可力仔的個人專頁

青衣島民，今次上開長康，當然順便就試下長康市集內嘅木屋小食店。一定要試下慢煮叉燒拉麵。$40食到1碗有質素嘅拉麵😊抵抵抵！10蚊10粒燒賣！俾我order左最後1份黎食😬個汁有少少偏甜但又幾好味吖😌…查看更多

話說朋友琴晚同我去補食生日飯局吖😌朋友訂左枱，但我地去到先知限時90分鐘，明既想做到轉生意。朋友去到先，所以佢地嗌齊野食，然後有碟炒椰菜苗（通常必食既泰菜）但真心佢係炒椰菜(炒上海回鍋肉) 😂唔係椰菜苗，問埋職員佢都話係椰菜苗🙂食到7點半左右，已經問要唔要甜品，要唔要上蛋糕(朋友準備) 提我地8點交枱，但我地仲有一半野未食晒😂, 眼見都有幾張吉枱，又無客人等枱，但個感覺....... 大約交枱15分鐘前，我地話上埋蛋糕吖，佢好有心思，個蛋糕上埋碟，仲有xxxx happy birthday(收切餅費，算係有啲心思既一間既) 不過就寫左我朋友個名😂😂我地笑爆左，再自己抹走左個名，好似白費咗佢既心思。食物上既質素不如以前嘅，可能出咗名之後，係差咗啲啲嘅🙂…查看更多

早幾日去開聯和墟，之前經過呢間小店已經想試下佢既熱狗套餐。當日5點左右，又未食午餐就叫咗一個套餐食。套餐如下：1熱狗，1包薯條，1杯飲品。小店等10-15分製造，只要出品好味，要等食絕對不是問題😊😊見佢啲薯條即叫即炸，已經滿心歡喜。 拎咗之後就去個friend屋企，嗰日天氣好熱，所以飲啖冰凍飲品先，然後就享用即炸薯條，見薯條係幼身版，同圖有啲唔同，諗住問題不大，點知薯條原來炸到over晒，超超脆口仲有啲苦味，食多幾條覺得好 鹹好苦，所以放棄咗。個熱狗都有啲啲失望，因為唔夠爆料同有少少乾知道小店需要用心經營，希望下次會更好。…查看更多

好耐無去一粥麵食早餐，今日就去開青衣城，咁喺大x 樂，同一粥麵之間，我揀左一粥麵，點知揀錯邊....... 叫左沙爹牛肉通粉配餐肉旦，再加多士。宜家好多地方既餐肉都好薄，明既。多士正正常常無特別，唔會抄車既。但講到嗰個通粉就不知所謂又淋又爛咁，沙爹牛啲牛肉肉質幾好既但就係個沙爹味又係得個鹹字，唉...... 浪費咗啲牛肉。食過好食既沙爹牛之後就好易比較。叫左熱奶茶，都仲保持到少少質素既。但今次真係大失所望😢😢😢😢…查看更多

失望的經歷重新開返之後，上星期諗住出黎TST食個*靚早*點知大失所望而回🙄 沙爹牛肉麵，得個鹹字，無咗之前既香煎味，牛肉亦非常*鞋*口,天氣咁熱跟餐當然飲凍奶茶，點知上枱嗰陣已經有啲化水，變左凍奶茶溝冰水🙂味變左唔夠茶香，到底係天氣熱到啲冰咁快溶，定係放咗喺到一陣，先拎杯沖好既飲品上枱呢🤨🤨，總之就搞到杯凍奶茶失色晒😔。裝修之後其實個衛生環境同以前差唔多，仲要突然間見到有米奇行過，之後即刻埋單走人😭…查看更多

第一次食外賣烤魚！最初以為會係錫紙盤...... 但年少無知既我地錯咗喇佢係俾個鋁盤! 而我地嗌咗2-3人份量，都好豐富。最重要係好好好好好食！配料有質素！羊肉同豬腩肉都好好味可一可再…查看更多

舖仔細細，當日晚上七點左右，舖入面得一個女仔係到準備。我同女朋友突登黎食甜品既我地唔趕時間，由佢慢慢整。我地叫左紫薯心太軟配乳酪雪糕，二件海鹽焦糖窩夫，一杯凍蜂蜜薑蓉茶。紫薯心太軟配乳酪雪糕，真係軟綿綿，仲配有紫薯粒同麻薯粒，就咁食已經好滿足，加啖乳酪雪糕仲！海鹽焦糖窩夫，個皮夠脆，有得叫1/4,唔洗一得要你食咁多件。留返個胃食下其他野因為之前食飯有啲口乾，所以凍蜂蜜薑蓉茶，不過呢杯有啲甜，最後佢俾咗杯暖水我地呢間小店好有心思，值得支持！…查看更多

前幾日出黃大仙既目的係食甜品，咁晚餐突然間就想食燒味飯。所以openrice一下，搵下附近有咩燒味檔好食。見呢間咁多人話好食就試下。咁叫左一碗叉燒燻蹄飯，一啲都唔好食😕😕啲飯太淋，叉燒唔夠味，燻蹄個醋又無乜味。另一個燒鴨賴粉，啲賴碎濕濕，比某大x樂既仲衰😤，燒鴨反而係好夠味到覺得好鹹😲不過真係無下次，唔知好食在那一方面？可能以前係好味過，但是宜家係完全無心去烹調。注:啲價錢好有趣架，有毫子位🤔…查看更多