louisewong9302的個人專頁

依家食肆加「生酮」兩字就變得好貴，唯獨呢間生酮漢堡好扺食，又好味😋💛本身一份生酮漢堡已經包含左兩份菜、兩塊豬漢堡、一塊煙肉。額外加料價錢都好親民又多選擇👍🏼額外加左蛋同芝士配蛋黃醬。不過留意返唔鐘意食黑椒既記得走黑椒，因為塊漢堡有大量黑椒😂漢堡好有肉汁，即叫即整熱辣辣😋另外無生酮醬汁提供既，如果好介意既就唔好加醬汁。係食既方式比較狼狽，因為用菜代替漢堡包，加上餡料大大份，會好易跣出黎😂唔想等太耐既話可以手機落單，因為第一次黎唔識，店員都好體貼提我下次可以手機先落單就唔使等。店員服務態度都好好👍🏼👍🏼…查看更多

已經幫襯過北角總店好幾次，經過紅磡梗係食多次啦雖然聽朋友講呢間舖既女店員態度好差，但我諗...唔會掛，又唔係堂食。order比錢收貨就咁簡單。但原來咁短既過程都已經可以比人黑面，皺哂眉，咁唔耐煩不如唔好做...首先講食物質素，生酮包黎講，漢堡皮係有啲鬆散，但係係好味同埋香既，偏向少少蛋糕口感，但整體食落算係幾好。漢堡扒，雖然都煎燶哂個面，但係有牛味既，而且一啲都唔乾好有肉汁本來想叫埋生酮蛋黃醬，但要加$10而且份量好少，所以無額外轉調味。而雞扒比較薄身，揀double會好啲。等候時間比較長。一個包等左20-25分鐘總括黎講食物唔錯，服務方面希望店員學習下咩係尊重。另外舖面指示可以再清晰少少，例如只收現金或者SOLD OUT可以大大隻字掛係顯眼位，咁就唔使麻煩到忙碌既店員喇…查看更多

見198有得任食雞煲同打邊爐好似好扺，但係最差既一次放題經驗！地址近牛頭角，好易搵。入到餐廳啲位置勁迫，出入都要側身行。餐廳抽風勁差，成餐飯不斷吸入雞煲既調味料嗆到係咁咳同打乞次。食到好無癮。飲品全部都有糖，想飲水/茶都冇杯！食物方面，雞煲味係ok既。轉打邊爐啲食物都正常。係肥牛真係好肥，超過一半以上都係脂肪。明明叫任食，但限制每枱嗌野食既數量！諗住留返個肚食肥牛，所以雞煲食一輪就算。轉邊爐一黎就送一盤海鮮拼盤，味係ok既，仲有三碟既肥件。冇諗過肥牛個碟竟然得一掌咁大，份量勁少。咁無所謂啦反正都係任嗌，咪嗌多幾次。點知食完想再落單果陣要十碟黎四碟，一分鐘內清哂；第二次再嗌十碟，個侍應呀姐已經好晦氣咁講：你地食哂啲野先嗌啦。我地都呆左，枱上既食物都清得8899，仲要我地食乜？！職員又嚴重不足，搵人落單都難！激到成肚火加埋啲煙係咁供上黎，即刻埋單走人！唯一一次中伏就係呢間餐廳！唯一值得讚既係訂座職員態度好，同樓面呀姐完全唔同！…查看更多

星期一至四，五點黎食有半價優惠。刺身、火炙壽司選擇多，刺身新鮮，寫幾多黎幾多。刺身同飯比例幾好，唔會太大舊飯。而熱食選擇少，炸物唔錯，野食黎到仲係熱辣辣野食黎得快，座位寬敞，環境乾淨，侍應helpful & nice。最尾送大牌子雪糕一杯幾扺食，每人$130連加一，如果想坐得舒服同傾計，呢度幾適合。…查看更多