知道呢間火鍋店岩岩開左1-2個月, 所以就約左同屋企人黎試下，主打無限時任食，可以慢慢嘆，唔使擔心限時食到趕頭趕命！佢哋食材夠哂多，自助buffet 就咁睇都覺得花多眼亂，仲要全部都好新鮮，選擇多到你唔知點揀先好, 最岩就係咩都試下講到肉類，好吸引，碟碟都擺得幾令！質素一流，賣相同質素都keep得好，牛肉、豬肉款款都靚到爆，啱晒鍾意食肉嘅朋友。而且每次加單出肉都好快手，完全無拖單既問題，呢點真係好值得讚！加單既肉都係一樣咁令，問左店員，佢地話碟碟都係師傅收到單先刨，嘩！唔怪之得同其他放題唔同啦，無血水同埋唔會肉肉酸酸咁另外仲有海鮮都幾好，雖然選擇唔算好多，但係真心貴精不貴多係可以，熟食有自助拎或者QR Code落單, 全部都有試過，幾好食，落單的話超推介燒蝦同金菇牛肉卷，好juicy 好香，我地都encore左幾次仲有好貼心，餐廳俾你揀一人一鍋或者大家分享大鍋，無論係自己想慢慢嘆定係同朋友一齊食，都一樣得。地點又方便，又易搵，交通超方便。整體嚟講，我真係超級推介大家嚟試吓，鍾意火鍋嘅一定唔可以錯過！…查看更多
