derick1986的個人專頁

呢間火鍋自己有人帶過我黎食之都陸續幫襯左4,5年,又帶過好多人黎食,但係今次之後我唔會再去。事緣當晚我朋友生日,我女友最早到拎住個蛋糕到左先,當時個場未有客,我女友當然想坐低先雪住個蛋糕等其他人,點知有個身型豐滿既女經理話任食既話一坐低就要開始計時兩個鐘,一係就係出面等,真係按章工作,咁我女友無理由拎住個蛋糕周圍走唯有坐低開始計時,大約15分鐘後大家都到齊就開始食。成晚本身無咩野,但臨到最後45分鐘,因為個肥經理知我地要切蛋糕,每隔5分鐘就黎催我地快啲食完佢,催左4次。好,我地食快啲,到最後20分鐘叫佢收野,咁我想講我地本身唔係啲浪費食物既人,係因為佢地催得太厲害所以有少量既野食唔哂(3粒丸,有啲粟米,有啲覺得唔好食所以無食既野),咁大家打咁耐邊爐,無野食剩真係好難,始終出到黎既份量唔係我地預到,點知個肥經理過黎話咁樣要收費,如果清哂個鍋入面呢野,就計我地一碟錢,當中既態度係極度囂張,我想講個鍋入面有好多都係湯料,係咪要我地食埋啲鱷魚骨??擾攘一輪後,我地最後決定由得佢收,無謂同呢啲人嘈,想賺多幾十蚊就比佢賺,咁叫佢上蛋糕啦,真係好野,上完個蛋糕唔比碟同叉,再問個侍應拎竟然一番唔願意之下應左我地,但係最後都係唔比,係個肥經理過黎話就黎夠鐘,我地一切就會過時,要收錢,真係太離譜,其實仲有成10分鐘先夠鐘,咁我地呵嘈落去,佢當我地有仇就無謂比錢買爛壽,拎番個蛋糕走。今次之後,我唔會再去,亦都會叫人唔好去,佢地好生意到坐多一分鐘都蝕左,咁我唔阻佢做生意,我想講,一間好既餐廳最重要唔係啲野食,係個服務,一個差既餐廳經理係可以趕走好多客,食客咁多選擇,你又唔係特別平,我覺得好悔辱,我先忍唔住問acc寫評語。…查看更多