foodlover1042的個人專頁

臨近母親節，我哋一家五個人晚餐去試吓呢一間位於中環既中菜fine dinning, 叫咗六個餸每一碟都好有驚喜，最鍾意係粉絲龍蝦味道啱啱好，龍蝦又新鮮，粉絲超入味但係又唔鹹蟹粉豆腐帶子都好好食，全部都食得出有心機去煮同買材料黑豚肉叉燒又夠腍又夠蜜糖味，而且燒得啱啱好，份量又唔少，推介👍🏻👍🏻最尾仲送埋甜品， 10分滿意景就唔使講，望住維多利亞港，非常高級嘅享受侍應都好殷勤熱切，而且好有禮貌又謙虛值得推介嘅高級中菜餐廳👍🏻👍🏻👍🏻…查看更多

我食一碗雲吞麵再加一個生菜，叫咗杯嘢飲，我老公叫咗個喇沙碗雲吞麵冇湯咁滯，啲麵極為普通又淋，仲有啲位係未煮散，啲麵團仲係一舊雲吞正常，但係一定唔係屬於好食嗰隻唔明點解話攞米芝蓮，我都係俾佢吸引咗先入去，其實好多其他香港粉麵好食過佢我老公食嗰個喇沙勁辣，但係落單問嘅時候又話小辣，喇沙個面係正常，只係辣得來蓋過晒其他味真係唔會再去，而且地方污糟，碗碟都洗得唔乾淨，拎起隻杯又黐立立嘅感覺，地板又黐立立咁…查看更多

叫咗個蜆肉意粉、燒春雞、士多啤梨朱古力crepe, 三樣嘢都各自出色，非常之好味蜆肉意粉嘅蜆肉大大隻，鮮甜多汁、意粉嘅味道啱啱好，唔會太多白酒、又唔會太多香草味蓋過蜆肉；燒春雞竟然連雞胸都煮得啱啱好，唔會實又唔會鞋；crepe 既cream 好輕巧，唔會肥膩、整個crepe 都好夠士多啤梨，其實材料唔需要太多，夠同埋味道好已經係100分女侍應服務開朗又細心，會幫你加查加水，又細心提示last order 幾點👍🏻👍🏻👍🏻唔會感覺chur 你…查看更多

我哋book咗七人枱，去到比張四人枱我哋坐（露天望湖邊）；眼見周圍無論二人定七人都係坐四人枱，好彩我有一個朋友嚟唔到最後6人坐4人枱；如果唔係7 個人要點坐呢？要求坐張大枱就話要搬去一個餵蚊嘅花園位；其實我book枱嘅時候雖然係用app book, 睇唔到位置嘅安排；但如果你見到我七個人要擺我落張四人枱，你都要打電話問吓客人o唔OK，對是次安排非常失望建議各位客人留意佢有室內同室外位置，大熱天時室外已經好熱，仲要迫埋一張枱，訂枱前要確認一下佢會比啲咩枱你有個朋友坐嘅位置近通道，有輪椅經過或者有人要搬嘢嘅時候佢都要起身將就，試問$250-$300 一個brunch 既價錢坐得咁唔舒服對唔對得住啲客人？食物質素係好嘅，但我諗大家嚟呢度除咗想食好嘢亦都想坐得舒服欣賞呢度嘅環境；估唔到咁失望…查看更多

我叫咗個鮮茄焗豬扒飯，鮮茄夠足料，又有蔬菜，豬扒軟硬適中，味道唔濃唔淡，仲好大份，食得好開心好滿足我老公叫咗牛扒鐵板燒，可惜我冇影相，佢都話牛扒非常有誠意🥰😋😋😋我哋係食晚市，兩人埋單都係$200左右，餐廳嘅座位間格大細好合理，唔會迫，環境舒服四正，職員都好正常，一般茶餐廳職員可能好粗魯，但係依間唔會已經唔係第一次食呢一間茶餐廳，每一次幫襯都好滿足，因為價錢唔貴，食物份量又多，仲要好食，去邊度搵！…查看更多

聽屋企人話呢間雲吞唔錯，而且係區內都算出名，所以黎試雲吞係好大粒，裡面料都好足，但只覺係一般水準，得個大字最大問題係好種味精同好鹹，味精已蓋過哂肉同蝦味食完飲番兩杯水都唔夠-_-…查看更多

2個人點左黑松露risotto,海鮮pasta, dity banana crepe (chocolate 加香蕉既crepe), 兩杯野飲我對三樣嘢食都好滿意呀!!risotto味道啱啱好，飯軟硬適中，好香菇味，料又多海鮮pasta我都好鍾意食，好rich但唔會太漏~~面身好好食最開心係食crepe，塊crepe口感好好，加埋chocolate同蕉係perfect match我地用eatigo book枱 ,18:30入坐計40%off!!!埋單只係$230!!!!!超抵~~~~~…查看更多

:(『經理』一入到餐廳，感覺裝修特別，waiter都招呼周到食物既賣相、味道、上菜速度都好滿意我地一行7人叫左9碟嘢食，一路都食得好開心咁我地有一個姊妹就快big day，好想同佢過愉快既一晚我地問啲waiter 有冇dessert menu或者有冇dessert，前後兩個都唔多清楚咁，頭果個畀左個dish menu我地，之後問另一個就話要再問另一個，問完之後就話有個chocolate pie 上面淋啲雪糕既dessert咁我地就話好，咁我地一陣先order食到9點幾，waitress走埋黎話要埋左張單我地話ha?我地未叫dessert wor，同埋你都冇問我地有冇last order其實我地就希望可以清清張枱，叫埋個dessert，影張合照先走個waitress就叫左個經理黎，我地就同個經理講：其實我地想order 個dessert，而頭先你有一位同事話有dessert咁個經理話：冇架，我地冇dessert 咁我地話：但係你有同事話有既經理：我係經理，佢地係part time 當我地再想問清楚時佢更firm咁話：我係經理，佢地係part time咁冇就冇啦，唔通逼你地整樣嘢出黎咩，跟住我地問可唔可能清清張枱畀我地影相經理：你地去隔離啲枱影咪得囉你講得冇錯我地可以去隔離枱影，而dessert呢個誤會亦都係minor最令我地掃興係你既態度同你表達既內容，一間高級餐廳點解會有好似茶餐廳咁rude 既伙記架…查看更多

一直鍾意食all day breakfast，行過見到價錢好吸引又唔洗等位，一於試試估唔到完全唔係cheap嘢，賣相已經好豐富番茄、蘑菇、栗米鮮甜多汁，烤得剛剛好炒蛋正常，唔會好油腸仔好美味，食落覺得係高檔嘢份量對於我一個唔大食既女仔黎講就有啲多始終2塊多士已經幾飽肚所以真係好抵食!另外叫左個牛油果醬配栗米片，又係好好味咁食法我第一次食，感覺好清新健康呢度係一間港式茶餐廳，所以可以叫埋炒粉面飯…查看更多