ah_shing的個人專頁

因為不是住新界, 以前都不知石門是甚麼地方, 總覺得是去郊遊的地方.  因為一次偶然的機會, 才發現原來石門就在沙田第一城旁邊! 加埋個石門港鐵站, 交通都方便.  講番正題,  我果晚人在石門,  一時餓鬼上身, 急急向美食達人的友人求救. 當佢介紹我去間親子餐廳, 我心諗無野呀? 一條友去親子餐廳?  唔係要BOOK場幾人成團果啲呀? 俾佢笑我大鄉里, 仲話一定要試埋餐廳的台灣飲品.  好, 去咪去, 我呢個友人一向無令我失望, 親子就親子, 無有怕 !間親子餐廳坐落在商場一角, 由於商場唔係大型果種, 好易去得到. 門面. 嘩, PLAYGROUP咁款, 好似同我唔係好夾. 但門口果位姐姐, 聲明一下唔係呀姐, 係真係會同小朋友玩果種姐姐, 好有禮貌又無壓迫感地介紹佢地間餐廳, 再加上餐牌上的食物都對胃口, 就入去喇. 親子餐廳有個好處, 就係地方寬敞, 相信係俾小朋友多一點空間活動吧. 但我覺得小朋友始終會被波波池吸引囉. 地方闊落, 我作為單身食客當然歡迎. 我點菜啦, 點了個紅菜頭羽衣甘藍沙律.  唔好意思太心急食. 個甜酸汁好醒胃!  羽衣甘藍夠新鮮.  仲有爆珠果吓型晒啦, 味道賣相攞滿分!第二度, 我選了個"小食", 但係一D都唔少野, 就係蟹肉多士. 唔好輕看小食,  廚思的功架往往能在小食反映出來.  蟹肉酱的鮮甜味剛剛好, 嘩, 多士上面又有爆珠,  做咩呢? 睇埋就知咩事. 原因我發現呢間餐廳有個與別不同既水吧, 有門擋架, 有名架, 叫覓茶活.  台飲專門店呀. 唔怪得食物都帶點台式襯托.  我叫了杯芝雪白桃.  是不同台飲店中比較出色的, 芝士味突出, 但又不會蓋過果味, 仲要好大杯...... 呢間餐廳, 遲D去開沙田都會再來食啦!…查看更多

深水埗食肆好多,  估唔到俾我搵到呢間小店. 港鐵A2出口一出, 近汝州街   招牌有條龍就係佢.  佢地的飲品都幾特別, 我叫咗杯薄荷脆脆朱古力,  嘩, 好好飲 !  我個朋友就叫了黑糖寒天珍珠奶茶.  佢都讚不絕口喎.  因為肚餓, 我地各自叫了一份餐. 芝士栗米雞翼年糕,  啲芝士好香.  唔知用咗邊隻芝士.  因為新鮮整的原固.   雞翼個皮脆脆地,  而且啲雞肉又夠入味. 正 ! 年糕又軟又有咬口. 好快食晒成個餐.  我個朋友就叫咗和牛丸雞軟骨烏冬.  和牛丸呀, 好特別 ! 當然叫我朋友俾粒我啦! 果然係和牛, 有一陣牛肉香, 而且個汁幾好味, 唔會太咸. 因為實在太好食, 所以額外叫多一客和牛丸. 終於滿足晒 ! 唯一唔係太理想既係,  佢地無咩位做堂食.  如果可以座低慢慢食, 應該會更加好. …查看更多

聽朋友介紹這店子不錯, 返工行多兩步去睇睇. 好彩朋友一早通知, 個入口在橫街, 中保大廈正門裡面, 否則未必找得到.我見早餐都唔少選擇, 有各式三文治, 全日早餐, 沙律. 我就選了個沙律早餐配LATTE. 返到公司食, 沙律份量大, 新鮮就唔在講. 加埋個牛油果, 我覺得自己好健康 ^.^LATTE 是有蜂蜜味的, 效果唔錯. 其實我一向好少飲咖啡, 但係呢杯manuaa honey latte 係一個好的開始.仲有D蛋糕呀, CHEESE CAKE呀, 一類的甜品, 望落都幾靚, 下次等我約埋幾個朋友一齊過再去試.…查看更多