LaHaMo的個人專頁

星期六去咗西九龍故宮博物館睇埃及古文明展覽，睇完差唔多6點，book 左枱食飯又未夠鐘，見到有幾部美食車就想買啲小食食下。行完一圈，最後買左八珍美食車嘅XO醬燒賣。………………………………………………XO醬燒賣 ⭐️⭐️⭐️⭐️⭐️$20有6粒，燒賣幾煙韌，好有咬口，豉油同XO醬都偏甜，個人幾鐘意。………………………………………………睇返資料原來八珍美食車係2017年已經存在，用嘅都係香港老店八珍甜醋嘅醬料，值得支持。…查看更多

星期六去咗西九龍故宮博物館睇埃及古文明展覽，睇完差唔多6點，book 左枱食飯又未夠鐘，見到老虎堂黑糖專売就買杯手搖飲品飲下。………………………………………………波霸豆腐花厚鮮奶 ⭐️⭐️⭐️⭐️⭐️⭐️奶味好濃郁，但係吸到豆腐花嘅時候又同時保留到好濃郁嘅豆味，甜度完美，波霸軟硬適中，非常好飲！………………………………………………老虎堂黑糖專売其實係香港都開咗好耐時間，不過好早期飲過一兩次之後，就無咩印象同興趣。唔知係咪肚餓，依杯嘢飲真係好有驚喜，好好飲！…查看更多

行完山頂盧吉道，行返落山，經過香港大學，落返石塘咀搵餐廳食晚餐，見到依間裝修得幾特別嘅燒味舖，望到啲叉燒燒得幾靚，就決定入去試吓。三公叉燒皇係一間2025年新開業嘅燒味舖，我哋叫左初戀叉燒  +  燒腩仔飯，古法燒鵝皇＋初戀叉燒 瀨粉 。當日，餐廳仲有免費提供兩款清熱飲品，雖然味道淡淡的，但免費的就好加分！………………………………………………初戀叉燒  +  燒腩仔 飯 ⭐️⭐️⭐️⭐️⭐️古法燒鵝皇＋初戀叉燒 瀨粉 ⭐️⭐️⭐️⭐️⭐️⭕️ 燒腩仔燒腩仔皮脆卜卜，腩肉肥瘦一層層，幾好味。⭕️ 初戀叉燒叉燒都好出色，燒到燶邊，瘦肉連住肥肉再連另一舊瘦肉，無筋，味道好好。⭕️古法燒鵝皇燒鵝好肥美，肥膏入口即化，表皮亦都燒得鬆化，Juicy 好味！⭕️ 瀨粉今時今日已經比較少地方食到瀨粉，三公的瀨粉幾爽滑，好味。………………………………………………港島食飯依個價錢，依個質素，絕對係糧尾恩物。…查看更多

無限拉麵係嚟自大阪嘅拉麵店，主打用牛骨熬製湯底，之前經過都見到大排長龍，近期平日放工時間，見排隊嘅人少咗啲啲，就即刻想去試吓。我哋叫左牛骨白湯拉麵、牛骨麻辣叉燒拉麵、特製和牛丼飯。………………………………………………牛骨白湯拉麵 ⭐️⭐️⭐️⭐️ $98麵條屬於幼身個種，口感偏有咬口。湯底好濃郁，奶白色，好有牛骨湯味。配菜有叉燒、和牛、蔥、洋蔥等。 我另外仲加左一隻溏心蛋。配料都好食！牛骨麻辣叉燒拉麵 ⭐️⭐️⭐️⭐️ $108湯底一樣都係牛骨湯，不過就多左麻辣肉碎同辣油，好惹味。配菜有叉燒、肉碎、蔥、洋蔥等，不過就無和牛片。特製和牛丼飯 ⭐️⭐️⭐️⭐️ $28丼飯有兩大片和牛同埋生雞蛋，攪勻一齊食，味道層次好豐富。………………………………………………拉麵店的座位比較少，門口有部機器，買完拉麵返埋位就有店員送上拉麵，店員都好有禮貌。…查看更多

尖沙咀多好嘢食，今次搵到間餐廳又有西式嘢食，又有冰食，味道同裝修都好好，整體好值得推介！………………………………………………芝士忌廉耳朵粉 ⭐️⭐️⭐️⭐️芝士同忌廉味都好濃郁，個汁好creamy，耳朵粉軟硬適中，口感好好，濃味得嚟唔會好滯，好好味，推介！蒜醬封門柳滑蛋-酸種麵包 ⭐️⭐️⭐️⭐️⭐️封門柳幾嫩，幾有肉味，用鹽同蒜醬調味得啱啱好，配埋滑蛋、酸種麵包一齊食，好味！避風塘薯條 ⭐️⭐️⭐️⭐️⭐️薯條炸得外脆內軟，炸蒜味加少少辣，好惹味。開心果杜拜朱古力 ⭐️⭐️⭐️⭐️份量超多，面頭超濃味，一路食落下層原來仲有開心果做嘅餡料，底層唔夠味嘅地方仲預左一兜朱古力醬比你加落去。………………………………………………尖沙咀食嘢都唔平，Lab Zero 位於金巴利道，離開最繁忙嘅地段少少，所以價錢相對算係抵食。不過餐廳嘅服務就比較有”特色”，裏便係有侍應嘅，但係餐具、水都係自助服務，而店員係唔會同你講，呢方面真係值得改善一下。…查看更多

中秋節同屋企人簡單食餐飯，又唔想食中菜同人迫，就近近地係啟德食Hà Nội 越南菜。………………………………………………香茅豬扒湯河粉 ⭐️⭐️⭐️香茅豬扒味道唔錯，湯底都正常，但係河粉就有啲黏，個人唔太鍾意呢種口感。順化牛肉撈檬 ⭐️⭐️⭐️⭐️牛肉係薄切烤牛肉嗰種，撈檬加埋啲酸辣汁一齊食，好開胃，幾好味。越式咖喱飯 (牛腩) ⭐️⭐️咖哩有陣類似南瓜嘅甜味，個人唔鐘意。鹽焗香茅馬友 ⭐️⭐️⭐️⭐️馬友魚幾肥美，幾夠味，適合鐘意濃味嘅朋友。凍越南滴漏咖啡 ⭐️⭐️⭐️苦澀味有點太重。………………………………………………因為中秋節早左收工，差唔多5:40 pm 入去食飯，發現原來下午茶時間去到6點，即刻落單，慳返唔少錢。…查看更多

恆香老餅家絕對係香港老字號嘅傳統餅店，講起老婆餅，一定會唸起元朗恆香。依家恆香仲做埋茶餐廳，真係無論香港人定係旅客都應該試一試。我哋叫左2份下午茶餐，分別係奶黃流心西多士餐 同 沙爹牛肉蛋包配沙律餐。………………………………………………奶黃流心西多 ⭐️⭐️⭐️賣相唔錯，金黃色加上脆邊蛋絲，不過切開明顯蛋漿吸得唔夠，面包心仲係白雪雪，而奶黃餡我個人覺得太甜。整體一般。沙爹牛肉蛋包配沙律 ⭐️⭐️⭐️配搭幾特別，但係食落無咩驚喜，味道一般。沙律就幾好食。凍檸茶⭐️⭐️檸檬新鮮，但係茶味唔夠。凍好立克 ⭐️好淡，味道好麻麻。………………………………………………幫襯完恆香冰室，可能期望過高，食物質素確實有些少落差。不過如果未食過，我個人覺得都可以試吓。…查看更多

有田牛.和牛丼本舖係鷹君中心近1、2個月新開嘅餐廳，同隔離嘅豚王屬於同一個飲食集團。餐廳裝修幾靚，餐牌都幾用心設計，主打食日本和牛丼飯，就幫襯下。………………………………………………咖喱和牛漢堡丼 ⭐️⭐️⭐️ $108日式咖哩同和牛漢堡都係正常水平，無咩特別。野菇燒肉溫泉蛋丼 ⭐️⭐️⭐️ $108野菇同燒肉份量都幾夠，味道都還好，不過汁嘅味道就有啲似中式牛柳粒嘅醬汁。而牛的肉質唔差，但係就比較瘦同唔太有牛肉味。溫泉蛋係溏心，個人覺得幾有驚喜，幾好味。和牛餃子（有田牛）⭐️⭐️⭐️ $78餃子皮都脆口，和牛肉餡有牛肉根，朋友覺得唔錯，但係我就唔鐘意食根，加上唔多肉汁，所以我個人覺得一般。味噌湯⭐️⭐️味道偏淡，麻麻地。………………………………………………當日星期六晚上7點，餐廳得2枱客，個頭夜晚都幾靜，變相餐廳環境人少少其實幾舒服。丼飯價錢其實算合理，不過和牛餃子$78 得4隻就偏貴。…查看更多

雲南老巷係長沙灣嘅一間地區小店。我叫左酸辣炸醬米線 (小辣) ，餸揀左魚片同韭菜餃。另外 叫左口水雞 同 蒜泥白肉share 食。………………………………………………酸辣炸醬米線 (小辣) ⭐️⭐️⭐️⭐️湯底味道唔錯，好有雲南風味，配菜有芫荽、蔥 同埋 肉碎。米線幾滑，軟硬適中。整體係好食。⭕️ 魚片唔係蛋蛋個種魚片，係鮮魚片，食落無細骨，魚肉肉質係我鐘意個種，唔會太林，亦唔會爽脆個種質感。⭕️ 韭菜餃薄皮個種水餃，韭菜豬肉餡料都好味。口水雞 ⭐️⭐️⭐️⭐️份量好多，口水汁好味，雞件肉質就正常水平。蒜泥白肉 ⭐️⭐️份量都係好多，不過肉片切得好厚身，蒜泥味都唔夠。………………………………………………整體幾有雲南特色，味道都算唔錯，而且價錢平，行過路過都不妨幫襯一下。…查看更多

港澳義順牛奶公司係澳門開業多年的甜品店，之前去澳門試過佢同 The Cotiz 聯乘嘅牛奶雪糕雙皮奶覺得好好食。有一晚係銅鑼灣食完晚飯，行過見到就想入去食碗雙皮奶。舊式老店的經營方式都好有趣，落完單會有一張印滿銀碼嘅卡紙用嚟結帳。有趣嘅係有啲數字係無嘅。………………………………………………凍雙皮奶 ⭐️⭐️⭐️⭐️⭐️⭐️奶味好濃郁，甜度剛剛好，口感又好滑，好好食，值得推介！………………………………………………原來香港得返銅鑼灣依間義順，希望咁好食嘅雙皮奶可以繼續係香港食到啦。…查看更多

曾三仙川渝米線大王位於太子花墟附近，同一條街都有好多間餐廳，曾三仙望落就似好正宗嘅中國餐廳，因為好耐無食麻辣嘢，所以就決定入去試吓。湯底選擇都幾多，原本打算叫牛油火鍋湯底，但係見到備註話強勁麻辣，驚辣得滯，最後揀左泡椒湯底，餸就揀左嫩牛肉同埋豆腐卜，嘢飲叫左冰糖山楂凍、炸蝦滑、紅糖豆花。………………………………………………泡椒湯底米線 ⭐️⭐️⭐️根據餐牌嘅描述，湯底的辣度係屬於中辣，都真係幾辣，我平時食開譚仔三小辣就勉強食到依個辣度，都辣得幾過癮。米線幾滑，軟硬適中。配菜有海帶絲、生韭菜 同埋 番茄，海帶絲有啲黏牙。整體係一般，而且食完會口渴，不過原煲上都幾有特色。⭕️ 嫩牛肉 ⭐️⭐️牛肉份量唔多，而且好大一塊，亦都有筋，麻麻地。⭕️ 蘭花幹⭐️⭐️⭐️⭐️類似豆腐卜，幾吸湯，軟硬程度適中，唔錯。炸蝦滑 ⭐️蝦滑好林，又唔太脆，亦冇咩蝦味，我個人唔太鐘意依種口感。紅糖豆花 ⭐️⭐️⭐️味道幾濃，幾重豆奶味。冰糖山楂凍 ⭐️⭐️⭐️幾清甜解辣，不過山楂味比較淡。…………………………………………………查看更多

和民居酒屋都屹立香港好多年，路過旺角午餐唔知食咩好，見到和民有午市定食，就決定試吓。定食價錢包左茶碗蒸、沙律、麵豉湯 同埋 飲品。………………………………………………叉燒豚骨醬油拉麵＆鮭魚壽司定食⭕️叉燒豚骨醬油拉麵 ⭐️⭐️⭐️配料有四片叉燒、一隻溏心蛋、紫菜同埋蔥。湯底係豚骨醬油味，食完少少口渴。整體屬於普通水平。⭕️沙律 ⭐️好乾唔夠汁，麻麻地。⭕️茶碗蒸 ⭐️⭐️⭐️蛋蒸得幾滑，配料就正常水平。⭕️鮭魚壽司 ⭐️⭐️⭐️⭐️三文魚幾新鮮肥美，比正常好嘅水平。和民石鍋泡菜飯定食 ⭐️⭐️⭐️⭐️有韓式辣醬同牛肉嘅石鍋拌飯，幾好味。章魚小丸子 ⭐️⭐️⭐️另外加左個小食，上菜的時候熱辣辣，味道正常，不過似係冰凍預製個種章魚小丸子。蜂蜜生薑梳打 ⭐️⭐️就係梳打水加蜂蜜生薑醬，要自己攪拌，都攪左唔少時間先攪勻。………………………………………………和民居酒屋的午市定食價錢都算正常水平，唔係平都唔算貴，不過食物質素就不過不失，正正常常，無咩驚喜。…查看更多

講起近期冒起嘅米線舖，一定有依間川品雲南米線份，分店都擴充得好快，原來新蒲崗一早有分店。 我叫左小鍋米線 (麻辣湯小小辣) ，餸揀左紫菜、豬頸肉 同埋 鹹蛋流心丸，嘢飲叫左凍檸檬茶。………………………………………………小鍋米線 ⭐️米線煮得唔夠林，朋友叫嘅薯粉硬到肯定係未煮熟，但係店員堅持係正常嘅。不過店員嘅態度係還好嘅。麻辣湯（小小辣） ⭐️⭐️⭐️⭐️湯底揀左麻辣湯小辣，湯底味道濃郁，配菜有芽菜、酸菜、韭菜 同埋 肉碎。整體係好食，但係食完會口渴。豬頸肉 ⭐️⭐️⭐️⭐️⭐️豬頸肉好味，幾香口肥美，啲肉又唔會爽，不過美中不足就係冇另上，比啲湯浸林左少少。鹹蛋流心丸 ⭐️⭐️⭐️⭐️第一次見到依款丸，外層係類似魚丸嘅質地，裡面係鹹蛋醬，幾好味。紫菜 ⭐️⭐️⭐️⭐️中式紫菜，吸左湯幾好味。凍檸檬茶 ⭐️⭐️茶味唔夠濃，麻麻地。豆漿 ⭐️⭐️⭐️響鈴牌豆漿都係第一次見，正常味道。………………………………………………除咗當日啲粉煮得唔夠林，同埋飲品麻麻地之外，其實湯底同餸都屬於好食嘅，所以整體嚟講叫OK 啦，有機會都會再幫襯多一次，睇吓啲粉係咪都係咁硬。…查看更多

京都勝牛係一間日本連鎖炸牛排店，香港暫時得Airside 一間分店。我哋曾經喺沖繩食過一間類似嘅餐廳，都係食吉列牛排嘅，當時覺得唔錯，就決定試下京都勝牛。我哋今次叫咗經典元祖牛御膳、銀鮭御膳，另外加咗半份西冷。值得一提嘅係，御膳本身已經包咗白飯、京椰菜同埋味噌湯，而且仲可以免費任添。………………………………………………經典元祖牛御膳⭐️⭐️⭐️⭐️吉列西冷 ⭐️⭐️⭐️根據餐廳介紹，牛排會用高溫快炸60秒將麵衣炸至酥脆金黃，令到內裡維持3分的鮮嫩熟度，餐廳會提供鐵板比我哋自己按喜歡生熟嘅程度再燒熱啲牛肉。元祖牛其實係翼板牛，我覺得牛西冷肉質林啲，但係元祖牛就牛味重少少，不過味道都係唔差得遠，牛味唔夠濃。個人較喜歡翼板牛。銀鮭御膳 ⭐️⭐️⭐️⭐️銀鮭即係三文魚，炸完之後半生熟，魚肉肉質鮮嫩，好有魚味。味噌湯⭐️⭐️⭐️⭐️⭐️特別推介，好好飲，飲左2碗。………………………………………………餐廳會提供不同的調味料比你點，個人都係偏好用鹽。餐廳整體裝修同服務都幾唔錯，令依個價錢嚟講，牛嘅質素算正常水平，相信如果叫啲貴價位啲嘅牛會好食好多。…查看更多

棋哥燒鵝餐室位於銅鑼灣鵝頸橋，係港九唔同地方都有幾間分店，據說仲有一間棋子燒鵝係棋哥老闆個仔開嘅。………………………………………………叉燒燒肉飯 (加咸蛋)⭐️⭐️⭐️燒肉皮脆卜卜，幾好味。而叉燒我就覺得都唔差，但係醃料味道太重。另外$5加咗半隻鹹蛋，鹹蛋質素好高，走油嘅。餐廳仲奉送少少榨菜，我覺得依方面幾用心，加分。凍奶茶 （少冰少甜） ⭐️⭐️⭐️正常凍奶茶，無咩特別。………………………………………………餐廳裝修都算唔錯，不過以燒味飯嚟講，價錢就有少少偏貴。…查看更多