OIMEILI的個人專頁

由於呢度真係冇競爭，呢間嘢過咗年後越嚟越離譜，本身12蚊6粒燒賣已經超貴，完全冇特別，痴立立，賣咗幾年都係呢個價！已經好耐冇買！最近腸粉加到14蚊4條，係，14蚊4條，本身12蚊4條都會幫襯下，而家我零願去街市買12蚊1 pack 6 條返屋企自己蒸，真係貴過出面好多出名嘅腸粉舖！佢仲要成個麗晶大包圍，邨口一間，商場一間，比佢玩哂！…查看更多

我真係好少可以食到紙咁薄嘅魚片😏仲要塊塊都係咁，支匙羹可以油到一個點，嗰碗粉得湯，粉量少到我以為比人食過，阿姐問我加唔加油菜，我話好啦轉咗白羅白，都可以接受！好彩唔係住呢頭，都係嚟整頭髮啫，下一間香港仔都要諗吓😏😌…查看更多

好耐都冇食，今日返中環，心血來潮想食雲吞，食完晏專登行十五分鐘去三多，最終買咗一打菜肉鮮蝦雲吞mix，再買埋啲生面同菜心，係有啲貴但真係值回票價！放工拿拿淋返去出水煮面…查看更多

好耐冇食，都知疫情啲餐廳都離哂題架啦，但以前堂食都冇咁衰，今日外賣再食發覺佢細碗咗好多，又冇哂啲料，賣相差，味道差，但價錢冇變，仲要收兩蚊外賣盒錢，好多做外賣都有9折啦，抵你冇人食，冇下次…查看更多

見到咁多個like 諗住都唔會衰得去邊，樓下好decent, 上到去仲衰過工廠大廈啲餐廳，成間嘢個環境好舊，枱枱櫈櫈衰過茶餐廳，坐得超唔舒服，枱又多，好心就整好啲塊防疫隔板，疫情都年幾仲係用緊foam board，又殘又舊，透明膠板唔會好睇啲咩？食物方便唔知咩好，個羅宋湯又淡又冇味，舊蒜蓉包又凍嘅，我個fd 叫咗個類似all day breakfast 咁嘅嘢，嘩我真係未見過咁核突，賣相係超核突，幾條生菜，一條長腸，一堆炒蛋，一個扁晒嘅牛角包，幾粒茄汁豆，我覺得大家樂都靚過佢。到我同另一個fd 食比目魚，個樣比個all day breakfast 好啲啲，但係啲薯條比舊魚啲水浸淋哂，唔應該將薯條放喺舊魚下面囉😳濕哂最後杯餐飲叫做有啲分，三杯熱檸茶，飲完嚟加水，多謝晒😑價錢唔算貴但比咁嘅價錢有更好嘅選擇囉，好伏😤…查看更多

琴日到訪，叫咗炒金邊粉唔知點解要有一堆唔知咩肉喺上面，又唔熱，一粒蝦海鮮都冇，非常失望，金磗比之前食都差咗好多，賣相唔得，親戚食青咖哩牛腩又硬又鞋，個泰式冇骨鳯爪又差咗唔少，希望快啲比返以前個水準出嚟啦，佢其實好多嘢之前都好好食，所以先會再返嚟，今次真係超失望囉…查看更多

啱啱叫咗碟煎豆腐，一入口係酸酸哋，比多次機會佢，食多啖又係酸嘅，成間嘢細成咁有三個阿姐企喺度不停咁講嘢，有人叫都當聽你唔到，話佢哋知碟嘢酸嘅，佢哋即刻收咗，然後剪一舊幾個阿姐走去試，都話有酸，lur 返出嚟，仲諗住佢哋會唔賣啦，我都唔知第幾個出聲嘞已經。跟住有兩枱人入嚟又係叫煎豆腐，我諗住佢唔會賣比人，竟然照賣，希望嗰兩枱人食咗冇事啦。咁嘅舖真係唔好再幫襯啦，人哋冇事就冇事，有事你哋都好麻煩囉…查看更多

見到食評好多😀就諗住book嚟試吓，到咗之後間餐廳隔局其實唔錯，就係以為去咗茶樓咁嘈到一個點，啲女侍應就好好禮貌，其中一個男嘅就麻麻，安排我坐個位後我望落去覺得有啲迫，我問係咪呢度，佢問咁你坐唔坐門口嗰兩張吖，我話唔嘞，Chiu我一聲，咩態度🙄朋友未到我去個廁所先，個廁所係我見過所有餐廳最恐怖嘅😰，個toilet bowl 有個隔唔比人掉廁紙入去，但係如果唔覺易掉咗係冇得沖走，核突到一個點，仲有張紙寫住話唔比人pupu....因為會塞廁所喎，咁其實一間餐廳點可以唔比人pupu...親戚嚟你都唔可以去，因為唔去得廁紙呀😤好心老細揾人換換個渠先開食肆啦。坐咗一陣，隔離埋單，竟然唔收card....侍應姐姐好好話幫我留住張枱我可以出去㩒錢。到叫嘢食，啲嘢食其實唔便，尖咀正常餐廳嘅價錢但坐咗喺佐敦嘅茶樓入面，所以好唔抵食，朋友叫medium rare 嘅牛扒竟然78成熟咁，我叫比目魚都冇咩出色，再叫咗個buffalo wings...唔太特別，出嘢程序又亂嘈嘈，一早嚟餐茶凍哂，好彩佢哋仲記得我要求喺生日蛋糕旁邊寫上生日快樂字樣😍埋單成7舊水，唔問都唔講openrice book 有88折，折咗都6舊幾，唔值唔抵唔好食，真係冇下次😆…查看更多

十年都唔去深水埗, 去黃金之前想揾啲嘢食, 見到三間維記都排哂隊,我同個friend 梗係唔理三十廿一睇吓咩事!好啦!排隊時睇吓個餐牌, 其實真係一啲都唔平,喺深水埗呢啲地區, 廿幾蚊一碗麵冇嘢飲真係好貴!睇多兩睇, 記得啦,睇過唔知咩飲食節目話豬膶出名...死啦我同我個friend 都唔食嘅...不過有其它嘢食!算啦!照排!!!!!!!!好彩都唔係等咗好耐, 我哋當然冇叫豬膶啦, 叫咗其它米同麵, 同加央西多士!!! 個多士就幾好味, 但係當個米同麵嚟嘅時候, 死啦...點解咁多好似豬膶嘅嘢浮喺面, 食落就有膶味, 唔知點算, 都要食架啦!!!!食完都冇咩嘢, 跟住之後就大鑊啦, 口渴得要命, 飲咗兩支水都唔得, 唉!!!!自己攞嚟衰!!!!!…查看更多