or#vc68051666的個人專頁

好大間地鋪，好搶眼啦，但係門口冇餐牌，唔知有咩早餐食，唔識路甘就入去試下。黑色衫個部長，揮手叫佢唔該寫野，佢話等等，跟住就冇跟住啦等左佢好耐，佢同人係度傾傾傾，冇左件事最後要叫另外一個阿姐寫野。如果我入去前有睇過評論，會去麥當勞啲野食，偏咸囉，公仔麵偏硬。40蚊一個早餐，抵唔抵食見仁見智啦…查看更多

比起之前，宜家各方面都好左好多，每次趁人少去食，人多去食都係會亂。野食幾好，喜歡去食下午茶，雞亦手抓餅整得好食，晚市個火鍋牛肩肉好瘦，岩唔食得肥既人食。但係都要講下，外賣就話收一蚊者，點解連裝手抓餅個紙袋都要收一蚊？走塑條例實施前紙袋唔使收費架…查看更多

真係好唔開心，甘多間美食就係因為朋友推介就試左佢，叫左個蟹籽小丸子，點知，唉，賣相係幾靚，幾多料，但咬落去……出事啦，成囗燶味，第一啖係甘，以為係木魚絲味，第二啖又係甘，第二粒就撥開啲木魚絲睇粒小丸子四周都燶既。之後其他果啲都係甘樣。你話啲小丸子一面燶左就話有機會睇唔到者，粒粒周圍都燶到甘都照攞出來賣俾食客，都唔知佢咩心態，甘樣做生意都有，我都係浪費呢三十零蚊，但冇下次。隔離個女仔果份好啲，係冇甘燶，但都係燶。沙律醬又偏少，小丸子入面一啲粉漿又濕既，唉……查看更多

呢間漁樂食盡皇后山邨開邨初期頭啖湯，初頭得佢一間，谷住食，已經發覺佢既質素係唔得，地下污糟，炸脾係辣，即食麵係福字伊麵加伊麵味粉開既湯底，豬扒唔係一大塊而係夾幾舊碎上。果啲阿姐既對答直頭極品。今日諗住唔食樓上果兩間，加上可能凍傻左，冇啦啦走左入去食野。個姐指左我坐個風口位，落左單後，真係頂唔順，話轉位。果班阿姐圍埋來，最少三個話落左單唔可以轉位，唔通食佢一個早餐全家吹病入院咩？又唔係繁忙時間。最搞笑，之後隔離枱食客食完啦，再叫佢落多個外賣單，個姐話，我㩒左堂食喔～我㩒左堂食喔～服務質素呢，呢間野只可以話你冇要求只求填飽肚既，是但叫個餐，食完就走，甘就冇事。…查看更多

每次經過上水廣埸，就會見到佢個廣告，本身小朋友又喜歡打邊爐，價錢還可以，耐唔耐就會來食，之前有反映過想要瘦啲的牛，好多時都係得到官腔回應，今次都一樣，但個黑色制服男店員隨後拎左盤超瘦的肉出來，呢個服務真是好好呀，有驚喜呀。羊肉都好食，但都係肥左啲，泡芙好食，個人覺得湯底已經好濃味，可以唔使點豉油啦。一人一鍋幾特別，唔使另加鴛鴦湯底錢。今次個手機落單好似有啲壞壞地，可能wifi收得唔好掛，變左有一次落單double左，都食得曬既。…查看更多

唔知點解佢仲可以生存到，叫左兩個早餐，芝退治加飲品，32蚊，麵包好薄，個薄過711啲三文治，小朋友份量。沙爹牛肉麵，福字面，主要個包係凍，同個阿姐講你個包凍既？佢唔出聲，唔理你，走左。但另外個阿姐又好熱情同隔離枱食客傾，可能唔志在做生客生意掛？個餐包底痴左好多點點。原本諗住叫三個餐，來左兩個甘樣質素，都唔願再俾錢叫第三個餐。樓面叫極都冇人，之後先知佢地服侍緊個衛生幫姐姐。如果食開連鎖餐廳，如百分之百，來食呢間鋪，會接受唔到。總括係食得唔開心既…查看更多