kandicekooonnnnnn的個人專頁

📍 Chatterbox express (太古)今日就同朋友嚟到新加坡文華大酒店呢間過江龍，呢度地方好大，燈光夠強，都算舒服👍🏼 今次就叫左兩個主食，一個小食同兩杯飲品=============================🔸文華海南雞飯呢個set有一個雞湯，味道清澈，有淡淡嘅雞味！海南雞超級滑，係我食過最嫩的雞飯😍 再配埋油飯真係好正😎=============================🔸咖喱雞煲配白飯雞煲熱辣辣，雞件同樣好嫩滑，咖哩唔算辣 反而係多啲椰香🤩=============================🔸 雞肉沙嗲沙嗲醬好惹味，甜甜地，配埋雞肉串！雞肉燒得啱啱好，唔會乾😄=============================🔸 原個鮮椰青原個椰子好新鮮！飲落超級fresh，勁refreshing😆😆=============================🔸 美祿恐龍原本仲驚呢杯嘢飲會好甜，點知甜度都接受到，味道仲好濃😆=============================評分: 9/10📍尖沙咀梳士巴利道18號Victoria Dockside K11 Musea B1樓B110號舖…查看更多

📍 Nardo’s Cafe (旺角)今日就同朋友嚟到旺角的樓上cafe諗住同朋友chill下，呢度雖然唔係好大，但都坐得好舒服👍🏼 仲有board game玩，好推薦呢個cafe俾大家啊🤩 今次就叫左兩個小食，兩個意粉同一件蛋糕🍰=============================🔸蒜香雞翼雞翼total有8隻，新鮮整出嚟，焗到勁香！入面好juicy😝 好有肉味！=============================🔸吉列黃金蟹鉗一見到呢個小食就想叫，諗起細個小息部賣嘅蟹鉗。肉質尚算彈牙，熱辣辣新鮮炸好🤩=============================🔸 芝士忌廉雞肉闊條麵呢個闊條麵同樣份量都係好大，上枱時個碟仲好熱。入邊有滿滿的雞肉條，鋪住滿忌廉醬，闊條麵入晒味！=============================🔸 忌廉菠菜煙三文魚長通粉煙三文魚咸咸地，菠菜份量都好夠，調味啱啱好，真係飽到傻左🤣🤣🤣=============================🔸 藍莓芝士蛋糕芝士蛋糕唔係好甜，夾埋藍莓醬啱啱好，一個人可以ko一件😍=============================評分: 9/10📍 旺角彌敦道594-596號旺角新城8樓…查看更多

今日去左朋友推薦係尖沙咀既呢間泰國菜。位處於海防道，非常就腳，尖沙咀站A 出口行兩分鐘就到。上到餐廳見餐廳有室內外既座位。今日唔算太熱，我地決定坐出面。整間餐廳既佈置同裝潢都好有泰式風味。室外既位置比室內好似更加寬敞，我地坐左係室外靠近路邊既位置，見到路邊既人同車，加上對於九龍公園。感覺好似去左曼谷鬧市餐廳食飯咁，感覺唔錯。野食方面，我地分別叫左：小食拼盤泰式炒椰菜苗鹽燒牛舌串燒串燒沙嗲雞泰式蝦肉炒金邊粉小食拼盤有4款，有我最鍾意既蝦餅同魚餅，每款都整得好食！牛同雞串燒就普通，不過不失啦。而最驚喜係個燒老虎蝦，真係上到台個侍應先即場點火燒隻蝦，好有風味！炒金邊粉同椰菜苗就好有質素，平時d所謂泰國餐廳好多時都整到好似炒河粉咁，但呢間就好有係泰國既味道。野飲都有好多款選擇，又cocktail 同普通泰式飲品。我地就叫左椰青，都好清甜，下次有機會都想試下佢d特色cocktail總括黎講，呢間泰國野野食都好高質，即使開係旅客旺區價錢都相宜，性價比高，值得再次回頭！…查看更多

入到去餐廳，仲趕得切見到日落同維港既景色，非常之靚。餐廳室內環境非常光猛同埋新淨。座位亦十分舒適同寬敞。最估唔到係呢度呢仲個大嘅projector 播啲k歌 勁開心！我哋叫咗三款湯底，分別係麻辣、養生滋補藥材湯、豬骨湯麻辣湯底唔會太油，亦有10分香嘅麻辣香味。養生藥材湯味道好鮮甜，有好香濃嘅藥材味。豬骨湯同普通火鍋店嘅味道都差不多。所以比較推薦嘅係麻辣湯同養生藥材湯。由於我哋都有啲肚餓，所以我哋叫咗份羊肉串同埋小酥肉。賣相同埋擺盤都好靚。羊肉識落有好香嘅香料味之餘，羊肉亦10分鮮味。我地兩個人叫左超多火鍋配料其中最鐘意係醉雞！感覺上醃左唔少時間，酒味好濃，配埋個湯底岩岩好。肥牛片同羊肉片都好有肉味，亦唔會好Un最得意係佢個蝦滑 整到好似心形咁！味道來講就覺得墨魚滑好食啲 整體來講都好滿意 下次有機會再嚟呢頭就會再食呢間！…查看更多

📍M Zone 親和藝術今日就同朋友嚟尖沙咀的酒店餐廳，因為大家都唔係好肚餓，就叫左兩個意粉，一個pizza share食😋 =============================🔸 大蝦鮮茄意粉😊呢個意粉有幾隻大蝦，食落都幾彈牙👍🏼 意粉煮得軟硬適中，茄汁幾鮮甜，唔似落茄膏，似係新鮮蕃茄😆=============================🔸 卡邦尼意粉呢個pasta🍝 食落好creamy 醬汁用上忌廉 面頭沈左好多芝士粉 意粉的軟硬程度適中，溝埋入面的煙肉碎，味道好幾香濃😆 =============================🔸 鮮茄羅勒煙肉pizza呢個pizza係薄底 入邊有好多芝士同蕃茄仔 鮮勒味都好重！整體都幾唔錯=============================評分: 8/10📍 尖沙咀漆咸圍9-11號若璠閣地下…查看更多

今日踏完單車，係大圍還左車之後，就黎左係大圍站附近既大圍小館試下呢度既中菜。黎到餐館門口，見到一盞盞既大紅燈高高掛，而且餐館牆身﹑大門及至到接待員既高身櫃台都有濃厚既中國古式味道，彷佛如古城中既食館，雕梁畫棟，好比瓊樓玉宇！由於我地一早訂左位，所以店員好快就安排我地入座。入去到去見到裝潢古色古香得黎又簡潔乾淨。枱與枱之間十分寬敞。而且近口路既位置會有古典式屏風擋住，令到係果幾張枱既食客唔會係用餐既時候受到太多其他人既騷擾，十分細心！仲有，呢度非常貼心既一點係，係圓枱上有準備酒精揉水液，方便大家消毒雙水準備開餐！係睇餐牌叫野食既時候，店員先上茶同頭盤，頭盤係酸梅浸苦瓜同琥珀合桃，酸酸甜甜，幫助開胃，味道亦十分唔錯！而茶葉一飲就知係靚茶葉。佢地個茶壺亦十分精緻，除左係壺左印有＂大圍小館＂之餘，仲有個小牌寫明呢壺係咩茶，由準備一茶壺既細微位，反映出其用心經營餐館既程度可以一斑！當然食物都非常之超水準，真係喜出望外：1. 第一叉（半份）雖然只係半份，但我地兩個人幾乎食唔晒。食落口肥瘦非常平均。另外因為佢係厚切，食落口非常滿足。熱㷫㷫之餘味道係十分好食。唔知佢加左Ｄ咩醬汁／酒黎燒，味道非常有層次之餘仲非常特別！必點之選！2. 金沙魷魚每一口都食到香濃既蛋黃味，話係金沙絕對一Ｄ都無誇張。魷魚本身亦非常新鮮，即使香濃既蛋黃味亦無將魷魚既鮮味掩蓋。炸粉亦唔會好厚，蛋黃同魷魚兩者味道相輔相成。3. 蒜香無骨魚呢一味菜係睇之前食評有人推薦，所以叫黎試下。結果真係非常好食，魚炸得岩岩之餘，入口唔會覺得好膩，亦無炸到好乾食，咬落去仲食到好香既魚油味。加上蒜香既味道真係十口可吃！另外店員仲介紹埋隨魚附上既盆鹽。並係食之前幫我地平均咁落落去魚上。上網睇番，原來盆鹽係係豉油缸底結晶的鹽，數量稀少，每20份豉油只有1份盆鹽。盆鹽豉油發酵既精華係比一般既豉油更具鮮味，令炸魚變得更野味。呢個絕對係必點之選！4. 香濃腐乳炒蝦球伴西蘭花朋友話要叫既呢道菜，乍看之下腐乳配西蘭花好似有啲奇怪，但食落味道非常夾，原因係佢用既腐乳並唔係一般既腐乳，佢有自己調教過，令到腐乳真正既味道無比咸味遮住，同炒蝦球同西蘭花配合得相當好！係食完之後，店員就過黎幫我地手晒啲碗碟餐具，清理好枱面，準備上糖水，店員仲一邊同我地有講有笑。比較之下，呢度比起一般高級中菜館更多左一份無價既人情味！6. 甜品分別係紅豆榚同冰糖燉桃膠紅豆榚唔會太甜，咬開見到一粒粒大好大既紅豆。有口感之味亦令將紅豆香味保留，當相出色！冰糖燉桃膠我試左幾啖，飲落有好香既紅棗味配上淡淡既冰糖甜味。見到湯底有好多桃膠，好足料！大圍小館簡直是近年來吃過最好食的中菜館！ 好食唔止係係食物上， 而亦加上店員務服態度親切。即使唔係熟客，店長係會走過黎傾兩句，問下我地啲野好唔好食。所以十分推薦！…查看更多

30/5/2021平民價韓國正野料理屋今日行完南豐紗廠之後,黎左近近地既海霸街搵野食係門外見到Menu D 相好吸引, 加上價錢都算平民價. 另外,六點幾未到食飯時間裡面已經坐左唔少人, 所以就決定食呢間韓國料理。店員安排坐低之後好快就叫左野食。見到佢有個二人餐, 真係好抵食不過由於時間仲好早, 都唔算好肚餓, 所以我地決定散叫, 試下D 特食D既食野。海鮮純豆腐湯 (配白飯)好多海鮮好足料, 而且調味好岩, 唔會太咸, 有辣味之餘又食左豆腐既特別香味。鐵板燒雙併 (牛肉﹑豬肉) (配白飯)鐵板上既時候仲係熱㷫㷫, 豬肉有微辣, 隻辣味好有韓式既風味. 另外, 牛肉有牛味之餘亦唔會有陣雪味。份量都當相大份。單點泡菜小食由於我地無叫二人餐, 所以無頭盤, 不過見到格黎位既泡菜幾靚, 所以叫左一份黎食, 味道都真係唔錯!韓式無骨豬手(小)呢款推介小食真係無叫左, 份量好夠, 同埋豬手整得好好食, 唔會太瘦或太肥, 加上有大量巴蒜頭同生菜夾黎食, 真係好似去左韓國咁! 生菜好新解, 咬落好爽口, 夾埋跟黎既泡菜有小小辣味更加好食!起初我地唔知道湯係會配埋飯, 所以前後有兩個飯, 食到飽飽先離開!以散叫既方式叫左咁多野食都係$209! 係出面真係搵唔到, 呢間韓國野真係好抵食。…查看更多

呢間泰國🇹🇭菜位於黃埔Aeon地庫 一於試試佢先 員工好有禮貌 一入門口就打招呼安排入座👍🏼餐牌都幾有特色 清晰易明！泰式椰汁雞湯呢個椰汁雞湯入面有好多雞汁 果然好足料 飲落帶點椰香 飲落又酸酸地 店員話係因為放左d新鮮青檸汁 好開胃啊！泰式肉碎生菜包呢個肉碎炒得好惹味 雖然叫左少辣 但都幾辣 肉碎好juicy 包埋生菜一流啊👍🏼👍🏼泰式豬手 一上枱真係嚇親我地 個豬手份量超大份！豬手忟到好淋 好入味 好易c開嚟食！咸肉炒椰菜苗食泰國嘢又點少得叫個菜🤚🏻 醃咗的豬肉配埋椰菜苗 調味啱啱好 個菜都炒得軟硬適中🤩…查看更多

一直都book marked咗呢間餐廳，今日終於有時間食到啦🥳南越蟹肉醬配脆球餅蟹肉醬係冷盤，啱哂夏天食，有d西餐前菜嘅感覺，淡淡蟹肉味好清新，相比之下脆球就比較普通。脆米紙薄餅千島醬同餡料好夾，內裡嘅青瓜絲增加口感之餘仲一解膩嘅感覺，加埋底層脆米紙一齊食，非常香口！Shake shake 雞軟骨好創新嘅食法🤩加入餐廳提供嘅辣粉同青檸shake shake後倒岀黎就食得，我本身食得辣就覺得味偏淡咗少少，但雞軟骨尚算香口，份量都算多。嫲嫲南越湯-招牌金邊粉啱哂我呢d咁鐘意食牛嘅人，湯底牛味好濃郁好好飲，牛肉都好夠淋，整體好入味👍🏻最後仲叫咗兩杯飲品，分別係南越蛋咖啡賣相好靚，第一啖飲落去咸咸地，隨即就係甜甜嘅咖啡味，味道特別但略嫌唔夠咖啡香味。南越滴漏咖啡咖啡味好香濃，有正宗越南咖啡嘅水準，糖漿就粘喺鐵匙羹上一攪咖啡時就隨即溶入，唔好甜就要攪短d時間，以免過甜同蓋過咗咖啡香氣。…查看更多

今日黎行完觀塘工廠區，順便係度食埋野。咁岩行到呢層，而且我同我朋友都okay 想食台灣野，所以揀左呢間日月堂。入到去既裝修都好台灣，以台灣既風景同特式做背景。同埋掛左d 台灣既名信片係牆到，攪到我地都好想快d 可以去到台灣旅行。而佢樓底好高同埋枱與枱之間都隔左好遠，所以坐得都好舒適。我地好快揀好之後店員就行過黎同我地落單。我地叫左兩個主食，兩份小食同兩杯飲品。飲品最快上，分別係珍珠奶茶同香芋奶茶。兩杯味道都唔錯。特別係香芋味，好香濃，如果中意香芋味既話就岩晒。第一個主食係麻辣鴨血冬粉。食得出佢唔係將冬粉同麻辣鴨血分開煮再放埋一齊。冬粉係煮既期間吸晒麻辣既香味。鴨血亦好有口味，好實淨。加上有好香濃既花椒味。十分唔錯另一個主食係紅燒豬腳拌麵。豬腳好 Lum, 煮得好入味。麵既軟硬度岩岩好，食到一半加左辣椒油更加好食。 小食方面我地叫左玉米起司蛋捲餅。賣相好靚，而且夾起上黎係有拉司（睇相），幾正。而且每一擔都有食到玉米芝士。另一個係梅子地瓜條，上碟既時岩岩炸好，調味粉好夠好均勻，炸到岩岩好，條條到金黃色。對上一次食到咁好食既地瓜條都係前幾年去台灣。。。整體十分唔錯，會再黎食多次！…查看更多

今日嚟到咖哩葉試下印度咖喱，舖頭位於佐敦 出左地鐵站行10分鐘就到，位置都好方便！一入門口就有店員招呼我哋👍🏼今次我地位左係樓上，見到Menu有印式煲仔飯 我哋就一人叫一個 莫卡拉羊肉煲仔飯煲仔飯入邊有咖喱汁同羊肉，份量都幾大，建議兩個女仔可以share一個！大量嘅咖喱汁再加印度米 感覺都幾match煲仔飯用瓦煲保溫 食到最後都仲好熱加索旁遮普(雞)呢個煲仔飯都有好多雞件 咖喱汁唔會好辣，幾香幾好味無敵釀雞腿三隻雞腿大大隻，入面釀有滿滿嘅香料，食落好滋味，仲有好多雞汁添🥰另外我哋都叫咗杯mango lassi 乳酪味幾重 但味道有啲偏甜 如果冇咁甜就好啦👍🏼…查看更多

之前同同事食過之後真係念念不忘，今次我地又嚟左食lunch因為上次個海南雞實在太出色 所以今次我地都係叫返招牌海南雞飯🤩🤩 一上枱果然冇失望 雞皮金黃色 肉質非常嫩滑 帶有滿滿的油香 果然冇令人失望！😍😍😍 另上呢個餐仲附有一個雞湯同油飯 雞湯偏淡 但不油膩 容易入口 飯的分量都適中 女仔食啱啱好！今次我仲加配左個咸蛋黃雞翼，炸雞翼再沾上滿滿的咸蛋黃，十分邪惡，味道一流😎😎最後飲品就叫左檸檬薏米水 去濕健康 味道唔甜，好好飲！…查看更多

今日嚟到灣仔新開業嘅酒樓🥰 今次就同媽媽叫左幾款點心試下酒樓的裝修簡潔 主要用翠綠色 白色為主調 望落去好舒服 一入到去店員熱情打招呼 好有禮貌！辣椒醬分為三種 包括潮式辣椒醬 豆瓣醬同黃椒醬 各有特色今次我地兩個人叫左四款點心 一款湯羹筍尖鮮蝦餃蝦餃外表沾上一啲金箔 外表精繳 蝦餃皮薄 蝦肉爽口彈牙！蘆筍帶子餃蘆筍鮮甜冇苦味 入面有大大粒蝦肉同帶子！鮮甜好味👍🏼蒜蓉蝦春卷春卷炸得乾爽 唔會油膩 點少少辣椒醬好惹味😆瑤柱粟米羹一絲絲嘅瑤柱再加埋啖啖粟米 令到湯羹好鮮甜！店員特登最後先幫我地上個流沙包當作甜品！可見注重上菜流程 心思值得加分 流沙甜甜地 好流心 包體軟熟 媽咪都好滿意😊…查看更多

今日嚟九龍城做啲野順便同男朋友食飯 佢話唔想食泰國嘢所以揀咗食呢間西餐，入到去就即刻有位。叫咗嘢食冇幾耐就好快到，首先就係一個牛油果沙律嘅錢財。份量十足，而且蔬菜睇落好新鮮，仲有我最鍾意食嘅牛油果切到好靚，加上佢落咗少少沙律醋。食落都非常新鮮。開咗胃之後，我哋叫咗兩個湯都上埋，分別係一個龍蝦湯同埋一個海鮮湯。水準非常唔錯，特別係龍蝦湯，好濃同埋感覺到係冇落味精嘅。之後開始上主菜，第一個係明太子蟹肉意粉，蟹肉份量都算多。我哋將蟹肉撈勻之後，每一啖都仲食到有蟹肉。第二個主菜我哋叫咗一份黑毛豬，佢係以串燒形式去烹調, 我哋食得出佢係用咗白酒加上其他調味料醃製，非常特別。除咗有好濃嘅黑毛豬香味之外佢仲非常軟熟，冇烤焗過龍。除此之外，仲燒咗一啲蕃茄、翠玉瓜、車厘茄、一啲沙律，唔會話食肉食得太dry.整體都覺得非常唔錯！有機會再去九龍城會再嚟食。…查看更多

好耐無食過越南野，近近地去左大圍港鐵站對面既呢間河內越式料理。叫左一碗河內生熟牛肉湯河粉、香茅豬扒湯河粉。加29蚊追加左一個越式炸蝦餅小食。我叫左杯椰果果肉西米露，而我朋友就叫咗一杯青檸梳打。枱面有用黎點律肉嘅越式醬，辣醬，同食撈檬用嘅酸辣汁。都幾齊，食越南野最緊要係呢啲配料嘢食好快就黎到，先係一碗牛肉湯河粉，望落去見到有好多配菜，而且牛肉都唔少，冇幾耐之後碗豬扒河粉都到咗啦。香茅豬扒係另外一隻碟上，份量算大份，同埋望落去係見到炸得幾靚。開始食嘅時候，先至發現原來佢啲河粉嘅份量係好大份，普通女仔應該未必可以食晒成碗。另外佢有每碗送一份青檸同埋辣椒碎俾我哋加落去河粉度。食物整體水準非常唔錯，佢炸蝦餅尤其出色，炸得啱啱好，亦都唔會太多粉。食晒成碗，加埋小食，加上我叫既西米露，成到好飽好飽埋單計落都幾抵食，最後發現原來佢哋有飯類嘅野食，下次可以試下！…查看更多