mimiso0820的個人專頁

聽我家姐成日提起呢間Cafe，話對住過海好chill，上星期日終於同我男朋友去左。本身諗住book枱，不過原來佢哋冇得book淨係做walk in。雖然知道星期日都一定會多人不過我哋都想博一博。呢間餐廳最好嘅地方係有parking。假日只要消費滿$100就有一粒鐘，對好多唔係住將軍澳嘅朋友黎講係一個好消息。等咗大概15分鐘，我哋終於坐咗係outdoor。雖然七月都有啲熱不過出面有大型嘅風扇同埋有海風都舒服嘅。我叫左all day breakfast，最好食係corn fritters。同埋呢個all day breakfast有greek yogurt算係罕有。男朋友叫嗰個西班牙黑毛豬叉燒飯都好高水準，叉燒半肥瘦，不過如果價錢再平返少少就更加好。知道呢間餐廳係Pet friendly之後，下次一定會帶埋我哋隻寵物嚟。…查看更多

今次已經係第二次嚟呢間居酒屋，第一次去已經覺得性價比高，近排見到佢繼續有八五折呢個優惠又去多次。刺身本人覺得略貴，所以今次冇嗌到。壽司就嗌左炙燒左口魚同帶子鵝肝卷。炙燒左口魚雖然冇入口即溶嘅感覺，但係味道唔錯之餘又有少少彈牙，值得推薦。至於帶子鵝肝卷既帶子同鵝肝mix 埋個味超夾，又有少少入口即溶嘅感覺，簡直無得輸。燒物都係呢間居酒屋嘅主打。燒番薯，大葱地雞，免治雞肉棒係每次去都必叫嘅燒物，食完簡直返唔到轉頭。銀雪魚西京燒都係另一個推介，不過都大份，最好有人share先叫。飲品方面我同男朋友都嗌左杯梅酒。梅酒唔係間間居酒屋都好飲，之前去另一間就好淡茂茂。相反呢間居酒屋嘅梅酒好有梅味得黎又好易入口，所以我同男朋友去左兩次都淨係叫梅酒。試過咁多間伏嘅居酒屋，呢間性價比一定係最高，已經成為左我同男朋友既飯堂🤣…查看更多

細細個住亞皆老街，阿爸阿媽已經成日帶我黎呢間冰室食晏。而家到我有男朋友，我都想佢認識下我以前住嘅小區，順便帶佢黎試吓呢度馳名嘅繪意粉。我同佢都比較貪心，知道呢度嘅繪意粉可以雙拼同三拼，佢通常就嗌餐肉🐔絲加煎蛋，而我就會叫火腿🐮繪意粉。呢度嘅味道係其他地方搵唔到，就算你加幾多個餸成件事都好夾。如果未夠飽不妨加件占奶油多🤤另外佢杯熱奶茶茶底都夠濃。所以我基本上一個月都至少會黎一次。如果你想搵一間懷舊既冰室而味道又有保證就一定要試吓新奇香冰室。包你讚不絕口!…查看更多

本身諗住沈日同朋友去ethos chill下，點知有裝修工程，所以我地行左落去，咁啱見到山道既corner位有間cafe就二話不說沖左入去(因為天氣太熱)。間cafe個design好simple，牆身白色令人有一種好清新既感覺。而且cafe入面都好有空間感，枱與枱之間有一定嘅距離。我先order左杯ice black coffee，味道唔差，不過比一般black coffee苦澀少少。鍾意飲苦啲嘅朋友應會鍾意。嘢食我就order左佢個all day breakfast，主要有sourdough，scramble egg同salmon。好食之餘，野食大大份，而且價格比其他all day平少少。建議order埋avocado搽係sourdough。我另外個friend就叫左daily special spicy bolognese pasta，試左一啖，個味都似平時食開既肉醬意粉，不過再辣少少。我哋食完個main都已經飽，所以冇試到賣相都幾吸引嘅French toast，下次下午茶可以黎試吓。離開嗰時見到山道其實都有幾間Cafe，因為鍾意呢度嘅環境清幽，下次可以逐間explore。…查看更多

男朋友以前係跑馬地番工，佢話附近冇乜好食，除咗一間由日本人打理嘅拉麵/沾麵鋪。嗰日我哋喺赤柱出嚟諗緊食咩dinner， 咁啱佢記起呢間小店，就話帶我去試吓。見到間鋪頭既裝潢就好似去咗日本食拉麵一樣。一入去，所有店員都用日文同你打招呼。可能因為個位置比較偏遠，所以唔使等位就可以直接入座。我地order左餐廳既招牌嘅雞白湯沾麵。湯底好濃，creamy得黎又唔會太漏，見到日本師傅係用機去打啲奶泡出嚟，都幾特別。麵質亦好彈牙，浸完雞白湯加埋炸過既牛蒡簡直無得輸。塊雞肉切得好薄身，有少少油脂所以會有入口即溶既感覺。暫時試過既沾麵最好食一定非佢莫屬！…查看更多

之前慶祝爸爸生日帶咗佢去食萬發。雖然係大排檔咁嘅格局，但係d小炒都真係幾高質所以長期keep到一定嘅人氣。我相信萬發唔只做街坊生意，好多人甚至好多遊客都會慕名而黎。因為都唔係第一次嚟，所以都知道邊啲小炒係必叫。我哋一行3人最後order左薯仔牛柳粒，小炒王同風沙雞。薯仔牛柳粒係呢間鋪頭必叫既熱門菜式。你幾乎見到每枱都一定有一碟。薯仔牛柳粒志不在牛柳粒，而係好重蜜糖味嘅薯仔，簡直係好食到你不知不覺就會食晒成碟薯仔。當然牛柳粒都炒得香兼鬆化。小炒王亦好夠穫氣，兼好足料，有我最愛嘅蘿蔔粒，韮菜，魷魚，青椒，蝦乾，花生同腰果，又係一碟令你食唔停既小炒。至於風沙雞，雖然肉質都唔「鞋」，但係就無小炒王同薯仔牛柳粒咁有驚喜。雖然小炒d價錢都唔係話特別平，但係所有野都大大碟，啱晒一大班人gathering去。…查看更多

近排啲同事講起喺灣仔食過一間泰國菜，佢地形容為”就算大排長龍都值得等”。咁啱呢排又想食泰國嘢又去開港島呢頭，就決定試吓呢間餐廳。我哋特登早啲去，因為知道七點之後都一定會多人，點知都要等位。眼見前面都有七至八張枱要等，好彩待應同我地講話有位會打俾我哋，所以我地去附近行左陣。呢個service都唔錯，最後我哋等左30分鐘度就可以入座。間餐廳嘅裝修都算簡樸，亦見到好多懷舊嘅擺設，令你覺得好似去咗外國一樣。我哋order左最多人叫嘅和牛船麵。碗麵好快送到，驟眼望落去見到個湯好濃郁，碗麵都好足料。事後上網睇返先知原來濃湯係以豬肉、豬血同牛血熬足兩個幾鐘先完成，唔怪之得個味可以咁Rich。至於船麵裏面嘅和牛、牛腩肉質到好腍。牛丸亦冇得輸。雖然碗麵嘅定價係比較貴，但係食到出邊食唔到嘅味道我覺得都值得。除咗船麵我地都叫左pad thai，雖然都好食，但係一定冇和牛船麵咁驚喜。…查看更多

近排係OpenRice碌到呢間以特色兼大大件既腐皮壽司做主打嘅小店，就相約朋友放工之後一齊去試下。地址寫係百樂中心，以為間餐廳真係係果幢大廈入面，點知原來係百樂中心前幾個鋪位，想去嘅朋友記得要留意下。呢間餐廳專做立食同外賣，最啱喺附近返工嘅打工仔。雖然係小店，但係都睇得出佢裝修好擺心機，近住門口就已經有一大幅🦖畫做生招牌。兩張長枱都擺滿左盆栽同埋同🦕嘅擺設，成個氛圍簡直令你覺得好似置身係花園入邊用餐一樣。我地order咗四件腐皮壽司，分別係甜蝦蟹籽，三文魚牛油果，柚子左口魚同黑松露帶子。我就比較鍾意三文魚牛油果同埋甜蝦蟹籽，因為呢兩件比較重口味，就算有腐皮，三文魚同甜蝦嘅鮮味都唔會被蓋過。相反帶子雖然新鮮但係口味就比較淡。建議可以改用另一款既帶子。另外都order左一個$46既溫泉蛋西京燒鯖魚便當，相當有水準，份量亦多，一定夠飽。支持小店！希望越做越好！…查看更多

之前都聽過鰂魚涌有間馬來西亞餐廳好出名，咁岩今日Team lunch，馬來西亞既同事就帶我地去《馬來亞春色綠野景緻豔雅》試下d正宗嘅馬拉餐。間餐廳嘅location喺北角同鰂魚涌中間，係一條小巷入面，都比較隱蔽，唔小心就會miss左個門口。小店都比較繁忙，我哋一行六個人都要分開兩張枱坐。餐廳冷氣好足，就算食熱野都唔怕。點完餐好快送到。藥材味肉骨茶用砂煲上，溫度啱啱好即刻食得。驟眼望落去都已經覺得好足料，有冬菇枝竹同杞子做配料。啲肉食落去都好稔，有少少入口即溶既感覺。d湯唔會冇味之餘亦唔會太重藥材味，味道剛剛好。油飯就中規中矩。$76既肉骨茶套餐仲包埋一杯洛神花茶/冬瓜茶，性價比都幾高。相信之後都會繼續幫襯! …查看更多

上星期日食完蛋牛治同熱奶茶唔係好夠飽，突然醒起合益泰係同一條街，即刻衝去買腸粉。本身諗住坐入去食，不過見到今日唔係太多人排隊就決定買外賣（試過之前排20mins先買到)。我地嗌左一碟中size既腸粉，份量都夠2個人食。腸粉同前幾次食既一樣，都係咁滑（水準仲keep到)。配合埋甜醬，麻醬，豉油同埋芝麻，呢碟腸粉都真係無得輸。試過咁多間，呢間既腸粉令我最滿意。下次想掃街或者咁啱經過深水埗都一定會再幫襯😁…查看更多