都鍾意去黃埔覓食，餐廳選擇多，又有鐵路十分方便。今次朋友就選擇左一間係黃埔站一出就係的韓式餐廳，地點好方便。餐廳除左韓燒外，仲有新鮮醬油蝦、醬和韓國料理，各式選擇都好豐富。前菜有3碟，有泡菜、蘿蔔同菠菜，調味剛好很開胃，而且份量都唔細。點左一隻醬油蟹，大大隻，好多肉，而蟹身仲帶有金黃色蟹膏，非常鮮味。另外蟹殼部份仲加埋蛋黃，拌埋紫菜飯更加惹味。點左牛豬燒肉Set C，好豐富嘅燒肉套餐，有調味牛肋骨、牛五花、五花腩同豬頸肉。款式都好多，而且每一款份量都唔少，一次可以試晒幾種牛和豬肉。牛五花比較快熟，食落夠牛的鮮味。五花腩一層脂肪一層豬肉，燒到外層金黃色，食落帶點油脂，味道好香。豬頸肉好厚身，肉質爽脆。另外仲有大大份泡菜、蔬菜同芝士。仲點左個較清淡的韓式牛肉炒粉絲，加點麻油香味味道更好。…查看更多

之前經過沙田好運中心，見到呢間台式餐廳都好多人排隊。今日下午茶時段經過，見到剛好有位唔使等，就入來一試。餐廳裝修以木色為主，感覺光猛乾淨，坐落舒服。下午茶時段食品選擇好多，而且價錢都好實惠。鹽酥雞滷肉飯配紫菜貢丸湯及台灣香腸 ($48)好豐富的下午茶，價錢只係$48 ， 真是十分抵食。鹽酥雞炸得外層香脆，雞肉嫩滑。滷肉飯嘅滷肉調味剛好，醬汁唔會太鹹，用嚟送飯一流。再配埋滿滿紫菜的貢丸湯，暖意十足。大腸麵線(輕量) ($32)大腸嘅份量都唔少，夠味軟嫩又毫無腥味，而且唔油膩。麵線食落順滑，湯羹細滑，唔需要另加任何調味已經好好食。台式奶茶 (熱)台式奶茶本身就已經帶有甜味，茶味夠香濃，飲落細滑。…查看更多

朋友介紹荔枝角新開的居酒屋，位置稍為偏靜但超有人氣，星期三晚餐時段到達已經全滿。好彩只係等左15分鐘左右就有枱。先黎一個IGable的金酒杯，最底層係松葉蟹肉，上面放了滿滿魚籽，吞拿魚蓉同金黃色海膽，每款海鮮互相配合，海膽鮮甜回甘，第一道小食就已經充滿驚喜。另外仲點了同樣配搭的金龍珠海膽吞拿魚蓉卷，飯卷內外都放了海膽，加上吞拿魚蓉，本身已經無得輸。最特別係師傅仲加了漬蛋黃，令整個飯卷口感更順滑，味道更豐富。飯用了赤醋飯，微酸香味更突出海鮮鮮味。必試招牌菜式！金丼。月見海膽三文魚籽拖羅！用料新鮮，有海膽、魚籽、厚厚的吞拿魚蓉和蛋黃，堆到小山丘咁，單睇賣相已經食慾大增。想試特別的配搭，粟米脆餅壽司。三文魚牛油果就啱晒。以脆卜卜粟米脆餅包住壽司飯，三文魚粒和牛油果，咬落外脆肉軟。加埋少少辣的沙律醬更加滋味。超豐富的壽喜燒和牛鍋，大大片的A4和牛，雪花分明，入口即溶，充滿和牛鮮味同油香。另外好鍾意壽喜燒和牛鍋的年糕福袋，外面的厚厚日式油揚吸晒湯底鮮甜，裡面係煙韌年糕。串燒同樣高質，厚燒牛舌心夠爽口彈牙，黑豚五花腩好軟嫩，而最特別的係自家製雞皮蝦。用薄薄雞皮包住大蝦，食落有蝦的鮮甜又帶點雞皮咸香，味道好夾。…查看更多

約咗喺荔枝角返工嘅朋友晚餐，先知地鐵站出口附近嘅工廈內有呢間超高水準的泰式餐廳。菜式選擇好多，價錢親民，重點係每道菜嘅水準都好高。咖喱軟殼蟹 ($198)好大碟的咖喱軟殼蟹。軟殼蟹炸至香酥，食落唔油膩。咖喱底以洋蔥、雞蛋炒香，再加上椰奶的調味，甜而不膩。黃咖喱海鮮 ($85)點菜時沒有留意軟殼蟹已經係咖喱，再點左個黃咖喱海鮮。不過兩種咖喱食落味道同口感完全不一樣。黃咖喱沒有加入雞蛋，香料味比起咖喱軟殼蟹為濃，帶有微辣，用黎點蒜蓉包味道一流。海鮮都好足，有青口、大蝦、魷魚、魚塊等，而且肉質都好新鮮。蒜蓉包 (+$15)點咖喱類菜式均可+15玩換蒜蓉包一客。一客有4大片，一上菜就已經聞到超濃牛油蒜蓉香味。蒜蓉包表面焗至金黃色，咬落香口，建議一定要加配。泰式蝦餅 ($78)超級推介這個蝦餅，即點即炸。食得出係用新鮮手打蝦膠，外層炸到超級金黃香酥，咬落蝦味鮮甜，啖啖彈牙蝦肉。蝦餅配有甜辣醬，但其實完全不用額外醬料已經夠鮮味。金鑽鮮菠蘿冰 ($20)菠蘿冰的菠蘿粒好足料，水的部份唔係死甜的糖水，而係加入菠蘿蓉，令菠蘿冰味道更濃。椰汁涼粉冰 ($18)涼粉好多好滑，椰汁味夠濃。椰皇三重奏 ($42)香濃椰汁糕加上燒香的椰絲，底層係椰子水啫喱，加上椰皇內的椰子肉，每一啖都係滿滿椰香。必定要一試的甜品。…查看更多

點左尊貴海鮮套餐，哩個價錢($419)一共十款海鮮連埋菜同粥，食得出每款海鮮都好新鮮，真係好抵食。如果覺得套餐的海鮮唔夠，仲可以單點，除左海鮮，仲有肉類同蔬菜的選擇。全程都有店員幫手蒸海鮮，好精準咁設定蒸的時間，唔洗擔心會煮到過熟。店員都好細心，主動換碟及介紹海鮮，加分加分。青口同刀貝蚌新鮮到仲識噴水。蟹膏超多，未食已經流晒口水。龍蝦好大隻，啖啖肉，由尾部一夾就成條肉起左出黎。肉質夠結實彈牙，夠鮮甜。大赤蝦肉質爽口，食落鮮甜。店員特別提醒刀貝蚌唔洗點醬油，因為已經好重海水味。蒸熟後蚌內還有滿滿水份，一咬落去真係好濃味。翡翠螺同樣結實爽口，完全唔會韌。膏仔蟹真係真係超多膏，食落清甜回甘，鍾意食蟹的一定要試。而且蟹肉都唔少，超滿足。饅頭蟹相對少膏，但味道好濃好鮮。鮑魚好新鮮，雖然好厚身但蒸熟後完全唔韌，好易咬得開。青口係另一推介，因為真係好新鮮，食落完全無苦味同雪味，食到青口的淡淡清香。食完海鮮後仲有蔬菜，蒸出黎保留左菜本身的清甜。蒸海鮮時的精華都流到鍋底的粥肉，個粥本身配料唔多，有點肉片提味，加埋海鮮精華變得好鮮味。小食的魚皮，暖暖地加埋炸蒜夠香口乾脆，唔油膩。點左杯桂圓紅棗杞子茶，飲落清甜滋潤，好足料。…查看更多

想食高質日本嘢，總會諗起呢間黑門水產。裝修跟日本的居酒屋一樣，令人有置身日本嘅錯覺，而且食品質素很高，每次同朋友嚟，大家都會食得好滿足。鱈魚白子白子綿密柔滑，口感獨特，入口即融。加上辣蘿蔔蓉和柚子醋調味，食落完全無任何腥味。係一個不錯的開胃小食。池魚刺身兩食池魚夠新鮮，完全冇腥味，肉質都好柔嫩。一半魚肉切成較大片的刺身，食到池魚本身的鮮甜香味。另外一半切的較幼細，加上微酸的醬汁調味，配上紫菜，味道口感更豐富。海膽蟹味噌甲羅燒這次選擇了加入海膽的蟹味噌甲羅燒。超香濃松葉蟹味噌，加上滿滿的蟹籽和甘香的海膽，入口濃郁的鮮甜香味，一定一食愛上。去居酒屋必點的食品。海膽燒帆立貝帆立貝本身都厚身，加上半菇、秋葵和海膽作配料，用清酒煮熟。食落淡淡酒香，再加上黑胡椒提味，將海膽同帆立貝嘅鮮味大大提升。鐵板宮崎柚子胡椒香蔥牛舌牛舌份量不少，咬落爽口香濃，加上脆蒜，香蔥同洋蔥炒香， 十分惹味。壽喜牛肉鍋配料超豐富，有豆腐、冬菇、金菇、京蔥、芋絲等，用淡味的醬油做湯底已經好夠味，特別是牛蒡絲煮熟後令湯底變得好香濃牛蒡味，十分惹味。我們兩人幾乎把湯底都喝清光。牛肉唔算好多油脂，食落好鮮甜重牛味，而且肉質軟嫩，沾上蛋汁後更為順滑。…查看更多

去居酒屋，首先就點咗飲品，我哋點咗荔枝Sour同巨峰乳酪梳打。果味加碳酸，好Refreshing，超級適合夏天飲用。呢度嘅飲品選擇都好多，而且價錢都唔貴。.先點個刺身，開胃小食，店員推介胡麻白身薄切。用的時令食材，當晚新鮮用的是池魚而。白肉魚刺身透得透光，彰顯師傅的刀功。鮮甜的池魚王，加上特製的酸醋汁，十分開胃。另外仲點左幾串串燒，雞肉釀青椒，配上日本生雞蛋，食落更加順滑。牛肉蘆筍亦係其中一款好鍾意嘅串燒，牛肉夠嫩滑，配上爽口蘆筍。夏天最適合食蕎麥麵，選擇了海膽蕎麥麵。Creamy豐盈的海膽，味道清甜，加上蕎麥麵，好味到停唔到口。廚師發板10件壽司，全部都係當晚的新鮮食材，有厚切的帆立貝，肉質好軟好鮮甜。另外仲有三文魚、吞拿魚、油甘魚、牡丹、蝦和海膽等。餐廳嘅店員都好有禮貌，而且介紹食品好清晰，令人會想再幫襯。…查看更多

同朋友話講起好耐無食過放題，於是朋友帶我黎兆萬極上帝王水產。一出𨋢就係餐廳，門口掛滿日式燈籠，好有氣氛。.由到店等位到食完飯後，店員都超級有禮貌，哩個真係要一讚。.記得以前2個人食放題都會被安排坐好細張的枱，食物成日都唔夠位放。哩度好好，每張枱都好大，座位又夠闊落，坐得舒服。.用QR 落單，食物都好快送到。.食物種類好多，除左一般的刺身、壽司、天婦羅、串燒等，竟然仲有壽喜燒可點。.每張枱都會送上鍋物，我地揀左壽喜燒。餐廳會連埋湯底、牛肉和蔬菜盤送上。唔夠食可以再自己落單點火鍋配料。.先溶牛油，再加牛肉同湯底。湯底味道調得幾好，甜甜地更帶出牛肉香味。牛肉唔會太肥但都夠嫩。煮過牛肉的湯底都係牛味香味，就加蔬菜繼續火鍋。.哩度的刺身款式都多有10幾款，有三文魚、帶子、北寄貝、八爪魚、希靈魚、甜蝦、赤蝦等。質素都唔錯，三文魚同帶子夠晒厚切。.串燒都多選擇，但係唔係日式的串燒，點左牛、豬、雞、牛舌等，大多加左孜然調味。牛舌夠大件又爽口，Encore左幾次。另外都幾鍾意哩度的一口牛肉，夠香又肉質夠軟。埋單前店員仲細心問下我地的食物上齊未，又提醒我地記得係攞埋雪條食。雪條都係日韓牌子，仲要款式都好多，另一加分位。…查看更多

粥底海鮮火鍋食過好幾次，哩間蟹仙真係好值得一試，因為哩度的海鮮真係好新鮮好高質。而且仲有侍應幫手蒸海鮮，完全唔洗自己動手。同朋友2個人點左尊貴海鮮套餐，起初都擔心會唔會唔夠飽，但食到最後係超滿足好夠份量。尊貴海鮮套餐有10幾款海鮮，個人最鍾意當中的野生琵琶龍蝦，啖啖肉又夠鮮甜。鮑魚同珍珠蠔又係另一推介。鮑魚好厚身，蒸完肉質好爽口。而蠔雖然唔大隻，但好Creamy，完全唔會有苦澀味，連唔太食蠔的朋友都大讚。貝類仲有青口、刀貝蚌和月亮貝。青口係意料之外的好食，肉質好軟，仲帶點海水的鮮味，同平時食的青口完全唔一樣。刀貝蚌和月亮貝就本身都偏咸，完全唔需要點醬油蟹都有2款，饅頭蟹同膏蟹。饅頭蟹細細仔唔多肉食，係食佢的超濃鮮味。而膏蟹就真係不得了，滿滿蟹膏，好濃郁好滑，而蟹肉都唔少，同樣鮮甜。日本野生大赤蝦夠大隻，肉質爽口。蒸完海鮮後仲有蔬菜盤，清蒸的蔬菜估唔到咁鮮甜，保留埋菜的原味。 最後要食埋個滿滿海鮮精華的粥，加埋香蔥同菜脯更加提味。粥的份量好多，超滿足。…查看更多

本身鍾意食餃子，之前經過哩間餐廳已經想試下。餃子款式好多，仲可以揀煎餃或者湯餃。湯的話會跟上狀元九鼎湯。食餃前食左佢地的醃蘿蔔，酸酸咸咸，清新開胃。今次揀左壽喜燒牛肉餃同龍鳳松茸雙餃，都係煎餃。平時比較少見到有壽喜燒牛肉口味的煎餃，估唔到咁好味。皮薄多餡，一咬開勁多肉汁，好Juicy，而且仲係濃濃的壽喜燒湯味。龍鳳餃即係黑白松茸松各一半，8隻餃煎到金黃香脆一咬開就有好香濃的松露味，尤其黑松露味更突出。四川涼皮 (小辣)晶瑩的涼皮，加上帶點麻香的辣油，花生碎同香蔥的調味，十分滋味。食餃子要佢地哩個酸酸辣辣的辣醬，更好味。蜂蜜檸檬薏米水超級足料的薏米水，帶有淡淡蜜糖檸檬香味，口味清新又滋潤。…查看更多

幾年無飛，真係好掛住日本。今晚朋友帶左我黎尖沙咀焱丸水產，止一止思鄉病先。晚餐時間好多食客，無論係餐邊的裝潢、氣氛、Menu，都令我覺得好似去左日本的居屋酒咁。香蔥吞拿魚蓉三文魚籽卷。一份6件的飯卷。滿滿吞拿魚蓉和三文魚籽，非常鮮甜。點左個漁師2人前盛，刺身新鮮甘甜，好似去左築地咁。有油甘魚、三文魚、牡丹蝦等。另外仲點左2款蟹肉甲羅燒，分別係芝士同黑松露味。2隻味都同蟹膏蟹肉好夾。加埋蟹籽同海鮮醬油調味，真係無得輸。必點推介。鮑魚殼燒好新鮮，2隻鮑魚都好厚身。燒到外層乾身，但裡面依然好肉嫩。日式炸雞轟炸雞，望落以為外層好厚好硬，但完全唔係。食落外脆內嫩，勁Juicy。最後點個飽肚嘅北海道海鮮炒飯，用料都好足，有蟹肉蜆肉蝦等。飲品點左巨峰提子乳酸同柚子啤酒，同樣易入口。…查看更多

同好耐冇見的朋友去烏蠅館食烤魚，先知除左烤魚之外，仲有火鍋同冒菜。烤魚有3款魚可以揀，我地揀左比較少見的清江魚。都幾大條，4個人食分量都好夠。餐廳已經將條魚開邊，食的時候好方便。送上枱後將個湯底煮返熱就食得。魚肉肉質較結實但唔會鞋，魚味都好鮮甜。骨都較大而且唔算多骨，唔識食魚的人都可以Handle到。烤魚會跟3款配菜，未必每日一樣，今次有木耳、蘿蔔同雞脾菇。食完條魚後再加湯底變左火鍋。黑豚肉黑豚肉帶點脂肪，味道更香更鮮。脆脆午餐肉偏重味的午餐肉，外層炸到金黃香脆，就咁當小食食又得，落入湯底當火鍋配料食都得墨汁墨魚丸芝士丸丸類都好大碟，黑魚丸好鮮。辣湯底加埋流質芝心，味道都好搭。魚皮餃外皮夠煙韌，完全唔腥。寛粉麻辣湯底加寛粉真係無得輸，煙韌得黎又吸湯。4個人叫左2碟。紅糖糍粑外層炸得金黃香酥，加埋黃豆粉同流心的紅糖，好好味。黑糖冰粉鮮奶…查看更多

係旺角新開的火鳳凰火鍋料理，餐廳好闊落，每張枱都係卡位，坐得好舒服。打邊爐都最著重個湯底，哩間火鳳凰火鍋料理有超過20種特色湯底選擇。店員介紹哩款雪山飛狐鍋，係用上龍躉、淮山、紅棗、杞子等多種配料煲成的，建議我地落火鍋配料前先飲返碗湯。湯頭好鮮甜，完全冇腥味，飲得出啖啖真材實料。龍躉起左半邊，依然仲有好多魚肉食到，而且肉質仲係結實爽口的，非常新鮮。忍唔住飲左好幾碗湯。哩個手切prime頂級牛小排係細份量，2個人食剛好。因為油脂豐富，所以食落肉質嫩滑，而又唔會太油膩。日本黑豚腩肉，一層皮一層肪脂一層肉，肉本身唔太厚，連埋皮個個口感很好，有咬口又好味。紅紅火火，半份有4粒大大粒的魔鬼辣安格斯牛丸。我地都一致讚好，牛丸用左安格斯，本身已經好香濃牛味，加上魔鬼辣級的香味，帶點麻香，食落好過癮。本身唔知咩係神仙豆腐，覺得個名好得意所以點黎試下，食完都唔知係咩。口感似係魚蛋咁，偏爽口，但冇咩味道的。下次正正常常點返凍豆腐算了。爽爽竹笙 ($88)唔算厚身，勝在份量夠多，食落夠爽口，吸晒湯底的鮮甜，唔沾調味都已經夠味。…查看更多