晚上七點去買粥，見執緊野，但一直都24營業，就問下仲有無粥買，點知職員嬸A答我：唔知喎我都呆左下，唯有再問其他人，就話已經無粥買，咁諗住走啦，點知嬸A 行出黎睇唔睇就執起個紙箱撞到我，sorry 聲都無就咁衝返入鋪。之前聽人講侍應轉哂後就差左，起初都唔信，而家自己親身經歷，德發個名俾佢地做衰哂。…查看更多
以上食評乃用戶個人意見 , 並不代表OpenRice之觀點。
3
CHEF STAGE de Eddy Chu
2018-10-27
同男友慶祝生日，訂位時已經要求話坐窗邊睇到境既位，佢話盡量安排，咁都知會好難做到，所以都無期望唔太大，結果去到佢俾左中間位我地，坐正係蛋糕櫃前，俾男友見到我幫佢預訂既蛋糕，🤦🏼♀️又嘈好似去左街邊食野咁，所以我都即時再要求坐窗邊位，佢地就話有人走可以安排我地搬去坐。到叫野食時都仲好好服務，係咁不斷推薦我地食個最貴既餐，因為見份量太多所以我同男友最後都係各自叫左個一人餐就算，個侍應話會有杯酒問我地飲咩，我地話唔飲酒唔要，咁佢就話調杯特飲送俾我地，到問題黎喇，上菜竟然上左個貴既餐刺生俾我地，我地就話無order 叫呢個餐，咁就收走左個刺生，之後個侍應發覺我地無叫貴既餐後，態度180度變，仲走黎同我地講，因為你係唔係叫貴果個餐所以杯野飲要收錢，我同男友都呆左，一開始我地都話唔要，而家見我地唔係叫貴既餐就黎收返我地錢，呢個咩道理？而且果杯野係佢要格硬俾我地，但見今餐係同男友慶祝生日，我都唔想有d 咩爭吵，所以就由佢收兩杯野飲既錢。仲有我要求坐窗邊位既事，當然個侍應已經無理我地，我見窗邊位有人走左佢都無叫我地調位，我地最後埋單都$1300都唔平，但就因為無叫貴餐，就得到咁既服務，呢間野唔會再去！好失望…查看更多
以上食評乃用戶個人意見 , 並不代表OpenRice之觀點。
讚好
用餐途徑
堂食
