ambrose35hk的個人專頁

下午茶Tea去到5:45pm, 時間幾好。熱食咖喱烏冬味道尙可，加左小食日式餃子，呢個好食。甜品窩夫非常好食，叫左焦糖香蕉窩夫配雪糕。唔會太甜，焦糖味濃。餐飲可以簡煎茶或者咖啡，咖啡幾香。…查看更多

大圍火車站出面一帶，餐廳可以話多不勝數，唔同國家唔同款式都有咁滯。揸車人士應該都幾鍾意係呢附近食嘢，因為門口可以泊到車。今次呢間石燒牛扒離火車站有少少距離，門面唔太大，坐位大約只有20個左右。用餐前係需要係門口自助售票機買左票先，機上面有寫明唔同部位既肉既價錢，有200g 同300g簡。購票之後交比店員就可以了。每個餐都包左沙律，白飯同湯，以上都可以任添既。石板好熱，切開後跟個人生熟口味煎煮就可以，但建議唔好煎咁耐，我哋一行三人都煎過咗龍，熟得滯。肉質就直接係價錢上反映左，豐儉由人啦。…查看更多

疫情開始後都比較少同屋企人去飲茶，近期相對放寬左，所以都陪屋企人飲個早茶先。星期六既朝早9點零，都幾多人已經飲緊茶，不過好彩都仲有位，接近9成滿座。早茶去到10:30am, 有一張優惠點心紙，選擇都算多，如果老人家飲個早茶計，相信點幾個優惠點都好夠，價錢又相宜。我哋一行三人，總共叫左9個點心，除開每人有三籠，早茶好夠食。蝦餃燒賣就一定會叫的了，中規中矩，還可以。反而個黑椒牛仔肉好有驚喜，肉既口感幾好，唔會又老又硬身。…查看更多

平日大約入夜先黎到，完全唔洗等就有位入得。今次係mimila食個麵，就算有選擇困難症既朋友都唔洗擔心，因為落單其實相對簡單。首先簡左自己想要既湯底先，有蝦湯，喇沙同豬骨雞湯，怕辣既朋友建議簡蝦湯或者豬骨雞湯。同時都有撈麵底可以去簡。之後就簡肉類，有手撕雞，白毛豬肉，美國牛肉同扎肉簡。最後簡埋麵底就大功告成，強烈推薦摻摻，姐係油麵溝米粉，口感食落去會比單點一款麵好好多。如果係比較大食既或者有朋友Share, 我會建議點多一份小食好啲。…查看更多

有時段分，雖然係平日，都好多人食，book 左第二節8:00, 但前面未交枱，唯有等陣先入得。入坐後用QR Code 自助落單，牛肉既種類繁多，真係五花八門都有。所以我哋就決定一開始每一款牛都叫一份，睇吓邊款好食之後先至再加單。湯底就叫左”理想點鮮”，應該算係最清淡既一個湯底。有兩款我覺得非常之推薦，一款係花雕醉牛，有少少花雕味，牛肉口感唔錯。另一款係滑尾龍，有一隻蛋跟埋，牛肉有咬口之餘又滑溜。除咗牛肉之外，其他都有試吓，蝦滑同炸魚皮都非常推薦。…查看更多

今日夜左少少，8:30pm左右，見春水堂唔多人排，幾好。排3張枱左右，15分鐘就入得。當然每個人都要叫碗牛肉麵再加杯嘢飲啦。問咗店員，紅燒牛肉麵既話就一定半筋半肉，要全肉呢就要叫牛骨濃湯先得。我比較鍾意食肉，所以叫左牛骨濃湯，味道唔錯，比紅燒清淡，唔會油膩。另外果碗紅燒牛肉麵, 有小辣，但湯底好濃，岩哂口味重少少既朋友。小食叫左碟黃金香酥雞，入口香脆，無油膩口感。台灣野珍珠奶茶一定走唔甩，有無糖，半糖同少糖簡，其實半糖或者無糖都已經好夠味。…查看更多

堂食真係第一次，因為次次經過都好多人排隊。襯平日，岩岩到晚飯時間，見唔洗等位所以就第一時間衝入去啦。枱雖然多，但位置唔係太寬敞。首先黎左個韓式辣醬魷魚意大利飯，本身唔係太食得辣，所以問左店員會唔會好辣，店員話唔係太辣。結果出嚟真係okay wo, 入口有少少辣，但唔口渴唔會食到滿頭大汗，可以感受到辣既感覺但唔會辛苦。之後就到Pizza, 叫左個9吋芝加哥pizza, 薯角炭燒雞配蜜糖杏仁邊，呢個超好食呀，芝士味道岩岩好，同食pizza 既時間有食緊甜品既感覺。…查看更多

葵芳新都會近年都超多人食飯，想搵位又唔洗排都唔係一件易事。見到呢間泰潮係新開既，又有位，所以試試。午餐價錢尚算okay, $50-60蚊就可以落樓，加杯泰式奶茶都係加$8蚊。叫左一個豬手飯，同一碗牛腩豬肉丸湯粉。可能新開既關係，第一次上菜係上錯左第二d 野食黎。之後再上番岩，不過廚房就無跟單上咁走葱啦。味道就同價錢掛鉤，叫做一般程度。另外就再後加左一份椰汁西米糕，呢個唔錯，味道有驚喜，價錢都非常滿意，$25蚊有4件。以午餐黎講中規中矩。…查看更多

火炭餐廳其實都分得幾散，以茶餐廳居多。時間唔係太多，但又想打下邊爐，咁就簡左相馬火鍋既60分鐘定量餐試試啦！套餐款式都多，牛肉有3款，另外有雞肉，豬肉簡，當然價錢係有不同啦。因為係定食，所以肉只有一份，出邊自助bar 就任食。蔬菜配料選擇算豐富，丸類都多，有牛丸芝心丸貢丸墨魚丸等等。響玲，豆腐，拉麵之類亦都會有。雪糕雪條定食套餐就唔包既，飲品會包一罐，就算再攞都係$5一罐，價錢合理！以100蚊左右既價錢，有60分鐘既午市火鍋，性價比非常之高！…查看更多

圓滿中秋朱古力月餅禮盒！中秋節除咗一家人慶祝之外，最重要既當然係中秋月餅啦！等足足一年先有機會食一次ga ja. 我每年都會簡唔同品牌既月餅試吓，今次就簡左龍島既呢個禮盒，貪佢有月餅之餘，仲有朱古力食下。月餅呢，佢就有朱古力流心同奶黃流心各2件。奶黃都算食得多，朱古力流心就唔係太多品牌有得簡，龍島既朱古力月餅算係我食過既數一數二，朱古力控真係唔好錯過。另外d 朱古力都好特別，竟然有茅台酒味。果隻白色兔仔起得意，攞住支紅蘿蔔。…查看更多

餐廳幾大，有兩層樓高，訂咗枱，可以坐樓上。下層多數係2人枱同埋比walk-in 既。上層枱多，仲有set 樂器係度，唔知以前係咪有live band show. 我哋三個人，可能男士比較大食，所以就直接叫左個4人餐。個4人餐，有一Jar 飲品，每人都有幾杯飲。頭盤有青囗，一大鍋。之後就到主菜了，當然有最出名既慢煮牛扒，必食既豬仔髀，同埋雞髀。另外有一個芝士焗肉醬意粉，味道唔錯。四人餐可以講係超值，單點一定貴d。仲可以半價加Häagen-Dazs雪糕，數量不限。…查看更多

新城市廣場，由上上下下咁行完都唔知食咩做晚餐好。咁啱見到呢間，好似係新開既，野食都特別，就試試。🤷🏻‍♀️淡色裝修，間隔幾好，唔逼。晚餐可以叫定食，會包一杯40蚊或以下既飲品。店員幾好，因為我唔太like 食流心蛋，就問問店員我可唔可以要炒蛋唔要流心蛋。佢話無問題，唔錯唔錯。🤓一人一個丼飯試試啦，一豬一牛，本身諗住細細碗，點知食落都幾飽肚。和牛話係澳洲既，juicy。期間店員都不停會幫你refill 水。…查看更多

晚餐食大户屋，等位係一個問題，經過成日都見到人山人海。所以唯有早啲食，或者夜啲食。🧐定食黎講性價比其實唔錯，百幾蚊個定食，質素同味道都有一定保證。今次叫左一個原條燒魚，好似係期間限定，食落唔錯。當然有埋跟餐既沙律，麵豉湯，茶碗蒸。…查看更多

平日夜晚黎，唔多人。有book 位所以一定係試席前鐵板燒啦。D 料睇到都知新鮮，龍蝦仲識郁。😱龍蝦係兩食既，起肉燒，頭就煮麵豉湯。前菜有個茶碗蒸，味道唔錯。個牛可以簡厚燒或者薄燒，我就比較鍾意食厚，啖啖肉。主食可以簡鵝肝，西京燒銀雪魚，忛立貝。之後會有個炒飯，有心思既記得諗定整咩公仔，哄下另一半開心。❤️最後尾仲有個紅豆叮噹餅，唔太甜既甜品。師傅都幾好傾，唔覺唔覺都食左成2個幾鐘，完全無冷場，呢個真係要加分比師傅。👍🏻…查看更多

呢間野真係好full, booking 都落咗成一個月後先有位，由奇係梳化位。坐低之後都不斷有人入嚟，果然真係好旺。講番食物，質素好好，款式都多，一份tea set 完全夠2個人食，飽肚。餐飲都幾多選擇，你哋簡左2杯Somersby 雞尾酒，一紅一綠，好靚。咸點有特色，最特別係個鴨肝慕絲配蘋果醬，好似粒金沙咁。甜點全部都唔會甜到飛起，幾refreshing。仲做緊活動每人送2支Apple Cider, 同埋電話stand 仔。…查看更多