天才與飯焦的個人專頁

海港城內的食店大多是環境不錯的。😎滿心歡喜可以吃一頓美味的中菜, 尤其是最期待的片皮鴨。5大1小, 樣樣都想試, 所以叫了9個送+1個甜品是誇張了少少, 不過想不到原來都係不外如是><失望1.巴蜀口水雞: 醬料味道正常, 一大堆醬好似鋪滿雞肉面層, 雞沒有雞味, 真的沒有😳巴蜀是否這種口味？2.正色蒜泥白玉 : 細細舊一片片, 還可以。個人更中意X仔的蒜泥白肉重口味3.張氏獅子頭: 食完我都想不起是什麼味道, 反正無特別🤷🏻‍♀️4.黑松露煙燻鵝肝 : 我最中意食鵝肝, 雖然比較簿簿一片, 不過都是香口, 又有油滋感。最出色應該是下面塊多士吧5.京式小籠包: 皮厚的小籠包, 不是難食, 只是不值一提!6.蒜茸粉絲娃娃菜: 家中能煮出的普通娃娃菜, 給小朋友送飯7.羲和小肉餅 : 不知所謂, 完全吃不出是什麼肉? 乾爭爭一舊分不清是肉還是什麼來的8.櫻花蝦海味蒸飯: 普通炒飯9.馳名烤鴨: 有師父即場切開烤鴨分件上,  店員會解釋那一部位可以配合什麼醬料食用為佳, 有多款醬料可以給不同口味選擇。 又有介紹那一部位口感是如何!! 不過吃下去沒有介紹的吸引, 不至於馳名吧10.仙桃牛奶布丁 : 朋友食, 我無食。外型幾得意, 一粒壽桃入面係布丁希望愈大失望愈大, 記得幾年前食水準是不錯, 現在名氣大於食品質素🙅🏻‍♀️🙅🏻‍♀️…查看更多

今次試食一間油尖旺區既西餐，一入門口已經覺得好有格調，燈光暗暗地，用左霓虹燈裝飾組成吾同字句，好浪漫既氣氛。😚食物方面，生蠔好新鮮，我地叫左個6件拼盤，老闆仲會按食客人數推介左3款蠔俾我地食，口感、咸度都吾同。來自吾同國家既款式多過5種😱，而且keep住新鮮，好難得！另外，叫左墨西哥脆片，份量多，用左焗既方式製成，有牛油果醬同酸忌廉配搭，好有墨西哥風味！。而龍蝦汁海鮮扁意粉既龍蝦汁好突出，食唔停口，食完先記得影相🤭😂。餐牌裡面有美國安格斯10安士既肉眼扒，好足鎊，好厚好大塊，調味料醃得啱啱好，我地叫左五成熟，肉質好軟，鍾意啖啖厚肉既你就啱哂喇！最後，想同大家分享招牌沙律🥗、小食拼盤。沙律入面有水牛芝士、巴馬火腿、三文魚、好健康、好豐富，食完好開胃。拼盤裡面有炸薯條、炸雞翼、洋蔥圈、肉丸，即炸熱辣辣，啱哂食主菜前既熱身菜！飲品方面，Pina Colada、Suntory、Long island、Tequila Sunrise都係值得一讚！…查看更多

今日經過朗豪坊，見到又有新野出啦，我作為薰衣草控，點可以唔試。今次 Icremeria 推出薰衣草伯爵茶雪糕，真係幾吸引。平時已經好鍾意飲Earl Grey伯爵茶，今次出埋雪糕，有一set下午茶輕食，岩岩好啊。薰衣草x伯爵茶，呢個配搭幾新穎雪糕淡淡的薰衣草香夾著濃濃的茶香，香綿軟滑，每一啖在咀里溶化，口感好清新，而且不甜👍還有焦糖杏仁脆餅 ，甜甜的蜜糖味，好鬆脆，沾雪糕黎食，另一種口味。伯爵茶蛋糕🍰第一次食，淡淡的茶香，鬆軟的夾層蛋糕，不甜不膩。配埋一set 伯爵茶☕️ ，非常精緻的白色茶壺，茶味好香再加淡淡的薫衣草味，感覺好 relax ☺️好舒服的環境，可以在鬧市商場裏的一角，靜靜享受着這恬靜的下午茶☕️…查看更多

裝潢好有日本風格, 座位又整齊又闊, 坐得好舒服。另外好想講店員態度好好, 用心介紹食咩最正, 又會推介岩你要求既款式, 岩哂心大心細咩都想試既朋友。香蔥吞拿魚卷麻醬蕃茄豆腐沙律 : 日式麻醬加上新鮮蕃茄, 好滑既豆腐, 數款沙律菜, 前菜食得清淡少少, 留返後勁醬汁焗原雙魷璣燒梅酒煮海老: 梅酒味超重, 蝦好大隻, 同埋出乎意料, 好入味。下次一定再食芝士魚旦: 以為係真係圓型既魚旦, 原來好似三文治甘！！燒熱左D芝士食好正, 不過可以再大塊D芝士就仲正，哈鳥賊璣燒 : 燒得乾左DD, 不過不失, 最開心係全程都有待應幫你燒野食，服務好貼心刺身5盛，包括有三文魚、帶子、夠哂厚身好新鮮既油甘魚、吞拿魚、海膽海膽係真正既重點, 好甘甜, 無腥味, 超新鮮…查看更多

4月份仲凍凍地心思思就想去打邊爐, 仲想食麻辣鍋。尖沙咀真係令人又愛又恨, 勁多野食, 但食咩都好一樣9萬幾人排隊, 好彩朋友夠醒目打左電話BOOK位。到步就即刻可以入去坐。朋友話呢間火鍋店既湯底係最正, 又可以飲埋落肚。首先揀左鴛鴦鍋先, 宜家仲有優惠就係$1鍋底, 雙拼湯係+20蚊咋。最鍾意飲雞湯既我點左: 木耳雞湯+麻辣湯小辣呢個渾醬兜幾得意, 我唔知用得岩唔岩, 分開2邊放, 好方便, 唔會浸到D莞茜太咸。座位坐得好舒服, 空間夠闊。冷氣岩岩好, 有D火鍋店食一陣就好大煙同好熱。最中意將鴨血加落去麻辣湯度, 無得輸。試下好有特色既五色小籠包, 寫住推介, E, 原來係用左唔同既材料去搓小籠包皮, 入面仲好大舊豬肉, 熱辣辣食, 好味喎。最欣賞係黑松露個款, 勁香蜂巢凍豆腐放去麻辣湯底度吸哂精華, 辣得好過癮主打重點: 盛肉拼盤有羊肉，豬肉同牛肉, 我唔食羊肉既, 不過朋友話好味喎。同埋份量都好多超大隻加拿大桶蠔, SIZE好似手掌甘大，放入去木耳雞湯度索哂D湯味又唔會縮水，肉厚鮮味！勁正海蝦, 我想講係新鮮到驚, 好大隻, 我點會唔叫, 又夠哂厚肉。…查看更多

日本居酒屋風味的食堂, 好乾淨舒服。鋪面好骨緻反而顯得親切感多D。店員服務好周到, 連細微至斟水既動作都好細心, 抵讚鐵板燒我好少食, 唔捨得食。出糧就豪氣D啦。一人揀左一SET。美國薄燒牛肉北海道+海膽醬芝士焗原龍蝦北海道帆立貝餐。餐前小點: 3色刺身：蝦刺身無得頂，連蝦頭都有膏。三文魚同北寄貝刺身好新鮮，做前菜一流燒銀鱈魚：香脆可口，醬汁特別偏甜，肉質滑而唔乾身海膽醬芝士焗龍蝦 : 好入味, 啖啖龍蝦肉，不過芝士味重左少少蓋過左海膽醬味A5 和牛蘆薈卷：招牌紙包湯: 好特別, 剪開睇下有d咩估唔到仲好熱辣辣，入面有蜆肉，菇類，豆腐，昆布，秋葵等，食完重口味晚菜式！清清地飲少少湯，正最中意炒飯，仲要炒得粒粒分明，蛋和黑松露融合，非常香…查看更多

食左9萬幾次打邊爐, 呢間未食過。朋友介紹, 試下先啦。創興廣場好多食店。所以好方便就搵到" 一鍋豐" 全層鋪面好大, 坐得夠舒服麻辣鍋係必須點!!每間食店的麻辣程度都唔一樣, 我中意唔好辣到搶喉, 麻到條利痺哂。好彩呢間麻辣程度岩岩好醉雞湯底比較淡味, 不過入面好足料, 勁重酒味。新鮮牛肉食落好滑可以值得叫多2碟食( 不過唔好眼闊肚窄呀!!!)雪花肥牛正常, 必點, 仲有好多配料揀, 魚皮餃同埋手打蝦丸都好正嚮玲我覺得唔錯呀, 脆身又唔太油。。通常我都係碌幾下就食, 索少少湯。如果落麻辣湯底就更加重口味!!重點刺身 : 好新鮮既象拔蚌, 絕對要食呀!!!壓軸既海鮮拼盤!!!鮑魚, 生豪, 帶子, 班片, 真係好豐富, 鮑魚好出色, 碌幾分鐘岩岩好食得, 唔會乾哂硬哂。又夠大隻。中意食甜品既你, 唔好錯過。有杯裝雪糕之外仲有得自助自取軟雪糕位, 比你自製獨一無二既 軟雪糕, 哈哈 …查看更多

鋪面相當大, 由門口入去已經放滿各種各類的日本清酒, 大吟釀酒, 純米酒等等, 好有風味, 我都忍唔住慢慢行, 慢慢睇。螢光魷魚: 生浸既魷魚保持一定有既鮮味，用醬油醃製，鹹味好強烈。未食過可以試下, 我食左好味雲舟蚧肉卷 : 新鮮海膽, 卷物入面仲有蟹肉, 上面係黑松露, 香到不得了。一定要食好有層次軟殼蟹沙律 : 老實講我唔中意食沙律, 因為唔夠飽, 凍冰冰XDDD不過呢款沙律入面既軟殼蟹係熱辣辣, 脆卜卜架同埋沙律醬係令你食完再食南瀛玉子燒 : 香噴噴熱辣食係最正呀, 又夠厚身帆立貝+蚧味噌甲羅燒 : 必食, 好新鮮, 一路燒已經好香。不過唔知負責店員係咪新人, 燒得乾左少少什錦天婦羅盛合:  OK喎又, 上碟仲係好熱, 炸得好脆身, 入面仲係好JUICY, 唔會成口粉, 仲有2隻大大SIZE既蝦。好好味吉列炸蠔 : 炸粉厚左少少, 入面隻蠔都係鮮甜既。…查看更多

炒椰菜苗我覺得馬拉盞最好味, 絕對可以送幾碗飯!!唔會死咸夠爽身。粉絲大蝦煲 : 蝦有少少炒得太乾身, 不過好大隻同都有7.8隻大蝦, 粉絲唔洗講啦, 好入味。其實我都好中意食D芹菜, 都好正, 清哂佢。冬陰公湯入面好多配料, 2大隻蝦, 好多蔬菜同香料。但如果再辣D仲惹味, 不過朋友佢唔太食得辣就覺得岩岩好盬燒則魚, 朋友仔最中意食魚, 話大大條都食得哂喎。一上枱真係好大條, 好厚肉, 好新鮮,肉質滑架,  唔需要落調味料已經好好味。VERY GOOD食完咁多重口味野, 點都要叫椰青中和下, 好甜, 清清地都唔錯呀。…查看更多

每次最中意就係自己撈下醬, 亞媽教新鮮既食材唔洗咁重口味調味料,所以我都係用辣椒+莞茜就夠。九格調味材料入面除左有基本的辣椒, 蒜泥之外, 仲有配合返一陣食粥的大頭菜, 炸菜, 蔥等等真係成鍋白粥上枱。上面有D薑絲, 一滾起左基本上你可以食得XDDD我揀左鮑魚雞粥底($228)。新鮮雞半隻!!!雞肉好滑身, 重點係有雞味架!。新鮮鮑魚大大隻,仲好細心切到一條條, 店員都即場教路點食最鮮味。安格斯雪花牛($228); 等你好耐喇, 雪花均勻, 入口即溶, 簿片滾兩滾就食得。牛味入哂粥。推薦推薦美國桶蠔($138) : 好鬼大隻。肥味又夠鮮甜, 好正脆肉鯇魚片 ($68); 都幾大塊架喎, 切得唔太厚, 好快食得, 即刻變左魚片粥。後加左月亮貝, 店員推介時令海鮮, 我都未食過。都唔錯架, 今次食法同平時火鍋好唔同，所有材料鮮味直接入哂粥滾，真係非常鮮甜，…查看更多

其實放題就食得多喇, 一入去呢間"浪人"比我感覺係好似去左酒店BUFFET咁, 因為入面裝潢係又靚又簡約, 同埋唔會好嘈(係咪我問題?平時一入去食放題就覺得環境好鬼嘈)XDDD每區既食物都放得好精緻, 好整齊, 半自助形式。另外仲有一大本MENU可以落單, 好多熟食可以揀, 有湯有飯有烏冬, 真係一家大細都岩食。沙律吧: 不同種類既沙律, 仲有新鮮既粟米, 車哩茄等等, 中意有次序食飯既你最岩。燒烤吧: 有海蝦, 和牛串, 帆立貝串等等 (我諗我食左10隻蝦同埋其他串燒加埋都15,6串) 廚師即燒熱辣辣!!!刺身吧: 三文魚, 北寄貝, 劍魚腩(無得輸), 等等, 每款都係新鮮厚切壽司方面係出色既, 最推介既係海膽魚子壽司, 真係好正, 非常鮮甜 ,必食呀下次再同屋企黎食過先…查看更多

一入餐廳第一句就係講： 嘩，好靚呀講左幾次, 一路行入去到坐底都覺得環境好舒服, 所有餐具都好整齊放好, 待應都好細心咁針茶同埋推介今晚既廚師菜式。岩鹽羊肚菌生焗三黃雞-雞皮上佈滿芝麻,食落更香口, 香脆,雞肉嫩滑,就算係雞胸部分亦唔會鞋口。三黃雞油脂分佈平均,食入口不會過分油膩松茸羊肚菌海膽燴飯: 好香松茸味, 唔會太咸飯唔會好乾身, 海膽超新鮮亦無比松茸味蓋過。竹笙蟹皇羹-啖啖蟹皇味之餘,仲有陣陣酒香, 竹笙同蟹肉份量都唔小架, 仲有咬口。如果鐘意紹酒香味嘅朋友唔可以錯過, 有少少似大閘蟹個種味道天子蘭花膠海螺竹絲雞-海螺竹絲雞,聽個名都知鮮甜仲有大大粒瑤柱,令個燉湯甜上加甜。重點來了,花膠厚厚一大片,掛上燉湯,啖啖骨膠原呀!避風塘炒蟹:蟹鉗亦細心地敲碎蟹殼,方便食用, 雖然避風塘炸蒜味濃,但絕對唔會蓋過蟹肉鮮甜味, 同埋蟹有返咁上下大隻,每舊蟹件都好厚肉,食得好滿足魚湯竹笙露筍筒, 食完重口味, 清清地食返D菜先, 魚湯汁做底, 我地都當湯咁飲哂。好鮮流沙球配雪糕, 勁香芝麻味, 外型好有心思, 好得意。三式糕點, 我都係中意D傳統少少既糕點, 好岩我食。清清地, 唔會太甜六公館冰淇淋, 大人細路見到都開心啦。色彩賓紛。…查看更多

老遠都要去試下, 半山區真係好少過黎, 不過其實都有好多小店值得我地去發掘下。呢間小店裝潢好精緻, 一入去大大支自家制梅酒係門口, 一排排既清酒係頭上面, 好吸引。一坐底店員就介紹左D時令的新鮮的食材。蟹膏多士, 蟹蓋入面都唔少野喎, 裝到滿哂。同埋好香架, 我中意"傑身" 小小既蟹膏, 呢道菜我岩哂根子壽司, 個樣似魚子, 不過大粒版, 嘩，原來佢係成塊連埋架,.,,,,,,,,,,,,唔會一粒粒跌出黎。好得意。食落去口感係爽口, 唔會成口都係咸味。真係好正, 未試過一定要試下, 唔知係咪時令既食材呢, 因為根子壽司係店員特別推介架北海道海膽壽司+三文魚腩壽司, 新鮮真係無得輸!!!!!根子壽司真係好新鮮好好味,  我叫左2轉食, 因為好驚下次食唔返呀茶碗蒸蛋, 好記得以前係某某連鎖壽司店食過, 不過之前就無再食, 因為個陣聞都已經覺得腥, 怕左之後無再食過。今次朋友話呢度既蒸蛋一定好味, 拍哂心口就試下啦。茶碗係熱, 蛋係香, 聞都好香。食落去小小咸. 好滑呀其實我有叫到梅酒飲架, 不過唔記得左影, 擒擒青飲左><…查看更多

劉一手火鍋勁出名，係火鍋湯底專家，今次4個人揀左重慶湯底小辣 (自問4條友都中意食辣)，雖然只係小辣，但呢個湯係愈食愈辣愈入味，可以食到好辣既人可以試下中辣，另外皮蛋豆腐莞茜湯底有好多豆腐同皮蛋超正!我最愛豆腐叫左好多配料，有鴨血，好大舊，好實在!!!情不自禁地叫左3碟, 擺入重慶湯底度淆, 十級好味又入味真係唔可以睇小, 太好味。再ORDER左一條石蚌魚，係原條切好一片片魚肉超豪華，仲有霜降牛肉粒，口感好軟，不過要注意下鍋時間不要太長, 太熟就會硬。其他配料仲有鮮蝦滑丸、手打魚包雞肉丸，食到入面既雞肉的魚係非常配合，粒粒都手打好彈牙，個人覺得係好高質料的丸，一分錢一分貨。薯粉同重慶湯底係絕配，菊花桂圓杞子茶又養生又解辣，整體黎講:高質、好味、食過番尋味!…查看更多

難得有朋友係外國返黎, 又秋意正起,香港地道真係要去打邊爐. 九龍城真係太多野食, 揀到有排揀, 見到間餐廳裝修幾靚, 於是就決定一試 : ) 一入去, 服務員既態度十分友善, 一入去坐底, 即刻拎左個九格調味盤過黎. 基本野一定要啦, 我就中意簡單既辣椒+蒜泥就夠喇, 亞媽話新鮮既食材, 唔洗咁多調味。加上我地叫左個勁野湯底, 咩都唔洗點已經好好味湯底選擇不單止多,上菜既效率又快, 而且餐具既擺設都好細心, 每人提供兩對筷子,又有個籬俾我地煮麵類食. 。我地叫左個泰式海鮮冬陰公湯底. 超級好飲! 好地道! 唔太酸唔太辣,味道岩岩好! 香料亦好足. 另外, 亦都好推介個手打芝心蝦丸同安格斯肥牛, 個蝦丸好足料, 係見到好多原隻蝦肉包住啲流心芝士. 仲叫左其他火鍋配料香炸金嚮鈴, 芝士腸, 稻庭烏冬(超級入味, 必食呀), 生根, 雜菜我同朋友都好鐘意呢間餐廳, 坐得舒服, 啲歌仲好relax添. 絕對推介同三五知己去食!…查看更多