NCSHK的個人專頁

今次終於趁放假約埋朋友天未黑就走去食金蘭花,  黎得九龍城食泰國菜,  首選一定係金蘭花🩷🩷必點燒牛肉，5成熟，唔會好生，亦都唔會好熟，咬落去完全剛剛好唔會韌，份量都好大份,好食 😋😋😋😋燒魷魚，燒得好香，好惹味，好食 👍🏻👍🏻👍🏻👍🏻👍🏻馬拉盞通菜真係要讚，惹味香口，但唔油，好食😋😋😋😋今次專登食咗佢哋嘅特色菜，泰國鯽魚沙律，的確唔錯，好有泰國特色，啖啖肉又冇骨，但係個醬汁非常特別，真係值得一試，要大力推介一下，超好食👍🏻👍🏻👍🏻👍🏻👍🏻今次叫咗佢哋嘅泰國咖喱大頭蝦，佢哋咖喱汁超高水準，椰味香濃，送飯或蒜蓉包都一流，超好食👍🏻👍🏻👍🏻👍🏻👍🏻泰式生菜肉碎包，少少辣好惹味，但唔食得辣嘅人可能食唔到 👍🏻👍🏻👍🏻因為見隔籬枱好多都有叫椰汁沙冰，所以我地都跟人叫😂😂😂一上枱都俾佢哋份量嚇親好大杯同埋顏色好雪白，飲落嘅椰汁味都好重，非常非常好飲 👍🏻👍🏻👍🏻👍🏻…查看更多

原來中環泰奶茶搬咗去德已立街，今日去買茶仲發現佢有泰式飯盒 set, $70.  我叫咗個海南雞飯加一杯泰式檸檬茶, 海南雞飯好高質, 雞肉嫩滑有雞肉味，唔係啲嚡口嘅白切雞配上香米飯好開胃。泰式檸檬茶都好飲，個人口味鍾意佢哋嘅檸檬茶少少澀澀地，好飲過好多乜乜鴨屎檸檬茶。中環呢個價高質扺食啦。值得推介係呢間中環店有麵包買，亦有幾款蛋糕。買咗一件牛乳蛋糕，超級好味，好重牛乳香味，新鮮軟滑，用料重手，裏面有厚厚一層嘅牛乳cream，鍾意奶類甜品嘅人，肯定喜歡，值得推介。 👍🏻👍🏻…查看更多

以後可以嚟沙田新城市廣場呢間Cafe，chill吓嘆吓下午茶，食吓甜品，加埋少少泰菜。本來係一心想食佢嘅泰茶千層蛋糕，但嚟到見佢個 menu 都幾吸引，幾多選擇都中我口味，又有午餐揀，價錢亦合理。於是我叫咗杯泰茶+1件綠茶千層蛋糕。 綠茶千層蛋糕好香綠茶味，佢種香味比較特別，雖然有廿幾層，但係食落口一啲都唔肥膩，非常軟熟，加埋綠茶醬更加帶出綠茶蛋糕嘅香味。朋友覺得佢午餐抵食，叫咗個黃咖喱牛腩飯，份量都好足夠，黃咖喱好特別，好好味，有啲咖喱味又有椰香味，牛腩份量都非常足夠，反而一碗飯唔夠，因為餸多汁多。朋友叫杯荔枝綠茶都非常清新，很適合炎炎夏日, 好有夏天消暑嘅感覺，之後我哋又再追加一個牛角包配綠茶醬。嘩！呢個甜品不得了，牛角包掃咗一層好香嘅蜜糖焗完之後好香脆，再加少少綠茶醬，非常好味，配合得好好。 呢度嘅茶飲我就不用多講，但呢間 Cafe 細細，menu 簡單，但都係啲吸客嘅野食，佢哋明顯重視甜品，甜品的確做得好出色。環境佈置都好有品味，而不是傳統的泰菜館，感覺優雅舒服的，值得推介給有品味人士，會再嚟！…查看更多

最近九龍城熱，同老婆又去探訪下金蘭花。係九龍城有太多泰菜舖，試過好多間都中伏，但除咗金蘭花，食物質素高、價錢平，不過泰國姐姐服務態度就一般。海南雞滑嫩肥美，冇骨啖啖肉，好正。佢哋嘅冬陰功湯，飲過你就知道乜嘢叫做正宗泰式冬陰功湯啦，味道非常有層次，酸辣平衡，蝦球又新鮮，一流。佢地師傅整嘅濕炒河，都係好泰式風味，好好食。最後來一個芒果糯米飯，芒果甜，糯米飯柔軟，加上濃濃嘅椰汁，又係一道非常出色嘅泰式甜品。 個個都話用泰㕑，唔係泰廚就煑得好食，九龍城好多間泰菜舖都好唔得，但金蘭花嘅泰㕑真係高水準，有時見啲㕑出嚟同班泰國姐姐講嘢，雖然唔知佢哋講乜，好似幾融洽，如果啲泰國姐姐識講廣東話，招呼好啲，我諗佢哋生意會更好。我本人只係鍾情於金蘭花。…查看更多

食完一肚氣，埋單才知道每位要收茶錢$10一位，入去又唔講聲，詐詐諦諦好搵笨。專程過嚟試吓佢哋蟹肉炒飯，點知好失望，同泰國食過的好大分別，完全冇鑊氣，蟹肉淡而無味，炒飯又乾爭爭，仲有部份係生米，收人 $168，比啲咁嘅嘢人食。米芝連師傅諗出嚟，但係師傅仔炒得未夠功力。 雞飯啲雞又少又無雞味，好粗鞋。 燒魷魚都算大條，但又係無乜味道，比起九龍城是但一間泰國人開的地道泰菜餐廳的燒魷魚都好過佢地。 連杯泰茶都淡而無茶味，其他都唔想再講落去。又話米芝連，又乜乜水上市場 ……………呢間明顯係噱頭嘢，泰茶又插支香茅完全唔啱味，碟碟都整色整水，裝修靚靚，扮到貴價，但啲野又貴又唔好食，太造作，令人反感，香港人係咪容易俾人呃啲 ！😂…查看更多