IreneYip5763的個人專頁

呢間餐廳由covid 開業到而家成日都好想試下，前幾日機緣巧合下去左同朋友食。叫左$128 炸豬扒炸蝦蛋包飯，可惜唔記得影相但得3粒尾指咁大既豬扒同2條又係尾指大既蝦。成碟野既味道只可以講唔難食，只要你對食物冇期望冇要求。不過如果有小朋友比佢地去玩應該係開心既，負責遊樂設施個姐姐都對小朋友好friendly 好好人，又有送小玩具比佢地。反而reception 負責叫飛安排座位個阿姐就西口西面，唔想你幫襯咁。結論：唔會有下次。唔知點解可以咁耐都仲喺度，可能又係信和旗下🤷‍♀️大角嘴咁多好食既小店真係唔需要喺度食。…查看更多

雖然食物種類不多，不過湯底的確真材實料，好好味，完全無味精既感覺。如果小食選擇可以多一點會更好👍🏻上每一道菜都會細心解釋最佳食法，睇得出係好用心同認真去經營，加油！…查看更多

前晚大概9點去到店外諗住買珍珠奶茶，應該咁啱已經收鋪。個店員一開始講左句「收左舖la」。ok, 冇問題。我同我老公只係企左喺度咩都冇講研究下個menu有咩茶，過左5秒個店員再一次好冇禮貌好大聲講「收左舖la!!!!」係咪睇下menu 都唔得？其實如果佢覺得我地聽唔到佢話收左舖以為我地仲想order, 可以客氣少少加多句唔好意思…. 咁既服務態度真係以後都唔想再幫襯！而家大把選擇，絕對唔洗揀天仁！😡…查看更多