apmiya_kai的個人專頁

最近為咗搵裝修搞到個人好emo,不停係designer同屋企人之間嘈…今日捉個fd出黎同我睇傢私，之後仆返去接仔，完全諗唔到想食乜，我本身嚟呢度想食慢烤雞扒吐司，但係佢話勁肚餓想打邊爐🫠就同佢食咗個二人餐~~最surprise係食蔥油拌麵！食物鹽酥魚丸呢個我稱之為隱藏版小食大佬😂因為一般嗌lunch/ teatime唔會嗌呢啲，今次因為餐揀小食就試下佢。我一路以為佢係一粒魚蛋，一粒炸嘅魚蛋，係不經意之下，咬到爆汁😆一野飛到勁遠，好彩我哋坐埋邊😂冇噴到人！水果茶呢個真係招牌野！好好飲～葱油拌麵超surprise！真係冇諗過佢咁好食😋啲酸菜又開胃～啲葱油同醬好正～好香！啲台灣麵又爽口彈牙！勁掛汁沙茶牛肉鍋呢個真係要2個人食！佢好足料，呢個set真係岩岩好，唔會食唔晒，又唔會唔夠飽。佢有鵪鶉蛋、牛肉、肉丸、菜、金菇….肉燥飯唔食麵可以食飯，有得揀🙂鹽酥雞呢個都係必嗌！超酥脆～淡淡鹹味愛文芒果綠茶淡淡嘅芒果味～～好舒服😌可以解咗炸物嘅膩其他想係到讚一讚樓面🙏🏻因為噏錯咗綠茶，導致打單唔岩，然後同姐姐講唔好意思，佢都好快幫我換，勁有禮貌🙏🏻…查看更多

今日同哥哥去牙科覆診，等車都等到發脾氣，唔想煮！😤返落荃灣會合弟弟同爸爸，就話去5個商場到尋寶～問佢地想食咩，淨係想食返食過個啲😒跟住我話試下呢間，因為成日經過天橋見到好多廣告banner，一路以為係夾糖，原來係餐廳🤣食物明太子魷魚扁意粉呢個好食！好creamy~好足料🥰四寶麵🍜呢個有驚喜！因為佢個梘水麵冇梘水口感，仲要好爽口～～不過哥哥第一次接觸，佢話有啲硬，但全部食晒😆啲炸丸都好彈牙～～黑松露醬炸薯條🍟係圈圈薯條，好脆！六寶飯咖哩汁呢個係細佬揀嘅~~個汁好濃，但我麻麻地。佢哋個個好食啲～但佢用珍珠米，好香飯味，又好軟熟嘅口感！麻辣雞尖呢個真係絕對令我會回頭嘅食物！佢唔係好麻，個麻唔冚個辣，個辣又好香～～撈飯好食，下次會想試麻辣腩肉個個。飲品其他…查看更多

呢度係鄰居上次帶我去食～燒鵝好食🤭特登走到入嚟食😂因為班細嘅想遊車河、舅父禁止咗太近都要坐車呢個規則、加上呢度上次鄰居帶過嚟食👍🏻性價比高適逢父親節，周圍都好多人同好貴，所以book呢到，貪佢夠遠夠靜，仲有得泊車😘食物例牌燒鵝我哋嘅暗號：燒鵝好食🤭因為得四個大人，我哋仲有嗌其他嘢食，所以嗌個例牌咕嚕蝦球其實蝦球都要介紹！超彈牙～好似咬緊爆珠咁，但佢有回彈～～濃湯雞煲翅雞煲翅足料好飲！唔記得咗影相喺阿媽嗰度😵😵😵蒜蓉粉絲蒸扇貝 6隻扇貝就竟然係蒜蓉粉絲好食過扇貝😂蒸撻沙魚打鯊魚聽得多，但係係真係未食過🤪🤪呢個魚嘅肉質幾滑，啱小朋友食，因為佢一條大骨蒜蓉白菜其他7:00打後勁多人，泊車個場雖然大，但係先到先得，我哋食完已經八點幾乎都冇位泊車今餐食咗$1284，你覺得抵唔抵食呢？🙂過嚟呢度食，敬請訂枱，我哋book咗枱個位係靚仔啲嘅，如果冇book枱就要坐入邊比較迫啲嘅…查看更多

嘩嘩嘩😳勁surprise愉景新城開初遇！我真係好鐘意佢哋嘅menu! 佢開係玩具反斗城隔離，前貓頭鷹餐廳位置✨今日係後面翠豐台做完嘢，走過嚟愉景新城搵嘢食，貪佢坐得舒服😌但冇諗過呢度有初遇！1點已經係到，不過見到勁多人，有學生有Office lady~加上自己唔係咁肚餓就諗住等兩點teatime平啲😏😏點知teatime都係咁多人😂😂😂不過職員好好人呀！😳俾咗個角落頭位我哋，可以放到架餐車我哋差唔多食完嘅時候隔籬枱一家四口拎住架大BB車，職員都係安排呢邊俾佢哋放車同坐得鬆動啲如果有嚟過呢一邊都知道呢度嘅格局唔闊，但係佢哋都盡量安排適合嘅位置俾大家～食物慢烤魔鬼辣椒雞腿包其實每次去都真係好想嗌呢個，奈何我又真係怕咗佢「魔鬼辣椒」呢幾隻字😂😂😂今次有人肯同我share，就試一次！佢真係好香辣～未去到辣到接受唔到。但半份真係夠👍🏻烘過嘅多士同嫩滑嘅雞腿肉，再加上香辣嘅口感😌真係值得一試黑麻油雞翼配呀嬤控肉燥飯超級香嘅麻油雞翼😀再加上肉燥飯好好食😋烏龍茶奶蓋、藍莓奶蓋超鍾意藍莓奶蓋😂因為好鍾意佢嘅甜但同事唔鐘意甜，所以佢嗌烏龍茶半筋半腩手工麵佢俾咗啲麵我試，我初初以為佢會好硬，原來佢係好爽口！早知我都嗌麵啦😭天氣太熱，食啲湯麵係舒服啲～重點係佢有一啲酸菜好開胃🥹個湯又係勁好飲但係飲晒會好飽😂…查看更多

好耐都冇試過食到伏嘅嘢🙄之前睇到佢40零$50感覺都幾好~今日就特登行過嚟食呢一間…我個仔都話同學校冇乜分別…食物全部都係內地飲品嘢飲係送嘅，諗住飲可樂，然後見到佢啱啱拆出嚟係拼多多送貨大陸裝可樂咁諗住飲其他嘢啦，全部都係大陸飲品，真心揀唔落手…拼多多講緊都係幾蚊一支半隻雞飯新唔新鮮真係唔知，我淨係知隻雞係勁腍，隻雞髀係一拎起就自動分解個飯外面好乾好硬，但係裏便好軟個蘑菇汁都係偏淡土耳其烤雞飯呢個算係三個之中最好食，但係都係個飯好唔掂…我用叉拮，係一個飯球咁起卡邦尼扁意粉呢個勁淡茂茂… cheese cake 呢個係最冇得彈…好食，但$15又比較細舊粟米南瓜湯好淡…其他唔知係咪期望太高，入到一坐低同我哋講嘢飲，可以自己拎一個餐一枝，佢雪櫃睇全部都係大陸嘅，個心已經唔係太高興…嚟到啲嘢食仲要咁伏🙄呢個價錢啲茶餐廳仲好食過佢…行去和食快餐仲好…查看更多

話說今日舅父要驗車，我哋就落黎食個飯～星期六午餐有8折呀！好抵呀食物白汁芝士魚柳焗飯呢啲真係抵！好食，啲魚唔係cheap 魚，有厚度，肉質夠滑又夠實炒飯底～啲汁夠撈飯熱可力唔記得咗細佬個餐話想飲紅豆冰，應該係午餐到加，熱飲唔洗錢，凍飲都有8折🥹炒飯幾好食嘅～～都好大碟炒烏冬紅豆冰入面有粒粒紅豆，好好食！柚子蜜呢個好飲！如果怕甜可以加水開多一杯😂薯條好滿心期待，但點知🥲佢哋岩岩換油喎～所以等到食晒先上，上黎唔脆，好似食薯蓉咁，同埋冇味本身後面枱個啲好正，所以先嗌其他呢度啲餐具真係好乾淨，逐隻抹架不過餐牌真係要整整佢…好梅🙄…查看更多

今日做完嘢同男朋友仔黎搵野食…行左幾間，lunch市價都60蚊…見到呢間裝修唔錯，價錢係$4x-$5x真係心心眼😍食物凍利賓納 +$4呢個稍甜…但我就係貪佢甜😂我可以自己加水開多杯🤣岩鹽奶蓋凍咖啡 +$10呢杯值呢個價呀！好香滑嘅咖啡～飲完個口好香咖啡味自選焗飯 $45炸魚柳+蒜蓉汁+焗飯個炸魚柳比較冧，飯比較碎同硬黑椒汁+豬頸肉+焗飯個黑椒汁唔辣，豬頸肉比較硬其他初初冇留意，原來呢一間係社企餐廳。呢度都有加分💯我去埋單嘅時候，男朋友仔冇拎我個袋就岀咗去…然後有個姐姐嗌住佢話我漏咗個袋，然後我買完單拎返個袋😀好多謝佢咁盡責…查看更多

今天又去左渡邊屋想飲返杯🍺老闆話今日返左超級大隻蠔😱😱😱俾我睇咗隔離枱叫個隻，大過我手掌✋超鮮甜，勁新鮮！金目綢刺身厚切又係勁正，呢個都係老闆推介，佢話送啤酒一流！佢嘅鮮又係另一種味道，唔同嘅海水味～～神戶和牛壽司、炙燒帆立貝壽司、炙燒神戶和牛壽司，係我口痕要填肚😂唔食啲嘢飲酒，我會唔舒服！但一定要講下和牛壽司，佢個肉汁超juicy!有比較下，炙燒好食啲，呵呵！帆立貝超大隻又勁厚肉！好抵～～火炙蛇腹拖羅迷你丼，3舊壽司唔夠飽，叫一個正常丼又太多，所以叫個迷你丼啱啱好～～佢拖羅仲大過啲飯😂好鬼正，丼價食刺身！…查看更多

今日有幸同個fd去食阿媽家姐～ 食物日本馬糞海膽配炸紫菜真係超好食！勁鮮甜嘅海膽，配上脆卜卜嘅紫菜，簡直係口感上嘅互補呀！三色刺身勁新鮮，真係入口即融，仲要係厚砌，食到個質感！𩽾鱇魚肝配柚子啫喱呢個真係對我嚟講好新奇！口感柔嫩滑順，再加上柚子啫喱嘅清爽，真係一啲都唔膩松葉蟹蓋Omakasa重頭戲係松葉蟹蓋！真係好正，視覺效果一流😂廚師同我講話action，佢就會幫我哋打開～～然然啲煙飄岀黎好有高級感😆😆個蟹蓋好鮮甜，同海膽嘅味道唔撞，各有各嘅鮮味！呢個仲會齒䶝留香～～靜岡縣蜜瓜同蜜桃雪糕最後有甜品點睛～呢2樣都係日本特產！啲水果味係唔同啲～但又唔會死甜👍🏻…查看更多

今日係細佬畢業禮，完場都已經六點幾，所以我哋走咗過嚟食飯，見佢價錢唔係好貴就試吓啦！食物 $88鐵板餐見佢係鐵板餐都幾吸引，所以就嗌一個試…但係有啲伏，最好自己加汁，因為成杯落晒比較鹹。配薯菜，真係得1塊薯餅、一粒西蘭花同埋一片蕃茄蕃茄仲厚嗰個豬扒…早知就嗌飯啦咖喱魚柳飯啲魚柳又係勁薄，但係啱小朋友食，因為好脆，好似食緊薯條咁～個咖喱係真係好食，超級值得嗌！煎蛋係因為學生優惠送嘅。焗蒜蓉汁豬扒意粉佢啲意粉好粗，我以為係發水意粉，但係原來佢幾好食，似係幼身嘅烏冬。無冰凍咖啡佢呢一杯咖啡要加$8，但係超級值！因為佢真係冇冰兼好凍，仲要係好香滑嘅咖啡～～…查看更多

又過嚟九龍城呢邊😆好掛住呢間居酒屋食物✨花魚一夜干薄鹽口味唔太咸，燒烤過嘅花魚味道新鮮，肉質鮮嫩、油質豐富,而且肉多刺少💪🏻✨月見葡萄豚肉石鍋飯石鍋飯嘅蛋一定唔可以全熟😏因為佢嘅蛋黃係要來撈飯🥘蛋液混合飯同豚肉超級好食👍🏻👍🏻✨秘製炸雞超脆嘅雞～～又juicy😘小小咸多多脆呀！✨花畑鍋超級靚呀😍綠色嘅菜配上紅色嘅豚肉捲到好似花咁🌹🌷好吸引呀！然後肉味滲入啲菜度啲菜就好好食…查看更多

大佬接近exam week，做母親嘅我都好想問候下自己🫩真係壓力山大！所以朋友仔就叫咗我去食早餐，順便俾野我😆😆聯和虛對我黎講係有啲遠，不過呢個茶餐廳真係可以吸引到我入嚟嘅原因！食物💕沙嗲牛肉通呢個係經典港式茶餐廳味道👍🏻彈牙嘅有紋彩虹🌈通心粉係香港茶記signature。加上港式沙嗲牛肉，真係超好食！💕忌廉炒蛋呢個加$8嘅，因為呢到嘅滑蛋真係好好食！我係鐘意咁食😂😂😂加蒜蓉錢落多士～～💕吉列魚柳早餐呢個可以自選兩款配料，我揀咗忌廉炒蛋同埋蜜糖腸😍超脆嘅魚柳～魚肉係爽脆彈牙！重點係我等埋個通粉都5-8分鐘，個肉仲係熱到岀煙💨上次食咗紐侖堡腸，今次食蜜糖腸💕腸仔一定要食脆皮🥹呢個真係好正🙌🏻隔離枱黎咗個爺爺嫲嫲帶埋BB～見到我呢個餐話好正😆都order一份黎食！原來佢哋係常客，食開米線，話呢度嘅米線好出名👍🏻等我下次試吓先💪🏻💕即磨咖啡我喺QR code落單，我見其他凍熱飲品都唔使加錢，係即磨咖啡要額外加🙂但係值得加錢飲呢個即磨咖啡👍🏻堅香咖啡味！我係鍾意聞咖啡，但係唔鍾意飲咖啡嘅人😂所以我飲朱古力咖啡🤣飲到咖啡嘅香，但冇咖啡嘅苦，因為有朱古力味🤪🤪對面唔飲糖水啡嘅朋友想打我😏✨其他✨我鍾意呢度好有人情味，嚟到嘅時候已經坐滿人，講緊係八點幾九點，諗住去咗街市先再食早餐，10點依然都係咁多人🙂細心留意身邊嘅食客，佢哋都係食開呢一間嘅常客（包括我嘅朋友）之前有睇過YouTuber隨機問數人介紹小店，如果有機會，我一定要佢哋嚟試呢一間🥹真係🙏🏻唔好俾連鎖快餐店壟斷啦～～保留返真係用心做港式味道嘅茶餐廳，保留返香港嘅形象#咖啡 #糖水咖啡 #港式茶餐廳 #聯和墟 #皇后山邨 #沙嗲牛肉麵 #通心粉 …查看更多

皇雀會呢個名我細細個就聽過，我淨係覺得佢係一個波樓、麻雀館、酒吧，呢啲娛樂場所～因為住喺附近知道佢裝修完，我同男朋友仔就膽粗粗上去食😂因為佢喺下便嘅Menu加埋一都唔過$60😨真係抵到喊食物芝士汁焗蝦伊麵XO豬扒炒烏冬豆腐斑腩飯檸檬茶幾surprise,好似有香茅嘅香味咖啡啲啡同奶Match得好滑沙嗲肥牛煲略嫌唔夠沙嗲味其他呢到係會員制，但其實未係會員都可以黎，只要落單嘅時候同佢講：電話、姓氏，就可以加會員！…查看更多

今日又去咗朗天苑探路，最開心係原來直穿出嚟有咁多美食🙂但係兩條靚仔話好攰，我哋上次食茶座，先至見到斜對面酒吧嘅餐廳都好平，諗住去嗰度食啦～點知佢執笠啊😭😭😭咁我哋就行返嚟後邊又啱佢哋食嘅咖喱飯食物豬頸肉炒金邊粉我覺得呢個都幾好食呀～金邊粉好爽口彈牙！不過份量好似少咗啲，但係佢好似50幾蚊，性價比算係高。咖喱豬扒麵哥哥仔絕對係一個面王😂次次都食麵，佢呢度嘅咖哩似係馬莎文咖哩，好好食牛油雞扒飯唔知點解細佬會嗌咗呢一個，可能喺圖睇佢係唔辣嘅一個餸…查看更多

細佬開始放假啦～就同佢哋去遠啲玩！我哋就去屯門公園玩，之後就入返商場食嘢…佢話鐘意望車車，又咁啱有張卡位枱～～食物星加坡鹹蛋黃單骨雞翼（6件）呢個真心好食！一定要加！滿滿嘅鹹蛋黃沙～～真係即叫即整，因為上枱嘅時候超熱一定要趁熱食檳城街頭排骨山睇相就好似好大，但冇諗過佢真係超級大真係一排排骨冇斬咁上！但最surprise 係個汁又酸又辣超開胃🤤用黎食米粉超一流椰汁斑斕冰天氣熱飲凍野💕超鐘意佢好雪糕咁creamy~~芒果雪糕配芒果汁超級抵加🥰 跟餐加$12就得👍🏻星洲香辣炒飯呢個超好食！其實唔係好辣～細佬都食到💕咖吔多士之前我印象中係方包，今次食原來係用麥包！麥包個甜昇華咗咖吔嘅香～～好食😋香茅青檸薄荷梳打水小朋友自己揀嘅～～又靚～～又係梳打水，天氣熱，飲啲梳打水都好💕…查看更多