Ncfoto的個人專頁

一去到門口，個印象已經麻麻地...故事由頭說起...話說有個住元朗的朋友話金田抵食又算好食...好過去食田中，咁岩我又係元朗，就去一試開住open rice去搵...終於去到門口...個時爭少少10點，企左係門口幾分鐘都無人理叫又無人應再等多陣，終於有人出門口，都只係求求其其問幾多位，連叫你「請等一等」都無就行返入去轉頭先出黎話有位...一坐低，望一望份menu，其實價錢都唔算話好平，一件長壽司都十幾廿蚊...不過個set 「n件x寸」的壽司就幾抵咁我地兩人就落order，要左兩份　「5件8寸」，有三文、鰻魚、章紅、八爪同...唔記得左...(我點解會唔記得呢...下文分解)我另外再叫多件8寸吞拿魚+大甜蝦等左十分鐘左右，有一份8寸終於上枱...咁我就叫朋友先食，所以無影相5件壽司用個小木板盛住，望落真係又長又有睇頭等多陣，又上左份吞拿同大蝦...影完相，我就奇怪點解我份5件8寸未到呢...望一望張電腦單，原來漏左單諗一諗...都係唔叫住，費事中伏原因再下文分解其實第一份8寸上枱時...已經見到壽司唔多新鮮，望落反光度不足，又好似鞋鞋地咁...我先決定唔追單...再望一望自己舊吞拿...就知奶野飯size正常...魚生薄...係得個長長長長長長字............件舌拿肉鬆散，又鞋，有心人望下張相，睇下見下d肉網紋...我真係以為是牛脷...一食...真係唉一聲，所見＝所得，絕無欺場...件甜蝦就...ok啦，大件鮮甜，幫佢加返少少分(我後尾睇返相...隻蝦似乎...無挑腸但我唔sure，此不評論)我朋友見我得兩件食...好心咁分兩件比我我就要左件八爪魚同章紅魚...又係所見所得件八爪魚乾身...韌...章紅...一樣...一條堅韌的魚好似咬菜咁，扯緊都唔爛好彩無追返我張單走食晒...即時走人...埋單時見有人order左特大壽司卷蛋...好似好得意。早知要呢個啦食完一次...機會...我可能比多一次...可能不過真係貪得意食第一次就夠...魚生唔新鮮，飯又唔係握得實...晚上十點去食呢個價錢，食一壽司仲好起碼都新鮮，飯功好...今次真係伏已中…查看更多

新年前後出左一大堆血，近日又食左d比較上等的食物，緊係慳得就慳今次就午飯都唔食，趁Tea出去Hea一Hea食平價野。灣仔區要平又食得…真係幾少選擇又唔想食老麥，再興又怕怕。左諗右諗，醒起recruit介紹左呢間平價豚肉飯．咪入去試下。入到餐廳，見到menu都幾多選擇，下午茶仲要13蚊! 左度右度…又驚唔夠食，見佢飯餐都唔係貴，都唔過$30。串燒仲要5蚊串，最後揀左個招牌果汁炸豬扒飯話晒都第一次入黎，就試住個細size先。再加多兩串串燒，加埋都唔過$40應該夠食掛?買完飛，拎左個籌(個籌其實可以設計得好少少…)，等左陣就有得食。豬扒都算大件同厚身，而且炸到金黃色仲切好件，抵讚再望下d醬汁，黑黑地色，左諗右諗都唔明點解叫果汁。就多口問下店員，原來醬汁係用左菜蜜+蔬菜汁整成， 所以叫果汁。雖然好似怪怪地，但聽落又幾健康而且試落又覺得唔錯，甜甜地唔漏，帶少少酸，又幾惹味，送飯同配炸物都唔錯食左一陣，串燒又到。今次試左肥牛同雞肉。串燒燒得岩岩好，唔會乾爭爭，又唔會燒到燶晒黑蚊蚊雞肉肉質都係滑滑又彈牙，5蚊黎講係交到貨。講返碗飯, 雖然係細size，但都夠食。而且又係珍珠米，算係咁。點都好過對面間越南野同再興。一個又貴又扮大碗成$40蚊碗湯河得兩片牛肉，串燒又係差唔多40蚊先得幾片仲要又硬又鞋口，真係以為自己食緊牛肉乾...另一個的飯又唔係人食…至於要改善的地方，一來d門面野可以做靚d，二來件豬扒可以再切多幾件，依家切4件其實好快就咬晒…同埋醬汁應該淋少少落碗飯度，方便用黎送飯。呢間野豚肉飯，行過咁多次都無留意，估唔到一試又有驚喜。糧尾時用黎救命，又真係唔錯。…查看更多

晚上8點幾去到，唔洗等位就有得坐平時行過都叫多人，今次又會咁好彩可以直入一坐低，份Menu真係睇到眼花，因為實在太多款...花左一輪時間先搞得清最後叫左個套飯, 因為最抵, $8x包湯, 沙律, 任選意粉+特定食品(pizze, 焗飯, 咖哩)同飲品奈何無得upgrade上特飲, 美中不估叫完...5分鐘內已經上左湯, 飲品同沙律食緊沙律時...連個咖哩飯都上埋洗唔洗快到咁...食多幾分鐘, 最後的意粉都出現埋上餐速度特快...一張二人枱已經滿到無位放，仲快過快餐，呢個感覺真係唔太好好似想快快趕你走咁不過食物真係唔差湯清味濃配菜多，足料沙律汁的份量岩岩好，唔好太多令味道重左意粉同飯的份量夠，兩樣加埋夠食夠飽，呢兩樣的整得幾好，起碼唔會腍、多水、太生太熟。飯係飯，意粉係意粉咖哩味道都好好，一般的日式咖哩，各方面都夠汁夠味，水準之作食品的質素唔差，環境都唔錯，價錢中上，得閒扮High Class都唔錯唯一唔滿意係上菜的速度實在太快，一路似趕你走，二來似唔洗煮咁美中不足…查看更多

放飯時間，同事話想食越南野，就去左呢間肥牛粉。但點知係惡夢的開始我叫左個生牛肉熟腩粉，同事就叫左個招牌牛肉粉，同埋一份串燒沙嗲。原本想叫賣特飲，點知特飲係另計無得跟餐，成$20杯，所以無叫上枱時，見到碗野大大碗，又多配菜，以為OK啦...點知個D配菜原來係僭建物，用黎幫碗野堆砌肥牛得兩片，仲要紙咁薄，真係食刀功牛腩好少少，有三舊，可能我叫的係雙併同事就慘了，個招牌粉又貴過我...只係多左樣牛肚的東西...生牛肉，食得出唔係街市買的打邊爐肥牛，因為成塊牛的肉質和脂肪散到一舊舊，正宗一夾就散再附送華山刀法，切到Ｄ肉薄一薄，唔食得都睇得牛腩...幫佢拉返唔少分，夠熟夠腍，有牛味，抵讚。個湯...最失敗成碗都係味精，飲多一啖都嫌多串燒...失敗中的失敗...$35得4條都算，Ｄ肉又鞋又實又乾又韌...唔知以為自己叫左臘肉串燒同肉乾串燒難聽D講真係可以用黎玩飛鏢又貴又唔抵，仲要落重味精，真係無下次…查看更多

有時星期六、日會去旺角，夏雪就成為我下午茶落腳的地方環境都唔錯, 1樓夠情調2樓夠光猛, 兩種感覺係度用餐, 一般都會同朋友叫一set兩份的卷物share, $24蚊兩份 8件, 算係抵加洲卷和黑蜘蛛卷都好好味每人再叫多個下午茶餐就岩岩好今次就叫左軟殼蟹炒飯成碗飯賣相都好好...係軟殼蟹唔夠熱不過都好脆好彩蟹子特多夠重手飯都炒得香口乾身, 好好咬感每人大約$40-$60, 日式下午茶選唔錯…查看更多

返工的最佳活動就係搵下附近有乜好食, 睇完openrice, 就心思思想試榮式燒雞, 今次就揀呢間講抵食就唔算, 話晒都40蚊, 但係幾好食讚藕餅真係好好食, 唔多粉, 用豬肉同蓮藕製成肉餅, 煎完之後好好食件雞扒煎得皮薄香脆, 咬落去好似食薯片咁, 正 而且又夠大件, 肉質滑嫩, 估唔到第一次食就有驚喜彈個飯邊有一堆九唔搭八的蔥油, 係食叉燒油雞個d蔥油放係度真係唔知做乜整到d飯成陣蔥油味, 又油膩又難食, 蔥油唔止同飯唔夾, 同雞扒都唔夾乜無第2種醬汁咩要上蔥油都分開上啦, 係唔係都放落去用多少少心機揀第2種醬汁好過啦成碟飯最失敗就係呢度有心食的朋友記住叫佢地分開上 或者走蔥油…查看更多

打開openrice去搵食, 一見就係再興心諗實無死啦, 放飯時間真係排晒隊, 咁誇張應該有料到可能我地只係兩個人的關係, 等左陣, 十分鐘左右啦, 就有得坐, 見d食評咁正, 就想試下個叉燒。不過見乳豬又好抵...咁就整左個雙併唔洗幾分鐘, 就有飯上枱, 望一望, 飯豬皮光肉滑仲有炭香, 應該唔錯, 叉燒就正正常常一食, 隻豬真係要讚, 真係有炭香又有油香, 仲正過擺酒食個d但個叉燒就...有陣味!!炭火味加陣怪味, 又似「雪藏味」又似「粟味」唔掂個飯仲慘, d飯又生又熟...又散又爛...似磨牙多過食飯...分分鐘仲差過街市個d外賣飯盒廿幾三十蚊...係灣仔區係抵食...但你真係要接受到佢d飯囉...唔該食過一次真係怕...我又唔係要食晒你成隻豬燒得幾好都無用...…查看更多